spot_img
Wednesday, August 10, 2022
spot_img

မိုးရာသီမှာ စစ်ရှောင်ပြည်သူတွေ အခက်အခဲပိုကြုံတွေ့နေရပြီး မိုးကာလိုအပ်လျက်ရှိ

spot_imgspot_imgspot_imgspot_img

ကန္တာရဝတီတိုင်း(မ်)

မိုးရွာသီရောက်လာပြီးဖြစ်တဲ့အတွက် စစ်ရှောင်စခန်းတွေမှာ နေရေးထိုင်ရေးအတွက် အမိုးအကာ မရှိတဲ့ အခက်အခဲတွေ အရင်ကထက် ပိုကြုံတွေ့နေရတယ်လို့ စစ်ရှောင်တွေကဆိုပါတယ်။

“အခက်အခဲက မိုးကြီးလာပြီဆိုရင် မိုးကမလုံတော့ဘူး မိုးကာ ဘယ်နှထပ်အုပ်ထားအုပ်ထား သူယိုနိုင် တယ်လေ။ ညအိပ်နေတဲ့အချိန်ဖြစ်ခါကျတော့လေ မိုးရေက နာဖူးပေါ်ကျလိုက် လက်ပေါ်ကျလိုက် တစက်တစက် ကျလာတော့ဘယ်ကနေ ကျမှန်မသိဘူးလေ။ သေချာကြည့် လိုက်တော့ မိုးကြီးနေတယ်ပေါ့ အသားကုန်သည်းတာပေါ့နော်” လို့ စစ်ရှောင်တစ်ဉီးက ပြောပါတယ်။

ကရင်နီပြည်က စစ်ရှောင်အများစုဟာ မိုးကာနဲ့ တဲအိမ် ထိုးပြီး တောတောင်တွေ ၊ ကျေးရွာတွေ အနား စစ်ရှောင်နေကြရတာ တစ်နှစ်ကျော်လာခဲ့ပြီဖြစ်ပါတယ်။


“လမ်းကစ နေရေးထိုင်ရေးကနေအစုံပဲ။ မနက်ရောက်ရင် တချို့ဆို ထမင်းဟင်းချက်လို့ မရဘူး ။ တောင်က စောင်းပြီးရေတွေဆင်းလာတဲ့အခါကျတော့ တဲအောက်မှာ ရေတွေအကုန်လုံး ဝင်ကုန်တယ် လေ။ ထင်းတွေလည်း စိုကုန်တော့ ထမင်းတွေ ချက်လို့မရဘူး။ မီးဖိုတွေလည်းရေတွေစိုကုန်တော့ ထမင်း မကျက်နိုင်တော့ဘူးလေ။ မိုးရာသီရောက်ပြီး အဲလိုဖြစ်ဖန်များရင်တော့ ဘယ်လိုဖြစ်လာ မလဲ မသိဘူးပေါ့။” လို့ စစ်ရှောင်တစ်ဦးကပြောပါတယ်။

နေဖို့ တဲအိမ်တွေအတွက် မိုးကာ လိုအပ်သလို စာသင်ဆောင်ဖွင့်ထားတဲ့ စစ်ရှောင်စခန်းတွေမှာဆိုရင်လည်း စာသင်ဆောင်အတွက် မိုးကာတွေ လိုအပ်တာရှိတယ်လို့ ဆိုပါတယ်


သက်ကြီးပိုင်းနဲ့ ကလေးတွေမှာ သွားလာရေးအတွက် အခက်ခဲဆုံးဖြစ်ပြီး ကလေးတွေ ကျောင်းသွားဖို့ မိုးကာနဲ့ ထီးစတာတွေ လိုအပ်တယ် လို့ဆိုပါတယ်။


“ကလေးတွေအတွက်မိုးရာသီရောက်ပြီဆိုရင် လိုအပ်ချက်တွေက များလာတယ်။ ကျောင်းသွားဖို့ဆိုရင် မိုးရွာတော့ လမ်းကချော်တယ် သူတို့ခမျာလည်း ဖိနပ်စီးလို့မရဘူး။ အဲဆိုကြက်ပေါင်ဖိနပ်ရှိရင်တော့ ပိုကောင်းတာပေါ့။ အဲလိုမျိုးလေးတွေပေါ့နော်။ပြီးရင်လမ်းသွားရင် ထီးတွေလိုအပ်မယ် ထီးမဟုတ်ရင် လည်း မိုးကာပေါ့ အင်္ကျီမိုးကာလေးတွေ လိုအပ်တယ်ပေါ့’’ လို့ CDM ကျောင်းဆရာမ တစ်ဦးက ပြောပါတယ်။


ကရင်နီပြည်မှာဆိုရင် နေရပ်စွန့်ခွာ စစ်ရှောင် နေရသူ နှစ်သိန်း ရှိနေတာဖြစ်ပြီး အထူးသဖြင့် ဒီးမော့ဆို၊ ဖရူဆို၊ လွိုင်ကော်ရှေ့ဖက်ခြမ်းတွေ မှာဆိုရင် တောတောင်ထဲ စစ်ရှောင်နေကြရတာဖြစ်ပါတယ်။

spot_imgspot_imgspot_imgspot_img

More from the blog

ကျေးရွာဆေးပေးခန်းတစ်ခုကို စစ်ကောင်စီတပ်က လေကြောင်းတိုက်ခိုက် ဒေသခံတစ်ဦးသေဆုံး ၂ဦးထိခိုက်ဒဏ်ရာရ

