spot_img
Sunday, February 5, 2023
spot_img

မိုးဗြဲမြို့ပေါ် တစ်နေရာ မနက်ပိုင်း ထိတွေ့တိုက်ပွဲဖြစ်၊ လက်နက်ကြီး ရမ်းသန်းပစ်ခတ်မှုရှိ

spot_imgspot_imgspot_imgspot_img

ကန္တာရဝတီတိုင်း(မ်)

ဒီကနေ့ (ဇူလိုင် ၁၈ရက်) မနက်ပိုင်း မိုးဗြဲ မြို့တွင်း တစ်နေရာမှာ ထိတွေ့တိုက်ပွဲ ဖြစ်ပွားပြီး စစ်ကောင်စီဖက်က လက်နက်ကြီးတွေ ပစ်ခတ်တာကြောင့် နေအိမ်တစ်လုံးမီးလောင်ခဲ့တယ်လို့ ဒေသခံတွေဆီကနေ သိရပါတယ်။

မနက် ၇ နာရီခွဲဝန်းကျင်အချိန်လောက်က လက်နက်ကြီးပစ်ခတ်မှုကြောင့် စည်ကား (၁)ရပ်ကွက်က နေအိမ်တစ်လုံး ထိမှန်မီးလောင်ခဲ့တာကြောင့် ဒေသခံတွေနဲ့ပူးပေါင်းပြီး မီးငြိမ်းသတ်နိုင်ခဲ့တယ်လို့ မိုးဗြဲမြို့က ကယ်ဆယ်ရေးနဲ့ စစ်ဘေးရှောင် ကူညီထောက်ပံ့ရေးအဖွဲ့ (MBRT) အဖွဲ့ဝင် တစ်ဦးက ပြောပါတယ်။

“ ကျမတို့ ကြားသိသလောက်ကတော့ ၃၊ ၄လုံးလောက် ပစ်တယ်။ နောက်ပြီးတော့ နေအိမ်တစ်လုံး လာထိမှန်ပြီးတော့ မီးလောင်သွားတယ်။ စည်ကား (၁) ရပ်ကွက် က ပြည်သူနေအိမ်တစ်လုံးကို လက်နက်ကြီး လာထိမှန်ပြီးတော့ မီးလောင်သွားတယ်။ ကျမတို့ အဖွဲ့သားထဲကနေပြီးတော့ မီးသွား ငြိမ်းလိုက်တယ်။ “ လို့ သူက ဆိုပါတယ်။

ပစ်ခတ်မှုကြောင့် လက်နက်ကြီးထိမှန်ဒဏ်ရာရရှိပါက Mobye Rescue Team ကို ဆက်သွယ်အကြောင်းကြားနိုင်ကြောင်း ထုတ်ပြန်ထားတာရှိပါတယ်။

ပစ်ခတ်မှုတွေကြောင့် အနီးအနားက ဒေသခံတွေအနေနဲ့ လုံခြုံရာနေရာနဲ့ ဘုန်းကြီးကျောင်းတွေမှာ သွားရောက်တိမ်းရှောင်ခဲ့တယ်လို့ သိရပါတယ်။

“ တချို့ ရပ်ကွက်တွေ တိမ်းရှောင်ရတာရှိတယ်။ တချို့ ရပ်ကွက်ကျတော့လည်း အနီးအနား ဘုန်းကြီးကျောင်းတွေမှာ သွားတိမ်းရှောင်တာတွေ ရှိတယ်။ “ လို့ မိုးဗြဲ ဒေသခံ တစ်ဦး က ပြောပါတယ်။

မနက် (၂) နာရီ အချိန် မိုးဗြဲမြို့ ၊ မားသားဝေါလ်အနီး၊ ကားရေဆေးစင် နဲ့ ဘုရားကျောင်း မှာ စစ်ကောင်စီ လှုပ်ရှားမှုတွေ ရှိနေတာဖြစ်ပြီး ပြည်သူလူထုတွေအနေနဲ့ မြို့တွင်းသွားလာတာတွေ မပြုလုပ်ဖို့ မိုးဗြဲ PDFက ဒီကနေ့မနက်ပိုင်းအစောပိုင်းမှာ သတိပေး ထုတ်ပြန်ခဲ့ပါတယ်။

စစ်ကြောင်းထိုးလာတဲ့ စစ်ကောင်စီတပ်ကို တိုက်ခိုက်ခဲ့တာဖြစ်နိုင်တယ်လို့ ဒေသခံတွေပြောဆိုကြပေမယ့် တိုက်ပွဲဖြစ်ပွားရခြင်းအကြောင်းအရင်း အသေးစိတ်ကိုတော့ မိုးဗြဲ PDFကို ဆက်သွယ်မေးမြန်းခဲ့ပေမယ့် အသေးစိတ်ဖြေကြားနိုင်ခြင်း မရှိိသေးဘူးလို့ဖြေကြားခဲ့ပါတယ်။

ဒီကနေ့ မနက် အစောပိုင်း ပစ်ခတ်မှု ဖြစ်ပွားခဲ့ပြီးနောက် အတော်အတန်ကြာ ပြန်လည် ငြိမ်သက်ခဲ့ပြီး နေ့ခင်းပိုင်းမှာ စစ်ကောင်စီဖက်က လက်နက်ကြီးရမ်းသန်းပစ်ခတ်မှုပြုလုပ်ခဲ့တယ်လို့ ဒေသခံတွေဆီကနေ သိရပါတယ်။

