spot_img
Saturday, December 10, 2022
spot_img

မိုးဗြဲမြို့ မွေတော်ဘုရားဘုန်းကြီးကျောင်းမှာ ၈ရက်ကြာ ပိတ်မိနေတဲ့ ပြည်သူတွေရှိနေသေး

spot_imgspot_imgspot_imgspot_img

ကန္တာရဝတီတိုင်း( မ် )

ရှမ်း-ကရင်နီနယ်စပ် မိုးဗြဲမြို့ မွေတော်ဘုရား ဘုန်းကြီးကျောင်းမှာ စက်တင်ဘာလ ၁၉ရက်နေ့ကနေ ဒီကနေ့ ၂၆ရက်နေ့အထိ ပြည်သူတချို့ ပိတ်မိနေတာ ၈ ရက်မြောက်ရှိပြီဖြစ်တယ်လို့ ကယ်ဆယ်ရေးဆောင်ရွက်နေကြတဲ့ အဖွဲ့ဆီကနေ သိရပါတယ်။

“မြို့တွင်းက မွေတော်ဘက်မှာတော့ အဲ့ဒီဘက်မှာတော့ ညီမတို့လည်း ဝင်လို့မရဘူး။ စစ်ကောင်စီမြို့ထဲမှာ အကုန်လုံး ထိုင်ထားတယ်ဆိုတော့ ညီမတို့လည်း ဝင်လို့မရဘူး။ အဲ့ဒီဘက်အခြေအနေကတော့ ညီမတို့ မသိရဘူးပေါ့နော။ သူတို့(စစ်ကောင်စီ)ထိုင်ထားတဲ့ မြို့တွင်းက ဘုန်းကြီးကျောင်းတို့ အဲ့ဒီလို မြို့တွင်းက လူတွေက အခုအချိန်အထိ မြို့တွင်းမှာရှိနေကြသေးတယ်ပေါ့နော။” လို့ ကယ်ဆယ်ရေးဆောင်ရွက်ပေးသူတစ်ဦးက ပြောပါတယ်။

ပြီးခဲ့တဲ့ စက်တင်ဘာလ ၈ ရက်နေ့မှစ ၅ရက်ဆက်တိုက် မိုးဗြဲမြို့ ကတ်သလစ်ဘုရားကျောင်းအနီးတစ်ဝိုက်၊ ပွဲကုန်းရပ်ကွက်တွေမှာ နှစ်ဖက်ထိတွေ့ တိုက်ပွဲဖြစ်ပွားခဲ့တာပါ။ စက်တင်ဘာလ ၁၂ရက်နေ့မှာ စစ်ကောင်စီတပ် ပြန်ဆုတ်ခဲ့ပေမယ့် တစ်ပတ်အကြာ စက်တင်ဘာလ ၁၉ရက်နေ့ကစပြီး တစ်ကျော့ပြန် မိုးဗြဲမြို့ကို ထိုးစစ်ဆင်တပ်ပြန်စွဲထားတယ်လို့ ကာကွယ်ရေးတပ်ဖွဲ့တွေရဲ့ထုတ်ပြန်ချက်အရ သိရပါတယ်။

စစ်ကောင်စီတပ်စွဲပြီးနောက် စက်တော်ရာဘုန်းကြီးကျောင်းနဲ့ မွေတော်ဘုရားဘုန်းကြီးကျောင်းတွေမှာ ခိုလှုံနေတဲ့ ပြည်သူ ၁၀၀ခန့် ပိတ်မိနေတယ်လို့ မိုးဗြဲ PDF က စက်တင်ဘာလ ၁၉ရက်နေ့မှာ ထုတ်ပြန်ထားပါတယ်။

စက်တင်ဘာလ ၂၀ ရက်နေ့မှာ ပိတ်မိနေတဲ့ ပြည်သူတစ်ဝက် ပြန်လွှတ်ခဲ့ပေမယ့် တစ်ဝက်ကတော့ လက်ရှိအချိန်အထိ ပိတ်မိနေသေးတယ်လို့ သိရပါတယ်။