ကန္တာရဝတီတိုင်း(မ်) ကရင်နီပြည် လွိုင်ကော်မြို့ အရှေ့ ခြမ်းက ကျေးရွာတစ်ရွာရှိ ဆေးပေးခန်းကို ဒီနေ့ ဩဂုတ်လ ၉ ရက်နေ့ မွန်းလွဲ ၁၀ နာရီကျော်အချိန်မှာ စစ်ကောင်စီတပ်က တိုက်လေယာဉ်တစ်စင်းနဲ့ အကြောင်းမဲ့ လာရောက် ပစ်ခတ်တိုက်ခိုက်ခဲ့ပါတယ်။ လေကြောင်းပစ်ခတ်မှုကြောင့် လူ ၁ ဦးသေဆုံးပြီး ၂ ဦး ထိခိုက်ဒဏ်ရာရရှိခဲ့ပြီး...

လွိုင်ကော်မြို့ ပွန်ချောင်းက စစ်ကောင်စီတပ်စခန်းကို KA ၊ KNDF တို့က ဒရုန်းဖြင့် သွားရောက်ပစ်ခတ်

ကန္တာရဝတီတိုင်း( မ် ) လွိုင်ကော်မြို့ ပွန်ချောင်းက စစ်ကောင်စီတပ်စခန်းကို ကရင်နီတပ်မတော် ( KA )၊ ကရင်နီအမျိုးသားများကာကွယ်ရေးတပ် ( KNDF ) တို့က ယမန်နေ့ ဩဂုတ်လ ၇ရက်နေ့မှာ ဒရုန်းနဲ့ သွားရောက်ပစ်ခတ်ခဲ့တယ်လို့ ကရင်နီပြည်အစိုးရ ကာကွယ်ရေး ဒု-ဝန်ကြီး ခူဒယ်နီယာယ်က ပြောပါတယ်။ “နှစ်နေရာတော့...

ဒေသခံတွေ တစ်နှစ်ကြာသိုလှောင်သိမ်းဆည်းထားတဲ့ စပါးမှိုတက်တာကြောင့် ပျက်စီးမှုတချို့ရှိ

ကန္တာရဝတီတိုင်း( မ် ) ကရင်နီပြည် ဒီးမော့ဆိုအရှေ့ဘက်ခြမ်းမှာ ဒေသခံတွေ ပြီးခဲ့တဲ့နှစ်ကတည်းက တောတောင်ထဲ သိုလှောင်သိမ်းဆည်းထားတဲ့ စပါးတွေကို ကြွက်စားတာ၊ မိုးရေစိုတာ၊ မှိုတက်တာတွေကြောင့် ပျက်စီးဆုံးရှုံးမှုတချို့ရှိခဲ့တယ်လို့ ဒေသခံတောင်သူတွေဆီကနေ သိရပါတယ်။ ပြီးခဲ့တဲ့ ၂၀၂၁ခုနှစ်မှာ စစ်ကောင်စီက အာဏာသိမ်းပြီးနောက် ဒေသတွင်းတိုက်ပွဲဖြစ်ပွားခဲ့ပြီး ကျေးရွာထဲလက်နက်ကြီးကျရောက်မှုတွေ စစ်ကြောင်းထိုးမှုတွေရှိတာကြောင့် ဒေသခံတွေဟာ ၎င်းတို့သိုလှောင်ထားတဲ့ စပါးတွေ...

ဩဂုတ်လပထမပတ်တိုက်ပွဲအတွင်း စစ်ကောင်စီတပ်မှ အနည်းဆုံး ၅ဦးသေဆုံး

ကန္တာရဝတီတိုင်း(မ်) ဩဂုတ်လ ပထမပတ်အတွင်း ကရင်နီဒေသခံကာကွယ်ရေးပူးပေါင်းတပ်ဖွဲ့နဲ့ စစ်ကောင်စီတပ်တို့ ဖြစ်ပွားခဲ့တဲ့တိုက်ပွဲတွေမှာ စစ်ကောင်စီတပ်မှ အနည်းဆုံး ၅ဦးသေဆုံးပြီး ထိခိုက်ဒဏ်ရာရရှိခဲ့တယ်လို့ KNDF သတင်းနှင့်ပြန်ကြားရေးဌာနက ဒီကနေ့ (ဩဂုတ်လ ၈ရက်) မှာ သတင်းထုတ်ပြန်ပါတယ်။ ပထမပတ်အတွင်း ဒီးမော့ဆိုမြို့နယ် သေးဆူလဲကျေးရွာအနီး၊ ဒီးမော့ဆိုမြို့မရဲစခန်း၊ စံပြ ၆ မိုင်၊ ဘက်တလိန်ကျေးရွာ တိုက်ပွဲတွေမှာ...