ဖရူဆိုမြို့နယ်အနောက်ဘက် ကယောနီဂိတ် ဧည့်သည် အဝင်အထွက်တားမြစ်ထား

ကန္တာရဝတီတိုင်း(မ်)

(COVID-19) ရောဂါကူးစက်မှုကာကွယ်ဖို့အတွက် ဖရူဆိုမြို့နယ်အနောက်ဘက်ခြမ်းရှိ လက်နက်ကိုင်အဖွဲ့အစည်းတွေရဲ့ဂိတ်တွေကို အသွားအလာပိတ်ထားတယ်လို့ကြားသိရပါတယ်။

ငြိမ်းချမ်းရေးနှင့် ဖွံ့ဖြိုးရေးပါတီ (KNPDP) ဒေသအခေါ်အဝေါ် (ကယောနီ)အဖွဲ့ကနေ မတ်လ ၂၀ ရက်နေ့က ဖရူဆို- ဟိုယာသွားတဲ့ လမ်း ၈ မိုင်ကဂိတ်ကို သူစိမ်းအဝင်အထွက်တွေ တားမြစ်ပိတ်ပင်ထားတယ်လို့ (KNPDP) ထိန်းချုပ်နယ်မြေထဲ ရာဧပရားအုပ်စုနှင့် ဒိုးလာစောအုပ်စုမှ ဒေသန္တာရအုပ်ချုပ်ရေးမှူး ဦးမိုင်ကယ်က ပြောပါတယ်။

ဖရူဆိုမြို့နယ် အနောက်ဘက်ခြမ်းရှိ တိုင်းရင်းသားလက်နက်ကိုင် အဖွဲ့တစ်ခု၏ ဂိတ်အား ယခင်က မြင်တွေ့ခဲ့ရစဉ်။

“ဆေးစစ်ကပ်မပါတဲ့သူတွေ ရွာထဲမဝင်ခိုင်းဘူး။ အများအားဖြင့် နယ်စပ်ကနေပြန်လာတဲ့သူတွေ နိုင်ငံခြားကနေပြန်လာတဲ့သူတွေကိုတော့ ၁၅ ကြာ ကျန်းမာရေးစစ်ဆေးထားတဲ့ စီစစ်ခံထားတဲ့ ထောက်ခံစာပါမှရွာထဲပေးဝင်မယ်။” လို့ ဦးမိုင်ကယ်က ပြောပါတယ်။

ဖရူဆိုမြို့နယ်အနောက်ဘက်ခြမ်းမှာတော့ ငြိမ်းချမ်းရေးနှင့် ဖွံ့ဖြိုးရေးပါတီ (KNPDP)ဂိတ်ရှိသလို ကရင်နီအမျိုးသားတိုးတက်ရေးပါတီ (KNPP) ဂိတ်လည်းရှိပါတယ်။ ၎င်းဒေသဘက်မှာဆိုရင် ခရီးသွားလုပ်ငန်းအနေနဲ့ ဆင်ဖြူတောင်ကို လူသွားလူလာများနေကြပေမယ့်လည်း အခုချိန်မှာတော့ လူသိပ်မလာတော့ဘူးလို့သိရပါတယ်။

ထိုင်း၊ကယား နယ်စပ်အဝင်အထွက် ဂိတ်တွေကိုတော့ အားလုံးပိတ်ထားတယ်လို့ ကရင်နီအမျိုးသားတိုးတက်ရေးပါတီမှ လွိုင်ကော်ဆက်ဆံရေး ဒုတာဝန်ခံ ဦးဖိုးရယ်က ပြောပါတယ်။
ဖရူဆိုမြို့နယ် အနောက်ဘက်ခြမ်းရှိ မိုဆိုကျေးရွာအုပ်စုတွေဘက်မှာတော့ အသိပညာပေးစာစောင်တွေ စတင်ဖြန့်ဝေပေးနေတာတွေလုပ်နေတယ်လို့ မိုဆိုကျေးရွာအုပ်စုဥက္ကဌ ဦးထျရုက ပြောပါတယ်။

နိုင်ငံခြားကနေပြန်လာတဲ့သူတွေကိုတော့ သက်ဆိုင်ရာ ဆေးခန်းတွေကို အကြောင်းကြားထားပြီး ၊ မိသားစုနဲ့ ၁၄ ရက်အတွင်း မနေထိုင်ဖို့ ပြောဆိုထားတယ်လို့လည်း ဦးထျရုကပြောပါတယ်။
ဒီနေ့အတွင်းမှာပဲ ဖရူဆိုမြို့ဆေးရုံမှာ နိုင်ငံခြားကနေ ပြန်လာတဲ့ သံသယလူနာ ၂ ဦးရှိတယ်လို့ကြားသိရပါတယ်။

လက်ရှိအခြေအနေမှာ (COVID-19) ဗိုင်းရပ်ကူးစက်ခံရသူ မြန်မာနိုင်ငံအတွင်း ၃ဦးရှိနေပြီဖြစ်တဲ့အတွက် သက်ဆိုင်ရာ အဖွဲ့အစည်းတွေက ရောဂါကာကွယ်မှုတွေ ပြင်ဆင်နေကြတာဖြစ်ပါတယ်။

Comments

comments

Next Post

ကယားပြည်နယ်တွင် Covid 19 ရောဂါ စောင့်ကြည့်နှင့် သံသယ လူနာ (၁၃)ဦးအနက် (၆) ဦးမှာ ရောဂါပိုးမရှိ

Wed Mar 25 , 2020
ကန္တာရဝတီတိုင်း(မ်) ကယားပြည်နယ်တစ်ဝန်းမှ ပြည်နယ်ပြည်သူ့ ကျန်းမာရေး နှင့် ကုသရေးဦးစီးဌာန လက်အောက်ရှိ ဆေးရုံများတွင် Covid 19 ရောဂါ စောင့်ကြည့်နှင့် သံသယ လူနာ (၁၃)ဦးအနက် (၆) ဦးမှာ ရောဂါပိုးမရှိဘဲ ၆ ဦးကို ဆက်လက် စောင့်ကြည့်စစ်ဆေးမှုများ ပြုလုပ်လျက်ရှိပြီး ကျန် ၁ ဦးမှာ အခြားသော ရောဂါသာ ဖြစ်ကြောင်း ပြည်နယ်အစိုးရ၏ မတ်လ ၂၄ ရက်နေ့က ထုတ်ပြန်ထားသည့် အချက်အလက်များအရ သိရှိရသည်။ ရောဂါပိုး ရှိ မရှိ စစ်ဆေးအတည်ပြုရန် လိုအပ်နေသေးသည့် သံသယရှိ/ စောင့်ကြည့်လူနာ ၆ ဦးထဲမှ ၃ ဦးကို ဓာတ်ခွဲစစ်ဆေးရန် မတ်လ ၂၄ […]