spot_img
Tuesday, January 31, 2023
spot_img

ဖရူဆို၊ မားခရော်ရှေ့ကျေးရွာ တိုက်ပွဲအတွင်း KA ရဲဘော်နှစ်ဦး ကျဆုံးခဲ့

spot_imgspot_imgspot_imgspot_img

ကန္တာရဝတီတိုင်း( မ် )

ကရင်နီပြည် ဖရူဆိုမြို့နယ် မားခရော်ရှေ့ကျေးရွာအနီးမှာရှိတဲ့ စစ်ကောင်စီတပ်စခန်းတစ်ခုကို ပြီးခဲ့တဲ့ ဒီဇင်ဘာလ ၉ရက်နေ့က ကရင်နီဒေသခံကာကွယ်ရေးပူးပေါင်းတပ်ဖွဲ့တို့ ဝင်ရောက်တိုက်ခိုက်ခဲ့ပြီး ကရင်နီတပ်မတော်( KA ) က ရဲဘော်နှစ်ဦးကျဆုံးသွားခဲ့တယ်လို့ ကရင်နီပြည်ကာကွယ်ရေး ဒု-ဝန်ကြီး ခူဒယ်နီယာယ်က ပြောပါတယ်။

“ ဖရူဆိုမြို့နယ် မားခရော်ရှေ့ဘက်မှာ စစ်ကောင်စီတပ်စခန်းတစ်ခုရှိတယ်။ အဲဒါကို ဒီက တပ်တွေက ဝင်ပစ်တယ်။ ဝင်ပစ်တော့ သူတို့ အရှေ့ဘက်ဝင်သိမ်းမယ်ပေါ့။ ဒါပေမယ့် လက်နက်ကြီး အရမ်းအများကြီးထုတော့ သူတို့ ပြန်ဆုတ်သွားတာ အဲလောက်ပါပဲ။ ဒီဘက်က နှစ်ဦးကျတယ်။ နောက်ပြီးတော့မှ သုံးလေးယောက်လောက် ဒဏ်ရာရတယ်။ ရန်သူဘက်ကလည်း အကျအဆုံးတွေရှိတယ်။ ၅ယောက်ထက်မနည်းပေါ့နော။ ” လို့ ခူဒယ်နီယာယ်က ပြောပါတယ်။

မားခရော်ရှေ့ကျေးရွာအနီးက စစ်ကောင်စီတပ်စခန်းမှာ တိုက်ပွဲဖြစ်တဲ့ရက်မှာပဲ ဖရူဆိုမြို့ အခြေစိုက် ခလရ ၅၃၁တပ်ကနေ လက်နက်ကြီးနဲ့ ပစ်ခတ်လာတဲ့အတွက် ဒေါခရောခူကျေးရွာအတွင်းကျရောက်ပေါက်ကွဲပြီး ဒေသခံ သုံးဦး ထိခိုက်ဒဏ်ရာရရှိခဲ့တယ်လို့ ဒေသခံတွေဆီကနေ သိရပါတယ်။

ဒီးမော့ဆိုမြို့နယ် သေးဆူလဲ-နန်းမယ်ခုံတစ်ကြောက ကျေးရွာတွေမှာလည်း ပြီးခဲ့တဲ့ နိုဝင်ဘာလ ၂၈ရက်နေ့ကနေ ဒီဇင်ဘာလ ၇ရက်နေ့အထိ တိုက်ပွဲဖြစ်ပွားခဲ့ပါတယ်။ လက်ရှိမှာတော့ အဲဒီဘက်မှာ စစ်ကောင်စီတပ်က နေရာယူထားတယ်လို့ သိရပါတယ်။

ကန္တာရဝတီတိုင်း( မ် ) ရဲ့ လက်လှမ်းမှီသလောက် ကောက်ယူထားတဲ့ စားရင်းအရ နိုဝင်ဘာလ ၂၉ရက်နေ့ကနေ ဒီဇင်ဘာလ ၉ရက်နေ့အထိ ကရင်နီပြည်တွင်းက တိုက်ပွဲတွေမှာ ကျဆုံးသွားတဲ့ ကာကွယ်ရေးတပ်ဖွဲ့ရဲဘော် ၁၁ဦးရှိနေပြီး KNDF က ၇ဦး၊ KA က ၂ဦး၊ DMO-PDF က ၁ဦးနဲ့ KRU ၁ဦး ဖြစ်ပါတယ်။

