spot_img
Wednesday, February 1, 2023
spot_img

ဘောလခဲ၊ သာယာကုန်းကျေးရွာမှာ ထိတွေ့တိုက်ပွဲဖြစ်ပွားခဲ့ပြီး KNDF တစ်ဦးကျဆုံး၊ စစ်ကောင်စီက ဒေသခံ၂ဦးကို မီးရှို့သတ်ခဲ့

spot_imgspot_imgspot_imgspot_img

ကန္တာရဝတီတိုင်း(မ်)

ကရင်နီပြည်နယ် ဖရူဆိုမြို့ နဲ့ ဘောလခဲမြို့ အကြား နန်းဖဲကျေးရွာအုပ်စု သာယာကုန်းကျေးရွာမှာ ယမန်နေ့မှာ (မတ်လ ၄ရက်) ၅နာရီကြာအောင် စစ်ကောင်စီနဲ့ KNDF B-16 ၊ KA တို့ တိုက်ပွဲဖြစ်ပွားခဲ့ပြီး KNDF ရဲဘော်တစ်ဦး ကျဆုံးခဲ့တယ်လို့ KNDF B-16 က ထုတ်ပြန်ထားပါတယ်။

ယမန်နေ့ နေ့လည်၁၁နာရီခွဲကနေ ညနေပိုင်း ၅နာရီခွဲအချိန်ထိ တိုက်ပွဲဖြစ်ပွားခဲ့တာဖြစ်ပြီး စစ်ကောင်စီက နန်းဖဲကျေးရွာအုပ်စုထဲက ဒေသခံနှစ်ဦး အပါအဝင် ကွက်သစ် ကျေးရွာ က နေအိမ် ၃လုံးနဲ့ သာယာကုန်းကျေးရွာက နေအိမ် ( ၁ ) လုံးကို မီးရှို့ခဲ့တယ်လို့ သိရပါတယ်။

စစ်ကောင်စီဘက်က အနည်းဆုံး ၅ဦးအထိ သေဆုံးနိုင်ပြီး လက်နက်ကြီးတွေနဲ့ ပစ်ခတ်တာတွေလည်း ရှိခဲ့တယ်လို့ သိရပါတယ်။

KNDF B-16 တာဝန်ရှိသူတစ်ဦးက “ မနေ့က တိုက်ပွဲဖြစ်တဲ့ နေရာကတော့ သာယာကုန်းကျေးရွာပေါ့နော၊ ကျနော်တို့ သာယာကုန်းမှာ ထိပ်တိုက်တိုးတော့ ကျနော်တို့ အဲ့မှာဖြစ်တယ်။ ဒီ မီးရှို့သွားတဲ့နေရာက သာယာကုန်းမှာပဲ မီးရှို့ခံရတယ်။ အိမ်ပေါ့။ အဲ့မှာ သာယာကုန်းမှာ အိမ် တစ်လုံး နောက် ကွက်သစ် ဘက်မှာ ပြန်ဆုတ်တဲ့ လမ်းပေါ့။ ပြန်ဆုတ်တဲ့ လမ်းမှာ ပြည်သူတွေရဲ့ အိမ်ကို မီးရှို့သွားတယ်။ အဲ့ဒီအိမ်ထဲမှာ ပြည်သူတွေလည်း ပါတယ်။ လောလောဆယ်တော့ နှစ်ယောက်ပါတယ်လို့ တော့ သိရတယ်။ “ လို့ ပြောပါတယ်။

ထိတွေ့ တိုက်ပွဲအတွင်း ကျဆုံးသွားသူမှာ KNDF B-16 က အသက် ၄၃နှစ်အရွယ် ဦးပေါလူ ဖြစ်ပြီး လက်နက်ကြီးထိမှန် ကျဆုံးခဲ့တာဖြစ်ပါတယ်။

မီးရှို့သတ်ခံရတဲ့ ဒေသခံနှစ်ဦးက မည်သူဆိုတာကိုတော့ မသိရသေးဘဲ အိမ်နဲ့လူကို တစ်ချိန်တည်း မီးရှို့ခံရတာဖြစ်တယ်လို့ ၎င်းက ဆက်ပြောပါတယ်။

“ သူတို့က( မီးရှို့သတ်ခံရတဲ့ ဒေသခံနှစ်ဦး) ပြေးတောင် ပြေးချိန်မရှိလိုက်ဘူး။ အိမ်မှာပဲရှိတယ်ကော။ သူတို့က အိမ်ပါပါ။ လူပါပါ တစ်ခါတည်း အရှင်လတ်လတ်မီးရှို့သတ်တာ။ “ လို့ ၎င်းက ဆက်ပြောပါတယ်။

တိုက်ပွဲဖြစ်ပွားတဲ့ သာယာကုန်း နဲ့ တော်ခူသစ်ကျေးရွာမှာတော့ ဒေသခံတွေ ယခင်ကတည်းက စစ်ဘေးရှောင်ကြပြီး အနီးအနားကျေးရွာဖြစ်တဲ့ ကွက်သစ် ၊ စလဲလုံ၊ ဘူးခူ ကျေးရွာက ဒေသခံတွေက ယမန်နေ့က စစ်ဘေးရှောင်ကြပါတယ်။

