Wednesday, January 27, 2021

ဖရူဆိုမြို့နယ် ထီးလိုပူကျေးရွာမှာ ကလေးငယ်၃၀ ခန့် ချောင်းဆိုးသွေးပါရောဂါဖြစ်နေပြီး ကျန်းမာရေးစောင့်ရှောက်မှုလိုအပ်နေ

Must read

နွေသုံးရေ မလောက်မှာစိုး

https://youtu.be/0ZngsF4J2CQ နွေရာသီတောင် မရောက်သေးဘဲ သောက်သုံးရေတောင် လုံလုံလောက်လောက် မရရှိတော့တဲ့ ဒီးမော့ဆိုမြို့နယ်၊ ဒေါဖုကျေးရွာအုပ်စု၊ တဖိုကျေးရွာအကြောင်းကို တင်ဆက်ထားတာဖြစ်ပါတယ်။

အစိုးရဌာနဆိုင်ရာတွေကနေ (၂.၂) ဘီလီယံကျော်အသုံးပြုဖို့ ထပ်မံတောင်းဆို

ကန္တာရဝတီတိုင်း(မ်) အစိုးရဌာနဆိုင်ရာတွေကနေ ၂၀၂၀-၂၀၂၁ ဘဏ္ဍာနှစ်အတွက် သာမန်အသုံးစရိတ်နှင့် ငွေလုံးငွေရင်းအသုံးစရိတ်တွေကို (၂.၂)ဘီလီယံကျော် တင်ပြတောင်းဆိုလိုက်ပါတယ်။ ကယားပြည်နယ်ရဲ့ ၂၀၂၀-၂၁ခု ဘဏ္ဍာနှစ်အတွက် ဌာနဆိုင်ရာအားလုံးအတွက် ခန့်မှန်းခြေအသုံးစရိတ်က (၈၈) ဘီလီယံဖြစ်ပြီး ယခုဖြည့်စွက်ခွင့်ပြုငွေ...

လယ်ယာမြေကို အကွက်ရိုက်ရောင်းချနေမှုတွေနဲ့ ပုံစံ ၇ ကို ဥပဒေနဲ့အညီမဟုတ်ပဲ ထုတ်ပေးသူ ဝန်ထမ်းများကို အရေးယူမည်

မီမြာ လွိုင်ကော်မြို့အတွင်းမှာ ပုံစံ(၇) ရရှိပြီးဖြစ်တဲ့ တချို့သော လယ်ယာမြေတွေကို အကွက်ရိုက်ရောင်းချနေတာတွေနဲ့ ဥပဒေနဲ့ မညီပဲ ပုံစံ ၇ ထုတ်ပေးတဲ့ ဝန်ထမ်းတွေစိစစ်ပြီး အရေးယူသွားမယ်လို့ စီမံကိန်းနဲ့ ဘဏ္ဍာရေးဝန်ကြီး ဦးမော်မော်ပြောပါတယ်။

ကယားပြည်နယ် ရှားတောနေရပ်ပြန်တွေ မူလအခြေအနေကိုပြန်ရောက်နိုင်မလား…

လှရိပ် စစ်ဘေးကြောင့်ဒေါ်ပိုးမယ်ဟာ ထိုင်းနယ်စပ်ကဒုက္ခသည်စခန်းကို သွားရောက်ခိုလုံခဲ့ပါတယ်။ အခုချိန်မှာတော့သူ့နေရပ်ဖြစ်တဲ့ရှားတောကိုပြန်ရောက်တာ၂နှစ်ရှိသွားပါပြီ။ ဒေါ်ပိုးမယ်ကတော့အစိုးရအစီအစဉ်နဲ့နေရပ်ကို ပြန်လာခဲ့တာဖြစ်ပါတယ်။ သူပြန်ရောက်တော့အစိုးရဆီက ၃လစာစားစရိတ်ထောက်ပံ့မှုရရှိခဲ့ပါတယ်။ အစိုးရကနေရပ်ပြန်သူတွေအတွက် တစ်မိသားစုကို၃လစာ...

