spot_img
Friday, March 24, 2023
spot_img

မိုင်းကြောင့် ဘယ်ခြေဆုံးရှုံးခဲ့ရပေမယ့် ဘဝကို အရှုံးမပေးသူ ဆေးတပ်သား ရဲဘော် မောင်ဂျူးအောင်

spot_imgspot_imgspot_imgspot_img

အသက် ၁၈ နှစ် အရွယ်သာရှိသေးပြီး ကရင်နီအမျိုးသားများကာကွယ်ရေးတပ် တပ်ရင်း (၁) တပ်ခွဲ(၃) မှာ ဆေးတပ်သားအဖြစ်တာဝန်ထမ်းဆောင်နေတဲ့ ရဲဘော် မောင်ဂျုးအောင်တစ်ယောက် မိုင်းကြောင့် ဘယ်ခြေတစ်ဖက်ကို ဆုံးရှုံးခဲ့ရပါတယ်။

“ ထိတဲ့နေ့ကတော့ ၂လပိုင်း ၁၀ရက်နေ့ တုန်းက ဒီးမော့ဆိုတိုက်ပွဲ တစ်နေရာမှာ အဲ့မှာ ကျနော် ခြေထောက်ထိခဲ့တယ်ပေါ့နော။ မိုင်းထိခဲ့တယ်။ အဲ့ဒါ ဘယ်လိုထိလဲဆိုတော့ ကျနော် ဒီ မနက်ပိုင်းအချိန်မှာ ကျနော်တို့ တိုက်ပွဲစဖြစ်တယ်။ ပြီးတော့ နှစ်ဖက်ပြန်လှန်ပစ်ခတ်ကြရင်းနဲ့ ကျနော်တို့ ရဲဘော်တစ်ယောက် လက်နက်ကြီး ထိမှန်ခဲ့တာပေါ့။ ကျနော်တို့ အဲ့မှာ သွားပြီးတော့ ကူညီကယ်ဆယ်ခဲ့တယ်ပေါ့။ ကူညီကယ်ဆယ်ပြီးတော့ ကျနော်ကတော့ အပြန်လမ်းမှာမှာ မိုင်းပြန်နင်းမိတာပေါ့။ ဘယ်ခြေတစ်ဖက် ဆုံးရှုံးခဲ့တယ်ပေါ့။ “

အာဏာသိမ်းပြီးနောက် စစ်အာဏာရှင်ကို ဆန့်ကျင်ဖို့အတွက် လက်နက်ကိုင်လာခဲ့ကြတဲ့ သူတွေအထဲမှာ အများစုက လူငယ်တွေဖြစ်ပါတယ်။ အဲ့ဒီအထဲ မောင်ဂျူးအောင်ကလည်း တော်လှန်ရေးမှာ ဆေးတပ်သားအဖြစ်တာဝန်ထမ်းဆောင်ခဲ့ရတဲ့ အကြောင်းရင်းကို အခုလိုပြောပြပါတယ်။

“ ကျနော်တို့ ရဲဘော်တချို့ဆိုလို့ရှိရင် မဖြစ်စလောက် အစနည်းနည်း ကျည်ဆံနည်းနည်းလေးနဲ့ မသေသင့်ပဲနဲ့ သေခဲ့တယ်။ တချို့ ဆို လက်တွေ ခြေတွေပဲထိတယ် ဒါပေမယ့် သွေးထွက်လွန်ပြီး သေသွားတာတို့ အဲ့မှာ ဆေးဖက်ဆိုင်ရာ မကျွမ်းကျင်တဲ့လူလည်း ရှိလို့ပေါ့။ အဲ့လိုမျိုးတွေရှိတော့ အဆုံးရှုံးတွေလည်း များခဲ့တယ်ပေါ့။ အဲ့ဒီနောက် ပိုင်းမှာ ကျနော်လည်း ကိုယ့်ရဲဘော်ရဲဖက်တွေ ကျနော်နိုင်သလောက် ကယ်မယ်ဆိုတဲ့ ရည်ရွယ်ချက်နဲ့ ဝင်ခဲ့တယ်။ ကျနော်က ဒေါက်တာအဆင့်တို့ လောက် မဟုတ်ပဲနဲ့ တတ်နိုင်သလောက် ကိုယ်ကယ်ရမယ်ဆိုတဲ့ ရည်ရွယ်ချက်နဲ့ ကျနော် ဆေးတပ်သားဝင်ခဲ့တယ်။ “

