spot_img
Monday, November 28, 2022
spot_img

ဖရူဆိုမြို့ စစ်ဘေးရှောင်ပြည်သူတွေ စားနပ်ရိက္ခာ၊ ဆေးဝါး အရေးပေါ်လိုအပ်နေ

spot_imgspot_imgspot_imgspot_img

ကန္တာရဝတီတိုင်း(မ်)

ကရင်နီပြည် ဖရူဆိုမြို့နယ်အတွင်း မားခရှော်ရှေ့အုပ်စု၊ ကေးလျားအုပ်စုထဲက ကျေးရွာပေါင်း ၈ ရွာမှ ဒေသခံပြည်သူ ၁ထောင်ကျော် တိုက်ပွဲကြောင့် ပြီးခဲ့တဲ့ အောက်တိုဘာလ ၈ ရက်နေ့မှာ ထွက်ပြေးတိမ်းရှောင်နေရကာ စားနပ်ရိက္ခာ၊ ဆေးဝါး အရေးပေါ်လိုအပ်နေပြီး အခက်အခဲရှိနေတယ်လို့ စစ်ဘေးရှောင်ပြည်သူထံကနေ သိရပါတယ်။

“အခက်အခဲက မိုးကာတွေ အမိုးတွေက မလုံလောက်ဘူးပေါ့နော။ မိုးရွာတဲ့အခါကျတော့ သိပ်အဆင်မပြေဘူး။ ပြီးတော့ တောမှာသွားနေတဲ့သူတွေက နေမကောင်း၊ ဖျားတာတွေ အခက်အခဲရှိတယ်။ ဖုန်းလိုင်းလည်းမရဘူး။ အဆက်အသွယ်လည်းပြတ်နေတယ်ပေါ့နော။ အခုရွာမှာပြန်နေတဲ့ခါကျတော့ လိုင်းနည်းနည်းရတယ်။ ပြင်ဆင်တာက ရှိတယ်။ ရှိတယ်ဆိုတာ မလုံလောက်ဘူးပေါ့။ ၅ပုံမှ ၁ ပုံလောက်ပဲရှိတာပေါ့ ။ ရှောင်တဲ့သူများတယ် ပြီးတော့ မိုးကာလည်းမလုံလောက်ဘူး ။ကိုယ့်ဟာကို ယူထားတာပဲရှိတယ်။ ပြီးတော့ မိုးကာလည်း သိပ်မကောင်းတဲ့ခါကျတော့ မိုးရွာရင် အပေါက်တွေများတယ်လေ အဆင်မပြေဘူး။ ဆေးတွေက သိပ်မလုံလောက်ဘူးပြောရမှာပေါ့။ အခုက ကလေးနဲ့သက်ကြီးရွယ်အိုတွေက သိပ်နေမကောင်းကြဘူး။”လို့ ဖရူဆိုမြို့ စစ်ဘေးရှောင်ပြည်သူတစ်ဦးက ပြောပါတယ်။

အော်တိုဘာလ ၈ ရက်နေ့ ညနေပိုင်းမှာ အင်အား ၃၀၀ဝန်းကျင်ရှိတဲ့ စစ်ကောင်စီတပ်နဲ့ ကရင်နီပူးပေါင်းတပ်တို့ တိုက်ပွဲစတင်ဖြစ်ပွားခဲ့ပြီး အောက်တိုဘာလ ၁၂ရက်နေ့ နံနက်ပိုင်းအထိ တိုက်ပွဲ ၅ကြိမ်ထက်မနည်း ဖြစ်ပွားခဲ့တယ်လို့ KNDF သတင်းနှင့်ပြန်ကြားရေးက အောက်တိုဘာလ ၁၂ရက်နေ့မှာ သတင်းထုတ်ပြန်ထားပါတယ်။

တိုက်ပွဲကြောင့် ဖရူဆိုမြို့နယ်အတွင်းရှိ ဒေါပိုရှေ့၊ ပရယ်တော်၊ ထားလဲ၊ တနောကလော၊ လောကျေခူ၊ ဒေါကလော်လဲ၊ ဒေါစဲခူ၊ ဘူးခူ စတဲ့ကျေးရွာက ဒေသခံပြည်သူတွေ ထွက်ပြေးတိမ်းရှောင်နေရပြီး ကျေးရွာအတွင်း စစ်ကောင်စီတပ်သားတွေ စခန်းထိုင်မှုရှိပြီး ပြည်သူတွေရဲ့အိမ်တွေကို မွှေနှောက်ဖျက်ဆီးခဲ့သလို မွေးမြူထားတဲ့ ကြက်၊ ဝက်၊ ကျွဲ၊ နွား တိရိစ္ဆာန်တွေကို သတ်ဖြတ်ခြင်း၊ စပါးကျီ မီးရှို့ဖျက်စီးခဲ့တယ်လို့ သိရပါတယ်။

