spot_img
Thursday, December 1, 2022
spot_img

မိုးဗြဲတိုက်ပွဲအတွင်း နှစ်ဖက်အကျအဆုံးရှိ၊ ရှေ့တန်းကယ်ဆယ်ရေးလုပ်နေတဲ့ ဒေါက်တာတစ်ဦးကျဆုံးခဲ့

spot_imgspot_imgspot_imgspot_img

ကန္တာရဝတီတိုင်း(မ်)

တိုက်ပွဲပြင်းထန်လျက်ရှိတဲ့ ယမန်နေ့ ဖေဖော်ဝါရီလ ၁၇ရက်နေ့ မိုးဗြဲတိုက်ပွဲအတွင်းမှာ နှစ်ဖက်အကျအဆုံးရှိခဲ့ပြီး ဒဏ်ရာရတဲ့ရဲဘော်တွေကို ကူညီကယ်ဆယ်ပေးတဲ့ ဒေါက်တာစွမ်းထက်အောင်(ခ)အောင်ကြီး ကျဆုံးခဲ့တယ်လို့ ကရင်နီဒီမိုကရက်တစ်တပ်ဦး (KDF) ကသတင်းထုတ်ပြန်ထားပါတယ်။

၎င်းဒေါက်တာစွမ်းထက်အောင်(ခ)အောင်ကြီးက တော်လှန်ရေးကာလအတွင်း အထူးဆေးတပ်သားသင်တန်းတွေကို ဆေးဘက်ဆိုင်ရာ လမ်းညွှန်သင်ကြား ပေးသူလည်းဖြစ်တယ်။ မိုးဗြဲတိုက်ပွဲမှာ ရှေ့တန်းဒဏ်ရာရတဲ့တပ်ဖွဲ့ဝင်တွေကို ကူညီပေးရင်း ဒေါက်တာကျဆုံးခဲ့တာဖြစ်ပါတယ်။

ဒါ့အပြင် လွိုင်ကော်ပညာရေးဒီဂရီကောလိပ်မှ ဒုတိယနှစ်ကျောင်းသား မောင်မြတ်မင်းခန့် လည်း တိုက်ပွဲအတွင်း ကျဆုံးခဲ့တယ်လို့ လွိုင်ကော်ပညာရေးဒီဂရီကောလိပ်ကျောင်းသားများသမဂ္ဂက ဝမ်းနည်းကြောင်း သတင်းထုတ်ပြန်ပါတယ်။

လွိုင်ကော်ပညာရေးကောလိပ်မှ ကျောင်းဆင်းဆရာတွေဖြစ်ကြတဲ့ ကိုအောင်နိုင်၊ ကိုဟင်နရီ၊ ကိုနိုင်လင်း၊ ကိုမြတ်မင်းခန့် တို့ လေးဦးဟာ စစ်အာဏာရှင်ကို ဆန့်ကျင်တွန်းလှန်လျက် သူရဲကောင်းပီသစွာ ကျဆုံးခဲ့ရပါတယ်။

ကရင်နီ-ရှမ်းနယ်စပ် မိုးဗြဲမြို့မှာ ယမန်နေ့ အစောပိုင်းကစ ညပိုင်းအထိ တိုက်ပွဲပြင်းထန်ခဲ့ပြီး ကရင်နီပူးပေါင်းတပ်ဖွဲ့မှ ကျဆုံးမှုရှိခဲ့သလို စစ်ကောင်စီဖက်ကလည်း သေဆုံးဒဏ်ရာရသူရှိတယ်လို့ သိရပါတယ်။ နှစ်ဖက်အကျအဆုံးကိုတော့ အတည်မပြုနိုင်သေးပါဘူး။

တိုက်ပွဲအတွင်း စစ်ကောင်စီဖက်ကနေ လက်နက်ကြီးအဆက်မပြတ် ပစ်ခတ်မှုအပြင် တင့်ကားသုံးပြီး တိုက်ခိုက်ခဲ့သလို ညနေပိုင်း ၆နာရီဝန်းကျင်မှာတော့ တိုက်လေယာဉ် ၂စီးနဲ့ ၈ကြိမ်ထက်မနည်း လေကြောင်းတိုက်ခိုက်မှုပြုလုပ်ခဲ့တဲ့အတွက် ကရင်နီပူးပေါင်းတပ်ဖွဲ့မှ တပ်ဖွဲ့ဝင်အပြင် ဒေသခံအချို့လည်း ထိခိုက်မှုရှိခဲ့ပါတယ်။

မိုးဗြဲမှာ အင်အားအများအပြားနဲ့ ထိုးစစ်ဆင်တိုက်ခိုက်လာတဲ့ စစ်ကောင်စီတပ်နဲ့ DMO PDF၊ PK-PDF၊ MB-PDF၊ LK-PDF၊ အလယ်ပိုင်းတိုင်း၊KNDF၊ KGZ၊ ကရင်နီတပ်မတော်(KA) တို့ ပူးပေါင်းတိုက်ခိုက်ခဲ့တာဖြစ်ပါတယ်။