သူကတော့ ရဲဘော် ဖြစ်ပြီး ၇လအကြာမှာ မိုင်းနင်းမိခဲ့တာဖြစ်ပါတယ်။ အရွယ်နဲ့ မမျှတဲ့ ဆုံးရှုံးမှု တစ်ခုကို ကြုံခဲ့ရပေမယ့် လက်ရှိတော်လှန်ရေးမှာလည်း ပါဝင်ဖို့ကြိုးစားဦးမယ်လို့ ဆိုပါတယ်။

“ ကျနော်တို့ မိုင်းထိတာကတော့ ထုံးစံအတိုင်းပဲလေ ထိတဲ့သူက ဘယ်သူဖြစ်ချင်မှာတုန်း စိတ်ဓါတ်တွေ ကျကြမှာပဲလေ။ ကျနော်တို့ ဟိုးဖက်ရောက်သွားတယ်။ ဟိုးဖက် ရောက်သွားတော့ စိတ်ဓါတ်ကျတာရှိတယ် ကိုယ့် စိတ်ကိုပြန်ပြီးတော့ အားမွေးတယ်။ ငါ ဒီ အလုပ်တွေ ပြန်လုပ်နိုင်ရမယ်။ အနည်းဆုံး အရင်လို ရှေ့တန်း မသွားနိုင်တော့ဘူးဆိုရင်တောင်မှ အနည်းဆုံး ဒီစစ်ဇုန်မှာ ဖြစ်ဖြစ် Danger Zoneမှာ ဖြစ်ဖြစ် လုပ်နိုင်ရမယ် ဆိုတဲ့ ရည်ရွယ်ချက်နဲ့ အားတင်းထားခဲ့တယ်။ “

လက်ရှိမှာဆိုရင်တော့ အွန်လိုင်းကနေ ၁၀ တန်းပြန်လည် ဖြေဆိုဖို့အတွက် ပညာပြန်လည်သင်ကြားနေပါတယ်။ မောင်ဂျုးအောင် ဟာဆိုရင် ဘဝကို အရှုံးမပေးတတ်တဲ့ လူငယ်ပီပီ ဖြစ်ချင်တဲ့ ရည်ရွယ်ချက်ကို ကြိုးစားအကောင်အထည်ဖော်လျက်ရှိနေပါတယ်။

“ ဒီအခြေအနေတွေပြီးရင်ပေါ့ ဒီတော်လှန်ရေးတွေ ပြီးသွားရင် အားလုံးကလက်နက်တွေပဲဆက်ကိုင်ကြမှာမဟုတ်ဖူး ကျွန်တော်တို့ဒီ ကိုယ့် ဘဝကိုယ် ဆက်ပြီးလျှောက်လှမ်းကြမဲ့ လူတွေလဲရှိတာပေါ့ အဲ့မာ ကျွန်တော်တို့ကလဲ ပညာသင်မယ် သင်ပြီးတာနဲ့ ပညာတတ်တစ်ယောက်ဖြစ်တဲ့အခါကျရင် ကျွန်တော် ဒီ ဆရာဝန် သို့မဟုတ် အင်ဂျင်နီယာ တို့ဖြစ်ဖြစ် ကျွန်တော် လုပ်မယ်လို့တော့ ရည်ရွယ်ချက်တော့ရှိတာပေါ့ “

spot_imgspot_imgspot_imgspot_img

More from the blog

စစ်ရှောင်လူထုတွေ ပါဝင်ကျင်းပကြတဲ့ ကေးထျိုးဘိုး (ခေါ်) တံခွန်တိုင်ပွဲတော်

ကန္တာရဝတီတိုင်း(မ်) ကရင်နီလူမျိုးတို့ရဲ့ ရိုးရာဓလေ့ဖြစ်တဲ့ ကေးထျိုးဘိုး (ခေါ်) တံခွန်တိုင်ပွဲတော်ကို မတ်လ ၂၂ရက်နေ့မှာ ဒီးမော့ဆိုမြို့နယ် အနောက်ဘက်ခြမ်းတစ်နေရာမှာ ကျေးရွာဒေသခံတွေနဲ့ စစ်ရှောင်တွေစုပေါင်းပြီး ပြုလုပ်ခဲ့ကြပါတယ်။ ကျေးရွာကော်မတီတစ်ဦးဖြစ်တဲ့ ဒေါ်ပုက ပွဲတော်ပြုလုပ်ရတဲ့ ရည်ရွယ်ချက်ကို အခုလိုပြောပါတယ်။ “ ရည်ရွယ်ချက်က သူ့ရဲ့ရိုးရာဓလေ့က ဟိုးဘိုးဘွားဘီဘေခေတ်ကတည်းက လုပ်လာခဲ့တဲ့ ရိုးရာဓလေ့တစ်ခုပေါ့။ အဲ့ဒါသူက သူ့ရဲ့ရိုးရာက ဘာကြောင့်လုပ်ရလည်းဆိုရင်တော့...

