Tuesday, November 24, 2020

ဘိလပ်မြေစက်ရုံတည်​​ဆောက်​​ရေး လူထုဆန္ဒကို ပြန်လည်ကောက်ခံရန် ​ဒေသခံနှင်​့ အဖွဲ့အစည်းများက ​တောင်းဆို

Must read

ကိုဗစ်ကြောင့် ဆီးဘူးဒေသထွက်ခေါင်ကျရည်တွေ အရောင်းအဝယ်ပါးလာ

ခွန်းကလိုင်းဖရီး ရှမ်း/ကယားနယ်စပ် ဆီးဘူးဒေသကထွက်တဲ့ ခေါင်ကျရည်ဆိုပြီး လူသိများတဲ့ ခေါင်ရည်ဟာ တစ်လီတာဗူး တစ်ဗူးကို ဒေသပေါက်ဈေး ၃၅၀၀ ကျပ်ရှိပါတယ်။ ဒီခေါင်ကျရည်တွေကို ပြည်တွင်းခရီးသွားတွေဆီ ရောင်းချရပြီး တောင်ကြီးနဲ့ ရန်ကုန်အထိ...

အလယ်ကယန်းဒေသမှာ ငါးမွေးမြူရေးကန်များ အကောင်အထည်ဖော်မည်

ခွန်းကလိုင်းဖရီး ရှမ်းပြည်နယ်တောင်ပိုင်း၊ ဖယ်ခုံမြို့နယ်၊ အလယ်ကယန်းဒေသမှာ တနိုင်တပိုင်ငါးမွေးမြူရေးကန်တွေကို အကောင်အထည်ဖော်သွားမယ်လို့ ဖယ်ခုံဂရုဏာအဖွဲ့ ငါးမွေးမြူရေးစီမံကိန်းမန်နေဂျာ ကိုဝင်းဇော်မိုးက ပြောပါ တယ်။ ၎င်းက “ဒေသအရင်းအမြစ်တွေရှိတယ်။ ရေအရင်းအမြစ်တွေလည်း ရှိတယ်။ နောက်တော့...

KNPP လွိုင်ကော်မြို့ ဆက်ဆံရေးရုံးတာဝန်ခံခူးမီရယ်နှင့်တွေ့ဆုံခြင်း

ကရင်နီအမျိုးသား တိုးတက်ရေးပါတီ(KNPP)အနေနဲ့ ငြိမ်းချမ်းရေးပိုင်းမှာ ဘာတွေဆောင်ရွက်ခဲ့လဲ၊ ဆက်လက်ဘယ်လိုလုပ်ဆောင်သွားမှာလဲ နောက်တက်လာမယ့် အစိုးရက ပြည်နယ်အရေးတွေမှာကော ဘယ်လိုလုပ်ဆောင်သင့်လဲဆိုတာနဲ့ ပတ်သက်ပြီး ( KNPP ) ဆက်ဆံရေးရုံးတာဝန်ခံ ( လွိုင်ကော်) ခူးမီရယ်ကို ကန္တာရဝတီတိုင်း(မ်)သတင်းထောက် မော်ဦးမြာက မေးမြန်းထားပါတယ်။

ယာယီကုန်တင်ယာဥ်ရပ်နားစခန်းတွင် ယာဥ်မောင်းတစ်ဦးထံမှ ကိုဗစ်ပိုးထပ်မံတွေ့ရှိ၍ စုစုပေါင်း ကိုဗစ်ပိုးတွေ့ရှိသူ ၁၉ဦးထိရှိလာ

ကန္တရဝတီတိုင်း(မ်) ကယားပြည်နယ် လွိုင်ကော်မြို့အဝင်ရှိ ဝါရီကောခူ(အထက)ကျောင်း ယာယီကုန်တင်ယာဥ်ရပ်နားစခန်းတွင် ယာဥ်မောင်း ယာဥ်နောက်လိုက်များကို COVID-19 Antigen Rapid Diagnostic Test (RDT) ဖြင့် စစ်ဆေးခဲ့ရာ...

