ဖရူဆိုမြို့တွင် ရေရရှိရေးအတွက် ဘတ်ဂျက်ဒုတိယအများဆုံးဖြစ်ပေမယ့် ရေလုံလောက်မှုမရှိသေး

ရေရှားပါးတဲ့ ဖရူဆိုမြို့နယ်ရှိ ဒေါခူလီကျေးရွာမှ ဒေသခံတွေ သောက်သုံးရေ သွားရောက်ခပ်ယူ အသုံးပြုလျက်ရှိတဲ့ ရေကန် (ဓါတ်ပုံ – ကန္တာရဝတီတိုင်း(မ်))

ဦးမြာ၊မီမြာ

ကယားပြည်နယ်အတွင်းရှိမြို့နယ်အလိုက် ၂၀၁၉- ၂၀၂၀ ဘဏ္ဍာရေးနှစ် ဘတ်ဂျက်ခွဲဝေမှုမှာ ရေရရှိရေးအတွက် ဘတ်ဂျက်ဟာဆိုရင် ဖရူဆိုမြို့ နယ်က ဒုတိယအများဆုံးရရှိထားပေမယ့်လည်း ဒေသခံတွေ ရေလုံလောက်မှုမရှိသေးဘူးလို့သိရပါတယ်။

လက်ရှိ ဖရူဆိုမြို့ပေါ်မှာ အနီးအနားရှိရေထွက်ပေါက်၊ စိမ့်စမ်းရေများကို သုံးစွဲနေပြီး နွေရာသီရောက်လျှင် ရေခမ်းခြောက်မှု ပြဿနာကို ကြုံတွေ့နေရပါတယ်။

ဖရူဆိုမြို့ပေါ်အပြင် အဓိကရေရှားပါးနေတဲ့ ကျေးလက်တောရွာတွေအတွက် မြို့နှင့်ကျေးလက်ရေပေးဝေရေးစနစ်ကိုသေချာစွာ အကောင်အထည်ဖော်ရန်လိုအပ်တယ်လို့ ထင်မြင်ကြောင်း ဖရူဆိုမြို့မဲဆန္ဒနယ်အမှတ်( ၂ ) လွှတ်တော်ကိုယ်စားလှယ် ဦးသဲရယ်ကဆိုပါတယ်။

“ ဒီအနီးအနားမှာရှိတဲ့စိမ့်စမ်းရေဘဲ သွယ်မယ်ဆိုလို့ရှိရင်တော့ ကျတော်ထင်တယ် လေး၊ ငါးနှစ်နဲ့လည်းဘဲ ဒီရေရရှိရေးစီမံကိန်းကြီးလည်း အောင်မြင်တော့မှာမဟုတ်ဘူးပေါ့။” လို့၎င်းက ပြောပြီး ရေရှည်ရေရရှိရေးအတွက် နှစ်၃၀၊ ၄၀ အထိရှိနိုင်မည့် စီမံကိန်းကြီး ထည့်သွင်းစဉ်းစားရန် လိုအပ်ကြောင်းလည်း ဆက်ပြောပါတယ်။

ဖရူဆိုမြို့ ထီကူးဆိုရေထွက်ပေါက်ကနေ သွယ်ယူထားတဲ့ရေကို အသုံးပြုနေကြတဲ့ကျေးရွာ ( ၁၀)ရွာရှိရွာသားတွေက အဖွဲ့ဝင် ၁၉ယောက်ပါရှိသော ရေကော်မတီတစ်ခုဖွဲ့ပြီး သွယ်ယူထားတဲ့ရေကိုထိန်းသိမ်းရန် ကိုယ်ထူကိုယ်ထဆောင်ရွက်နေကြကြောင်း ရေကော်မတီဥက္ကဌ ဦးထျရုကပြောပါတယ်။

“ရေပိုက်ပေါက်တာတို့ကိုရွာက ရေရစေချင်တော့ ကိုယ်ထူကိုယ်ထ လုပ်ဆောင်နေရတာပေါ့နော။ မတ်လကစပြီးမှ ဇွန်လအဝင်လောက်ထိဆို ရေကမလုံလောက်ဘူးပေါ့ “ လို့၎င်းကပြောပါတယ်။

ကော်မတီကို ၂၀၁၉ ခုနှစ် ဖေဖော်ဝါရီလ ၉ရက်နေ့မှာ စတင်ဖွဲ့စည်းခဲ့ပြီး ရေသွယ်ယူတဲ့ ကျေးရွာတွေကနေ ဒေသခံတွေ စုပေါင်းဖွဲ့စည်းထားတာဖြစ်ပါတယ်။

