spot_img
Sunday, January 29, 2023
spot_img

ဗိုလ်ချုပ်ကြေးရုပ်က ပေးသော သင်ခန်းစာ

spot_imgspot_imgspot_imgspot_img

ကန္တာရဝတီတိုုင်း(မ်)

ဗိုလ်ချုပ်အောင်ဆန်း ကြေးရုပ်ကိစ္စကြောင့် ဖြစ်လာသော လူတစ်ဦးနှင့်တစ်ဦး အမုန်းပွားမှု၊ သွေးကွဲမှုနှင့် အငြင်းပွားမှုသည် ကယားပြည်နယ်တွင်းသာမက မြန်မာတစ်နိုင်ငံလုံးကို ဂယက်ရိုက်ခတ်စေသည်။

ကယားပြည်နယ်အတွင်းတွင် ကြေးရုပ်ထားရှိရန် အစိုးရ၏ ကြိုးပမ်းမှုကို လူငယ်တို့က အပြင်းအထန်ကန့်ကွက်မှုနောက်ဆက်တွဲ ဖြစ်ပေါ်လာသော တရားစွဲဆိုမှုများ ငြင်းခုန်မှုများ၊ စေ့စပ်ညှိနှိုင်းမှုများသည် ယခုုရက်သတ္တပတ်အတွင်း နှိမ့်ချည်မြင့်ချည်ရှိခဲ့သည်။

ကန့်ကွက်ဆန္ဒပြမှုများကြောင့် ဗိုလ်ချုပ်ကြေးရုပ်ဖြစ်မြောက်ရေး ဦးဆောင်နေသော ကော်မတီကိုလည်း ပြည်နယ်အစိုးရဖျက်သိမ်းပေးလိုက်ရသည်။

သို့သော် ကန့်ကွက်မှုများ ပြုလုပ်ခဲ့သူများသည် အာဏာပိုင်မှ ပုဒ်မတပ် တရားစွဲဆိုခံရသည့် ရလဒ်သာ ရရှိခဲ့သည်။

၎င်းအပြင် ပြည်နယ်ဝန်ကြီးချုပ်မှ ကြေးရုပ်ကြောင့် ဆူပူမှုများဖြစ်လာပြီး ထိန်းမရလျှင် စစ်တပ်သို့အာဏာလွှဲအပ်မည် ဆိုသည့်စကားကို နုတ်ကျွံခဲ့သည်။ ယင်းစကားသည် ဒီမိုကရေစီစံနှုန်းကို အလေးထားသော အဲန်အယ်ဒီပါတီ၏ လူပုဂ္ဂိုလ်တစ်ဦးမှပင် ပြောမထွက်ဖူးသေးသော စကားဖြစ်သည်။

ပြည်နယ်ဝန်ကြီးချုပ်စကားကြောင့် တပ်မတော်ကာကွယ်ရေးေဦးစီးချုပ်ရုံးက ဖွဲ့စည်းပုံအခြေခံဥပဒေနှင့် မညီဟုဆိုကာ ကြေငြာချက်ကို ထုတ်ပြန်ရသည်အထိ ဖြစ်လာခဲ့သည်။

ဒီမိုကရေစီအမူအကျင့် နုနယ်နေသည့်အချိန် ဝန်ကြီးချုပ်မှ တပ်မတော်အား ကိုင်တွယ်ရန်တာဝန်ပေး၊ အမိန့်ပေးမည်ဆိုသော စကားကို ပြည်သူကြားနှင့် နိုင်ငံရေးလေ့လာသူများအကြား အံ့ဩမှင်တက်ခဲ့ရသည်။

ထို့အပြင် သတင်းစာရှင်းလင်းပွဲတွင်လည်း ပြည်နယ်တွင် စည်ပင်ဌာနလက်အောက်ရှိ ကိစ္စများဖြစ်ပေါ်ခဲ့လျှင် လူမှုဝန်ကြီးကို ကိုင်တွယ်စေမည်ဖြစ်ပြီး၊တပ်မတော်ကိစ္စဖြစ်ပေါ်ခဲ့လျှင် ၎င်းလက်အောက်ရှိ လုံ/နယ်ဝန်ကြီးကို တာဝန်ပေးအပ်သွားမည်ဖြစ်ကြောင်း ပြောကြားခဲ့သည်။

လွိုင်ကော်တွင်ထားရှိမည့် ကြေးရုပ်ကိစ္စသည် တစ်နိုင်ငံလုံးရှိ မီဒီယာများအပါ၊ ပြည်သူများ၏စိတ်ဝင်စားခြင်းကို ခံရသည်။ လူတိုင်း၏ပါးစပ်ဖျားတွင် ကြေးရုပ်ကိစ္စဖြစ်လာသည်။ လူမှုကွန်ယက်တွင် ယင်းအကြောင်း ငြင်းခုန်ကြသည်။

နောက်ဆုံးအချင်းချင်း စိတ်ဝမ်းကွဲခြင်းများ၊ တိုင်းရင်းသားအချင်းချင်း စည်းလုံညီညွတ်မှု ပြိုကွဲခြင်းများ ဖြစ်ပေါ်စေခဲ့သည်။

သို့သော် ပြည်နယ်ဝန်ကြီးချုပ်မှ သတင်းစာရှင်းလင်းပွဲတွင် ၎င်းတို့အနေဖြင့် ကြေးရုပ်ကို ပြည်သူများဆက်လက်တည်ဆောက်လိုပါက အပြည့်အဝအကူအညီ ပေးသွားမည်ဖြစ်ကြောင်း ပြောကြားခဲ့သည်။

ကြေးရုပ်ကြောင့် လက်ရှိအခြေအနေသည် ကောင်းကျိုးထက် ဆိုးကျိုးအဖြစ် တိုင်းရင်းသား ညီအစ်ကိုအချင်းချင်းကြား စိတ်ဝမ်းကွဲမှုကိုသာ ဖြစ်ပေါ်စေခဲ့သည်။

ဝန်ကြီးချုပ်မှ ကနဦးအစပြုခဲ့သော ယင်းကိစ္စသည် သေးသယောင်ထင်ရသော်လည်း တစ်နိုင်ငံလုံးအဆင့်ထိကိုပါ ဂယက်ရိုက်စေနိုင်ခဲ့သည့် ဖြစ်ရပ်ဖြစ်သည်။   ပြည်နယ်ဝန်ကြီးချုပ်၏ ပုံရိပ်များကိုလည်း ကျဆင်းစေခဲ့ပြီး ဤသင်ခန်းစာကို ဥပမာယူကာ နောက်ပိုင်း၌ ဆုံးဖြတ်ချက်ချရမည့် ကိစ္စရပ်များကို ဂရုပြုနိုင်စေရန်ဖြစ်သည်။

Related Stories