ဝါးပင်တွေရှားပါးလာတာကြောင့် စစ်ရှောင်တွေရဲ့ ဝါးတဲအိမ်တွေကို အသစ်ပြန်လည်ပြုပြင်ဖို့ ခက်ခဲနေ

ကန္တာရဝတီတိုင်း(မ်) ထိုင်း-ကရင်နီနယ်စပ် စစ်ရှောင်စခန်းတစ်နေရာမှာ စစ်ရှောင်နေအိမ်တွေ ဝါးပိုးထိုးပြီး အသစ်ပြန်လည်ပြုပြင်ဖို့ လိုအပ်နေပြီး တစ်ဖက်မှာလည်း ပြန်လည်ပြုပြင်ဖို့ အခက်အခဲ များစွာရှိတယ်လို့ ပြန်လည်ပြုပြင်လိုတဲ့ စစ်ရှောင်တွေဆီကနေ သိရပါတယ်။ အဆိုပါ စစ်ရှောင်စခန်းဟာ ယခင်က သစ်ဝါးတွေကို နီးနီးနားနားမှာတင် ခုတ်ယူနိုင်ပေမဲ့ စစ်ရှောင်ဦးရေ တဖြည်းဖြည်းများလာတာကြောင့် နေအိမ်ဆောက်လုပ်နိုင်ဖို့ သစ်ဝါးတွေဟာလည်း ရှားပါးလာတယ်လို့ ဆိုပါတယ်။ “အရင်တုန်းကခုတ်တာက...

နယ်စပ်ဒေသမှာ ဖွင့်လှစ်တဲ့ Pre-GED program ကို အဆင့်မြင့်တိုးချဲ့သွားဖို့ရှိ

ကန္တာရဝတီတိုင်း(မ်) ထိုင်း-ကရင်နီနယ်စပ်တစ်နေရာမှာဖွင့်လှစ်ထားတဲ့ Pre-GED program အပတ်စဉ် (၁) ဆင်းပွဲကို ဒီကနေ့ မတ်လ ၂၁ ရက်နေ့မှာပြုလုပ်ခဲ့ပြီး လာမယ့် စာသင်နှစ်တွေမှာ အဲဒီ programကို အဆင့်မြင့် တိုးချဲ့သွားဖို့ရှိတယ်လို့ ဆယ်သဲဖောင်ဒေးရှင်းဒါရိုက်တာ ဆရာမမော်မိမာက ပြောပါတယ်။ “ ကျမတို့ လက်ရှိမှာက ထိုင်း ပညာရေးဌာနတွေနဲ့ ချိတ်ဆက်ထားတာ...

KNDF ဥက္ကဌ ခွန်းဘီထူးနဲ့ တွေ့ဆုံမေးမြန်းခြင်း

ကန္တာရဝတီတိုင်း(မ်) မတ်လအတွင်း ပြင်းထန်တဲ့ ထိုးစစ်တွေကြောင့် တိုက်ပွဲတွေ ဖြစ်ပွားတဲ့ ကရင်နီပြည်အတွင်းနဲ့ ရှမ်းပြည်နယ်တောင်ပိုင်းရဲ့ စစ်ရေးအခြေအနေ၊ တိုက်ပွဲကြောင့် ထပ်ဆင့်ထွက်ပြေးတိမ်းရှောင်ကြရတဲ့ စစ်ရှောင်လူထုတွေရဲ့ လတ်တလောရင်ဆိုင်ကြုံတွေ့ရတဲ့ အခြေအနေတွေနဲ့ ပတ်သက်ပြီး ကန္တာရဝတီတိုင်း(မ်) မှ ကရင်နီအမျိုးသားများ ကာကွယ်ရေးတပ် KNDF ရဲ့ ဥက္ကဌ ခွန်းဘီထူးနဲ့ တွေ့ဆုံမေးမြန်းမှုကို တင်ဆက်ပေးလိုက်ပါတယ်။ https://youtu.be/8DLngFbR4J4