ဖယ်ခုံအင်းအတွင်း ဂေဟစနစ်ပျက်စီးစေသော ရှော့တိုက်ငါးဖမ်းခြင်းကို ပိတ်ပင်

ထျိုးမြာ

ဖယ်ခုံအင်း(မိုးဗြဲဆည်)အတွင်း ဂေဟစနစ်ကို ပျက်စီးစေနိုင်သော တရားမဝင် ရှော့တိုက် ငါးဖမ်းယူခြင်းကို စည်းကမ်းချက်အနေဖြင့် တင်းတင်းကျပ်ကျပ်တားမြစ်ထားကြောင်း သိရသည်။ ဖယ်ခုံအင်းနှင့် ပတ်သက်၍ ဂေဟစနစ်နှင့် သဘာဝပတ်ဝန်ကျင်ဆိုင်ရာ ထိန်းသိမ်းစောင့်ရှောက်ရန်အတွက် အင်းထိန်းသိမ်းရေးကော်မတီတစ်ရပ်ကိုလည်း ဖွဲ့စည်းလိုက်ကြောင်း သိရသည်။

အင်းထဲရှိ ရေနေငါးသတ္တဝါများကို သဘာဝနည်းဖြင့် မဟုတ်ဘဲ ရှော့ရိုက်ဖမ်နေမှုများကို တားမြစ်နိုင်ရေးအတွက် အဆိုပါ ကော်မတီအား ဖွဲ့စည်းလိုက်ခြင်းလည်းဖြစ်သည်။

“အင်းထိန်းသိမ်းရေးကော်မတီဆိုတာ ကျနော်ကိုယ်၌က လုပ်ချင်တဲ့အရာတစ်ခုဖြစ်တယ်။ ဒါပေမဲ့ ကျနော်ဝန်ကြီးဖြစ်တော့ ကိုယ်တိုင်မသွားနိင်ဘူးလေးနော့ ၊ အဲ့ဒါဖြစ်မြောက်ဖို့ဟာ ကျနော်ဟိုးရှမ်းပြည်နယ်အင်းလေးဒေသမှာလည်း အုပ်ချုပ်ရေးအဖွဲ့ထဲမှာလည်း ကျနော်ပါတယ်။ ကျနော်အဲ့ဒီအဖွဲ့မှာ ကျနော်ထဲထဲဝင်ဝင်လုပ်နိုင်မယ်လို့ ကျနော်မယူဆတဲ့အတွက် ကျနော်လုပ်နိုင်တဲ့ဖယ်ခုံအင်းလေးကိုတော့ ကျနော်နိုင်အောင်လုပ်ပေးမယ်ဆိုတဲ့ ခံယူချက်နဲ့ ကျနော်လုပ်လိုက်တာပါ။ ဒီလိုမိတ်ဆက်ပွဲကို ကယားပြည်နယ်မှာ ကျနော်တစ်ခါမိတ်ဆက်ဖူးတယ်။”ဟု ကယန်းတို်င်းရင်းသားရေးရာဝန်ကြီး ဦးအေးမောင်က ပြောသည်။

ယခင်ကရေလုပ်သားများ အသက်မွေးဝမ်းကြောင်း ပြုကြသည့် ငါးဖမ်းခြင်းလုပ်ငန်းတွင် ပိုက်ဆွဲ ဖမ်းခြင်း၊ ဆောင်အုပ်ဖမ်းခြင်း၊ ငါးမြားချိတ်ဖြင့်ဖမ်းခြင်း၊ကွန်ပစ်ဖမ်းခြင်း၊ ရေငုတ်ဖမ်းခြင်း စသည့်နည်းလမ်းများ ကိုသာအသုုံးပြု ခဲ့ကြသည်။