“ တိုက်ပွဲဖြစ်တာနဲ့မင်းတို့ကို သတ်မယ်ဆိုပြီးတော့မှ အဲ့လိုမျိုး ခြိမ်းခြောက်ထားတာတွေရှိတယ်လို့ အဲ့ဒီသတင်းအချက်အလက်တွေ သိရတယ်။ ဒါကတော့ သူတို့ရဲ့ ညှင်းပမ်းနှိပ်စက်မှုပေါ့နော် သူတို့ရဲ့ကြပ်ကိုင်မှုက အဲ့လိုမျိုးအမှန်တော့ စစ်ဖြစ်တာက လက်နက်ကိုင်တဲ့လူနဲ့ပဲဆိုင်တယ်။ လူထုနဲ့တော့ ဘာမှမဆိုင်ဘူး။ ဒါကသူတို့ရဲ့လုပ်ရိုးလုပ်စဉ်တစ်ခုပဲ ပြောလို့လည်းရပါတယ်။ ဒါကအခုမှလုပ်တာမဟုတ်ဘူး။ နှစ်ပေါင်းအများကြီး သူတို့ဒီလိုမျိုး ကျင့်သုံးလာတာရှိတယ်။ အဲ့တော့အခုလောလောဆယ်ကတော့ ကျန်တဲ့လူတွေ ဘယ်လိုဖြစ်နေလည်းအတိကျမသိရတော့ဘူး။ “ လို့ ကရင်နီပြည် ကာကွယ်ရေး ဒု-ဝန်ကြီး ခူဒယ်နီယာယ် က စစ်ကောင်စီရဲ့ လုပ်ရပ်နဲ့ ပတ်သက်ပြီး ပြောပါတယ်။

လက်ရှိအချိန်အထိ မိုးဗြဲမြို့တွင်း တချို့နေရာတွေမှာ စစ်ကောင်စီက အရပ်ဝတ်တွေနဲ့ နေထိုင်တာရှိသလို စက်တော်ရာဘုရားတောင်ပေါ်နဲ့ လွယ်ယင်းမင်္ဂလာကျေးရွာ ကာလာဝါရီတောင်ပေါ်မှာ တပ်စွဲထားတယ်လို့ မိုးဗြဲPDF ထုတ်ပြန်ချက်အရ သိရပါတယ်။

မိုးဗြဲမြို့တွင်းမှာ စစ်ကောင်စီတစ်ကျော့ပြန် စစ်ကြောင်းထိုးလာတဲ့ စက်တင်ဘာလ ၁၉ ရက်နေ့ကစပြီး ၂၄ရက်နေ့အထိ တိုက်ပွဲအတွင်း စစ်ကောင်စီက တင့်ကား၊ လက်နက်ကြီးပစ်ကူအမြောက်အများသုံးပြီး တိုက်ခိုက်နေတယ်လို့ ကာကွယ်ရေးတပ်ဖွဲ့ထံကနေ သိရပါတယ်။

“ အခုအများဆုံးဖြစ်တာက မိုးဗြဲရဲ့ အနောက်ပဒေါင်သွားတဲ့ ဘက်ခြမ်းပေါ့နော။ မိုးဗြဲရဲ့ လွိုင်ကော်သွားတဲ့ဘက်ခြမ်းကတော့ အခုလက်ရှိအခြေအနေအထိတော့ ဟိုးအစကတည်းက အခုထိ မဖြစ်သေးဘူးပေါ့နော။ ” လို့ KNDF B-03 တာဝန်ရှိသူတစ်ဦး က စက်တင်ဘာလ ၂၅ရက်နေ့မှာ ဖြေကြားထားပါတယ်။

ဒီကနေ့မနက်ပိုင်းမှာလည်း မိုးဗြဲမြို့တွင်းမှာ လက်နက်ကြီးပစ်ခတ်တာတွေရှိနေပြီး ထိတွေ့တိုက်ပွဲဖြစ်ပွားခြင်း မရှိသေးပေမယ့် စစ်ရေးတင်းမာနေတဲ့အနေအထားမှာရှိနေတယ်လို့ ကာကွယ်ရေးတပ်ဖွဲ့တွေက ပြောပါတယ်။

MBPDF 1001၊ MBPDF 1007၊ ဖယ်ခုံ PDF B-01၊ လွိုင်ကော် PDF၊ အလယ်ပိုင်းတိုင်း အထူးစစ်ဆင်ရေးတပ်ဖွဲ့၊ DMO 1102 တပ်ရင်း၊ နေပြည်တော် PDF၊ KNDF၊ KGZ၊ URF စတဲ့ ပူးပေါင်းတပ်ဖွဲ့နဲ့ စစ်ကောင်စီတပ်တို့ တိုက်ပွဲဖြစ်ပွားနေတာပါ။ တိုက်ပွဲအတွင်း နှစ်ဖက်အထိအခိုက် အကျအဆုံးတွေ ရှိနေပေမယ့် အတိအကျကိုတော့ သီးခြားအတည်ပြုနိုင်ခြင်းမရှိသေးပါဘူး။