spot_imgspot_imgspot_imgspot_img

More from the blog

ဒီးမော့ဆိုအရှေ့ဖက်ခြမ်းကို စစ်ကောင်စီတပ်မှ မီးကျည်လက်နက် အသုံးပြုပြီး တိုက်ခိုက်

ကန္တာရဝတီတိုင်း(မ်) စစ်ကောင်စီတပ်ကနေ ဒီးမော့ဆိုအရှေ့ဖက်ခြမ်းမှာ အဆောက်အဦးတွေကို လောင်ကျွမ်းစေနိုင်တဲ့ မီးကျည် လက်နက် အသုံးပြုပြီး တိုက်ခိုက်လာတာကို တွေ့ရှိရတယ်လို့ ကရင်နီပြည်အစိုးရ ပြည်ထဲရေးဝန်ကြီးဌာနမှ ဝန်ကြီး ခူညေးရယ်က ပြောပါတယ်။ “ အဲ့မီးကျည်က အဆောက်အဦးတွေ ဘာတွေ လောင်တယ်ပေါ့။ နောက်ပြီးတော့ နောက်ပိုင်းကျတော့ အဲ့ဒီ ထွက်လာတဲ့ အခိုးအငွေ့တွေက ဓါတုတွေ...

တောင်ယာအပြန် စစ်ရှောင်အမျိုးသားတစ်ဦး မိုင်းနင်းမိပြီး ဘယ်ခြေထောက်ဆုံးရှုံးခဲ့

ကန္တာရဝတီတိုင်း( မ် ) ကရင်နီပြည် လွိုင်ကော်မြို့အရှေ့ဘက်ခြမ်း ဒေါတဟေးကျေးရွာမှာ စစ်ရှောင်နေတဲ့ အမျိုးသားတစ်ဦး ယမန်နေ့ ( ဇန်နဝါရီလ ၃၀ ရက်နေ့ ) က တောင်ယာကအပြန် မိုင်းနင်းမိပြီး ဘယ်ခြေထောက်တစ်ဖက် ဆုံးရှုံးခဲ့တယ်လို့ သွားရောက်ကူညီခဲ့တဲ့ ရွှေလွိုင်ကော်ပရဟိတအသင်းဝင်တစ်ဦးက ပြောပါတယ်။ “မနေ့က ပဲစဉ်းငုံသွားခူးတာ ဒေါတဟေးရွာအရှေ့ဘက်မှာ ပဲစေးငုံသွားခူးပြီးတော့...

စစ်ကောင်စီက ကျူးလွန်တဲ့ လူ့အခွင့်အရေးချိုးဖောက်မှုတွေကို ထုတ်ဖော်ပြောဆိုဖို့ လိုအပ်တယ်လို့ ကရင်နီလူ့အခွင့်အရေးအဖွဲ့ ပြော

ကန္တာရဝတီတိုင်း(မ်) အာဏာသိမ်းပြီးနောက်ပိုင်း လူ့အခွင့်အရေးချိုးဖောက်ခံရမှုကို ကရင်နီဒေသခံတွေလည်း မျက်မြင်ကိုယ်တွေ့ ခံစားနေကြရပြီး အဲဒီကျူးလွန်မှုကိုလုပ်ဆောင်တဲ့ စစ်ကောင်စီလုပ်ရပ်နဲ့ ပတ်သက်ပြီး ထုတ်ဖော်ပြောဆိုဖို့ လိုအပ်တယ်လို့ ကရင်နီလူ့အခွင့်အရေးအဖွဲ့မှ ဒါရိုက်တာ ဆရာဗညားက ပြောပါတယ်။ “သူတို့(စစ်ကောင်စီ) ချိုးဖောက်မှာပဲ။ အဲ့တော့ သူတို့လုပ်ရပ်ကို ကျနော်တို့သိတယ်ဆိုရင် ရက်တိုင်း ပြောနိုင်မယ်ဆိုရင် မလုပ်ရဲတော့ဘူး။ ဒါက သဘောသဘာဝဖြစ်တယ်။ လူ့အခွင့်အရေးကိုချိုးဖောက်တယ်ဆိုတဲ့နေရာမှာ...

အရေးပေါ်ရွေ့ပြောင်းလာတဲ့ စစ်ရှောင်တွေကို စာသင်ကျောင်းမှာနေရာချထား၊ ကျောင်းယာယီပိတ်ထားရ

ကေးဒူ ( ကန္တာရဝတီတိုင်း(မ်)) ကရင်နီပြည် ဒီးမော့ဆိုမြို့နယ် အရှေ့ဘက်ခြမ်းမှာ ဇန်နဝါရီလ ၂၅ ရက်နေ့က တိုက်ပွဲကြောင့် အရေးပေါ် ထွက်ပြေးတိမ်းရှောင်လာတဲ့ ဒီးမော့ဆိုအရှေ့ခြမ်းက ဒေသခံကျေးရွာ အပါအဝင် တိုက်ပွဲနဲ့ နီးတဲ့ စစ်ရှောင်စခန်းတွေမှာနေထိုင်တဲ့ လူဦးရေ သုံးထောင်ငါးရာ ဝန်းကျင်လောက် အတွက် နေရာထိုင်ခင်းတွေအခက်ခဲဖြစ်နေတယ်လို့ ဒေသခံတွေက ပြောပါတယ်။ လက်ရှိမှာတော့...