spot_imgspot_imgspot_imgspot_img
Thursday, June 13, 2024
spot_imgspot_imgspot_imgspot_img

မိုးဗြဲ PDF ရဲဘော် ၃ဦးရဲ့ရုပ် အလောင်းကို တစ်ပတ်အကြာမှာ ရေတွင်းထဲပြန်လည်တွေ့ရှိခဲ့

ကန္တာရဝတီတိုင်း(မ်)

စက်တင်ဘာလ ၂၃ ရက်နေ့ မိုးဗြဲ လွယ်ယင်းမင်္ဂလာကျေးရွာတိုက်ပွဲမှာ ပျောက်ဆုံးသွားပြီးနောက် စစ်ကောင်စီရဲ့သတ်ဖြတ်ခြင်းခံရတဲ့ မိုးဗြဲPDFရဲဘော် ၃ဦးရဲ့ ရုပ်အလောင်းကို တစ်ပတ်အကြာမှ ရေတွင်းထဲ ပြန်လည်တွေ့ရှိခဲ့တယ်လို့ မိုးဗြဲPDF လင်းယုန်တပ်ခွဲ- ထောက်ပို့ ရဲ့ လူမှုကွန်ယက်စာမျက်နှာမှာ ဒီကနေ့ ( စက်တင်ဘာလ ၃၀ ရက်နေ့)မှာ ထုတ်ပြန်ဖော်ပြထားချက်အရ သိရပါတယ်။

“ သေဆုံးရဲဘော်ရုပ်အလောင်းအား ပြန်လည်စစ်ဆေးချက်အရ အကြမ်းဖက် စ.က.စ ရဲ့ ပစ်ခတ်မှုကြောင့် ရဲဘော် ၂ဦး သည်ပွဲချင်းပြီး သေဆုံးသည်ဟု ယူဆရပြီး ကျန်ရဲဘော်တစ်ဦးသည် ညာဘက်ခြမ်း ပေါင် သားတွင် သေနတ်ကျည်ထိမှန်ကာ လှုပ်ရှား၍မရသည့်အနေအထားကြောင့် စ.က.စရဲ့ မသေမချင်း ရက်စက်မှုမျိုးစုံနေအောင် ခံစားခဲ့ရပြီးမှ သေဆုံးသည်ဟုယူဆရပါသည် “ လို့ ရဲဘော် ၃ဦး ကျဆုံးမှုနဲ့ ပတ်သက်ပြီး မိုးဗြဲPDF လင်းယုန်တပ်ခွဲ- ထောက်ပို့ ရဲ့ လူမှုကွန်ယက်စာမျက်နှာမှာ ရေးသားဖော်ပြထားပါတယ်။

ရုပ်အလောင်းကို ယမန်နေ့ (စက်တင်ဘာလ ၂၉ရက်) မှာ ပေ (၃၅) အနက်ရှိတဲ့ ရေတွင်းတစ်တွင်းထဲ ပြန်လည်ဆည်ယူခဲ့ရတာဖြစ်ပါတယ်။ ကျဆုံးသွားတဲ့ ရဲဘော် ၃ဦးရဲ့ ရုပ်အလောင်းကို ဆယ်ယူပြီး ကောင်းမွန်စွာ သဂြိုလ်ခဲ့တယ်လို့ သိရပါတယ်။

စက်တင်ဘာလအတွင်းမှာဆိုရင် ကန္တာရဝတီတိုင်း(မ်)ရဲ့လက်လှမ်းမှီသလောက် စာရင်းပြုစုချက်အရ လွိုင်ကော်၊ ဒီးမော့ဆို၊ မိုးဗြဲ တိုက်ပွဲတွေအတွင်း ကျဆုံးသွားခဲ့ရတဲ့ တော်လှန်ရေးတပ်ဖွဲ့ရဲဘော် ၁၇ ဦး ရှိနေတာဖြစ်ပါတယ်။

ကရင်နီအမျိုးသားများကာကွယ်ရေးတပ်(KNDF)ရဲဘော် (၅)ဦး၊ ပြည်သူ့ကာကွယ်ရေးတပ်-ဒီးမော့ဆိုမြို့နယ် DMO-PDFရဲဘော် (၄)ဦး၊ မိုးဗြဲပြည်သူ့ကာကွယ်ရေးတပ် ရဲဘော် (၄)ဦး၊ ဖယ်ခုံမြို့နယ်ပြည်သူ့ကာကွယ်ရေးတပ် ရဲဘော် (၂)ဦး ၊ မြို့ပြတော်လှန်ရေးတပ်ဦး ရဲဘော် (၁)ဦး၊ ကရင်နီဒီမိုကရက်တစ်တပ်ဦး ရဲဘော် (၁) ဦး တို့ ကျဆုံးသွားခဲ့ရတာဖြစ်ပါတယ်။

spot_img
spot_img