spot_img
Friday, February 23, 2024
spot_imgspot_imgspot_imgspot_img

ဘီလူးချောင်းအတွင်း မျောလာသောတုတ်ချောင်းအား ဆင်းဆယ်ရာမှ (၈)တန်းကျောင်းသူတစ်ဦး ရေနှစ်သေဆုံး

Author

Date

Category

ဒွေးအယ်ခူ

ဘီလူးချောင်းအတွင်းမျောလာသောတုတ်ချောင်းအားဆင်းဆယ်ရာမှ (၈)တန်းကျောင်းသူတစ်ဦးရေနှစ်သေဆုံး သည့်ဖြစ်ရပ် လွိုင်ကော်မြို့ ၊ ဒေါတမရပ်ကွက်တွင် ပြီးခဲ့သည့် ဒီဇင်ဘာလ (၂၄)ရက်နေ့က ဖြစ်ပွားခဲ့သည်ဟု လွိုင်ကော်မြို့နယ်ရဲစခန်းမှသိရသည်။

စိုက်ပျိုးရေးနှင့်သုတေသနရုံးဝန်း အနောက်ရှိ ဘီလူချောင်းရေချိုးဆိပ်ကျောက်ဆောင်တွင် သူငယ်ချင်းဖြစ်သူတို့နှင့်အတူ ရေချိုးရန်ထိုင်နေစဉ် ချောင်းအတွင်းမှ မျောလာသောတုတ်ချောင်းအားမနန်းသီတာအောင် ဆင်းဆယ်ရာမှ ရေနှစ်သေဆုံးခဲ့ခြင်းဖြစ်ကြောင်းသိရှိရသည်။

ရေနှစ်သေဆုံးသူမနန်းသီတာအောင်မှာလွိုင်ကော်မြို့ ဒေါတမ အထက (၅) တွင်ပညာသင်ကြားနေသော (၈)တန်းကျောင်းသူတစ်ဦးဖြစ်ပြီး အများပြည်သူဝိုင်းဝန်းရှာဖွေခဲ့ရာနေ့လည် (၁)နာရီတွင် ဆယ်ယူတွေ့ရှိခဲ့သည်။

ဒေါတမရပ်ကွက် ဘီလူးချောင်းရေချိုးဆိပ်တွင် ကျောင်းသူတစ်ဦးရေနှစ်သေဆုံးကြောင်းသတင်းအရတာဝန်မှူး ဒုရဲအုပ်သော်တာဦးနယ်ထိန်းခေါင်းဆောင်ရဲအုပ်သီဟစိုးနှင့် တပ်ဖွဲ့ဝင်များသက်သေနှင့်အတူသွားရောက်စစ်ဆေးခဲ့ရာရေနှစ်သေဆုံးသူမှာမနန်းသီတာအောင် ဖြစ်ပြီး ပြင်ပဒဏ်ရာတစ်စုံတစ်ရာ မတွေ့ရှိဘဲသေဆုံးနေကြောင်းတွေ့ရှိခဲ့သည်။

သေဆုံးသူ မနန်းသီတာအောင်ကို မှုခင်းဆေးစာဖြင့် လွိုင်ကော်ဆေးရုံကြီးသို့ ပို့ဆောင်ပြီးသေဆုံးမှုနှင့်ပတ်သက်၍ ဓမ္မတာအတိုင်းသေဆုံးခြင်း ဟုတ် မဟုတ် စစ်ဆေးနိုင်ရန် လွိုင်ကော်မြို့မ ရဲစခန်းမှူး ဒုရဲမှူးဝင်းဌေး မှ ကိုယ်တိုင် သတင်းချက် ရေးဖွင့်တိုင်တန်း၍ စစ်ဆေးဆောင်ရွက်လျှက်ရှိကြောင်းသိရသည်။

spot_img
spot_img

Recent posts