spot_img
Sunday, January 29, 2023
spot_img

မြန်မာရွှေ့ပြောင်းအလုပ်သမားတွေအတွက် နိုင်ငံကူးလက်မှတ်သက်တမ်းတိုးဖို့ အခက်အခဲကြုံတွေ့နေရ

spot_imgspot_imgspot_imgspot_img

ကန္တာရဝတီတိုင်း ( မ် )

ထိုင်းနိုင်ငံရောက် မြန်မာရွှေ့ပြောင်းအလုပ်သမားတွေ နိုင်ငံကူးလက်မှတ် သက်တမ်းတိုးဖို့အတွက် အခက်အခဲကြုံတွေ့နေကြရတယ်လို့ ထိုင်းနိုင်ငံကို ရောက်ရှိ အလုပ်လုပ်ကိုင်နေသူတွေက ပြောပါတယ်။

လက်ရှိ နိုင်ငံကူးလက်မှတ် သက်တမ်းတိုးဖို့အတွက် ဘန်ကောက်မှာရှိတဲ့ သံရုံးတစ်ခုသာ ဆောင်ရွက်ပေးနေတဲ့အတွက် သက်တမ်းတိုးဖို့အတွက် အချိန်ပို့ကြန့်ကြာနေတယ်လို့ ဆိုပါတယ်။

“ ဘန်ကောက်သံရုံးတောင်မှ အခုပြောမယ်ဆိုရင် ကိုယ့်ဟာကိုယ် သွားလုပ်လို့မရဘူး။ အရင်တုန်းက ကိုယ့်ဟာကိုယ်လုပ်လို့ရသေးတယ်။ အခုက ပွဲစားတွေ၊ အေးဂျင့် တွေပေါ့နော။ အေးဂျင့်တွေကို လုပ်ခွင့်ပေးလိုက်တယ်ဗျာ။ အေးဂျင့်တွေနဲ့ပဲ လုပ်လို့ရတယ်။ ကိုယ့်ဟာကိုယ် သွားလုပ်ရင်တော့ ရဖို့မလွယ်ဘူးပေါ့နော။ ဘယ်လိုမှ မရနိုင်တော့ဘူး။ ” လို့ ထိုင်းရောက် မြန်မာနိုင်ငံသားတစ်ဦးက ပြောပြပါတယ်။

လက်ရှိထိုင်းနိုင်ငံမှာ ရောက်ရှိနေတဲ့ မြန်မာနိုင်ငံသားတွေထဲက နိုင်ငံကူးလက်မှတ် သက်တမ်းကုန်ဆုံးသူ သုံးသိန်းကျော်ရှိနေတယ်လို့ သံရုံးနဲ့ နီးစပ်သူတွေဆီက သိရပြီး ၂၀၁၉ခုနှစ်ကတည်းက သက်တမ်းကုန်ဆုံးသူတွေလည်း လက်ရှိအချိန်အထိ သက်တမ်းတိုးလို့ မပြီးသေးဘူးလို့ သိရပါတယ်။

အဲဒီလို နိုင်ငံကူးလက်မှတ်တွေ သက်တမ်းကုန်ဆုံးနေတဲ့အတွက် ထိုင်းနိုင်ငံမှာ မြန်မာရွှေ့ပြောင်း အလုပ်သမားတွေအနေနဲ့ တရားမဝင် အလုပ်သမားတွေ ပိုများလာနိုင်ပါတယ်။ ဒါ့အပြင် အလုပ်သမားအခွင့်အရေးချိုးဖောက်ခံရမှု ပိုများလာနိုင်ပြီး လူကုန်ကူးမှုတွေအထိ ဖြစ်လာနိုင်တယ်လို့ အလုပ်သမားအရေးဆောင်ရွက်ပေးနေတဲ့ ပညာရေးနှင့်ဖွံ့ဖြိုးတိုးတက်ရေးဖောင်ဒေးရှင်း(FED) မှ အမှုဆောင်ဒါရိုက်တာ ဆရာထူးချစ် က ပြောပါတယ်။

