Tuesday, January 18, 2022

မူးယစ်ဆေးဝါးရောင်းဝယ်သူ နှစ်ဦးကို KSP ဖမ်းဆီးရမိပြီး အရေးယူဆောင်ရွက်သွားမည်ဟု ဆို

ကန္တာရဝတီတိုင်း(မ်)

ကရင်နီပြည်ရဲဌာန(KSP)ပူးပေါင်းအဖွဲ့မှ စစ်ဆေးတွေ့ရှိခဲ့တဲ့ မူးယစ်ဆေးဝါးရောင်းဝယ်သူနှစ်ဦးကို ချုပ်နှောင်ထားပြီး အရေးယူဆောင်ရွက်မှု ပြုလုပ်သွားမယ်လို့ ဒီကနေ့ နိုဝင်ဘာလ ၁၃ ရက်နေ့မှာ ကရင်နီပြည်ရဲဌာနက သတင်းထုတ်ပြန်ပါတယ်။

ဖြစ်စဉ်မှာ မူးယစ်ဆေးဝါးသတင်းအရ ၂၀၂၁ခုနှစ် နိုဝင်ဘာလ ၇ ရက်နေ့မှာ နန်းမယ်ခုံမြို့ ခေါ်ခူရှမ်းရပ်ကွက်နေ ဦး………ရဲ့နေအိမ်ကို ကရင်နီပြည်ရဲဌာနမှ ပူးပေါင်းအဖွဲ့နဲ့ ဝင်ရောက်ရှာဖွေခဲ့ရာ ၎င်းနေအိမ်မှာ အသင့်တွေ့ရှိရပြီး ခန္ဓာကိုယ်အား စစ်ဆေးရာ အပြာရောင်ပလပ်စတစ်ကပ်ခွာအိတ်ငယ်နဲ့ထည့်ထားတဲ့ WYစာတမ်းပါ လိမ္မော်ရောင်စိတ်ကြွရူးသွပ်ဆေးပြား ၁၃၅ ပြားအား သိမ်းဆည်းရမိခဲ့တယ်လို့ သိရပါတယ်။

စစ်ဆေးရာ စိတ်ကြွရူးသွပ်ဆေးပြားမှာ ဖယ်ခုံမြို့နယ် မိုးဗြဲမြို့ ၊ ပွဲကုန်း ၃ ရပ်ကွက်နေ ဦး…………. ထံဝယ်ယူခဲ့ကြောင်း၊ ၎င်းမှာ ၁၀ရက်နေ့မှာ နန်းမယ်ခုံသို့လာရောက်ရန်ရှိကြောင်း သိရှိရတဲ့အတွက် နန်းမယ်ခုံ- မိုးဗြဲသွားကားလမ်းပေါ်မှာ ပူးပေါင်းအဖွဲ့ဖြင့် လမ်းကြောင်းပိတ်ဆို့ရှာဖွေစစ်ဆေးရာ တွေ့ရှိခဲ့ပြီး ၎င်းဆိုင်ကယ်တူးဘောက်အတွင်းမှ အပြာရောင်ပလပ်စတစ်ကပ်ခွာအိတ်ငယ်နဲ့ထည့်ထားတဲ့ WYစာတမ်းပါ လိမ္မော်ရောင်စိတ်ကြွရူးသွပ်ဆေးပြား ၂၀၀ ပြားပါ (၄)ထုပ်၊ စုစုပေါင်းဆေးပြား (၈၀၀) ပြားအား ရှာဖွေ တွေ့ရှိ သိမ်းဆည်းခဲ့တယ်လို့ KSPက ဖော်ပြထားပါတယ်။

ပြီးခဲ့တဲ့ နိုဝင်ဘာလ ၂ ရက်နေ့မှာလည်း ဒီးမော့ဆိုမြို့နယ် ၄ မိုင်မြေနီကုန်းကျေးရွာမှာ မူးယစ်ဆေးဝါးသတင်းအရ ကရင်နီပြည်ရဲဌာနမှ ပူးပေါင်းအဖွဲ့နဲ့ ဝင်ရောက်ရှာဖွေခဲ့ရာ စိတ်ကြွရူးသွပ်ဆေးပြားရောင်းချသူ ၂ ဦးကို ဖမ်းဆီး အရေးယူဆောင်ရွက်ခဲ့ပါတယ်။

