spot_img
Thursday, February 2, 2023
spot_img

ဖတ်စာအုပ် မလုံလောက်မှုကြောင့် ကျောင်းကို ယာယီပိတ်ထား၊ လာမယ့်အောက်တိုဘာလမှာ ပြန်လည် ဖွင့်လှစ်နိုင်ဖို့ မျှော်လင့်

spot_imgspot_imgspot_imgspot_img

ကေးဒူ (ကန္တာရဝတီတိုင်း (မ်))

ကရင်နီပြည် ဒီးမော့ဆို အရှေ့ဘက်ခြမ်းက စစ်ရှောင် စာသင်ကျောင်းတစ်ကျောင်းမှာ ကျောင်းသုံးစာရေးကိရိယာတွေ၊ ဖတ်စာအုပ်တွေ လုံလုံလောက်လောက် မရှိသေးတဲ့အတွက် ကျောင်းကို ယာယီပိတ်ထားရပြီး လာမယ့်အောက်တိုဘာလအတွင်း ပြန်လည်ဖွင့်လှစ်နိုင်ဖို့ မျှော်လင့်နေကြပါတယ်။

ဖတ်စာအုပ်တွေ မလုံလောက်မှုတွေကြောင့် စာသင်တဲ့အချိန်တွေမှာ အခက်အခဲရှိပြီး အချိန်ပိုကုန်တယ်လို့ အဲဒီကျောင်းမှာ ပညာသင်ပေးနေတဲ့ volunteer ဆရာမတစ်ဦးဖြစ်တဲ့ မဘယ်ရောနီကာ က ပြောပါတယ်။

“ကလေး နှစ်ယောက်ကို တစ်အုပ် ကြည့်ရတာမျိုး သုံးယောက်ကို တစ်အုပ်ကြည့်ရတာမျိုး ဥပမာ ၇ တန်းမှာဆို အစတုန်းကဆို စာအုပ်မရှိဘူးလေ ဖတ်စာအုပ်ဆို လုံးဝအဆင်မပြေဘူး။ အဲဒါနဲ့ စာပိုဒ်မျိုးဆို ဆရာမတွေက သင်ပုန်းတွေပေါ်မှာ ပြန်ရေးချရတယ်။ အဲ့ကြောင့် အချိန် တအားကြာတယ်။ အဲဒါ အခက်အခဲရှိတယ်။ ဖတ်စာအုပ်က တော်တော်လေးကိုအခက်အခဲရှိတယ်။”လို့ မဘယ်ရောနီကာ ကပြောပါတယ်။

မူကြိုကနေ အလယ်တန်းအထိ ကျောင်းသား/သူ အင်အား ၁၀၀ ကျော်ရှိပြီး ဆရာ/ဆရာမ ၁၂ ယောက်နဲ့သင်ကြားပေးနေတာ ဖြစ်ပါတယ်။

ယမန်နေ့ စက်တင်ဘာလ ၁၆ ရက်နေ့မှာတော့ စာသင်ကျောင်းမှာ လိုအပ်နေတဲ့ စာရေးကိရိယာ တချို့ KNDF တပ်ရင်း ၉၊ တပ်ရင်း ၁၀ တို့ မှ သွားရောက် လှူဒါန်းပေးခဲ့ပါတယ်။ စစ်ရှောင်နေရတာကြာပြီဖြစ်တဲ့အတွက် ကလေးတွေကို ပျော်ရွှင်အောင် စိတ်ဓါတ်မကျအောင်ဆိုပြီး ကလေးတွေနဲ့အတူ အက၊ သီချင်းတွေနဲ့ ဖျော်ဖြေပေးခဲ့တယ်လို့လည်း သိရပါတယ်။