အဓိကလမ်းမကြီးဖြစ်တဲ့ မိုးဗြဲမြို့- ဖယ်ခုံမြို့တစ်လျှောက်မှာ ကရင်နီဒေသခံကာကွယ်ရေးပူးပေါင်းတပ်ဖွဲ့နဲ့ စစ်ကောင်စီတပ်တို့ မကြာခဏ တိုက်ပွဲဖြစ်ပွားမှုကြောင့် ခရီးသွားပြည်သူတွေ ကားလမ်းပိတ်မှုဖြစ်ပွားခဲ့တာလည်းရှိပါတယ်။ ဒါ့အပြင် ရွာအတွင်းတပ်စွဲမှု၊ တိုက်ပွဲတွေကြောင့် မိုးဗြဲ၊ ဖယ်ခုံ​ အနီးတစ်ဝိုက်က ဒေသခံအများအပြားဟာ လက်ရှိအချိန်ထိ နေရပ်ပြန်နိုင်ခြင်းမရှိသေးပါဘူး။

spot_imgspot_imgspot_imgspot_img

More from the blog

လွိုင်ကော်တိုက်ပွဲအတွင်း စစ်ကောင်စီ (၁၅)ဦး ထက်မနည်းသေဆုံး၊ လက်နက်ကြီးပစ်ခတ်မှုကြောင့် ဘုရားကျောင်းအပါအဝင် နေအိမ်ပျက်စီးမှုရှိ

ကန္တာရဝတီတိုင်း(မ်) ကရင်နီပြည် လွိုင်ကော်မြို့နယ်တစ်နေရာမှာ ယမန်နေ့ (ဖေဖော်ဝါရီ ၄ရက်) ည အချိန် စစ်ကောင်စီတပ်နဲ့ ကရင်နီဒေသခံကာကွယ်ရေးပူးပေါင်းတပ်တို့ တိုက်ပွဲပြင်းထန်ခဲ့ပြီး နှစ်ဖက်ထိခိုက်ကျဆုံးမှုရှိခဲ့တယ်လို့ ကရင်နီတပ်မတော် စစ်ရေးချုပ် ဗိုလ်မှူးကြီး ဘုန်းနိုင် ကပြောပါတယ်။ “ ရန်သူဖက် ၁၅ယောက်သေတယ်လို့ ပြောတယ်။ ကျနော်တို့ဖက် KNDFက တစ်ယောက် ဒဏ်ရာရတယ်။ PDFဖက်က...

မိုးဗြဲစျေးမှာ အမျိုးသားတစ်ဦး သေနတ်ပစ်ခတ်ခံရ၊ ဈေးပိတ်သိမ်းခဲ့

ကန္တာရဝတီတိုင်း( မ် ) ဒီကနေ့ ဖေဖော်ဝါရီလ ၄ ရက်နေ့ နေ့ လည် ၁၂ နာရီ ဝန်းကျင်အချိန်မှာ ရှမ်း- ကရင်နီနယ်စပ် မိုးဗြဲမြို့ စျေးထဲ အမျိုးသားတစ်ဦး သေနတ်နဲ့ ပစ်ခတ်ခံရတယ်လို့ မျက်မြင်ဒေသခံတွေဆီကနေ သိရပါတယ်။ “စျေးထဲမှာ လူတစ်ယောက် သေနတ်နဲ့ ပစ်ခံရတယ်လေ။ နောက်ကျနော်ကြည့်တဲ့အခါတော့...

လွိုင်ကော်အရှေ့ဘက်ခြမ်းရှိ စစ်ရှောင်ဆေးခန်းတစ်ခု လေကြောင်းတိုက်ခိုက်ခံရ

ကန္တာရဝတီတိုင်း( မ် ) ယမန်နေ့ (ဖေဖော်ဝါရီလ ၃ရက်) က ကရင်နီပြည် လွိုင်ကော်မြို့ အရှေ့ဘက်ခြမ်းမှာ တိုက်ပွဲဖြစ်ပွားခြင်းမရှိဘဲ လေကြောင်းနဲ့ ဗုံးကျဲတိုက်ခိုက်ခံရမှုကြောင့် စစ်ဘေးရှောင်ဆေးခန်းတစ်ခု မီးလောင်ပျက်စီးသွားတယ်လို့ ကရင်နီပြည်ထဲရေးဝန်ကြီးဌာနမှ ပြည်ထဲရေးဝန်ကြီး ခူညေးရယ်က ပြောပါတယ်။ “ မနေ့ည ၆နာရီ ခွဲပေါ့ အဲ့မှာ လေယာဉ်တစ်စင်းနဲ့ လာပစ်တယ်။...

ကရင်နီပြည်မှာ ဇန်နဝါရီလ တစ်လအတွင်း တိုက်ပွဲ (၃၆)ကြိမ်ဖြစ်ပွားခဲ့ပြီး နှစ်ဖက်ထိခိုက်ကျဆုံးမှုရှိခဲ့

ကန္တာရဝတီတိုင်း(မ်) ကရင်နီပြည်မှာ ဇန်နဝါရီတစ်လအတွင်း စစ်ကောင်စီတပ်နဲ့ ထိတွေ့တိုက်ပွဲပေါင်း (၃၆)ကြိမ်ဖြစ်ပွားခဲ့ပြီး စစ်ကော်စီဖက် (၂၂)ဦး သေဆုံးခဲ့သလို KNDFမှရဲဘော် ၅ဦး ကျဆုံးခဲ့တယ်လို့ ကရင်နီအမျိုးသားများကာကွယ်ရေးတပ် (KNDF)က ဒီကနေ့ (ဖေဖော်ဝါရီ ၃ရက်နေ့ ) မှာ သတင်းထုတ်ပြန်ပါတယ်။ တိုက်ပွဲအတွင်း နှစ်ဖက်အကျအဆုံးရှိခဲ့သလို လက်ရှိအချိန်ထိ ဒီးမော့ဆိုအရှေ့ဖက်ခြမ်းမှာ ဇန်နဝါရီလ ဒုတိယအပတ်ကတည်းက...