မူးယစ်ဆေး သုံးစွဲလာမှုများလာသည်နှင့် အိမ်တွင်းအကြမ်းဖက်မှု ပိုများလာ

ထျိုးမြာ၊ ဖရဲရယ်
မူးယစ်ဆေးများ သုံးစွဲလာသူများလာသည်နှင့် သုံးစွဲသူသည် မိသားစုများ၏တန်းဖိုးကို နားမလည်ပဲအကြမ်းဖက်မှုပိုများသည်ဟု နယ်စပ်ဒေသရောက် တိုင်းရင်းသူအမျိုးသမီးများ ကယ်ဆယ်စောင့်ရှောက်ရေးအဖွဲ့မှ ဒါရိုက်တာဒေါ်နှင်းနှင်းရီက ပြောသည်။

“အမျိုးသမီးဆိုတာကိုလည်း ဖျော်ဖြေစရာတစ်ခုလို သူတို့သတ်မှတ်ခဲ့တဲ့အတိုင်း အတာတစ်ခုထိရောက်နေတယ် ဆိုတော့ အဲ့ဒီအကြမ်းဖက်မှုတွေလည်း ဆက်ခါဆက်ခါ ဖြစ်ပွားနေတာပေါ့နော” ဟု ၎င်းက ပြောသည်။

မိမိတို့ဘက်သည် မြို့နှင့်အလှမ်းဝေးသောကြောင့် အကြမ်းဖက်ခံရလျှင် မည်သို့တိုင်တန်းရမည် ဥပဒေလမ်းကြောင်း မည်သို့ရှိသည်ဟူသည်ကို မသိသောကြောင့် အမျိုးသမီးအချင်းချင်း အပြန်အလှန် နှစ်သိမ့်ရင်း နေသွားကြရသည်ဟုု ဆိုသည်။

“စိတ်ထဲမှာ တစ်ခါတစ်လေ အဲ့လိုမျိုးခံရတဲ့အချိန်လေး အမျိုးသမီးတွေဘယ်မှာရှိတယ်။ ဘယ်သူက ဖြေရှင်ပေးနိုင်လဲဆိုတာကို တစ်ကယ်ရှာချင်တဲ့စိတ်ရှိတယ်” ဟု ၎င်းကပြောသည်။

အမျိုးသမီးများသည် အခြားသော အကြမ်းဖက်မှုများစွာရှိသော်လည်း အိမ်တွင်းအကြမ်းဖက်မှုသည် အများဆုံးဖြစ်နေသည်ဟု ကယန်းအမျိုးသမီး အစည်းအရုံးမှ တွဲဘက်အတွေးရင်းမူး-၁ မူအဲမာရီက ၎င်းတို့၏ ကွင်းဆင်းအတွေ့ရှိချက်အရ ပြောပြသွားပါသည်။

“အဲ့ဒီအိမ်တွင်းအကြမ်းဘက်မှုတွေကလည်း တစ်ချို့ကလာတိုင်ကြားတာရှိသလို တစ်ချို့ဆိုရင် လာပြီးမတိုင်ကြားရဲတဲ့ အမျိုးသမီးတွေလည်း အများကြီးရှိပါတယ်” ဟု၎င်းကပြောသည်။

ဒီအမျိုးသမီးအကြမ်းဖက်မှု လျော့ချရေး၊ပပျောက်ရေးနှင့် ပတ်သက်လျှင် လူတိုင်းနှင့် ဆိုင်သည်ဟုဆိုသော်ငြားလည်း နိုင်ငံတော် အစိုးရမှ ဖွဲ့စည်းထားသော အမျိုးသမီးရေးရာအဖွဲ့လည်း ရှိသောကြာင့် ၎င်းတို့အဖွဲ့သည်လည်း အကြမ်းဖက်မှု ပပျောက်ရေးတွင် တာဝန်ရှိသည်။

ထို့အပြင် ရဲတပ်ဖွဲ၊ တရားသူကြီး၊ ရှေနေအစရှိသည်တို့သည်လည်း တာဝန်ရှိသည်ဟု ဆိုသည်။

အမျိုးသမီးများ အကြမ်းဖက်မှုပပျောက်ရေးနှင့် ပတ်သက်၍ အစိုးရအနေနှင့် လက်ရှိတွင် ပူးပေါင်းဆောင်ရွက်မှု အားနည်းနေသေးသောကြောင့် ရှေ့ဆက်ဆောင်ရွက်ရန်တွင် အစိုးရ၏ ပူးပေါင်းဆောင်ရွက်မှုကို လိုအပ်သည်ဟုသိရသည်။

ကယားပြည်နယ်တွင် အိမ်းတွင်းအကြမ်းဘက်မှု ခန့်မှန်းခြေရာခိုင်နုန်း ၇၅% လောက် ဖြစ်နိုင်သည်ဟု သိရသည်။

ဒီဇင်ဘာလ ၁၁ရက် နေ့က ၂၀၁၆ခုနှစ်ပြည်နယ်အဆင့် အပြည်ပြည်ဆိုင်ရာ အမျိုးသမီးများအား အကြမ်းဖက်မှု ပပျောက်ရေး အခမ်းအနားတရပ်ကို လွိုင်ကော်မြို့ခန်းမတွင် ပြုလုပ်သွားကြသည်။

 

Comments

comments

Next Post

အများပိုင် သာသနာ့နယ်မြေ နယ်နမိတ် ဧရိယာအတွင်း လူနေအိမ်ခြေ ၁၀ဝ ကျော် တည်ရှိနေ

Wed Dec 21 , 2016
စိုင်းလင်းလင်းဦး နှစ် ၆ဝ ကျော်ခန့်က ကန္ဒရဝတီစောဖျာ လှူဒါန်ထားသည့် သသနာ့ဝတ္တက မြေနေရာများအား အများပိုင် သာသနာ့နယ်မြေအဖြစ် ပိုင်းခြားသတ်မှတ်ရန်နှင့် ထပ်မံကျူးကျော်ခြင်းများမရှိစေရန် တူးမြောင်းဖေါ်ကာ ဒီဇင်ဘာ ၅ ရက်နေ့မှ စတင်၍ အမှတ်အသားပြုလုပ်ခြင်းကို အာဏာပိုင်တာဝန်ရှိသူများမှ လုပ်ဆောင်ခဲ့ကြောင်း သိရသည်။ ထိုသို့ ပြန်လည်တိုင်းတာသတ်မှတ်ရာတွင် ဘုန်းကြီးကျောင်းဆောက်လုပ်ထားသောမြေ ၁၃၅.၇၆ဧက၊ ကျောင်းမရှိသော သာသနာ့မြေ ၁၃၉.၇၈ ဧကနှင့် လမ်းမြေ ၄.၈၅ ဧက စုစုပေါင်း ၂၈၀.၃၉ ဧက ပါဝင်စေလျှက် တိုင်းတာ သတ်မှတ်လိုက်ပြီဖြစ်သည်။ ထိုနေရာများအနက် အခွန်လွတ်သာသနာ့မြေအဖြစ် မသတ်မှတ်ရသေးသော သာသနာမြေဟု ဆိုသည့်နေရာများကို မြေယာစီမံခန့်ခွဲရေးနှင့် စာရင်းအင်းဦးစီးဌာနမှ မြေစာရင်းပုံစံ (၁၀၅/၁၀၆) ဖြင့် ဇူလိုင်လ ၈ […]