ဓာတ်ပုံ – မိုးဗြဲ PDF တပ်ရင်း ( ၂ )
spot_imgspot_imgspot_imgspot_img

More from the blog

စစ်ရှောင်ဆေးပေးခန်းတစ်ခုမှာ ဆေးဝါးတွေမရှိတော့တဲ့အတွက် ယာယီပိတ်ထားရ

CJ ( ကန္တာရဝတီတိုင်း ( မ် )) ကရင်နီပြည် ဒီးမော့ဆိုမြိုနယ် အရှေ့ဖက်ခြမ်း စစ်ဘေးရှောင်တစ်နေရာမှာ ဖွင့်လှစ်ထားတဲ့ ကိုယ်ထူကိုယ်ထ ကျန်းမာရေးဆေးပေးခန်းတစ်ခု အလှူရှင်တွေကို မှီခိုအားကိုးနေရပြီး လက်ရှိမှာ ဆေးဝါးတွေ မရှိတော့တဲ့အတွက် ဆေးပေးခန်း ယာယီပိတ်ထားနေရတယ်လို့ သိရပါတယ်။ " ဒီဇင်ဘာလ ၈ ရက်နေ့က စတင်ပိတ်တာ...

နိုဝင်ဘာလအတွင်း စိတ်ကြွရူးသွပ်ဆေးပြား ငါးထောင်ကျော်ဖမ်းဆီးရမိ

ကန္တာရဝတီတိုင်း(မ်) နိုဝင်ဘာလအတွင်းမှာဆိုရင် ရောင်းဝယ် နေတဲ့ WY စိတ်ကြွရူးသွပ်ဆေးပြားကို ကရင်နီပြည်ရဲဌာန ( KSP ) ကနေ ဖမ်းဆီးရမိတာ‌ေတွရှိပြီး အရေအတွက် ၅၂၂၅ ပြားအထိ ဖမ်းဆီးရမိတာရှိတယ်လို့ သိရပါတယ်။ လက်ရှိကာလအတွင်းမှာ မူးယစ်ဆေးဝါးရောင်းဝယ်သုံးစွဲမှုတွေရှိနေတဲ့အပေါ် KSPအနေနဲ့ မူးယစ်ဆေးဝါးအန္တာရာယ်နဲ့ပတ်သက်ပြီး အသိပညာပေးတာတွေကို လုပ်ဆောင်နေတာတွေလည်း ရှိတယ်လို့ KSP သတင်းနဲ့...

ဆီးသူးတော်စစ်ဘေးဒုက္ခသည်စခန်းမှာ အရေးပေါ်ရိက္ခာတွေကို အသုံးပြုနေရပြီး မကြာခင် ရိက္ခာပြတ်လပ်လာနိုင်

ကန္တာရဝတီတိုင်း( မ် ) ကရင်နီပြည် ဒီးမော့ဆိုမြို့နယ် အနောက်ဘက်ခြမ်းက ဆီးသူးတော်စစ်ဘေးဒုက္ခသည်စခန်းမှာ အလှူရှင်မရောက်တာ သုံးလကျော်ပြီဖြစ်တဲ့အတွက် အရေးပေါ်ရိက္ခာတွေကို အသုံးပြုနေရပြီး မကြာခင် ရိက္ခာပြတ်လပ်လာနိုင်တယ်လို့ စစ်ရှောင်စခန်းကော်မတီတစ်ဦးက ပြောပါတယ်။ လူဦးရေ ၁၀၀၀ကျော်နဲ့ အိမ်ခြေ ၁၆၀ ကျော်ရှိတဲ့ အဲဒီစစ်ဘေးဒုက္ခသည်စခန်းမှာ ၆ အိမ်လောက်က စားဝတ်နေရေး ခက်ခဲတဲ့အတွက် စစ်ဘေးဒုက္ခသည်စခန်းမှာ...

KNDF တပ်ရင်း ၄က ရဲဘော် ဂျေရုမ်း မိုင်းနင်းမိရင်း ကျဆုံး

ကန္တာရဝတီတိုင်း(မ်) ဖရူဆိုမြို့တွင်းတစ်နေရာမှာ နယ်မြေရှင်းလင်းရေးပြုလုပ်ရင်း စစ်ကောင်စီထောင်ထားတဲ့ မိုင်းနင်းမိတဲ့အတွက် ကရင်နီအမျိုးသားများ ကာကွယ်ရေးတပ် ( KNDF ) တပ်ရင်း ၄မှ ရဲဘော် ဂျေရုမ်းဟာ ဒီဇင်ဘာလ ၄ရက်နေ့က ကျဆုံးသွားခဲ့ရပါတယ်။ ရဲဘော် ဂျေရုမ်းဟာ တပ်ရင်း(၄) တည်ထောင်တဲ့အတောအတွင်း ပထမဆုံး ကျဆုံးသွားတဲ့ ရဲဘော်ဖြစ်တယ်လို့ KNDF တပ်ရင်း...