“ အဓိက က ပြည်တွင်းမှာ ပတ်စပို့ ပိတ်လိုက်တာရယ် ဒီမှာ သက်တမ်းတိုးဖို့ အခက်အခဲရှိတာကြောင့် တရားမဝင်တဲ့ ရွှေ့ပြောင်းအလုပ်သမားတွေ ပိုများလာတယ်။ နေ့တိုင်းကျနော်တို့ကို ဖုန်းဆက် အကူအညီတောင်းတဲ့သူတွေရှိတယ်။ ဒါကြောင့်မို့လို့ ကျနော်တို့အနေနဲ့ ထိုင်းပဲဖြစ်ဖြစ် မြန်မာမှာပဲဖြစ်ဖြစ် ထိုင်းအစိုးရနဲ့ မြန်မာအစိုးရက ချစ်ကြည်ရေး ကျနော်တို့ ပတ်စပို့တွေ နိုင်ငံကူးလက်မှတ်ကို မြန်မြန်ဆန်ဆန် မထုတ်ပေးဘူးဆိုရင်တော့ ထိုင်းနိုင်ငံမှာ တရားမဝင်ရွှေ့ပြောင်းအလုပ်သမားတွေ ပိုများလာမယ် လူကုန်ကူးမှုတွေ ပိုများလာမယ် အလုပ်သမားအခွင့်အရေး ချိုးဖောက်မှုတွေ ပိုများလာမှာလို့ ကျနော့်အနေနဲ့ ပြောချင်ပါတယ်။ ” လို့ ဆရာထူးချစ်က ပြောပါတယ်။

မြန်မာနိုင်ငံမှာ စစ်အာဏာသိမ်းပြီးနောက်ပိုင်း ပြည်သူလူထုတွေဟာ အလုပ်အကိုင်ရှားပါးမှု၊ စီးပွားရေးအကြပ်အတည်းနဲ့ ကုန်စျေးနှုန်းအဆမတန်မြှင့်တက်မှုဒဏ်တွေကို ခံစားနေကြရတဲ့အတွက် ပြည်ပနိုင်ငံတွေကို သွားရောက် အလုပ်အကိုင်ရှာဖွေသူတွေ ပိုများလာနေပါတယ်။

ပြည်ပနိုင်ငံတွေဖြစ်တဲ့ ထိုင်း၊ စင်ကာပူ၊ မလေးရှား၊ အိန္ဒိယ၊ ကိုးရီးယား စတဲ့ နိုင်ငံတွေမှာ သွားရောက် အလုပ်လုပ်ကိုင်ကြပါတယ်။ လက်ရှိမှာ ထိုင်းနိုင်ငံကို ရောက်ရှိနေတဲ့ မြန်မာနိုင်ငံသား ၄ သန်းဝန်းကျင်ရှိနေပြီး အဲဒီအထဲက ၂ သန်းဝန်းကျင်ဟာ တရားဝင်ရွှေ့အလုပ်သမားတွေဖြစ်ပါတယ်။

လက်ရှိ မြန်မာနိုင်ငံမှာ အာဏာသိမ်းစစ်ကောင်စီကနေ နိုင်ငံကူးလက်မှတ်တွေကို ၂၀၂၂ ခုနှစ် ဒီဇင်ဘာ ၂၆ ရက်နေ့ ကစလို့ ကွန်ပျူတာစနစ် အဆင့်မြှင့်တင်မယ်ဆိုတဲ့ အကြောင်း ပြချက်နဲ့ လက်မှတ် ထုတ်ပေးရေးလုပ်ငန်းတွေကို ရက်အကန့်အသတ်မရှိ ရပ်ဆိုင်းထားတယ်လို့ သိရပါတယ်။

spot_imgspot_imgspot_imgspot_img

More from the blog

တိုက်ပွဲကြောင့် ထပ်ဆင့်ပြောင်းရွှေ့ရတဲ့ IDPs များ စားနပ်ရိက္ခာ အခက်အခဲ တွေနဲ့ ကြုံတွေ့နေရ

ကန္တာရဝတီ တိုင်း(မ်) ကရင်နီပြည် ဒီးမော့ဆို အရှေ့ဘက်ခြမ်းကို စစ်ကြောင်းထိုးလာတဲ့ စစ်ကောင်စီတပ်နဲ့ ဒေသခံ ပြည်သူ့ကာကွယ်ရေး တပ်ဖွဲ့တို့ ဇန်နဝါရီလ ၂၂ ရက်နေ့စ တိုက်ပွဲ ပြင်းထန်နေပြီး စစ်ရှောင်စခန်းအတွင်း လက်နက်ကြီးများ ကျရောက်ပေါက်ကွဲ ထိခိုက်မှုတွေကြောင့် IDPs စစ်ရှောင်စခန်း (၃)ခု ထပ်မံပြောင်းရွေ့ခဲ့ကြရပါတယ်။ ဇန်နဝါရီလ ၂၃ ရက်နေ့လောက်က...