ထျိုးမြာ

လွိုင်ကော်တွင်​ တည်ဆောက်​ရန်​ လျာထား​သော တစ်ရက်​ တန်၄၀၀ဝ ကျ ဘိလပ်မြေစက်ရုံစီမံကိန်းအတွက်​ လူထုဆန္ဒကို တစ်ဖန်ပြန်လည်ကောက်ယူရန်​ အရပ်​ဘက်​နှင်​့ နိုင်​ငံ​ရေးအင်​အားစုအသီးသီးက ​တောင်းဆိုလိုက်သည်။

ကယားပြည်နယ် ၊ လွိုင်ကော်မြို့နယ်၊ ပကြဲတောင်သုံးလုံးဒေသတွင် တည်ဆောက်​ရန်​လျာထား​သော အဆိုပါ ဘိလပ်​​မြေစက်​ရုံအတွက်​ မူလက ​ကောက်​ခံခဲ့​သော ဆန္ဒသ​ဘောထားများသည်​ ပွင်​့လင်​းမြင်​သာမှု မရှိ​ခဲ့​ကြောင်​း လူမှုအသင်းအဖွဲ့များ၊ နိုင်ငံရေးပါတီ၊ နိုင်ငံရေးအင်အားစုအဖွဲ့အစည်းများက ​ဝေဖန်​နေခြင်​း ဖြစ်​သည်​။

ဩဂုတ်​လ ၁၄ ရက်​​နေ့က လွိုင်ကော်မြို့ရှိ လွိုင်ကော်စီးတီးစားသောက်ဆိုင်တွင် ညီညာစွမ်းအားလုပ်ငန်းစုကုမ္ပဏီလီမိတက်မှ ကယားပြည်နယ်ရှိ လူမှုအသင်းအဖွဲ့များ၊ နိုင်ငံရေးပါတီ၊ နိုင်ငံရေးအင်အားစုအဖွဲ့အစည်းများနှင့် တွေ့ဆုံခဲ့ကြသည်။

အဆိုပါ စီမံကိန်​းသည်​ ကရင်နီအမျိုးသားတိုးတက်ရေးပါတီ(KNPP)နှင့် အစိုးရတို့ကြား ငြိမ်းချမ်းရေးလက်မှတ်ရေးထိုးကြရာတွင် သဘောတူညီထားကြသောအချက်များကို ချိုးဖောက်ရန်ရောက်နိုင်သည့်အပြင် ဩဂုတ်လ (၁၄)ရက်နေ့ KNPP နှင့် ပြည်နယ်အစိုးရတို့တွေ့ဆုံချိန်တွင် ပြည်နယ်ဝန်ကြီးချုပ်က ဤစီမံကိန်းသည် လူထုသဘောတူမှသာ ဆောက်လုပ်​မည့် စီမံကိန်းသာဖြစ်ကြောင်းလည်း မိမိအား​ပြောကြားခဲ့သည်​ဟု KNPP ဆက်ဆံရေးရုံး(လွိုင်​​ကော်​) ဆက်​ဆံ​ရေးတာဝန်ခံ ခူညေးရယ်က ပြောသည်။

ဩဂုတ်လ ၁၅ရက်နေ့ တွင် သက်ဆိုင်ရာ ကုမ္မဏီနှင့်ပြည်နယ်အတွင်းရှိ အဖွဲ့အစည်းများတွေ့ဆုံစဉ် (ဓါတ်ပုံ – ကနာ္တရဝတီတိုင်း(မ်))