အာဏာရှင်စနစ်ကို ဆန့်ကျင်ပြီး ဖက်ဒရယ်စနစ်ကို အခြေခံကာ ပြည်သူလူထုကို ဗဟိုပြုလျက် တရားဥပဒေစိုးမိုးရေး၊ လုံခြုံရေး နဲ့ ဝန်ဆောင်မှုပေးနိုင်ရန် စတဲ့ရည်ရွယ်ချက်နဲ့ ကရင်နီပြည်ရဲဌာန (KSP) ကို ဖွဲ့စည်းထားတာ ဖြစ်ပါတယ်။

More from the blog

လွိုင်ကော်ပြည်သူ့ဆေးရုံကြီးမှ ကျန်းမာရေးဝန်ထမ်းနဲ့ လူနာများကို တောင်ကြီးကိုရွေ့ပြောင်း

ကန္တာရဝတီတိုင်း(မ်) ကရင်နီပြည်နယ်၊ လွိုင်ကော်မြို့ရှိ ကုတင်(၅၀၀)ဆန့် လွိုင်ကော်ပြည်သူ့ဆေးရုံကြီးမှ ကျန်းမာရေးဝန်ထမ်းနဲ့ လူနာတွေ ဇန်နဝါရီလ ၁၅ ရက်နေ့မှာ တောင်ကြီးမြို့ကို ရွေ့ပြောင်းသွားတယ်လို့ လွိုင်ကော်မြို့ဒေသခံဆီကနေ သိရပါတယ်။ “တောင်ကြီးကို ပြောင်းချင်တဲ့သူက...

လွိုင်ကော်တိုက်ပွဲအတွင်း ပြည်သူတစ်ဦး လက်နက်ကြီးထိမှန်

ကန္တာရဝတီတိုင်း(မ်) ကရင်နီပြည်နယ်၊ လွိုင်ကော်မြို့အတွင်းမှ ဖြစ်ပွားခဲ့တဲ့တိုက်ပွဲကြောင့် ဒေါတမရပ်ကွက်နေ ဒေသခံပြည်သူတစ်ဦး လက်နက်ကြီးထိမှန်ပြီး ထိခိုက်ဒဏ်ရာ ရရှိခဲ့တယ်လို့ ဒေသခံတွေဆီကနေ သိရပါတယ်။ “ တစ်ယောက်ထိထားတယ်။ ဝင်ခေါ်လို့လည်း မဖြစ်နိုင်သေးဘူး။ ဆေးရုံပို့ဖို့လည်း...

ကရင်နီပြည်နယ်မှာ စစ်ရှောင်ပြည်သူတွေအတွက် လုံခြုံတဲ့ စစ်မဲ့ဇုံ သတ်မှတ်ဖို့လိုအပ်နေ

ကန္တာရဝတီတိုင်း(မ်) စစ်ကောင်စီတပ်က တိုက်လေယာဉ်တွေ ရဟတ်ယာဉ်တွေနဲ့ လက်နက်ကြီးတွေ ထိုးစစ်ဆင်ခံနေရတဲ့ ကရင်နီပြည်သူလူထုတွေရဲ့ ဘဝ လုံခြုံတဲ့ စစ်မဲ့ဇုံ Safe Zone သတ်မှတ်ဖို့ အရေးတကြီးလိုအပ်နေပြီဖြစ် တယ်လို့ ကရင်နီပြည်နယ်အတိုင်ပင်ခံကောင်စီ(KSCC) ပြောခွင့်ရပုဂ္ဂိုလ် ဦးအောင်ဆန်းမြင့် က...

ကရင်နီပြည်နယ်ရဲဌာန(KSP)နှင့် တွေ့ဆုံမေးမြန်းခြင်း

ကန္တာရဝတီတိုင်း(မ်) ကရင်နီပြည်နယ်ရဲဌာန (KSP) ဟာ CDM လုပ်တဲ့ ရဲတွေနဲ့ ဖွဲ့စည်းထားတဲ့အဖွဲ့ဖြစ်ပြီး ကရင်နီပြည်နယ်အတိုင်ပင်ခံကောင်စီ (KSCC) လက်အောက်က ဌာနတစ်ခုလည်းဖြစ်ပါတယ်။ KSP ကနေပြီးတော့ ကရင်နီပြည်အတွင်း ဖမ်းဆီးရမိထားတဲ့...