ကန္တာရဝတီတိုင်း(မ်)

ဖရူဆိုမြို့နယ် ဟိုယာဒေသ ဒိုမိုစောအုပ်စု ထီးလိုပူ ကျေးရွာမှာ ကလေးငယ် ၃၀ ဦးခန့်ဟာ ချောင်းဆိုးတဲ့ အခါသွေးတွေပါလာတဲ့အပြင် ချောင်းဆိုးရင်း အကြောဆွဲတာတွေ ဖြစ်နေပြီး သူတို့ အတွက် ကျန်းမာရေး စောင့်ရှောက်မှု လိုအပ်နေတယ်လို့ စေတနာ့ဝန်ထမ်း မချောစုကပြောပါတယ်။

“တစ်အားဖြစ်နေတာ တစ်အားဖြစ်နေတော့ကျမတို့က စာရင်းကောက်ပြီးတော့မှ ဖရူဆိုဆေးရုံခေါ်သွားတာ ချောင်းဆိုးတာသွေးပါတဲ့ကလေးတွေရှိတယ်၊ တစ်ချို့ကတက်သွားတဲ့ကလေးရှိတယ်ပေါ့နော်။ ချောင်းဆိုးရင်းနဲ့၊ မျက်လုံးအရောင်ပြောင်းသွားတဲ့ကလေးတွေရှိတယ် အကြောနီကုန်တယ်။ အကြောဆွဲကုန်တယ်။ အဲ့လိုကလေးတွေရှိပြီးတော့မှ လူကြီးတွေက ချောင်းဆိုးရင်တက်တယ်။ ကောက်ကွေးကုန်တယ်။ အဲ့တာတွေကိုကျမတို့ ဖရူဆိုဆေးရုံကိုခေါ်သွားတယ်ပေါ့။”လို့ စေတနာ့ဝန်ထမ်း ဒေါ်ချောစုကပြောပါတယ်။

အခုလို ချောင်းဆိုးနေတာ ၂လကျော်ကြာပြီဖြစ်ပေမဲ့ မပျောက်ကင်းတဲ့ အပြင် လူကြီးတွေမှာပါ ကူးစက်လာပြီး အခုဆိုရင် အိမ်ခြေ ၃၅ လောက်ရှိတဲ့ ရွာမှာ အိမ်ခြေတဝက်လောက်က ချောင်းဆိုးရောဂါဖြစ်နေကြပါတယ်။

ကျေးရွာမှာ ဆေးပေးခန်းတွေမရှိတာကြောင့် ထီးလိုပူကျေးရွာနဲ့ ၁၄ မိုင်ဝေးတဲ့ ခါးဘယ်ကျေးရွာ အထိ ခြေလျှင်လျောက်ပြီး သောက်ဆေးတွေယူနေကြရပါတယ်။

“ ချောင်းဆိုးတယ်ဆိုတော့ ကုစရာနေရာမှမရှိတာ ဆေးလက်လှမ်းမှီတာလည်းမရှိ အဖြစ်နိုင်ဆုံးကတော့ လက်လှမ်းမှီတာဆိုလို့ သူတို့ဆေးသွားတောင်းတာပဲရှိတယ်။ ကိုယ်တိုင်လည်းကုတာမဟုတ်ဘူး မိဘတွေကသွားတာတောင်းတာပေါ့။ ဒီ ခါးဘယ် မှာပဲသွားကြတယ်” လို့ ထီးလိုပူ ကျေးရွာနေ ဦးအီဇကို ကပြောပါတယ်။

ရောဂါမဖြစ်ပွားခင်ကာလမှာ နယ်လှည့်ကျန်းမာရေးအဖွဲ့နှင့် အစိုးရကျန်းမာရေးဌာနများမှ တစ်လတစ်ကြိမ်လာရောက်ပြီးကာကွယ်ဆေးတွေထိုးပေးခဲ့ပေမယ့် ရောဂါစဖြစ်စဉ်ကာလအတွင်း မည်သည့်အဖွဲ့အစည်းမှလာရောက်ခြင်းမရှိဘူးလို့ ဒေသခံတွေဆီကသိရပါတယ်။