ယနေ့ခေတ် လူဦးရေထူထပ်လာသည်နှင့်အမျှ စီးပွားရေးကြပ်တည်းလာခြင်းကြောင့် ငါးများအလွယ်တကူ ရရှိနိုင်သည့် ရှော့တိုက် ငါးဖမ်းနည်း ဖြင့် အသုံးပြုလာနေ ကြသည်။ ထိုကဲ့သို့ ရှော့တိုက်ငါးဖမ်းနည်းဖြင့် ငါးဖမ်းမှု များပြားလာခြင်းကြောင့် ငါးကြီးငါးငယ် သာမက ရေနေ သတ္တဝါများအားလုံးမျိုးတုံး ပျောက်ကွယ်လာနေကြသည်။ ထို့ကြောင့် လက်ရှိ ဖယ်ခုံအင်းတွင်းရေလုပ်ငန်းဖြင့် အသက်မွေးဝမ်းကြာင်းပြုနေသော အိမ်ထောင်စု တစ်ထောင် ကျော်ခန့်သည် စားဝတ်နေရေးများ အခက်အခဲများ ကြုံတွေ့ နေလျက်ရှိသည်။

အဲ့တော့ ဒီထဲမှာရှိတဲ့ ကိုယ့်လူမျိုးတွေ သူတို့လည်း တစ်ခါတစ်လေကျတော့ မသိနားမလည်တဲ့အခါကြတော့ တစ်ကြိမ်တစ်ခါဖြစ်တဲ့အပေါ်မှာ ကျနော်တို့လည်း အင်းထိန်းသိမ်းရေးကော်မတီနဲ့ ငြိပြီးတော့ မြင်သာတဲ့အနေအထားအပေါ်မှာ ဆောင်ရွက်ပေးတယ်။ သူတို့ဆီက ပစွည်းတွေသိမ်းတယ်။ ဖမ်းမိတာတွေ များပါတယ်။ ဒါပေမဲ့ အခုချိန်ထိတော့ ဥပဒေအရ အရေးယူတာတွေ မရှိသေးပါဘူး။ နောက်ထပ်လည်း အင်းကော်မတီကနေပြီးတော့ အသိပညာပေးပြီးတော့ အပ်ခိုင်းပြီးတော့ အများကြီးလာအပ်နေပါပြီ။ နောက်ထပ်သတ်မှတ်ရက်ကျော်လွန်ပြီးတော့ သူတို့ကို မိမယ်ဆိုရင်တော့ ဥပဒေအရ ကျနော်တို့က အရေးယူဆောင်ရွက်သွားမှာ ဖြစ်ပါတယ်။”ဟု ဖယ်ခုံမြို့နယ်စခန်းမှူး ဒုရဲမှူးသိန်းဆွေက ပြောကြားသည်။

အဆိုပါ ကယန်းတိုင်းရင်းသားရေးရာဝန်ကြီမှ ဖယ်ခုံအင်း၏ အရှေ့ဘက် အင်းစပ်ရွာများနှင့် အနောက်ဘက် ကမ်းအင်းစပ်ရွာများသို့ သွားရောက်ပြီးရေလုပ်သားများနှင့် သွားရောက် တွေဆုံရာတွင် ရေလုပ်သားများမှ ရှော့တိုက် ငါးဖမ်းခြင်း ကိစ္စကို အမြန်ဆုံး အရေးယူ ဆောင်ရွက်ပေးရန် တိုက်တွန်းခဲ့သည်။
ရှော့တိုက်ခြင်းလုပ်ငန်းကို တားမြစ်ရန် ရေလုပ်သားများနှင့် ၂၀၁၆ခုနှစ်၊ ဩဂုတ်လ၊( ၇)ရက်နေ့ တစ်ကြိမ်၊၂၀၁၆ခုနှစ့်၊ ဩဂုဏ်လ၊( ၁၄) ရက်နေ့ တစ်ကြိမ်တွေ့ဆုံအစည်းအဝေးတစ်ရပ် ပြုလုပ်ပြီးနောက်ဆုံး အစည်းအဝေးအဖြင့် ၂၀၁၆ခုနှစ် ဩဂုတ်လ၊(၂၁)ရက်နေ့ တွင် ဌာနဆိုင်ရာအသီးသီးနှင့် မြို့နယ်အထွေထွေဦးစီးဌာနရုံး၌ တွေဆုံဆွေးနွေးကြပြီး ဖယ်ခုံအင်း ထိန်းသိမ်းရေး ကော်မတီတစ်ရပ်စတင် ဖွဲ့စည်းနိုင်ခဲ့ခြင်း ဖြစ်သည်။ ရပ်ကွက်/ကျေးရွာပေါင်း(၂၂)ရွာ၊ အဖွဲ့ဝင်ပေါင်း (၃၅)ဦးနှင့် ဦးဆောင်ကော်မတီဝင်(၁၁)ဦးဖြင့် ဖွဲ့စည်းခဲ့ပြီး ကော်မတီ၏ လုပ်ငန်းတာဝန်များ၊ လုပ်ပိုင်ခွင့်နှင့် ကော်မတီများ လိုက်နာရန် စည်းမျဉ်းစည်းကမ်းများ တားမြစ်ထားသော ငါးဖမ်းလုပ်ငန်းများ လုပ်ဆောင်သူများအား ပြစ်ပေးဒဏ်ပေး အစီးအစဉ်များကိုပါ ရေးဆွဲသတ်မှတ်ဆောင်ရွက်နိုင်ခဲ့ကြောင်း သိရသည်။