မိုးဗြဲမြို့တွင်း ပြည်သူလူထုတွေ တိုက်ပွဲအတွင်းပိတ်မိခဲ့သလို အနီးအနားဝန်းကျင်က ကျေးရွာတွေအပါအဝင် စစ်ဘေးတိမ်းရှောင်သူ သောင်းချီ ရှိနေပါတယ်။

spot_imgspot_imgspot_imgspot_img

More from the blog

သေးဆူလဲ – နန်းမယ်ခုံ ကျေးရွာ တစ်ကြောမှာ စစ်ကောင်စီတပ်ပြန်ဆုတ်ခွာ၊ စစ်ရေးတင်းမာနေသေး

ကန္တာရဝတီတိုင်း( မ် ) ဒီးမော့ဆိုမြို့ နယ် သေးဆူလဲ - နန်းမယ်ခုံ ကျေးရွာ တစ်ကြောမှာ စစ်ကောင်စီတပ် မနေ့က ( နိုဝင်ဘာလ ၃၀ ရက်နေ့ ) စပြီး ပြန်လည်ဆုတ်ခွာသွားတယ်လို့ ကရင်နီပြည် ကာကွယ်ရေး ဒု-ဝန်ကြီး ခူဒယ်နီယာယ်က ပြောပါတယ်။ “နှစ်ရက်သုံးရက်လောက်ရှိပြီ။ သေးဆူလဲ-...

စစ်ရှောင်နေအိမ်အမိုးပိုကြာရှည်ခံဖို့ မိုးကာအစား သက်ကယ်ကို အစားထိုးအသုံးပြု

ကေးဒူ (ကန္တာရဝတီ တိုင်း(မ်)) ကရင်နီပြည်တွင်းက စစ်ဘေးရှောင်အိမ်တွေမှာ ယခင်က မိုးကာနဲ့ အသုံးပြုပေမယ့် တစ်နှစ်မှာ မိုးကာ နှစ်ခါ သို့မဟုတ် သုံးခါ လဲလှယ်ရတဲ့အတွက် အဲဒီအစား တစ်နှစ်စာပိုခံနိုင်ဖို့ စစ်ရှောင်တွေဟာ သက်ကယ်ကို ရှာပြီးတော့ ရိတ်ယူနေကြပါတယ်။ ဒီးမော့ဆို အရှေ့ဘက်ခြမ်း စစ်ရှောင်စခန်းမှာ နေထိုင်တာ တစ်နှစ်ကျော်ပြီဖြစ်တဲ့ အာဒြေးကိုကတော့...

စစ်ရှောင်စာသင်ကျောင်းတစ်ခုမှာ သင်ပုန်းမလုံလောက်၊ မိုးကာပေါ် စာရေးသင်ကြားနေရ

ကန္တာရဝတီတိုင်း( မ် ) ဒီးမော့ဆိုအနောက်ဖက်ခြမ်း စစ်ရှောင်စာသင်ကျောင်းတစ်ခုမှာ KG တန်းအတွက် စာသင်ပုန်းမလုံလောက်တဲ့အတွက် ကျောင်းက အမိုးအကာ ပေါ်မှာ စာရေးသင်ကြားပေးနေရတယ်လို့ ဆရာမ တစ်ဦးက ပြောပါတယ်။ "ကျမတို့ KG တန်းမှာ White Board မရှိတော့ ဆရာမတစ်ယောက်ကနေပြီးတော့ မိုးကာပေါ်မှာဘဲ စာရေးပေးရတယ် အဲလိုမျိုးပေါ့။" လို့...

ယင်းတလဲစာပေတွေကို စာသင်ကျောင်းတွေမှာ ထည့်သွင်း သင်ကြားပေးနေ

ကန္တာရဝတီတိုင်း( မ် ) ကရင်နီပြည်ထဲမှာရှိတဲ့ ယင်းတလဲ လူမျိုးစု အနေနဲ့ လူမျိုးမပျောက်ကွယ်အောင် စာပေတွေကို ယင်းတလဲလူမျိုးတွေ အများစုနေထိုင်တဲ့ဒေသက စာသင်ကျောင်းတွေမှာ ဘာသာရပ်တစ်ခုအနေနဲ့ စတင်သင်ကြားပေးနေပြီလို့ ယင်းတလဲလူမျိုး တစ်ဦးက ပြောပါတယ်။ “လူမျိုးလည်း နည်းလာပြီပေါ့နော။ လူမျိုးနည်းလာတော့ အခုကလည်း ဘယ်လိုပြောရမလဲ။ ယဉ်ကျေးမှုပဲ လွှမ်းမိုးတာလား။ လူမျိုးအချင်းချင်းကပဲ လွှမ်းမိုးတာပဲဖြစ်ဖြစ်...