“ဒီဒေသအတွက်ကျတော့ လမ်းပန်းဆက်သွယ်ရေးတစ်အားခက်ခဲတယ်။ ဝေးလံတဲ့နေရာလည်းဖြစ်တယ်။ ပြီးတော့ကျန်းမာရေးဝန်ထမ်းတွေကလည်း အချိန်မီ မရောက်လာနိုင်ဘူးပေါနော်။ ၃ လတစ်ခါ ၆ လတစ်ခါတောင်မှ မရောက်လာနိုင်တဲ့အခြေအနေကြတော့ လမ်းကိုအဓိကဦးစားပေးရမယ်လို့ထင်ပါတယ်။ လမ်းကောင်းမှပဲ ကျန်းမာရေးစောင့်ရှောက်မှုတွေ ပြည့်ပြည့်စုံစုံရမယ်လို့ ကျမထင်တယ်။” လို့ စေတနာ့ဝန်ထမ်း ဒေါ်ချောစု ကပြောပါတယ်။

နောက်ပိုင်းမှသာ နယ်လှည့်ကျန်းမာရေးကနေ သောက်ဆေးတွေ လာလှုတန်းပေမယ့်လည်း မသက်သာတဲ့အတွက် ဖရူဆိုမြို့နယ် ပြည်သူ့ဆေးရုံကို သွားရောက်ပြသခဲ့ကြတယ်လို့သိရပါတယ်။

၎င်းကိစ္စနဲ့ ပတ်သက်လို့ ဆေးရုံကနေ လူနာတွေကို ဆေးပေးပြီး ပြန်လွှတ်လိုက်ပြီဖြစ်တယ်လို့လည်း ဖရူဆိုဆေးရုံမှ အမည်မဖော်လိုသူ တစ်ဦးက ပြောပါတယ်။

ဒီဒေသမှာ ဒီလိုချောင်းဆိုးတဲ့ ရောဂါဟာ ရာသီ အလိုက် ဖြစ်ပွားလေ့ရှိတဲ့ ရောဂါတမျိုး သာဖြစ်ပြီး စိုးရိမ်စရာမရှိဘူးလို့ ဆေးဆရာမ တွေဆီက ပြောဆိုချက်ကို ဒေသခံတွေက ပြန်ပြောပြပါတယ်။

ဒါပေမဲ့ ဒေသခံတွေကတော့ ချောင်းဆိုးနေတဲ့ ကာလ ရှည်ကြာနေတာရယ်၊ ရောဂါဖြစ်ပွားမှု ပွားများလာတာရယ်ကြောင့် စိုးရိမ်နေကြပါတယ်။

“ ချောင်းဆိုးတာ ၂ လ ၃ လ လောက်ဖြစ်တယ် ဒါပေမယ့် အရင်ကဆို သုံးယောက်လေးယောက်ပဲရှိတယ်လေး အခုကအများကြီပွားလာကြတော့ အရင်ကဆို ကျန်းမာရေးအဖွဲ့က တစ်လတစ်ကြိမ်လာတယ် မလာတာ နှစ်လသုံးလရှိပြီးလို့ အဲ့လိုအများကြီးဖြစ်လာတယ်” လို့ ထီးလိုပူကျေးရွာ ဓမ္မဆရာ ဦးရိုမားနို ကပြောပါတယ်။

ဖရူဆိုမြို့နယ်ဆေးရုံသို့ ပို့ဆောင်တဲ့ လူနာစုစုပေါင်း ၃၄ ဦးအနက် ရောဂါပြင်းထန်တဲ့ ၆ ဦးကိုတော့ ဖရူဆိုမြို့နယ် ဆေးရုံမှာပဲ ဆက်လက်ကုသမှုခံယူနေပါတယ်။

Comments

comments

- Advertisement -
- Advertisement -

Latest article

နွေသုံးရေ မလောက်မှာစိုး

https://youtu.be/0ZngsF4J2CQ နွေရာသီတောင် မရောက်သေးဘဲ သောက်သုံးရေတောင် လုံလုံလောက်လောက် မရရှိတော့တဲ့ ဒီးမော့ဆိုမြို့နယ်၊ ဒေါဖုကျေးရွာအုပ်စု၊ တဖိုကျေးရွာအကြောင်းကို တင်ဆက်ထားတာဖြစ်ပါတယ်။

