spot_img
Monday, May 16, 2022
spot_img

ယနေ့နံနက်တွင် စစ်ကောင်စီမှ လက်နက်ကြီး ရမ်းသန်းပစ်ခတ်ပြီး နေအိမ်ပျက်စီးမှုရှိ

ကန္တာရဝတီတိုင်း(မ်)

ဒီကနေ့(မတ်လ၃၁ရက်) နံနက်(၇)နာရီ ဝန်းကျင်အချိန် မှာ စစ်ကောင်စီက လက်နက်ကြီး ရမ်းသန်းပစ်ခတ် နေတဲ့အတွက် ကရင်နီပြည်နယ်၊ ဒီးမော့ဆို အရှေ့ဖက်ခြမ်းရှိ ဒေါခူလီကျေးရွာအတွင်း ကျရောက်ပြီး နေအိမ်တစ်လုံး ထိမှန်ပျက်စီးသွားတယ်လို့ KNDF B-10က ဒီကနေ့ ထုတ်ပြန်ပါတယ်။

“ ဒီမနက်က ဒေါခူလီမှာက လက်နက်ကြီး ၃လုံး ကျပေါက်ကွဲတယ်ပြောတယ်။ ဒါပေမယ့် တစ်လုံးက အိမ် ထိတယ်။ အိမ်တစ်လုံးပျက်စီးသွားတယ်။ တချို့က ကျောင်းထဲမှာ ကျတယ်။ ဒါပေမယ့် အထိအခိုက်ကတော့ အဲ့လောက်မရှိဘူးပေါ့။ “ လို့ KNDF B-10က တာဝန်ရှိသူတစ်ဦးက ပြောပါတယ်။

တိုက်ပွဲဖြစ်ပွားခြင်းမရှိဘဲ စစ်ကောင်စီက ရမ်းသမ်းပစ်ခတ်နေတာဖြစ်ပြီး ဒီကနေ့ မနက် ၉ နာရီခွဲအချိန်ထိ လက်နက်ကြီး ရမ်းသန်းပစ်ခတ်နေတယ်လို့ သိရပါတယ်။ အနီးအနားကကျေးရွာတွေမှာ လက်နက်ကြီး ကျရောက်ပေါက်ကွဲတာတွေရှိနေပြီး ခြေအနေ အတိအကျကိုတော့ မသိရသေးပါဘူး။

လက်နက်ကြီး ရမ်းသမ်းပစ်ခတ်တာတွေကြောင့် ပြီးခဲ့တဲ့ မတ်လ(၁၃)ရက်နဲ့ (၁၈)ရက်မှာလည်း
ဒီးမော့ဆို အရှေ့ဖက်ခြမ်း တနီးလားလဲကျေးရွာထဲ ကျရောက်ပေါက်ကွဲခဲ့ပြီး ဒေသခံနှစ်ဦး ထိခိုက်ဒဏ်ရာရခဲ့သလို နေအိမ်ပျက်စီးတာတွေလည်း ရှိခဲ့ပါတယ်။

၂၀၂၁ ခုနှစ် ဖေဖော်ဝါရီလ စစ်တပ်အာဏာသိမ်းပြီးနောက် ၂၀၂၂ ခုနှစ် မတ်လ ၁၃ ရက်နေ့အထိ အရပ်သားပြည်သူ ထိခိုက်ဒဏ်ရာရသူ ၁၇၇ ဦးရှိပြီး သေဆုံးသူ ၂၃၅ ဦးရှိတယ်လို့ ကရင်နီလူမှုအသင်းအဖွဲ့များကွန်ယက် KCSNက မတ်လ ၁၆ ရက်နေ့မှာ ဖော်ပြထားပါတယ်။

Photos-KNDF B-10
Photos-KNDF B-10
Photos-KNDF B-10
Photos-KNDF B-10
Photos-KNDF B-10
spot_imgspot_imgspot_imgspot_img

More from the blog

စစ်ကောင်စီထုတ်ကုန်တွေကို မိုးဗြဲ PDF စစ်ဆေး ဖျက်စီး

ကန္တာရဝတီတိုင်း( မ် ) မိုးဗြဲမြို့အတွင်းမှာရှိတဲ့ ကျေးရွာ၊ ရပ်ကွက်တွေကို စစ်ဆေးမှု ပြုလုပ်ခဲ့ပြီး စစ်တပ်ထုတ်ကုန်တွေကို တွေ့ရှိခဲ့တဲ့အတွက် ဖျက်စီးမှုတွေ ပြုလုပ်ခဲ့တယ်လို့ မိုးဗြဲ PDFက ယမန်နေ့ မေလ ၁၅ ရက်နေ့မှာ ထုတ်ပြန်ထားပါတယ်။ စစ်တပ်ထုတ်ကုန်တွေဖြစ်တဲ့ Dagon အနီ/အ၀ါ/အစိမ်း၊ မုယော ၄၅ဖာ၊ Army Rum...