ကရင်နီပြည်နယ် ဒီးမော့ဆိုမြို့နယ် ဆင်တောင်ကျေးရွာမှာ မတ်လ ၂ရက်နေ့က မီးရှို့ခံရတဲ့ ဒေသခံ၃ဦးရဲ့ ရုပ်အလောင်းကို တွေ့ရှိခဲ့ပါသေးတယ်။ စစ်ကောင်စီတပ်ကနေ ကျေးရွာအတွင်း တွေ့ရှိခဲ့တဲ့ အရပ်သားပြည်သူတွေ စားနပ်ရိက္ခာပြန်လာယူတဲ့ စစ်ရှောင်ပြည်သူတွေကို အကြောင်းမဲ့ မီးရှို့သတ်ဖြတ်ခံရတာ စုစုပေါင်း ၂၂၆ဦးထိ ရှိနေပြီလို့ သိရပါတယ်။

spot_imgspot_imgspot_imgspot_img

More from the blog

ဒီးမော့ဆိုအရှေ့ဖက်ခြမ်းကို စစ်ကောင်စီတပ်မှ မီးကျည်လက်နက် အသုံးပြုပြီး တိုက်ခိုက်

ကန္တာရဝတီတိုင်း(မ်) စစ်ကောင်စီတပ်ကနေ ဒီးမော့ဆိုအရှေ့ဖက်ခြမ်းမှာ အဆောက်အဦးတွေကို လောင်ကျွမ်းစေနိုင်တဲ့ မီးကျည် လက်နက် အသုံးပြုပြီး တိုက်ခိုက်လာတာကို တွေ့ရှိရတယ်လို့ ကရင်နီပြည်အစိုးရ ပြည်ထဲရေးဝန်ကြီးဌာနမှ ဝန်ကြီး ခူညေးရယ်က ပြောပါတယ်။ “ အဲ့မီးကျည်က အဆောက်အဦးတွေ ဘာတွေ လောင်တယ်ပေါ့။ နောက်ပြီးတော့ နောက်ပိုင်းကျတော့ အဲ့ဒီ ထွက်လာတဲ့ အခိုးအငွေ့တွေက ဓါတုတွေ...

တောင်ယာအပြန် စစ်ရှောင်အမျိုးသားတစ်ဦး မိုင်းနင်းမိပြီး ဘယ်ခြေထောက်ဆုံးရှုံးခဲ့

ကန္တာရဝတီတိုင်း( မ် ) ကရင်နီပြည် လွိုင်ကော်မြို့အရှေ့ဘက်ခြမ်း ဒေါတဟေးကျေးရွာမှာ စစ်ရှောင်နေတဲ့ အမျိုးသားတစ်ဦး ယမန်နေ့ ( ဇန်နဝါရီလ ၃၀ ရက်နေ့ ) က တောင်ယာကအပြန် မိုင်းနင်းမိပြီး ဘယ်ခြေထောက်တစ်ဖက် ဆုံးရှုံးခဲ့တယ်လို့ သွားရောက်ကူညီခဲ့တဲ့ ရွှေလွိုင်ကော်ပရဟိတအသင်းဝင်တစ်ဦးက ပြောပါတယ်။ “မနေ့က ပဲစဉ်းငုံသွားခူးတာ ဒေါတဟေးရွာအရှေ့ဘက်မှာ ပဲစေးငုံသွားခူးပြီးတော့...

စစ်ကောင်စီက ကျူးလွန်တဲ့ လူ့အခွင့်အရေးချိုးဖောက်မှုတွေကို ထုတ်ဖော်ပြောဆိုဖို့ လိုအပ်တယ်လို့ ကရင်နီလူ့အခွင့်အရေးအဖွဲ့ ပြော

ကန္တာရဝတီတိုင်း(မ်) အာဏာသိမ်းပြီးနောက်ပိုင်း လူ့အခွင့်အရေးချိုးဖောက်ခံရမှုကို ကရင်နီဒေသခံတွေလည်း မျက်မြင်ကိုယ်တွေ့ ခံစားနေကြရပြီး အဲဒီကျူးလွန်မှုကိုလုပ်ဆောင်တဲ့ စစ်ကောင်စီလုပ်ရပ်နဲ့ ပတ်သက်ပြီး ထုတ်ဖော်ပြောဆိုဖို့ လိုအပ်တယ်လို့ ကရင်နီလူ့အခွင့်အရေးအဖွဲ့မှ ဒါရိုက်တာ ဆရာဗညားက ပြောပါတယ်။ “သူတို့(စစ်ကောင်စီ) ချိုးဖောက်မှာပဲ။ အဲ့တော့ သူတို့လုပ်ရပ်ကို ကျနော်တို့သိတယ်ဆိုရင် ရက်တိုင်း ပြောနိုင်မယ်ဆိုရင် မလုပ်ရဲတော့ဘူး။ ဒါက သဘောသဘာဝဖြစ်တယ်။ လူ့အခွင့်အရေးကိုချိုးဖောက်တယ်ဆိုတဲ့နေရာမှာ...

အရေးပေါ်ရွေ့ပြောင်းလာတဲ့ စစ်ရှောင်တွေကို စာသင်ကျောင်းမှာနေရာချထား၊ ကျောင်းယာယီပိတ်ထားရ

ကေးဒူ ( ကန္တာရဝတီတိုင်း(မ်)) ကရင်နီပြည် ဒီးမော့ဆိုမြို့နယ် အရှေ့ဘက်ခြမ်းမှာ ဇန်နဝါရီလ ၂၅ ရက်နေ့က တိုက်ပွဲကြောင့် အရေးပေါ် ထွက်ပြေးတိမ်းရှောင်လာတဲ့ ဒီးမော့ဆိုအရှေ့ခြမ်းက ဒေသခံကျေးရွာ အပါအဝင် တိုက်ပွဲနဲ့ နီးတဲ့ စစ်ရှောင်စခန်းတွေမှာနေထိုင်တဲ့ လူဦးရေ သုံးထောင်ငါးရာ ဝန်းကျင်လောက် အတွက် နေရာထိုင်ခင်းတွေအခက်ခဲဖြစ်နေတယ်လို့ ဒေသခံတွေက ပြောပါတယ်။ လက်ရှိမှာတော့...