spot_imgspot_imgspot_imgspot_img
Thursday, May 23, 2024
spot_imgspot_imgspot_imgspot_img

ဖားဆောင်းမြို့တွင်းက စစ်ကောင်စီရဲ့ ကာကင်းစခန်းကုန်း တစ်ခုကို တော်လှန်ရေးတပ်ဖက် သိမ်းယူ

Author

Date

Category

ကန္တာရဝတီတိုင်း(မ်)

ယမန်နေ့ (မေလ ၁၃ရက်) မနက်ပိုင်းမှာ ဖားဆောင်းမြို့တွင်းက စစ်ကောင်စီရဲ့ ကာကင်းစခန်းကုန်းတစ်ခုကို တော်လှန်ရေးပူးပေါင်းတပ်ဖက်က သိမ်းယူခဲ့တယ်လို့ ကရင်နီလူမျိုးပေါင်းစုံ ပြည်သူ့လွတ်မြောက်ရေးတပ်ဦး (ကလလတ) က ဆိုပါတယ်။

“ ကျနော်တို့က ၁၀နာရီကနေပဲ စပြီးတော့ ဝင်သွားတာပေါ့။ သိပ်တော့ မကြာဘူး မိနစ် ၂၀လောက်ပဲရှိတယ်။ စစ်ကောင်စီ ကာကင်းကတော့ သူကတော့ အင်အားက တပ်စိတ် တစ်စိတ်စာလောက်ပဲပေါ့။ “ လို့ ကလလတဗျူဟာ(၁)၊ ၉၄၂၀ တပ်ရင်းညွှန်ကြားရေးမှူး စောဖိုးဒီးဒီ က ကန္တာရဝတီတိုင်း(မ်)ကို ဖြေကြားပါတယ်။

တိုက်ခိုက်မှုအတွင်းမှာ နှစ်ဦးနှစ်ဖက် ထိခိုက်ဒဏ်ရာရတာတွေ ရှိခဲ့တယ်လို့ သူကဆိုပါတယ်။ စစ်ကောင်စီဖက်က စခန်းစွန့်ခွာ ထွက်ပြေးသွားသလို လက်နက်ခဲယမ်းတချို့ဖြစ်တဲ့ ကျည်ဆံတချို့၊ ၁၄မိုင်း၊ ၁၆မိုင်း၊ ၁၈မိုင်း၊ လက်ပစ်ဗုံး၊ G3ကျည်၊ MAကျည်ဘောက် စတာတွေကို သိမ်းဆည်းရမိခဲ့ပါတယ်။

ကာကင်းစခန်းကုန်း တိုက်ခိုက်မှုမှာ ကရင်နီလူမျိုးပေါင်းစုံ ပြည်သူ့လွတ်မြောက်ရေးတပ်ဦး၊ ကြယ်ဖြူ (KNSO) နဲ့ ကရင်နီပြည်တပ်မတော် KA နဲ့ Drone တပ်ဖွဲ့၊ စနိုက်ဘာတပ်ဖွဲ့ ၊ ကွန်မန်ဒိုအထူးတပ်ဖွဲ့ စတဲ့ တော်လှန်ရေးတပ်ဖွဲ့တွေ ပါဝင်ခဲ့တယ်လို့‌ ထုတ်ပြန်ချက်မှာ ဖော်ပြထားပါတယ်။

အဲ့ဒီ ကာကင်းစခန်းကတော့ ဖားဆောင်းမြို့တွင်း ခလရ (၁၃၅) နယ်မြေအတွင်းမှာရှိတာဖြစ်ပါတယ်။ ဖားဆောင်းမှာတော့ ခလရ (၁၃၄) တပ် အပေါ်ဖက်တွေမှာ စစ်ကောင်စီရဲ့ ကာကင်းစခန်းတွေ ရှိသေးတယ်လို့ ဆိုပါတယ်။

ဖားဆောင်းမှာ တိုက်ပွဲ ပြင်းထန်နေတာ ၂လ ကျော်ရှိနေပြီဖြစ်ပါတယ်။ လက်ရှိမှာ စစ်ကောင်စီရဲ့ ခလရ ၁၃၄၊ ၁၃၅ တပ်ရင်း သာကျန်ရှိပြီး တော်လှန်ရေးဖက်က သိမ်းယူနိုင်ဖို့ ကြိုးစားနေတာဖြစ်ပါတယ်။

ပြီးခဲ့တဲ့ မေလ ၆ ရက်နေ့မှာလည်း ကရင်နီတော်လှန်ရေးတပ်ဖွဲ့တွေရဲ့ ပစ်ခတ်မှုကြောင့် စစ်ကောင်စီရဲ့ ရဟတ်ယာဥ် ဟာ ဘောလခဲမြို့အနီးမှာ ပျက်ကျခဲ့ပြီး ထိခိုက်သေဆုံးတာတွေရှိခဲ့ပါတယ်။

spot_img
spot_img

Recent posts