“KNPP နဲ့ အစိုးရတို့ သဘောတူညီချက်ထဲမှာလည်း နိုင်ငံရေးဆွေးနွေးနေစဉ်ကာလအတွင်း မပြေလည်မချင်းကတော့ အဲ့လို ပရောဂျက်ကြီးတွေ ရပ်​တန့်ထားဖို့ ရပ်ဆိုင်​းထားဖို့ အဲ့လိုသဘောတူညီချက်လဲပါပါတယ်။ နောက်ပြီးတော့မှ တချို့ဒေသဖွံ့ဖြိုးလုပ်ငန်​း​တွေလုပ်မယ်ဆိုရင် ကျနော်တို့ညှိနှိုင်းဆောင်ရွက်ဖို့ အဲ့လိုအချက်တွေလည်း သဘောတူထားတာရှိပါတယ်။ မနေ့က ကျနော်တို့ ပြည်နယ်အစိုးရနဲ့ တွေ့ပါတယ်။ တွေ့တော့ ဒီကိစ္စကိုကျနော်တို့မေးကြည့်တော့ ဝန်ကြီးချုပ်က ဒါက လူထုဆန္ဒတွေရှိသေးတယ်တဲ့ နောက်ထပ်လူထုဆန္ဒတွေခံယူမယ် လူထုတွေကိုချပြရမယ်။ လူထုတွေ သဘောတူမှသာ ​ဆောက်လုပ်မဲ့ အခြေအနေမျိုးဖြစ်ပါတယ်တဲ့။ အဲ့လိုပြောတယ် ။ ဆိုတော့ စက်ရုံလုပ်ဖို့က ကျေးရွာတစ်ခုတည်းနဲ့ မဆိုင်ဘူး။ လွိုင်ကော်​တစ်မြို့လုံနဲ့ ဆိုင်တယ်ဆိုတော့ ၊ အကောင်းဆုံးကတော့ ဖြစ်နိုင်ရင် တစ်ပြည်နယ်လုံးလူထုဆန္ဒခံယူပွဲ တစ်ရပ်လုပ်နိုင်မှသာ အဖြေထွက်နိုင်မှာဖြစ်ပါတယ်။ ဆိုတော့ အများမြင်သာတဲ့ ဆန္ဒပွဲတစ်ရပ်ပြန်လုပ်ဖို့လိုအပ်တယ်လို့ တိုက်တွန်းလိုပါတယ်”ဟု ခူးညေးရယ်က ​ဆွေးနွေးပွဲတွင်​ အကြံပြုထားသည်။

ထို့အပြင် တွေ့ဆုံပွဲအပြီး ညနေပိုင်းတွင် တက်ရောက်ဆွေးနွေးသော လူမှုအသင်းအဖွဲ့များနှင့် နိုင်ငံရေးအင်အားစုများအားလုံးက စက်ရုံတည်ဆောက်မည့် စီမံကိန်းအပေါ် ကန့်ကွက်ကြောင်း သဘောထားထုတ်ပြန်ထားသည်။

ထုတ်ပြန်စာတွင် ကုမ္ပဏီ၏ ရှင်းလင်းမှုတွင် EIA , SIAနှင့် CSR အပိုင်းတွင် အသေးစိတ်ရှင်းလင်းမှုမရှိခြင်း၊ မြန်မာနိုင်ငံအစိုးရက လက်မှတ်ထိုးပြီး ကယားပြည်နယ်အတွင်း ဖွဲ့စည်းထားသည့် EITI အဖွဲ့နှင့် သဘောထားရယူမှုမရှိခြင်းနှင်​့ ကယားပြည်နယ်၏ ငြိမ်းချမ်းရေးသဘောတူညီမှုအနက် KNPP နှင်​့ အစိုးရကြား စာချုပ်တွင် နိုင်ငံရေး၊ ငြိမ်းချမ်းရေးဆွေးနွေးမှုကာလတွင် မည့်သည့်ရင်းနှီးမြုပ်နှံမှုကြီးများကိုမှ မပြုလုပ်ရန် သဘောတူထားသည့်အချက်ကို ချိူးဖောက်ရာ​ရောက်ကြောင်း ထုတ်​ပြန်​ချက်​တွင်​ ပါရှိသည်။

စက်ရုံတည်ဆောက်ရာတွင် နည်းပညာအသစ်များကို ကယားပြည်နယ်နှင့် အဓိကမိတ်ဆက်ပေးချင်ကြောင်း ကယားပြည်နယ်ဖွံ့ဖြိုးတိုးတက်မှုတွင် တတ်အားတမျှပါဝင်ချင်သည့်အပြင် နိုင်ငံတော်၏တိုးတက်မှုတွင် ပါဝင်ချင်ကြောင်းကို အဓိကချပြချင်ကြောင်း ညီညာစွမ်းအားလုပ်ငန်းစုကုမ္ပဏီလီမိတက် ( SPG- Square power group company limited )မှ Operation director သက်မောင်ဦးက ကန္တာရဝတီတိုင်​း(မ်​)သို့ ​ပြောသည်။