တားမြစ်ချက်နှင့်အရေးယူဆောင်ရွက်ချက်များ

တားမြစ်ချက်များ

ပေါက်ကွဲစေတတ်သည့်ပစ္စည်း၊ အဆိပ်အတောက်၊ ဓာတုပစ္စည်းနှင့် ယင်းကဲ့သို့ အန္တရာယ်ဖြစ်စေသောပစ္စည်းဖြင့် ငါးဖမ်းခြင်းသို့မဟုတ် အကျိုးဖျက်စီးခြင်း။
တားမြစ်ထားသောငါးဖမ်းနည်း၊ ငါးဖမ်းကိရိယာဖြင့် ငါးဖမ်းခြင်း။
တားမြစ်ထားသောငါးမျိုး၊ ငါးအရွယ်အစားကိုဖမ်းဆီးခြင်း။
တားမြစ်ထားသောအချိန်ကာလနှင့် နေရာဒေသတွင် ငါးဖမ်းခြင်း။

ဖယ်ခုံအင်းမှ ရေလုပ်ငန်းလုပ်ကိုင်သူများလိုက်နာရန် စည်းကမ်းချက်များ
 ၁။ ရေလုပ်ငန်းလုပ်ကိုင်သည် ရေလုပ်သားများသည်မိမိတို့၏ ငါးဖမ်းလှေများ နှင့် ငါဖမ်းကရိယာ များ အားအင်းထိန်းသိမ်းရေးကော်မတီထံသို့မှတ်ပုံတင်ထားရမည်။
 ၂။ ရေလုပ်ငန်းလုပ်ကိုင်သူ ရေလုပ်သားမျာမှတားမြစ်ထားသော ငါးဖမ်းကိရိယာများ လက်ဝယ် ထားရှိမှု့မရှိကြောင်းကို ဝန်ခံကတိလက်မှတ်ရေးထိုးရမည်။
 ၃။ ရေစပ်နှင့် ငါးဖမ်းပိုက်( ၂/၃)ဖုံ(ကိုက် ၃၀ဝ )အကွာစက်တပ်လှေများမှ စက်မောင်းခြင်းမပြုပဲ
 လှော်ခပ်သွားရမည်။
 ၄။ ရဲအရေးပိုင်ကိစ္စများမှအပ ငါးဖမ်းလုပ်ငန်းနှင့်ပတ်သက်၍ ငါးဖမ်းလုပ်ငန်းလုပ်ကိုင်သူများ အချင်းချင်း ပြဿနာတစ်စုံတစ်ရာဖြစ်ပွားပါက ဖယ်ခုံအင်းထိန်းသိမ်းရေး ကော်မတီအဖွဲ့ထံသို့ တိုင်ကြားခြင်းနှင့် ဆုံးဖြတ်ချက်များကိုရယူလိုက်နာရမည်။
 ၅။ ငါးဥချိန်တွင် ငါးဖမ်းခွင့်ပိတ်မည့်ကာလ နှင့် ငါးဥမည့်နေရာကို သတ်မှတ်ပြီး အများသိသာ စေရန် အမှတ်အသားပြုလုပ်ကန့်သတ်သွားမည်ဖြစ်သည့်အတွက် တံငါသည်များအားလုံး လေးစား လိုက်နာကြရမည်။
 ၆။ ရေလုပ်သားများမှ ဖယ်ခုံအင်းထိန်းသိမ်းရေး ကော်မတီ၏ လုပ်ငန်းစဉ်များ ပိုမိုထိရောက် စေရန် လိုအပ်သောအကြံပြုခြင်း၊ ဝေဖန်သုံးသပ်ခြင်း၊ တိုင်ပင်ဆွေးနွေးခြင်းများ ပြုလုပ်ပေးကြရမည်။
 ၇။ ရေလုပ်ငန်းလုပ်ကိုင်သူ ရေလုပ်သားများမှ မိမိအသိစိတ်ဖြင့် စည်းကမ်းများကို လိုက်နာပြီး အပြန်အလှန်နားလည်မှု့ လေးစားမှု့ ထားရှိကြရမည်။
 ၈။ ဖယ်ခုံအင်း ငါးသံယဇာတပေါများရေးနှင့် အင်းလုံခြုံရေးအတွက် ရေလုပ်ငန်းလုပ်ကိုင်သူ ရေလုပ်သားများတို့မှ မိမိတို့ဘက်မှ တတ်စွမ်းသမျှပူးပေါင်းပါဝင်ကူညီဆောင်ရွက်ပေးရမည်။

