ဖရူဆိုမြို့နယ် အနောက်ဘက်ခြမ်း ဘီယာကျေးရွာမှာရှိတဲ့ နှစ်စဉ် ပျှမ်းမျှ ကျောင်းသား၊ကျောင်းသူဦးရေ ၄၀၀ နီးပါးရှိပေမဲ့ စာသင်ခန်း ၃ ခန်းသာရှိတဲ့အတွက် စာသင်ချိန်မှာ အခက်အခဲဖြစ်တယ်လို့ ဘီယာကျေးရွာ ဆယ်အိမ်မှူးက ပြောပါတယ်။ ဘီယာကျေးရွာက မူလွန်ကျောင်းဖြစ်ပေမဲ့ သတ္တမတန်းအထိ ဖွင့်ထားတဲ့အတွက် စာသင်ခန်းတစ်ခန်းကို ၃ ခန်းဖွဲ့ပြီး သင်ရတယ်လို့် ပြောပါတယ်။ ဒါ့အပြင် ကျောင်းဆရာ၊ ဆရာမတွေလည်း လိုအပ်နေပြီး ကိုယ်ထူကိုယ်ထ ဝန်ထမ်းအိမ်ရာတစ်လုံး ဆောက်ထားပေမဲ့ လုံလောက်မှုမရှိသေးတဲ့အတွက် ကျေးရွာအတွင်းရှိနေအိမ်တွေမှာပဲ စီစဉ်ပေးရတယ်လို့ ဆိုပါတယ်။