“ဒါကိုဘယ်လိုသဘောထားရှိလဲဆိုတာကို ရိုးရိုး​လေး တင်ပြတာပါ။ များသောအားဖြင့် တင်ပြတဲ့သူတွေရဲ့ သဘောထားကတော့ ပြည်သူလူထုကို ချပြတာ​ပေါ့။ ကျနော်တို့ ချပြမှာပါ။ ကျနော်တို့ ကိုယ့်ဟာကိုလုပ်မှာမဟုတ်ပါဘူး။ နိုင်ငံတော်အစိုးရကလည်း လုပ်ခွင့်ပေးမှာ မဟုတ်ပါဘူး။ ဘာလို့လဲဆိုတော့ ကယားပြည်နယ် ဝန်ကြီးအဖွဲ့ရုံးကတော့ ၂၅ ရက်နေ့ မှာ ပြည်သူလူထုနဲ ့တွေ့ဆုံပွဲကို လွိုင်ကော်မြို့နယ်ခန်းမ(သို့) ပြည်နယ်ခန်းမမှာ လုပ်ဖို့ လုပ်ထားပါတယ်။ အစိုးရက သတ်မှတ်ပေးထားပါတယ်။ ပြည်သူလူထုက သဘောတူမှ အိုကေမှ ပြည်နယ်အစိုးရကခွင့်ပြုမှာပါ။”ဟု ဦးသက်မောင်ဦးက ​ပြောသည်။

ကုမ္ပဏီ၏ အဆိုအရ မြန်မာနိုင်ငံရင်းနှီးမြုပ်နှံမှု​ကော်မရှင်မှ ၈-၁၁-၂၀၁၁ ရက်စွဲဖြင့် ကယားပြည်နယ်၊ လွိုင်ကော်မြို့၊ ပကြဲဒေသတွင် တစ်နေ့တန် ၄၀၀ဝကျ ဘိလပ်မြေစက်ရုံရင်းနှီမြှပ်​နှံ တည်ထောင်ခွင့်ပြုခဲ့ပြီး အဆိုပါ ဒေသရှိ ဘိလပ်မြေသုံး ထုံးကျောက် သတ္တုသိုက်အား၊ သတ္တတွင်းဝန်ကြီးဌာန၊ ဘဓရ၏ ၇-၁၂-၂၀၀၈ နေ့စွဲပါ ဘူမိဗေဒဆိုင်ရာ အစီရင်ခံစာအရ သတ်မှတ်ဆောင်ရွက်ရန်ခွင့်ပြုခဲ့ခြင်​း ဖြစ်​သည်။

ယခင်​ ကယားပြည်နယ်အစိုးရမှ ၁၁-၁၁-၂၀၁၁ ရက်စွဲဖြင့် လုပ်ငန်းဆောင်ရွက်ရန် ခွင့်ပြုခဲ့ကာ ချိကယ်ကျေးရွာအုပ်စု (၁၀) စုမှလည်း ထောက်ခံမဲ (၅၀၄) မဲ ကန့်ကွက်မဲ (၁၉၂)မဲဖြင့် သဘောတူခဲ့​ကြောင်​း ကုမ္ပဏီက ဆိုသည်။

အဆိုပါ စက်ရုံစီမံကိန်းတည်ထောင်ရန်အတွက် ပကြဲတောင်သုံးလုံးဒေသတွင် စက်ရုံတည်ဆောက်ရန် မြေဧက (၉၈.၀၉) နှင့် ထုံးကျောက် ထုတ်လုပ်ရန် မြေဧက (၂၉၁.၈၀) ကို သတ်မှတ်လျာထားပြီး အဆိုပါ မြေယာများရှိ တောင်သူများ၏ တောင်ယာမြေများအား တောင်ယာလျော်ကြေး နှင့် တောင်ယာရွှေ့ပြောင်းစရိတ်များကို ( ၁၇.၁၂.၂၀၁၃) နေ့တွင် အပြီးပေးအပ်ခဲ့ပြီး ဖြစ်​ကြောင်​း ကုမ္ပဏီက ​ပြောသည်။

Comments

comments

- Advertisement -
- Advertisement -

Latest article

ကိုဗစ်ကြောင့် ဆီးဘူးဒေသထွက်ခေါင်ကျရည်တွေ အရောင်းအဝယ်ပါးလာ

ခွန်းကလိုင်းဖရီး ရှမ်း/ကယားနယ်စပ် ဆီးဘူးဒေသကထွက်တဲ့ ခေါင်ကျရည်ဆိုပြီး လူသိများတဲ့ ခေါင်ရည်ဟာ တစ်လီတာဗူး တစ်ဗူးကို ဒေသပေါက်ဈေး ၃၅၀၀ ကျပ်ရှိပါတယ်။ ဒီခေါင်ကျရည်တွေကို ပြည်တွင်းခရီးသွားတွေဆီ ရောင်းချရပြီး တောင်ကြီးနဲ့ ရန်ကုန်အထိ...

