spot_img
Wednesday, August 10, 2022
spot_img

မူးယစ်ဆေးဝါးသုံးစွဲနေသူတစ်ဦးကို WY အပြား (၁၀၀) နဲ့အတူ ဖမ်းဆီးရမိပြီး KSP ထံအပ်နှံ

spot_imgspot_imgspot_imgspot_img
ဓာတ်ပုံ – KNDF B-14

ကန္တာရဝတီတိုင်း( မ် )

ကရင်နီပြည် လွိုင်ကော်မြို့ နာနတ်တောရပ်ကွက်မှာ မူးယစ်ဆေးဝါးသုံးစွဲနေသူ ဦးဟန်ထွန်းကို WY ဆေးပြား (၁၀၀) နဲ့အတူ ဖမ်းဆီးရမိပြီး KSP ထံ အပ်နှံလိုက်တယ်လို့ KNDF B-14 က ယမန်နေ့ ဩဂုတ်လ ၄ရက်နေ့မှာ ထုတ်ပြန်ထားပါတယ်။

ပြီးခဲ့တဲ့ ဇူလိုင်လ ၂၉ရက်နေ့မှာ သက်သေခံပစ္စည်းတွေဖြစ်တဲ့ မူးယစ်ဆေးဝါး WY ဆေးပြား (၁၀၀)၊ ဖုန်းတစ်လုံး၊ ဆိုင်ကယ်တစ်စီး၊ ငါးမျှားတံတစ်ချောင်း၊ ငွေသား ၁၉၅၀ ကျပ်ကို ဖမ်းဆီးရမိခဲ့တယ်လို့ ဆိုပါတယ်။

မူးယစ်ဆေးဝါးသုံးစွဲနေကြောင်း သတင်းရရှိတဲ့အတွက် KNDF B-14 ၊ KNDF B-12၊ KSPအမှတ်(၅)ရဲစခန်း တာဝန်ရှိသူတို့ သွားရောက်ဖမ်းဆီးခဲ့တာ ဖြစ်ပါတယ်။

ဇူလိုင်လ ၃၀ရက်နေ့မှာတော့ KSPအမှတ် ( ၅ ) ရဲစခန်းကို အပ်နှံခဲ့ပြီး မူးယစ်ဆေးဝါး သုံးစွဲ၊ လက်ဝယ်ထားရှိ၊ ရောင်းဝယ်ဖောက်ကားမှု ပြုလုပ်နေသူအားလုံးကို ထိရောက်တဲ့ အရေးယူမှု ပြုလုပ်သွားမယ်လို့ ဆိုပါတယ်။

ကရင်နီပြည်မှာ စစ်အာဏာသိမ်းပြီးနောက်ပိုင်း တိုက်ပွဲတွေဖြစ်ပွားပြီး မူးယစ်ဆေးဝါးသုံးစွဲမှုတွေကို ဖမ်းဆီးရမှု များပြားနေပါတယ်။ ကရင်နီအမျိုးသားများကာကွယ်ရေးတပ် တပ်ရင်း ၃၊ ၉၊ ၁၀၊ ၁၁၊ ၁၂၊ ၁၄ တွေရဲ့ ထုတ်ပြန်ချက်အရ မူးယစ်ဆေးဝါး ရှစ်သောင်းလေးထောင်ကျော် ဖမ်းဆီးရမိထားပါတယ်။

ကရင်နီပြည်ရဲဌာန (KSP)၊ KA၊ KNDF ပူးပေါင်းတပ်ဖွဲ့တို့ကနေ မူးယစ်ဆေးဝါးရောင်းဝယ်ဖောက်ကားမှုကို ဖမ်းဆီးလုပ်ဆောင်တာရှိပြီး ထိန်းချုပ်နိုင်ဖို့ ဆောင်ရွက်နေကြပါတယ်။ မူးယစ်ဆေးဝါးနဲ့ ပတ်သက်ပြီး ဖမ်းဆီးမှုကို ဒေသန္တာရ ဥပဒေအတိုင်း ဆုံးဖြတ်ချက်ချပြီး ပြန်လွှတ်ပေးတာတွေ၊ အသိပညာပေး ခံဝန်ထိုးခိုင်းပြီး ပြန်လွှတ်ပေးတာတွေ ရှိတယ်လို့ KSP က ပြောဆိုထားပါတယ်။

ဖမ်းဆီးရမိတဲ့ မူးယစ်ဆေးဝါးကို အချိန်ကာလတစ်ခုရောက်ကျရင် အများပြည်သူရှေ့ မီးရှို့ဖျက်ဆီးသွားမယ်လို့ KSP တာဝန်ရှိသူတစ်ဦးက ကန္တာရဝတီတိုင်း(မ်)ကို ဖြေကြားထားတာရှိပါတယ်။

