ယနေ့မနက် ကေအဲန်ပီပီနှင့် စစ်တပ်တိုက်ပွဲဖြစ်ပွား

ကန္တာရဝတီတိုင်းမ်

ယနေ့ အောက်တိုဘာလ ၂ဝရက်နေ့ မနက်ပိုင်းတွင် ဖားဆောင်းမြို့နယ်၊ နန်းကစ်ကျေးရွာဘက်တွင် KNPPနှင့် စစ်တပ်အကြား တိုက်ပွဲဖြစ်နေကြောင်း သိရသည်။

̏ ကျွန်တော်တို့လည်း အဲ့မှာ ကျွန်တော်တို့လူရှိတယ်လေး၊ သူတို့လည်း သူတို့အလုပ်ကို သူတို့လုပ်မယ်ပေါ့။ လုပ်ချင်လုပ်မယ်ဆိုတာက သူတို့အလုပ်က အဲ့မှာဂိတ်ရှိတယ်၊ ဂိတ်ရှိရဲ့နဲ့ သူတို့ခွင့်မတောင်းဘဲနဲ့ ဂိတ်ကိုပတ်ပြီး ကျော်သွားတယ်ပြောတယ်လေ၊ သူတို့သတင်းမပို့ရင် ခုဏပြောသလိုမျိုး သူတို့တာဝန်နဲ့သူတို့ရှိတယ်၊ သူတို့အလုပ်ကို သူတို့လုပ်ကြမှာပဲလေ˝ ဟု လွိုင်ကော်မြို့ ကေအဲန်ပီပီဆက်ဆံရေးရုံး တာဝန်ခံ ဦးညေးရယ်က ကန္တာရဝတီတိုင်းမ်သို့ ပြောသည်။

အေက်တိုဘာ ၁၉ရက်နေ့တွင် ဖားဆောင်းမြို့နယ်၊ ကေအဲန်ပီပီထိန်းချုပ်နယ်မြေအတွင်းသို့ စစ်တပ်ဖက်မှ ခွင့်မတောင်းဘဲ ကျော်တက်သွားကြောင်း အမည်မဖော်လိုသူ ဒေသခံတစ်ဦးက ကန္တာရဝတီတိုင်းမ်သို့ ပြောသည်။

̏ KNPPထိန်​းချုပ်​​နယ်​​မြေထဲသို့ ခွင်​့မ​တောင်​းပဲ စစ်​တပ်​ဖက်​က မ​နေ့ကအင်​အား၂ဝ ဝန်​းကျင်​က နန်​းကစ်​ဂိတ်​ကို ပတ်​ပြီး​ကျော်​တက်​သွားသည်​။ ယ​နေ့လဲ အင်​အားထပ်​ဖြည်​့ပြီးလှုပ်​ရှား​နေတယ်​ ဖား​ဆောင်​းမြို့ မန်​တလဲ ဖက်​သွားမယ်​​ပြောတယ်​ အင်​အားဘယ်​​လောက်​သွားမယ်​​တော့​ သေချာမသိရပါ။ စစ်​တပ်​အ​နေနဲ့ငြိမ်​းချမ်​း​ရေးဆိုပြီး ပါစပ်​က​ပြောပြီး ခုလိုငြိမ်​းချမ်​း​ရေးကိုထိခိုက်​​စေတဲ့ အပြုအမှုမျိုးမလုပ်​သင်​့ပါ˝ ဟု ၎င်းကပြောသည်။

ပြည်ထောင်စုအဆင့်တွင် နှစ်ဖက်မှ အလုပ်သဘောအရသွားလာလျှင်သော်လည်းကောင်း၊ အလွတ်သဘောအရ သွားလာလျှင်သော်လည်းကောင်း အကြောင်းကြားကြရန် သဘောတူညီချက်များ ထားရှိထားသော်လည်း စစ်တပ်ဘက်မှယခုလို အကြောင်းမကြားဘဲ သွားလာနေသည်မှာ မကြာခဏဖြစ်ပေါ်နေကြောင်း ဦးညေးရယ်က ဆက်ပြောသည်။

လက်ရှိတွင် ကေအဲန်ပီပီဘက်မှ တစ်နိုင်ငံလုံး အပစ်ရပ်လက်မှတ် NCAလက်မှတ်ရေးထိုးနိုင်ရေးအတွက် ကြိုးပမ်းနေချိန်တွင် နှစ်ဖက်ယုံကြည်မှုသည် အဓိကဖြစ်ကြောင်းနှင့် စစ်တပ်ဘက်မှ ယခုလိုမကြာခဏ လုပ်ဆောင်နေလျှင် ၎င်းတို့ဘက်မှ ယုံကြည်ရန်ခက်ခဲသွားမည်ဖြစ်ကြောင်း ဦးညေးရယ်ကဆက်ပြောသည်။

̏ ယုံကြည်မှုကို ပျက်ပြားအောင် ဘယ်သူလုပ်လဲ၊ ဘယ်ကစလဲဆိုတဲ့ဟာက ကျွန်တော်တို့ အခုလက်ရှိအခြေအနေအရဆို သိနေတာပဲလေ။ ဆိုတော့ ယုံကြည်မှုတည်ဆောက်နေချိန်မှာ အဲ့လိုမလုပ်ဖို့ အပြန်အလှန်လေးစားဖို့ လိုတယ်ပေါ့˝ ဟု ဦးညေးရယ်က ပြောပါသည်။

Comments

comments

Next Post

ရန်ကုန်ရုပ်ရှင်ကျောင်းနဲ့ Women for Women Foundation (WWF) တို့မှ မှတ်တမ်းရုပ်ရှင်ပြပွဲကိုု ကျင်းပ (ရုပ်သံ)

Mon Oct 22 , 2018
ခရီးသွားမှတ်တမ်းရုပ်ရှင်ပြပွဲကို အောက်တိုဘာလ ၂ဝ ရက်နေ့မှာ လွိုင်ကော်မြို့ ပန်ကန်းရပ်ကွက်ရှိ ကရင်နီပြည်လူမျိုးပေါင်းစုံပြည်သူ့လွတ်မြောက်ရေးတပ်ဦး (ကလလတ) ရုံးရဲ့ ရောင်နီဦးခန်းမဆောင်မှာ ကျင်းပပြုလုပ်ခဲ့ပါတယ်။ မြန်မာ့လူငယ်ရုပ်ရှင် ကျောင်းသား၊ ကျောင်းသူတွေ ဖန်တီးပုံဖော်ထားတဲ့ မှတ်တမ်းရုပ်ရှင်တွေနဲ့ ရုပ်ရှင်ဇာတ်လမ်းတိုတွေကို ရိုက်ကူးခဲ့တဲ့ ဒါရိုက်တာလူငယ်တွေ ကိုယ်တိုင် ပရိသတ်တွေထံ တင်ဆက်တဲ့အစီအစဉ်ပဲ ဖြစ်ပါတယ်။ https://www.youtube.com/watch?v=Db0K526vWu0&feature=youtu.be&fbclid=IwAR2bMniHLmrVBQWSUI3hbU9hyv9cGySmv1N0TK8YiWvUe4pVYgHeDbO-Frc Comments comments