ကရင်နီပြည်မှာ ပြုလုပ်မယ့် စစ်ကောင်စီရွေးကောက်ပွဲကို တော်လှန်ရေးအင်အားစုတွေ ဆန့်ကျင်သွားမည်

ကန္တာရဝတီတိုင်း( မ် ) ကရင်နီပြည်မှာ ၂၀၂၃ခုနှစ်အတွင်း စစ်ကောင်စီကပြုလုပ်မယ့် ရွေးကောက်ပွဲကို ပြုလုပ်ခွင့်ပေးမှာမဟုတ်ပဲ ဆန့်ကျင်သွားမယ်လို့ တော်လှန်ရေးအင်အားစုကနေ ဒီကနေ့ ဇန်နဝါရီလ ၂၈ ရက်နေ့မှာ ပူးတွဲ သဘောထား ထုတ်ပြန်ထားပါတယ်။ တော်လှန်ရေးအင်အားစုတွေဖြစ်ကြတဲ့ ကရင်နီအမျိုးသားများကာကွယ်ရေးတပ် (KNDF)၊ ပြည်သူ့ကာကွယ်ရေးတပ် ဒီးမော့ဆို (DMO-PDF) ကနေ လူထုဆန္ဒမပါဝင်တဲ့ တရားမဝင်အတုအယောင်...

ကတ်သလစ်ခရစ်ယာန်ဘာသာဝင်တို့ရဲ့ “မယ်တော်ပွဲ” ဆုတောင်းခြင်းအစီအစဉ် ပြုလုပ်

ကန္တာရဝတီတိုင်း(မ်) ကရင်နီပြည် ဒီးမော့ဆိုမြို့အနောက်ဖက်ခြမ်း စစ်ရှောင်စခန်းတစ်နေရာမှာ ကတ်သလစ်ခရစ်ယာန်ဘာသာဝင်တို့ရဲ့ "မယ်တော်ပွဲ" ဆုတောင်းခြင်းအစီအစဉ်ကို ဒီကနေ့ ဇန်နဝါရီလ ၂၈ ရက်နေ့မှာ ကျင်းပပြုလုပ်ခဲ့ပါတယ်။ "ရည်ရွယ်ချက်ကတော့ ဒီမြန်မာပြည်ငြိမ်းချမ်းဖို့ရယ် စစ်ရှောင်ပြည်သူတွေ အိမ်မြန်မြန်ပြန်နိုင်ဖို့ရယ် ပြီးတော့ တိုက်ပွဲဝင်နေတဲ့ရဲဘော်တွေ ဘေးကင်းဖို့ရည်ရွယ်ပြီးဆုတောင်းပွဲလုပ်တာပေါ့။ " လို့ ပွဲကျင်းပရေးတာဝန်ရှိသူတစ်ဦးက ဆိုပါတယ်။ ယခင် အာဏာမသိမ်းခင်က တစ်နှစ်တစ်ကြိမ် စည်ကားစွာကျင်းပခဲ့ပေမယ့်...

ဒီးမော့ဆို အရှေ့ဘက်ခြမ်း စစ်ရှောင်စခန်းတစ်နေရာတွင် မွေးခင်းစ ကလေးငယ်တစ်ဦး သေဆုံး

ကေးဒူ ( ကန္တာရဝတီ တိုင်း(မ်)) ကရင်နီပြည် ဒီးမော့ဆို အရှေ့ဘက်ခြမ်း စစ်ရှောင်စခန်းတစ်နေရာတွင် မွေးခင်းစ ကလေးငယ်တစ်ဦး ဆေးခန်းသွားပြရင်း လမ်းမှာ သေဆုံးသွားခဲ့တယ်လို့ သိရပါတယ်။ ဇန်နဝါရီလ ၂၆ ရက်နေ့ မနက် ၂ နာရီ လောက်က မွေးတာဖြစ်ပြီး ကလေးက မိခင်နို့မစို့နိုင်လို့ အနောက်ဘက်ခြမ်းကို ဆေးခန်းသွားပြရင်း...