ဖရူဆိုမြို့နယ်အတွင်း မိုးသည်းထန်စွာရွာသွန်း၊ မြေပြိုကျကာ လမ်းပိတ်ဆို့

ကန္တာရဝတီတိုင်း(မ်)

ဩဂုတ် ၉ ရက် ညပိုင်းမှစ၍ မိုးသည်းထန်စွာရွာသွန်းခဲ့ကာ ကယားပြည်နယ်၊ ဖရူဆိုမြို့နယ်၊ ကေကောကျေးရွာအုပ်စု၊ ဘွယ်ဒိုးသာကျေးရွာနှင့် ခါးဘယ်ကျေးရွာချင်းဆက်လမ်းပိုင်း၊ ဘွယ်ဒိုးသာကျေးရွာနှင့် (၁)မိုင်ခန့်အကွာတွင် တောင်ကမ်းပါးယံ မြေပြိုကျခြင်း၊ လမ်းပေါ်သိုု့ သစ်ပင်များ လှဲကျခြင်းများကြောင့် လမ်းများ ပိတ်ဆို့နေကြောင်း သိရသည်။

အဆိုပါ ဖြစ်စဉ်ကြောင့် လူ၊ တိရိစာ္ဆန်နှင့် မော်တော်ယာဉ်များ ထိခိုက်မှုမရှိသော်လည်း မော်တော်ယာဉ်နှင့် လူများ သွားလာမှု အဆင်မပြေမှုများရှိခဲ့ရာ မြေများနှင့် သစ်ပင်သစ်ကိုင်းများအား စက်ယန္တရားများဖြင့် ဖယ်ရှားမှသာ ခရီးသွားရေး အဆင်ပြေနိုင်မည်ဖြစ်၍ ကေကောကျေးရွာအုပ်ချုပ်ရေးမှူးက ဖရူဆိုမြို့နယ်အုပ်ချုပ်ရေးမှူးထံသို့ တင်ပြထားကြောင်းသိရသည်။

ယင်းကျောက်လမ်းအပိုင်းအား ၂၀၁၅ – ၂၀၁၆ ဘဏ္ဍာနှစ်အတွင်း ပြည်နယ်ရန်ပုံငွေဖြင့် ကယောရွှေပြည် ကုမ္ပဏီမှ ဖောက်လုပ်သည့်လမ်းဖြစ်ကြောင်း သိရသည်။ လက်ရှိတွင် အဆိုပါလမ်းအပိုင်းအား နယ်စပ်ဒေသနှင့် တိုင်းရင်းသားလူမျိုးများ ဖွံ့ဖြိုးတိုးတက်ရေးဦးစီးဌာနမှ တာဝန်ယူထားသည့် ဧရိယာအတွင်းဖြစ်ကြောင်း သတင်းရရှိသည်။

Comments

comments

Next Post

ဝက်စာကျိုရာမှ နေအိမ်မီးလောင်မှုဖြစ်ပွား

Sat Aug 12 , 2017
ကန္တာရဝတီတိုင်း(မ်) ကလေးငယ်အား ဝက်စာကျိုခိုင်းရာမှ နေအိမ်မီးလောင်မှုတစ်ခု ဒီးမော့ဆိုမြို့နယ် ဒေါငံခါး ရပ်ကွက် ၄ တွင် ဩဂုတ် ၁ဝ ရက် ညနေ ၆ နာရီ အချိန်က ဖြစ်ပွားခဲ့ကြောင်း သိရသည်။ ဒေါ်အန်ဂျလာ နေအိမ်တွင် မီးလောင်မှုဖြစ်ပွားကြောင်း သတင်းအရ မြို့နယ်မီးသတ်စခန်း မီးသတ်တပ်ဖွဲ့ဝင်များ၊ ဒေသခံပြည်သူများက မီးငြိမ်းသတ်ယာဉ် တစ်စီး၊ ရေသယ်ယာဉ် တစ်စီးဖြင့် ဝိုင်းဝန်း မီးငြိမ်းသတ်ခဲ့ရကြောင်း သိရသည်။ မီးဖိုးဆောင်ထရံမှတစ်ဆင့် နေအိမ်အပေါ်ထပ်သို့ မီးကူးစက်လောင်ကျွမ်းခဲ့ပြီး သွပ်မိုး၊ အုတ်ညှပ်၊ ပျဉ်ထောင်၊ ပျဉ်ခင်း နှစ်ထပ်မှ အပေါ်ထပ်မီးလောင် ဆုံးရှုံးခဲ့ခြင်းဖြစ်သည်။ ကလေးငယ်ကို ပေါ့ဆစွာစေခိုင်းသူ ဒေါ်အန်ဂျလာအား ဒီးမော့ဆိုမြို့မရဲစခန်းမှ အရေးယူဆောင်ရွက်နိုင်ရန် ဆောင်ရွက်လျက်ရှိကြောင်း သိရသည်။ Comments […]

ဆက်စပ်သတင်းများ