“တိုက်ပွဲဖြစ်တဲ့နေရာမှာတော့ သူတို့စခန်းထိုင်တဲ့ပုံစံရှိတယ် ။ကျေးရွာအနီးနားက တောင်ကုန်းမှာ အတိအကျတော့ ကျနော်တို့လည်းမပြောတတ်ဘူး။ ရဲဘော်ကနေရလာတဲ့သတင်းအရ သူတို့စခန်းထိုင်တာတော့ရှိတယ် အဲ့လိုပြောတယ်။” လို့ KNDFတပ်ရင်း (၄) ဖရူဆို သတင်းနှင့်ပြန်ကြားရေး တာဝန်ရှိသူတစ်ဦးက ပြောပါတယ်။

အကြမ်းဖက်စစ်ကောင်စီတပ်သားတွေ ကျေးရွာအတွင်း ဝင်ရောက်နေထိုင်မှုရှိနေပြီး ဖမ်းဆီးခံရမှုမရှိစေဖို့အတွက် ဒေသခံပြည်သူတွေကို လတ်တလော ကျေးရွာကို မပြန်ဖို့၊ အချိန်မရွေး တိုက်ပွဲပြန်ဖြစ်ပွားနိုင်တဲ့အတွက် အတတ်နိုင်ဆုံး အခက်အခဲတွေကို တောင့်ခံထားပေးဖို့ KNDF သတင်းနှင့်ပြန်ကြားရေး တာဝန်ရှိသူတစ်ဦးက ဆိုပါတယ်။

“ကျနော်ထင်တာကတော့ ထားလဲတို့အုပ်စုဖက်က ပြန်လို့အဆင်မပြေသေးပါဘူး။ တပ်က စစ်ကောင်စီကလည်း အဲ့နားတစ်ဝိုက်မှာပဲ ရှိသေးတယ်ဆိုတော့ ပြန်လို့တော့မရသေးဘူး။ တိုက်ပွဲကလည်း အချိန်မရွေးပြန်ဖြစ်နိုင်တဲ့ အလားအလာရှိတယ်။ ဒါက တော်တော်သေချာတဲ့ အနေအထားပေါ့။ ဆိုတော့ အတတ်နိုင်ဆုံး ဒီအခက်အခဲတွေတောင့်ထားပြီးတော့ ဆက်ပြီးတော့ နေဖို့တော့လိုတယ်။ ဘာကြောင့်လဲဆိုတော့ ရွာထဲမှာ အခြေချမိပြီဆိုရင်တော့ တော်ရုံတန်ရုံနဲ့ ပြန်မထွက်ဘူးပေါ့နော။ ပြန်မထွက်တော့ ပြန်လာတာနဲ့ဖမ်းဆီးပြီးတော့ သတ်ဖြတ်မှာပဲ။ နည်းနည်းလေး စောင့်ပေးဖို့တော့ ကျနော် အဲ့လို ရှောင်ရှားပေးဖို့ ကျနော် ဒီကနေ ပြန်ကြားချင်တယ်ပေါ့လေ လူထုတွေကို။”လို့ KNDF သတင်းနှင့်ပြန်ကြားရေး တာဝန်ရှိသူတစ်ဦးက ပြောပါတယ်။

အကြမ်းဖက်စစ်ကောင်စီတပ်ဟာ အောက်တိုဘာလ လဆန်းပိုင်းမှစ၍ ဖရူဆိုမြို့နယ်နဲ့ ဘောလခဲမြို့နယ်ဖက်ကို ထိုးစစ်ဆင်လျက်ရှိပြီး၊ လွိုင်ကော်-ဘောလခဲ လမ်းမကြီးတစ်လျှောက် လမ်းကင်းများချထားခြင်း၊ ခြေလျင်တပ်များဖြင့် စစ်ကြောင်းထိုးခြင်း၊ ယာဉ်တန်းများဖြင့် လူ၊ လက်နက်၊ ရိက္ခာ အင်အားဖြည့်တာတွေကို လုပ်ဆောင်နေတယ်လို့ သိရပါတယ်။

spot_imgspot_imgspot_imgspot_img

More from the blog

ဒီးမော့ဆို အနောက်ဘက်ခြမ်းက စစ်ရှောင်စခန်းတစ်ခုမှာ အလှူရှင်မရောက်ရှိတာ ၃လကျော်ရှိနေ