ရေပိုက်ပေါက်ပါက အများနှင့်ဆွေးနွေးပြီး တစ်အိမ်ထောင်ကို တစ်ထောင်ကောက်ကာပြုပြင်တာတို့ စတဲ့ ရေရှည် ထိန်းသိမ်းမှုတွေ ပြုလုပ်ရတယ်လို့သိရပါတယ်။

ယခုနှစ်က ယခင်နှစ်တွေထထက်ရေရှားပါးမှုပြဿနာ ပိုကြီးမားနိုင်တယ်လို့ ဇန်နဝါရီလထဲမှာ လည်း ရေနည်းလာပြီဖြစ်ကြောင်း လွှတ်တော်ကိုယ်စာလှယ်ဦးသဲရယ်က ပြောပါတယ်။

၂၀၁၉-၂၀၂၀ ခုနှစ်အတွက် ကယားပြည်နယ်၏ ရသုံးခန့်မှန်းခြေငွေစာရင်းဆိုင်ရာအချက်အလက်မှ ရေရရှိမှု ဘတ်ဂျက်ခွဲဝေမှုမှာ ဖရူဆိုမြို့နယ်တွင်း ကျပ်သန်ပေါင်း ၄၈၅၀.၅၇၀ လျာထားပြီး ဒီးမော့ဆိုမြို့နယ်တွင်း ကျပ်သန်းပေါင်း၅၇၁၃.၁၃၂ ၊ လွိုင်ကော်မြို့နယ်တွင်း ကျပ်သန်းပေါင်း ၁၁၃၇.၁၈၀ ၊ ဖားဆောင်းမြို့နယ်တွင်း ကျပ်သန်းပေါင်း ၈.၆၀၀၊ ဘောလခဲမြို့နယ်တွင်း ၁၂၂.၀၃၀၊ မယ်စဲ့မြို့နယ်အတွင်း ၂၄၂.၃၀၀၊ ရှားတောမြို့နယ်အတွင်း ၃၇၅.၃၃၂ လျာထားတာကို သိရပါတယ်။

Comments

comments

Next Post

ကြွက်များနှိမ်နှင်းရန် ဝန်ကြီးမှ မြွေများလွတ်ခိုင်းခြင်းကြောင့် ဒေသခံများစိုးရိမ်

Tue Jan 21 , 2020
ကန္တာရဝတီတိုင်း(မ်) ရှမ်းပြည်နယ်တောင်ပိုင်း ဖယ်ခုံမြို့နယ်အတွင်းရှိ သိကျိတ်ကျေးရွာအုပ်စုတွင်ကြွက်များကို နှိမ်နှင်းရန် ရှမ်းပြည်နယ်အစိုးရအဖွဲ့ ကယန်းတိုင်းရင်းသားရေးရာဝန်ကြီး ခွန်အေးမောင်မှ မြွေများကို ကျေးရွာများ အနီးရှိတောထဲ လွတ်ခိုင်းခဲ့ခြင်းကြောင့် ဒေသခံများ မြွေအန္တရာယ် စိုးရိမ်နေရကြောင်းသိရပါတယ်။ ပြီးခဲ့တဲ့ ဇန်နဝါရီလ ၁၅ ရက်နေ့ ၂၀၂၀ခုနှစ်က ကြွက်တွေကို နှိမ်နှင်းဖို မွေအကောင်ရည် ၂၀၀ကျော်ကို ဆာလာအိတ်တွေနဲ့ထည့်ထားတဲ့မွေတွေကို ဒေသခံရွာသားတွေပေးပြီး ရွာအနီးတောထဲတွင် စေလွတ်ခိုင်းခဲ့ခြင်းဖြစ်တယ်လို့သိရပါတယ်။ ယခုလို ကယန်းတိုင်းရင်းသားရေးရာဝန်ကြီးမှ မြွေတွေ လာရောက်လွတ်ခြင်းဟာ မဖြစ်သင့်ဘူးလို့လည်း ကယန်းဒေသဖွံ့ဖြိုးရေးအဖွဲ့ (KRDO) မှ တာဝန်ရှိသူတစ်ဦးဖြစ်သူ ကိုမိုက်ကယ်က ဝေဖန်ပြောဆိုသွားပါတယ်။ ကိုမိုက်ကယ်က “ဝန်ကြီးက ကြွက်ထတဲ့အချိန်မှာလာမကူဘဲ အခုချိန်ကြွက်တွေမရှိသလောက်ဖြစ်တဲ့အချိန်မှ မြွေလာလွတ်တယ်ဆိုတော့ ဒါမဖြစ်သင့်ဘူးလို့ကျနော့်တစ်ယောက်အနေနဲ့မြင်တယ်၊ ဒေသခံတွေ မြွေအန္တရာယ်ကြောက်နေရတာမျိုးလည်း ဖြစ်နေတာပေါ့” လို့ ပြောပါတယ်။ […]