spot_img
Wednesday, December 7, 2022
spot_img

ဖရူဆိုမြို့ ဖမ်းဆီးခံရတဲ့ ပြည်သူ (၃၀) ထက်မနည်း မီးရှို့သတ်​​ဖြတ်ခံရ

spot_imgspot_imgspot_imgspot_img

ကန္တာရဝတီတိုင်း(မ်)

ယမန့်နေ့က ဖရူဆိုမြို့နယ်အတွင်း မိုဆိုကျေးရွာအနီးမှာ တိုက်ပွဲဖြစ်ပွားခဲ့ပြီး ဒေသခံ ၃၀ ဦးထက်မနည်း ဖမ်းဆီးခံရပြီး စစ်ကောင်စီတပ်က မီးရှို့သတ်ဖြတ်ခဲ့တယ်လို့ KNDF တာဝန်ရှိသူတစ်ဦးက အတည်ပြုပြောပါတယ်။

“လူထုအယောက် ၃၀လောက်က ကားထဲမှာမီးရှို့သတ်ခံရလိုက်တယ် အားလုံးကပြန်ရွေးရတော့မှာမဟုတ်ဘူး။ ဒါပေမယ့် ဘယ်သူဘယ်ဝါကလဲဆိုတာ ဖမ်းဆီးခံရသူတွေရဲ့မိသားစုဝင်တွေသိမှပဲရမှာပေါ့လေ။ကျနော်တို့အတည်ပြုနိုင်တာတစ်ခုကတော့ ကားပေါ်မှာတင် မီးရှို့သတ်ပလိုက်တယ်။” လို့ KNDF တာဝန်ရှိသူတစ်ဦးက ကန္တာရဝတီတိုင်း(မ်)ကိုအတည်ပြုပြောကြားပါတယ်။

မီးရှို့ခံရတဲဲ့ထဲမှာ ကား၃စီးနဲ့ ဖရူဆိုဒေသခံ အသက်မပြည့်သေးတဲ့ကလေးငယ် အပါအဝင် အယောက် ၃၀ ထက်မနည်း ပါသွားပါတယ်။

” ကျနော်တို့နယ်မြေရှင်းလင်းရေးလုပ်တဲ့အချိန်မှာ လူထုတွေအသတ်ခံရတယ်ဆိုတာ ညချိန်မှာအတည်ပြုလို့ရသွားတာခမျ။” လို့ သူက ဆက်ပြောပါတယ်။

ဖမ်းဆီးခံရတဲ့ ပြည်သူကိုပြန်လွတ်ပေးဖို့ တောင်းဆိုခဲ့တဲ့ နယ်ခြားစောင့်တပ် ၄ဦးကိုလည်း စစ်ကောင်စီက ဖမ်းဆီးကာ လက်ပြန်ကြိုးတုတ်ပြီး ပစ်သတ်ခဲ့ပါတယ်။

ယမန်နေ့က ဖရူဆိုအနောက်ဖက်ခြမ်း မိုဆိုကျေးရွာအနီးမှာ ကရင်နီတပ်မတော် KA ၊ KNDF ပူးပေါင်းတပ်နဲ့ စစ်ကြောင်းထိုးလာတဲ့ စစ်ကောင်စီတပ်တို့ တိုက်ပွဲ ၄နာရီကြာ ဖြစ်ပွားခဲ့တာပါ။
လက်ရှိမှာ ကျေးရွာဒေသခံတွေ ထွက်ပြေးတိမ်းရှောင်နေရပါတယ်။

spot_imgspot_imgspot_imgspot_img

More from the blog

KNDF တပ်ရင်း ၄က ရဲဘော် ဂျေရုမ်း မိုင်းနင်းမိရင်း ကျဆုံး

ကန္တာရဝတီတိုင်း(မ်) ဖရူဆိုမြို့တွင်းတစ်နေရာမှာ နယ်မြေရှင်းလင်းရေးပြုလုပ်ရင်း စစ်ကောင်စီထောင်ထားတဲ့ မိုင်းနင်းမိတဲ့အတွက် ကရင်နီအမျိုးသားများ ကာကွယ်ရေးတပ် ( KNDF ) တပ်ရင်း ၄မှ ရဲဘော် ဂျေရုမ်းဟာ ဒီဇင်ဘာလ ၄ရက်နေ့က ကျဆုံးသွားခဲ့ရပါတယ်။ ရဲဘော် ဂျေရုမ်းဟာ တပ်ရင်း(၄) တည်ထောင်တဲ့အတောအတွင်း ပထမဆုံး ကျဆုံးသွားတဲ့ ရဲဘော်ဖြစ်တယ်လို့ KNDF တပ်ရင်း...