Comments

comments

Next Post

ဒေသအတွက်အကျိုးမရှိနိုင်ဟုဆိုကာဘိလပ်မြေစီမံကိန်အား အပြီးဖျက်သိမ်းပေးရန်ဒေသခံများတောင်းဆို

Thu Sep 28 , 2017
လင်းသန့် လူထုကျန်းမာရေးနှင့် ရေရှည်တွင် ကောင်းကျိုးထက် ဆိုးကျိုးသာ ပိုမိုများပြာလာနိုင်သဖြင့် လွိုင်ကော်တွင် တည်ဆောက်ရန် လျာထားသော တစ်ရက် တန် ၄၀၀ဝ ကျ ဘိလပ်မြေစီမံကိန်းကို ဒေသခံများက အပြီးတိုင်ဖျက်သိမ်းပေးရန် တောင်းဆိုလိုက်သည်။ ရင်းနှီးမြှပ်နှံရန် ညီညာစွမ်းအားလုပ်ငန်းစုကုမ္ပဏီလိမိတက်၏ အစပြုမှုကိုလည်း နောက်ဆုတ်ပေးရန် စက်တင်ဘာလ ၂၃ ရက်နေ့က ပြုလုပ်သော သဘောထားဆန္ဒထုတ်ဖေါ်ပွဲအပြီးတွင် ဦးဆောင်ကျင်းပခဲ့သော ကယားမြေသက်သေအဖွဲ့က ထုတ်ပြန်ကြေညာထားသည်။ စီမံကိန်းတည်ဆောက်ရန် လျာထားသော နေရာသည် လွိုင်ကော်မြို့နှင့် လွန်စွာနီးကပ်နေပါသဖြင့် လူထု၏ အနာဂတ်ကျန်းမာရေးအာမခံချက်ကိုလည်း ခြိမ်းခြောက်လာနိုင်ကြောင်း အဆိုပါ ထုတ်ပြန်ကြေညာချက်က ဝေဖန်သည်။ ထို့အပြင် စီမံကိန်းအစပြုလုပ်ဆောင်ခဲ့သော ၂၀၁၃ ခုနှစ်ကတည်းက ပွင့်လင်းမြင်သာမှုမရှိခဲ့ခြင်းသည်လည်း လူထုအတွက် ယုံကြည်နိုင်စရာမရှိဟု ထောက်ပြထားသေးသည်။ သို့သော် ကယားပြည်နယ်ဝန်ကြီးချုပ်ကမူ […]

ဆက်စပ်သတင်းများ

Kantarawaddy Times Theme: Default Mag by ThemeInWP