ကန္တာရဝတီတိုင်း( မ် ) ဒီးမော့ဆို အနောက်ဘက်ခြမ်းက စစ်ရှောင်စခန်းတစ်ခုမှာ အလှူရှင်တွေ မရောက်တာ ၃လကျော်ရှိနေပြီး စားဝတ်နေရေးအတွက် အခက်အခဲကြုံတွေ့နေရတယ်လို့ အဲဒီစစ်ရှောင်စခန်းနေ အမျိုးသမီးတစ်ဦးဖြစ်တဲ့ ချယ်ရီမိုးက ပြောပါတယ်။ “အစပိုင်း စစ်စရှောင်တုန်းက အလှူရှင်တွေ တော်တော်လေးကို ဝင်လာကြတယ်ပေါ့နော။ တော်တော်လေးကိုရတယ်။ မိုးကာတို့ ဆန်၊ဆီ၊ဆားတို့ အကုန်ပေးတယ်။ ဒါပေမယ့် အခုနောက်ပိုင်းတော့...

စစ်ကောင်စီရဲ့ လက်နက်ကြီး ပစ်ခတ်မှုကြောင့် လူနေအိမ် တစ်လုံး မီးလောင်ပျက်စီးခဲ့

ကန္တာရဝတီတိုင်း(မ်) ဒီးမော့ဆိုမြို့နယ်အတွင်းရှိ ကျေးရွာတွေကို ယမန်နေ့ (နိုဝင်ဘာလ ၂၅ရက်) ည ၇ နာရီ ခွဲဝန်းကျင်လောက်မှာစစ်ကောင်စီတပ်က လက်နက်ကြီး ၁၀ လုံး ထက်မနည်း ပစ်ခတ်ခဲ့ပြီး လူနေအိမ် တစ်လုံး ထိမှန် မီးလောင်ပျက်စီးသွားခဲ့ပါတယ်။ ဒီးမော့ဆို အခြေစိုက် ၁၀၂ တပ်က ပစ်ခတ်တာ ဖြစ်နိုင်ပြီး လူအထိအခိုက်တော့...

ကရင်နီပြည်သူ့ရင်ခွင်မှာ အဓိကအသုံးပြုမယ့် သေနတ် ၃လက် ကမ်ပိန်းပြည့်ဖို့ ၇၉ရာခိုင်နှုန်းလိုအပ်နေသေး

ကန္တာရဝတီတိုင်း(မ်) ကရင်နီပြည်သူ့ရင်ခွင်ကနေ “ ပြည်သူ ဘက်သို့ရပ်တည်ပေးသော CDMစစ်သားများအား ကူညီပေး” ဆိုတဲ့ M4 သေနတ် ၃လက်ရရှိဖို့အတွက် ပထမဆုံးကမ်ပိန်းတစ်ခုကို ပြုလုပ်ခဲ့ပြီး ကမ်ပိန်း ၂၆ရက်အထိ ၇၉ရာခိုင်နှုန်းလိုအပ်သေးတယ်လို့ ကရင်နီပြည်သူ့ရင်ခွင်တာဝန်ခံ ကိုယုန်လေးက နိုဝင်ဘာလ ၂၅ရက်နေ့မှာ ကန္တာရဝတီတိုင်း(မ်)ကို ဖြေကြားပါတယ်။ “ ကျနော်တို့ အမှန်ဆို တစ်လပဲ...

တော်လှန်ရေးအကြောင်းပြပြီး ခြိမ်းခြောက်ငွေတောင်းခံမှုတွေ ခပ်စိပ်စိပ်ရှိလာတယ်လို့ KNDF ဆို

ကန္တာရဝတီတိုင်း( မ် ) ကရင်နီပြည် မှာ နွေဦးတော်လှန်ရေးကာလအတွင်း တော်လှန်ရေးကို အကြောင်းပြပြီး လူထုတွေဆီ ခြိမ်းခြောက်ငွေတောင်းခံမှုတွေ ခပ်စိပ်စိပ်ရှိလာနေတယ်လို့ ကရင်နီအမျိုးသားများ ကာကွယ်ရေးတပ် ဗဟိုစုံစမ်းစစ်ဆေးရေး လုပ်ငန်းအဖွဲ့ ( ITF ) မှ တာဝန်ရှိသူ တစ်ဦးက ပြောပါတယ်။ “ လူတွေအများစု ကြုံရတာကတော့ အဖွဲ့စည်းတစ်ခုခုပေါ့လေ။...