အလယ်ကယန်းဒေသမှာ ငါးမွေးမြူရေးကန်များ အကောင်အထည်ဖော်မည်

ခွန်းကလိုင်းဖရီး ရှမ်းပြည်နယ်တောင်ပိုင်း၊ ဖယ်ခုံမြို့နယ်၊ အလယ်ကယန်းဒေသမှာ တနိုင်တပိုင်ငါးမွေးမြူရေးကန်တွေကို အကောင်အထည်ဖော်သွားမယ်လို့ ဖယ်ခုံဂရုဏာအဖွဲ့ ငါးမွေးမြူရေးစီမံကိန်းမန်နေဂျာ ကိုဝင်းဇော်မိုးက ပြောပါ တယ်။ ၎င်းက “ဒေသအရင်းအမြစ်တွေရှိတယ်။ ရေအရင်းအမြစ်တွေလည်း ရှိတယ်။ နောက်တော့...

KNPP လွိုင်ကော်မြို့ ဆက်ဆံရေးရုံးတာဝန်ခံခူးမီရယ်နှင့်တွေ့ဆုံခြင်း

ကရင်နီအမျိုးသား တိုးတက်ရေးပါတီ(KNPP)အနေနဲ့ ငြိမ်းချမ်းရေးပိုင်းမှာ ဘာတွေဆောင်ရွက်ခဲ့လဲ၊ ဆက်လက်ဘယ်လိုလုပ်ဆောင်သွားမှာလဲ နောက်တက်လာမယ့် အစိုးရက ပြည်နယ်အရေးတွေမှာကော ဘယ်လိုလုပ်ဆောင်သင့်လဲဆိုတာနဲ့ ပတ်သက်ပြီး ( KNPP ) ဆက်ဆံရေးရုံးတာဝန်ခံ ( လွိုင်ကော်) ခူးမီရယ်ကို ကန္တာရဝတီတိုင်း(မ်)သတင်းထောက် မော်ဦးမြာက မေးမြန်းထားပါတယ်။

ယာယီကုန်တင်ယာဥ်ရပ်နားစခန်းတွင် ယာဥ်မောင်းတစ်ဦးထံမှ ကိုဗစ်ပိုးထပ်မံတွေ့ရှိ၍ စုစုပေါင်း ကိုဗစ်ပိုးတွေ့ရှိသူ ၁၉ဦးထိရှိလာ

ကန္တရဝတီတိုင်း(မ်) ကယားပြည်နယ် လွိုင်ကော်မြို့အဝင်ရှိ ဝါရီကောခူ(အထက)ကျောင်း ယာယီကုန်တင်ယာဥ်ရပ်နားစခန်းတွင် ယာဥ်မောင်း ယာဥ်နောက်လိုက်များကို COVID-19 Antigen Rapid Diagnostic Test (RDT) ဖြင့် စစ်ဆေးခဲ့ရာ...

နိုဝင်ဘာလ စတုတ္ထပတ် ကယန်းဘာသာ ရေဒီယို

အပတ်စဉ် တင်ဆက်နေကျ တိုင်းရင်းသားဘာသာ ရေဒီယို အစီအစဉ် (ကယန်း)(တနင်္လာနေ့ ည ၇ နာရီတိုင်း)ယခုတစ်ပတ်မှာတော့ ကိုဗစ်ရောဂါကူးစက်ပျံ့နှံ့မှုတားဆီးဖို့အတွက် မလိုအပ်ဘဲ အိမ်ပြင်မထွက်ဖို့ ကျန်းမာရေးဝန်ကြီးဌာန တိုက်တွန်းလိုက်တယ်ဆိုတဲ့သတင်း၊ ၂၀၂၀ - ၂၁ ဘဏ္ဍာနှစ်မှာ လယ်ယာ ကုန်ထုတ်လမ်းနဲ့ ရေပေးဝေရေးလုပ်ငန်းတွေကို ဦးစားပေးလုပ်ဆောင်သွားမယ်ဆိုတဲ့သတင်းနဲ့...

Comments

comments