ဖယ်ခုံပြည်သူ့အုပ်ချုပ်ရေးအဖွဲ့က ထုတ်ပြန်ချက်အပေါ် တစ်စုတစ်စည်းတည်းဖြစ်ဖို့လိုတယ်လို့ ( KSCC ) ကပြန်လည်တုန့်ပြန်

ကန္တာရဝတီတိုင်း( မ် ) ဖယ်ခုံမြို့ ကို ကရင်နီပြည်အတွင်းရှိ ဖယ်ခုံမြို့ လို့မသုံးစွဲဲဘဲ ရှမ်းပြည်နယ်တောင်ပိုင်းရှိ ဖယ်ခုံမြို့လို့ သုံးစွဲခေါ်ဝေါ်ပေးဖို့ ပြည်သူ့လွှတ်တော်ကိုယ်စားပြုကော်မတီ (CRPH) လမ်းညွှန်မှုအရ ဖွဲ့စည်းထားတဲ့ ဖယ်ခုံပြည်သူ့အုပ်ချုပ်ရေးအဖွဲ့ က မေလ ၉ရက်နေ့မှာ ထုတ်ပြန်ကြေညာခဲ့ပါတယ်။ ဒီလိုထုတ်ပြန်ထားချက်အပေါ်မှာ ကရင်နီပြည်အတိုင်ပင်ခံကောင်စီ ( KSCC ) အနေနဲ့စတင်ဖွဲ့စည်းချိန်က...

ယနေ့နံနက် ကင်းပုန်းဝပ်နေတဲ့ စစ်ကောင်စီကို မိုးဗြဲPDF ဝင်ရောက်တိုက်ခိုက်ပြီး စစ်ကောင်စီ သုံးဦးသေဆုံး

ကန္တာရဝတီတိုင်း( မ် ) ယနေ့ မေလ ၁၄ရက်နေ့ နံနက်အစောပိုင်းမှာ မိုးဗြဲအခြေစိုက် ခမရ-၄၂၂ တပ်ရင်းအနီးမှာ ကင်းပုန်းဝပ်နေတဲ့ စစ်ကောင်စီကို မိုးဗြဲ PDF ကပျောက်ကြားဝင်ရောက်တိုက်ခိုက်ခဲ့ပြီး စစ်ကောင်စီဘက်က သုံးဦးသေဆုံးသွားခဲ့တယ်လို့ မိုးဗြဲ PDF က ထုတ်ပြန်ထားပါတယ်။ နာရီဝက်ကြာ ပစ်ခတ်မှုရှိခဲ့ပြီး မိုးဗြဲ PDF ဘက်ကလည်း...

KSCC က ပအိုဝ်းလူထုအပေါ် အိတ်ဖွင့်ပေးစာ ပေးပို့

ကန္တာရဝတီတိုင်း( မ် ) ကရင်နီပြည်အတိုင်ပင်ခံကောင်စီ ( KSCC ) က ပအိုဝ်းကိုယ်ပိုင်အုပ်ချုပ်ခွင့်ရ ဒေသမှာရှိတဲ့ ပအိုဝ်းအမျိုးသား၊ အသင်းအဖွဲ့နဲ့ ပြည်သူလူထုအတွက် အိတ်ဖွင့်ပေးစာ တစ်စောင်ကို ဒီကနေ့ မေလ ၁၄ရက်နေ့မှာ ထုတ်ပြန်ခဲ့ပါတယ်။ ကရင်နီပြည်မှာ စစ်ကောင်စီကို တော်လှန်တဲ့ တိုက်ပွဲတွေ ဖြစ်ပွားနေပြီး ကရင်နီပြည် နယ်စပ်တစ်လျှောက်မှာလည်း...