spot_img
Friday, March 24, 2023
spot_img

ဖယ်ခုံမြို့နယ်ရှိ ကျေးရွာဘုန်းကြီးကျောင်းဝန်းထဲ လက်နက်ကြီးကျတဲ့အတွက် ညီအစ်ကို ၂ဦးသေဆုံး

spot_imgspot_imgspot_imgspot_img

ကန္တာရဝတီတိုင်း(မ်)

ဖယ်ခုံအခြေစိုက် စစ်ကောင်စီတပ်ရဲ့ လက်နက်ကြီး အကြောင်းမဲ့ ပစ်ခတ်မှုကြောင့် ဖယ်ခုံမြို့နယ် ခေါင်းအိကျေးရွာအုပ်စုထဲ ကျေးရွာတစ်ခုရဲ့ ဘုန်းကြီးကျောင်းဝန်းအတွင်း လက်နက်ကြီး ကျရောက်ပေါက်ကွဲခဲ့ပြီး ညီအစ်ကို ၂ဦး သေဆုံးခဲ့တယ်လို့ KNDFတပ်ရင်း (၁၁)က မတ်လ ၁ရက်နေ့မှာ သတင်းထုတ်ပြန်ပါတယ်။

ဖေဖော်ဝါရီလ (၂၈)ရက်နေ့ ည၇နာရီ ၂၀မိနစ် အချိန် လက်နက်ကြီးကျရောက်ခဲ့တာဖြစ်ပြီး ဘုန်းကြီးကျောင်းမှာ စာကျက်နေတဲ့ ဆယ်တန်းကျောင်းသား အသက်(၁၉)နှစ် နဲ့ ညီဖြစ်သူ အသက်(၁၅)နှစ် တို့ ထိမှန်သေဆုံးခဲ့ရတာဖြစ်ပါတယ်။

ဖေဖော်ဝါရီလ ၂၇ ရက်နေ့ ည၈နာရီအချိန်မှာလည်း စစ်ကောင်စီရဲ့ လက်နက်ကြီး ပစ်ခတ်မှုကြောင့်
ခေါင်းအိကျေးရွာအုပ်စုအတွင်း ကျေးရွာတစ်ရွာမှာ လက်နက်ကြီး (၃) လုံး ကျရောက်ခဲ့ပါတယ်။ လက်နက်ကြီး ကျရောက်မှုကြောင့် ကျေးရွာဘုန်းကြီးကျောင်းထဲ ရှိနေတဲ့ အသက် (၄၀) အရွယ် အမျိုးသားတစ်ဦး ဗိုက်ပွင့်တဲ့ စိုးရိမ်ဒဏ်ရာရရှိခဲ့ပြီး (၈) နှစ် အရွယ် ကလေးတစ်ဦး ထိခိုက်ဒဏ်ရာရခဲ့ပါတယ်။

တစ်ရက်တည်းမှာပဲ လက်နက်ကြီးကြောင့် ဖယ်ခုံအနောက်ဘက်ခြမ်းရှိ ကျေးရွာတစ်ရွာထဲ လက်နက်ကြီးများ ကျရောက်ပြီး လူ ( ၂) ဦးထိခိုက်ဒဏ်ရာရတာလည်း ရှိခဲ့ပါတယ်။

ဖယ်ခုံမြို့နယ်မှာ တိုက်ပွဲမဖြစ်ပွားတဲ့ ပြည်သူလူထုကျေးရွာထဲ လက်နက်ကြီး ကျရောက်မှုကြောင့် ဖေဖော်ဝါရီလ ၂၇ နဲ့ ၂၈ နှစ်ရက်အတွင်း ၂ဦးသေဆုံးပြီး ၈နှစ်အရွယ်ကလေးငယ်အပါအဝင် ၄ဦး ထိခိုက်ဒဏ်ရာရခဲ့ပါတယ်။ ဒါ့အပြင် နေအိမ်ထိခိုက်တာတွေ ဘုန်းကြီးကျောင်း ဓမ္မာရုံ၊ ဇရပ်၊ ဘုရားဆင်းတုတွေ၊ မီးစက် စတဲ့ ထိခိုက်ပျက်စီးမှုတွေလည်း ရှိခဲ့ပါတယ်။

ကရင်နီပြည်နဲ့ ရှမ်း-ကရင်နီနယ်စပ် ဒေသတွေမှာ စစ်ကောင်စီရဲ့ လက်နက်ကြီး ပစ်ခတ်မှုကြောင့် ဖေဖော်ဝါရီ တစ်လအတွင်း ကန္တာရဝတီတိုင်း(မ်)ရဲ့ လက်လှမ်းမှီတဲ့ အချက်အလက်အရ ပြည်သူ ၅ဦးသေဆုံးပြီး ၂နှစ်ခွဲကလေးငယ်အပါအဝင် ၁၃ဦး ထိခိုက်ဒဏ်ရာရရှိခဲ့ပါတယ်။

 