ကရင်နီပြည်နယ်အတွင်း စစ်အာဏာသိမ်းပြီးနောက်ပိုင်း ကျေးလက်ဒေသ၊ စစ်ရှောင်စခန်းတွေမှာ ကိုယ်ထူကိုယ်ထစနစ်နဲ့ ကြားကာလပညာရေးကို သင်ကြားပေးနေတဲ့ ကျောင်းပေါင်း ၃၀၀ကျော်ရှိပြီး ၎င်းတို့အတွက် စားရေးကိရိယာ၊ ဖတ်စာအုပ်၊ ကျောင်းစာသင်ဆောင် လိုအပ်နေဆဲလို့ ဆောင်ရွက်ပေးတဲ့အဖွဲ့အစည်း အသီးသီးထံကနေ သိရပါတယ်။

spot_imgspot_imgspot_imgspot_img

More from the blog

ဒီကနေ့ လွိုင်ကော်မြို့ပေါ်မှာ စျေးဆိုင်ဖွင့်ဖို့ စျေးသည်တွေ ဖိအားပေးခံရတာရှိ

ကန္တာရဝတီတိုင်း( မ် ) ဒီကနေ့ ( ဖေဖော်ဝါရီလ ၁ ) ရက်နေ့ လွိုင်ကော်မြို့ပေါ်က စျေးဆိုင်တချို့ စျေးဆိုင်ဖွင့်ဖို့ ဖိအားပေးခံရတာရှိတယ်လို့ လွိုင်ကော်မြို့ဒေသခံတွေဆီကနေ သိရပါတယ်။ “ ကျမစျေးဝယ်ထွက်တော့ စျေးရောင်းနေတဲ့ စျေးသည်တွေ ပြောပြတာ။ တချို့ ထင်ရှားတဲ့ ဆိုင်တွေကို စည်ပင်က ခြိမ်းခြောက်ထားတယ်။ ဆိုင်မထွက်ရင်...

အာဏာသိမ်း (၂)နှစ်ပြည့် စစ်ရှောင်ပြည်သူတွေရဲ့ ပြောစကားများ

၂၀၂၁ခုနှစ် ဖေဖော်ဝါရီလ ၁ ရက်နေ့မှာ စစ်အာဏာသိမ်းပြီးနောက်် ကရင်နီပြည်မှာ အိုးအိမ်စွန့်ခွာနေရတဲ့ ပြည်သူလူထု ၂သိန်း နီးပါးရှိနေပြီး အာဏာသိမ်းကာလ (၂) နှစ်ကြာလာတဲ့အပေါ် စစ်ရှောင်ပြည်သူတွေရဲ့ ခံစားချက် ပြောစကားတွေကို မေးမြန်းတင်ဆက်ထားပါတယ်။ https://youtu.be/mRrbdzIYk5o

အာဏာသိမ်းပြီး နှစ်နှစ်အတွင်း ကယန်းဒေသက လူထုတွေ ဘယ်လိုကြုံတွေ့ခံစားခဲ့ရလဲ။

အာဏာသိမ်းပြီး နှစ်နှစ်အတွင်း ကယန်းဒေသက လူထုတွေ ဘယ်လိုကြုံတွေ့ခံစားခဲ့ရလဲ။ ကယန်းလူငယ်တချို့ရဲ့ ရင်တွင်းစကားသံကို ကန္တာရဝတီတိုင်း( မ် ) ကတင်ဆက်ပေးလိုက်ပါတယ်။ https://youtu.be/dKHEw5-Ypng

ဒီးမော့ဆိုအရှေ့ဖက်ခြမ်းကို စစ်ကောင်စီတပ်မှ မီးကျည်လက်နက် အသုံးပြုပြီး တိုက်ခိုက်

ကန္တာရဝတီတိုင်း(မ်) စစ်ကောင်စီတပ်ကနေ ဒီးမော့ဆိုအရှေ့ဖက်ခြမ်းမှာ အဆောက်အဦးတွေကို လောင်ကျွမ်းစေနိုင်တဲ့ မီးကျည် လက်နက် အသုံးပြုပြီး တိုက်ခိုက်လာတာကို တွေ့ရှိရတယ်လို့ ကရင်နီပြည်အစိုးရ ပြည်ထဲရေးဝန်ကြီးဌာနမှ ဝန်ကြီး ခူညေးရယ်က ပြောပါတယ်။ “ အဲ့မီးကျည်က အဆောက်အဦးတွေ ဘာတွေ လောင်တယ်ပေါ့။ နောက်ပြီးတော့ နောက်ပိုင်းကျတော့ အဲ့ဒီ ထွက်လာတဲ့ အခိုးအငွေ့တွေက ဓါတုတွေ...