ဓာတ်ပုံ – KNDF B-14
spot_imgspot_imgspot_imgspot_img

More from the blog

ကျေးရွာဆေးပေးခန်းတစ်ခုကို စစ်ကောင်စီတပ်က လေကြောင်းတိုက်ခိုက် ဒေသခံတစ်ဦးသေဆုံး ၂ဦးထိခိုက်ဒဏ်ရာရ

ကန္တာရဝတီတိုင်း(မ်) ကရင်နီပြည် လွိုင်ကော်မြို့ အရှေ့ ခြမ်းက ကျေးရွာတစ်ရွာရှိ ဆေးပေးခန်းကို ဒီနေ့ ဩဂုတ်လ ၉ ရက်နေ့ မွန်းလွဲ ၁၀ နာရီကျော်အချိန်မှာ စစ်ကောင်စီတပ်က တိုက်လေယာဉ်တစ်စင်းနဲ့ အကြောင်းမဲ့ လာရောက် ပစ်ခတ်တိုက်ခိုက်ခဲ့ပါတယ်။ လေကြောင်းပစ်ခတ်မှုကြောင့် လူ ၁ ဦးသေဆုံးပြီး ၂ ဦး ထိခိုက်ဒဏ်ရာရရှိခဲ့ပြီး...

လွိုင်ကော်မြို့ ပွန်ချောင်းက စစ်ကောင်စီတပ်စခန်းကို KA ၊ KNDF တို့က ဒရုန်းဖြင့် သွားရောက်ပစ်ခတ်

ကန္တာရဝတီတိုင်း( မ် ) လွိုင်ကော်မြို့ ပွန်ချောင်းက စစ်ကောင်စီတပ်စခန်းကို ကရင်နီတပ်မတော် ( KA )၊ ကရင်နီအမျိုးသားများကာကွယ်ရေးတပ် ( KNDF ) တို့က ယမန်နေ့ ဩဂုတ်လ ၇ရက်နေ့မှာ ဒရုန်းနဲ့ သွားရောက်ပစ်ခတ်ခဲ့တယ်လို့ ကရင်နီပြည်အစိုးရ ကာကွယ်ရေး ဒု-ဝန်ကြီး ခူဒယ်နီယာယ်က ပြောပါတယ်။ “နှစ်နေရာတော့...

ဒေသခံတွေ တစ်နှစ်ကြာသိုလှောင်သိမ်းဆည်းထားတဲ့ စပါးမှိုတက်တာကြောင့် ပျက်စီးမှုတချို့ရှိ

ကန္တာရဝတီတိုင်း( မ် ) ကရင်နီပြည် ဒီးမော့ဆိုအရှေ့ဘက်ခြမ်းမှာ ဒေသခံတွေ ပြီးခဲ့တဲ့နှစ်ကတည်းက တောတောင်ထဲ သိုလှောင်သိမ်းဆည်းထားတဲ့ စပါးတွေကို ကြွက်စားတာ၊ မိုးရေစိုတာ၊ မှိုတက်တာတွေကြောင့် ပျက်စီးဆုံးရှုံးမှုတချို့ရှိခဲ့တယ်လို့ ဒေသခံတောင်သူတွေဆီကနေ သိရပါတယ်။ ပြီးခဲ့တဲ့ ၂၀၂၁ခုနှစ်မှာ စစ်ကောင်စီက အာဏာသိမ်းပြီးနောက် ဒေသတွင်းတိုက်ပွဲဖြစ်ပွားခဲ့ပြီး ကျေးရွာထဲလက်နက်ကြီးကျရောက်မှုတွေ စစ်ကြောင်းထိုးမှုတွေရှိတာကြောင့် ဒေသခံတွေဟာ ၎င်းတို့သိုလှောင်ထားတဲ့ စပါးတွေ...

ဩဂုတ်လပထမပတ်တိုက်ပွဲအတွင်း စစ်ကောင်စီတပ်မှ အနည်းဆုံး ၅ဦးသေဆုံး

ကန္တာရဝတီတိုင်း(မ်) ဩဂုတ်လ ပထမပတ်အတွင်း ကရင်နီဒေသခံကာကွယ်ရေးပူးပေါင်းတပ်ဖွဲ့နဲ့ စစ်ကောင်စီတပ်တို့ ဖြစ်ပွားခဲ့တဲ့တိုက်ပွဲတွေမှာ စစ်ကောင်စီတပ်မှ အနည်းဆုံး ၅ဦးသေဆုံးပြီး ထိခိုက်ဒဏ်ရာရရှိခဲ့တယ်လို့ KNDF သတင်းနှင့်ပြန်ကြားရေးဌာနက ဒီကနေ့ (ဩဂုတ်လ ၈ရက်) မှာ သတင်းထုတ်ပြန်ပါတယ်။ ပထမပတ်အတွင်း ဒီးမော့ဆိုမြို့နယ် သေးဆူလဲကျေးရွာအနီး၊ ဒီးမော့ဆိုမြို့မရဲစခန်း၊ စံပြ ၆ မိုင်၊ ဘက်တလိန်ကျေးရွာ တိုက်ပွဲတွေမှာ...