 

spot_imgspot_imgspot_imgspot_img

More from the blog

စစ်ရှောင်လူထုတွေ ပါဝင်ကျင်းပကြတဲ့ ကေးထျိုးဘိုး (ခေါ်) တံခွန်တိုင်ပွဲတော်

ကန္တာရဝတီတိုင်း(မ်) ကရင်နီလူမျိုးတို့ရဲ့ ရိုးရာဓလေ့ဖြစ်တဲ့ ကေးထျိုးဘိုး (ခေါ်) တံခွန်တိုင်ပွဲတော်ကို မတ်လ ၂၂ရက်နေ့မှာ ဒီးမော့ဆိုမြို့နယ် အနောက်ဘက်ခြမ်းတစ်နေရာမှာ ကျေးရွာဒေသခံတွေနဲ့ စစ်ရှောင်တွေစုပေါင်းပြီး ပြုလုပ်ခဲ့ကြပါတယ်။ ကျေးရွာကော်မတီတစ်ဦးဖြစ်တဲ့ ဒေါ်ပုက ပွဲတော်ပြုလုပ်ရတဲ့ ရည်ရွယ်ချက်ကို အခုလိုပြောပါတယ်။ “ ရည်ရွယ်ချက်က သူ့ရဲ့ရိုးရာဓလေ့က ဟိုးဘိုးဘွားဘီဘေခေတ်ကတည်းက လုပ်လာခဲ့တဲ့ ရိုးရာဓလေ့တစ်ခုပေါ့။ အဲ့ဒါသူက သူ့ရဲ့ရိုးရာက ဘာကြောင့်လုပ်ရလည်းဆိုရင်တော့...

ရေနီပေါက်နဲ့ မိုင်းထမ်းကျေးရွာမှာ လက်နက်ကြီးကျရောက်ပြီး နေအိမ်တွေ ပျက်စီးမှုရှိခဲ့

ကန္တာရဝတီတိုင်း( မ် ) ကရင်နီပြည် ဘောလခဲမြို့ နယ်၊ ရေနီပေါက်ကျေးရွာနဲ့ မိုင်းထမ်းကျေးရွာတွေမှာ လက်နက်ကြီးကျရောက်ပြီး နေအိမ်တစ်ချို့ ပျက်စီးတာတွေရှိခဲ့တယ်လို့ ဘောလခဲဒေသခံတွေက ပြောပါတယ်။ “ကျနော်တို့ ဘောလခဲ အခုလက်ရှိကတော့ ဘောလခဲကျေးရွာအုပ်စု သုံးရွာလုံး တစ်ယောက်မှ အိမ်မှာနေခဲ့လို့ မရတော့ဘူးလေနော။ ရက်တိုင်းရက်တိုင်းပဲ လက်နက်ကြီးတွေနဲ့ သူတို့ပစ်ခတ်တာကြောင့်နေအိမ်လည်းပျက်စီးတယ်။ တချို့က မီးလောင်သွားတဲ့ဟာတွေလည်းရှိတယ်။...

ထိုင်း-ကရင်နီနယ်စပ်ရှိ စစ်ရှောင်စခန်းတစ်ခုမှာ နွေရာသီအတွက် ရေသိုလှောင်ထားပေမယ့် လုံလောက်မှု မရှိ

ကန္တာရဝတီတိုင်း(မ်) ထိုင်း-ကရင်နီနယ်စပ်ရှိ စစ်ရှောင်စခန်းတစ်ခုမှာ စစ်ရှောင်ကာလ ၂နှစ်ဝန်းကျင်ရှိလာပြီ ဖြစ်ပေမယ့် နွေရာသီ ရေရှားပါးမှုပြဿနာကို ပိုမိုခက်ခဲစွာ ရင်ဆိုင်ဖြေရှင်းနေရတယ်လို့ စစ်ရှောင်စခန်းအုပ်ချုပ်ရေး အဖွဲ့နဲ့ စစ်ရှောင်တွေဆီကနေ သိရှိရပါတယ်။ မိုးရာသီမှာ သိုလှောင်ထားတဲ့ ရေတွေ မလုံလောက်တဲ့အတွက် စစ်ရှောင်တွေအနေနဲ့ ဝေးလံတဲ့နေရာတွေအထိ သွားရောက် ခပ်ယူနေရတယ်လို့ စစ်ရှောင်စခန်းအုပ်ချုပ်ရေးအဖွဲ့ဝင်တစ်ဦးဖြစ်တဲ့ စီမံရေးမှူး ခွန်းရောဘတ်က ပြောြပပါတယ်။ “...

ကရင်နီဒေသ စစ်ဘေးရှောင် လူငယ်များအတွက် လူငယ်စွမ်းရည်မြှင့်တင်ရေး သုံးရက် သင်တန်းပို့ချ

CJ (သတင်းပေးပို့ချက်) ကရင်နီပြည်နယ်ရှိ စစ်ဘေးရှောင် စခန်းတခုမှာ မတ်လ ၁၇ ရက်နေ့မှစပြီး ၁၉ ရက်နေ့အထိ နွေရာသီ လူငယ်သင်တန်းကို သုံးရက်တာ ပို့ချခဲ့ပြီး လူငယ် ၁၂၀ ကျော်က သင်တန်းကို တက်ရောက်ခဲ့တယ်လို့ ကရင်နီ​ပြည်စစ်ဘေးရှောင်ကူညီစောင့်ရှောက်ရေးကွန်ရက်မှ တာဝန်ရှိသူက ‌ပြောပါတယ်။ “လူငယ်‌တွေက အသက် ၁၅နှစ်ကနေ ၂၉နှစ်လောက်ထိပါတယ်။...