ဒီးမော့ဆိုအနောက်ခြမ်း စစ်ရှောင်စာသင်ကျောင်းတစ်ခုရဲ့ ကျောင်းဆင်းပွဲ

ကန္တာရဝတီတိုင်း(မ်) ဒီဇင်ဘာလ ၅ရက်နေ့က ဒီးမော့ဆိုအနောက်ဘက်ခြမ်း စစ်ရှောင်ကျောင်းတစ်ကျောင်းမှာ ကျောင်းဆင်းပွဲအခမ်းအနားပြုလုပ်ခဲ့ပါတယ်။ အဲဒီအခမ်းအနားကို ကျောင်းသူ၊ကျောင်းသားတွေ ၊ ကျောင်းသားမိဘတွေနဲ့ ကျောင်သားသမဂ္ဂအဖွဲ့ဝင်တွေ တက်ရောက်ခဲ့ပါတယ်။ အခုလိုကျောင်းဆင်းပွဲ အခမ်းအနားကျင်းပ‌ခွင့်ရတဲ့အတွက် ဝမ်းသာပီတိဖြစ်တဲ့အကြောင်းကို ဆရာမတစ်ဦးက အခုလိုပြောပါတယ်။ "ကျောင်းဆင်းပွဲဆိုကျွန်မ လုံးဝမမျှော်လင့်ဘူး။ အရင်နှစ်ကျမတို့လုပ်တာမိဘ( ၁၀ )ယောက်တောင်မလာဖူးပါဘူး။ ဒီတစ်နှစ်ကျတော့ ကျမဘယ်လိုမှ ပြောမပြနိုင်တဲ့ပီတိကို ကျမခံစားရပါတယ်။ မိဘတွေအများကြီးတက်ရောက်လာတယ်...

လွိုင်ကော် ၅ရက်တာ တိုက်ပွဲအတွင်း စစ်ကောင်စီဘက် တပ်ခွဲမှူးတစ်ဦးအပါအဝင် ၅ဦးသေဆုံး

ကန္တာရဝတီတိုင်း( မ် ) ကရင်နီပြည် လွိုင်ကော်မြို့ နယ်၊ ပါလောင်းကျေးရွာ နဲ့ ကျေးရွာဝန်းကျင်တွေမှာ နိုဝင်ဘာလ ၂၄ရက်နေ့မှ ၂၉ ရက်နေ့အတွင်း ၅ရက် တိုက်ပွဲပြင်းထန်ဖြစ်ပွားခဲ့ပြီး စစ်ကောင်စီဘက်က တပ်မ ၆၆ လက်အောက်ခံ ခမရ ၁၀၈ တပ်ရင်း တပ်ခွဲမှူးတစ်ဦးအပါအဝင် ၅ဦး သေဆုံးခဲ့တယ်လို့...

လက်နက်ကြီးရန်ကြောင့် စာသင်ကျောင်း ရွေ့ပြောင်းဆောက်လုပ်၊ စာရေးကိရိယာများ လိုအပ်နေ

ကေးဒူ (ကန္တာရဝတီ တိုင်း(မ်)) ကျေးရွာအတွင်းကို လက်နက်ကြီး ကျရောက်လာတာကြောင့် ဒီးမော့ဆိုအရှေ့ဖက်ခြမ်း ကျေးရွာတစ်ခုမှာ ဖွင့်လှစ်နေတဲ့ စာသင်ကျောင်းတစ်ခုဟာ လုံခြုံနိုင်မယ့် တောထဲ တစ်နေရာကို ရွေ့ပြောင်းဆောင်လုပ်နေရပြီး အမိုးအကာ လိုအပ်ချက်တွေလည်းရှိနေတယ်လို့ ကျောင်းမှာ စာသင်ပေးနေတဲ့ စေတနာ့ဝန်ထမ်း ကျောင်းဆရာတစ်ဦးက ပြောပါတယ်။ “ လက်နက်ကြီး ရွာထဲ တစ်ခေါက် နှစ်ခေါက်ကျသွားတယ်။...