အစိုးရဌာနဆိုင်ရာတွေကနေ (၂.၂) ဘီလီယံကျော်အသုံးပြုဖို့ ထပ်မံတောင်းဆို

ကန္တာရဝတီတိုင်း(မ်) အစိုးရဌာနဆိုင်ရာတွေကနေ ၂၀၂၀-၂၀၂၁ ဘဏ္ဍာနှစ်အတွက် သာမန်အသုံးစရိတ်နှင့် ငွေလုံးငွေရင်းအသုံးစရိတ်တွေကို (၂.၂)ဘီလီယံကျော် တင်ပြတောင်းဆိုလိုက်ပါတယ်။ ကယားပြည်နယ်ရဲ့ ၂၀၂၀-၂၁ခု ဘဏ္ဍာနှစ်အတွက် ဌာနဆိုင်ရာအားလုံးအတွက် ခန့်မှန်းခြေအသုံးစရိတ်က (၈၈) ဘီလီယံဖြစ်ပြီး ယခုဖြည့်စွက်ခွင့်ပြုငွေ...

လယ်ယာမြေကို အကွက်ရိုက်ရောင်းချနေမှုတွေနဲ့ ပုံစံ ၇ ကို ဥပဒေနဲ့အညီမဟုတ်ပဲ ထုတ်ပေးသူ ဝန်ထမ်းများကို အရေးယူမည်

မီမြာ လွိုင်ကော်မြို့အတွင်းမှာ ပုံစံ(၇) ရရှိပြီးဖြစ်တဲ့ တချို့သော လယ်ယာမြေတွေကို အကွက်ရိုက်ရောင်းချနေတာတွေနဲ့ ဥပဒေနဲ့ မညီပဲ ပုံစံ ၇ ထုတ်ပေးတဲ့ ဝန်ထမ်းတွေစိစစ်ပြီး အရေးယူသွားမယ်လို့ စီမံကိန်းနဲ့ ဘဏ္ဍာရေးဝန်ကြီး ဦးမော်မော်ပြောပါတယ်။

ကယားပြည်နယ် ရှားတောနေရပ်ပြန်တွေ မူလအခြေအနေကိုပြန်ရောက်နိုင်မလား…

လှရိပ် စစ်ဘေးကြောင့်ဒေါ်ပိုးမယ်ဟာ ထိုင်းနယ်စပ်ကဒုက္ခသည်စခန်းကို သွားရောက်ခိုလုံခဲ့ပါတယ်။ အခုချိန်မှာတော့သူ့နေရပ်ဖြစ်တဲ့ရှားတောကိုပြန်ရောက်တာ၂နှစ်ရှိသွားပါပြီ။ ဒေါ်ပိုးမယ်ကတော့အစိုးရအစီအစဉ်နဲ့နေရပ်ကို ပြန်လာခဲ့တာဖြစ်ပါတယ်။ သူပြန်ရောက်တော့အစိုးရဆီက ၃လစာစားစရိတ်ထောက်ပံ့မှုရရှိခဲ့ပါတယ်။ အစိုးရကနေရပ်ပြန်သူတွေအတွက် တစ်မိသားစုကို၃လစာ...

“ အနာဂါတ်ခေါင်းဆောင် လူငယ်တွေကို နေရာပေးဖို့ အချိန်တန်ပြီ ”

https://youtu.be/M8vsxyrd_7c အရပ် ၆ ပေခန့် အသားဖြူဖြူ လူငယ်ပီပီ သွက်လက်ချက်ခြာပြီး ကား၊ ဆိုင်ကယ်လမ်းမပေါက်ရောက်တဲ့ သူ့ရဲ့ ဒေသတွေမှာ စည်းရုံးဆင်းပြီး လူထုအတွက် အားသက်သရော လွှတ်တော်မှာ မေးခွန်း၊ အဆိုတွေကို...

Comments

comments