spot_img
Monday, March 27, 2023
spot_img

ရေမသန့်ရှင်းမှုကြောင့် ကလေးအများစု ပွေးဝဲယားယံမှု ဖြစ်ပွား

spot_imgspot_imgspot_imgspot_img

ကန္တာရဝတီုတိုင်း( မ် )

ကရင်နီပြည် ရှားတောမြို့ သရီးဒါးကျေးရွာမှာ ပြီးခဲ့တဲ့ နှစ်ပတ်ကစတင်ပြီး ပွေးဝဲယားယံကူးစက်မှု ဖြစ်ပေါ်နေတယ်လို့ ကရင်နီကျန်းမာရေး ဆေးဆရာမတစ်ဦးဆီကနေ သိရပါတယ်။

သူရဲ့လက္ခဏာဟာ သာမာန်အရည်ပြားယားယံတာမျိုးမဟုတ်ပဲ ရေမသန့်ရှင်းမှုကြောင့် ပွေးဝဲပုံစံမျိုးဖြစ်တယ်လို့ သူက ပြောပါတယ်။

“တော်တော်များများက အဲ့ဒီပွေးဖြစ်ကြတာများတယ်။ ပြီး ဝဲတွေဖြစ်ကြတာများတယ် သူတို့။ တခြားရွာတွေမှာဆိုရင်လည်း သွားကြည့်လိုက်လို့ရှိရင် သူတို့ တခြားအရည်ပြားရောဂါထက် ယားနာတာတွေ ပိုဖြစ်ကြတယ်။” လို့ သူက ပြောပါတယ်။

ပွေးဝဲဟာ အသုံးပြုတဲ့ရေမသန့်ရှင်းတာနဲ့ ချွေးတွေကြောင့် ဖြစ်ပေါ်တတ်ပြီး နီးစပ်တဲ့သူတွေကိုလည်း အလွယ်တကူ ကူးစက်တတ်တယ်လို့ ဆိုပါတယ်။ အများအားဖြင့် ယောကျာ်းလေးတွေမှာ အဖြစ်များပြီး သာမာန်အရည်ပြားယားယံတာမျိုးထက် ပျောက်ကင်းဖို့အတွက် အချိန်ပိုကြာနိုင်တယ်လို့ ဆိုပါတယ်။

“သူတို့ကိုတော့ လိမ်းဆေးပေးထားတယ်။ သူတို့ရဲ့ ဆိုးတဲ့အပေါ်မူတည်ပြီးတော့မှ လူနာကို ကြည့်တဲ့အပေါ်မှာ မူတည်ပြီးတော့မှပေါ့နော။ တစ်ကိုယ်ရည်သန့်ရှင်းရေးလည်း ပြောထားတယ်။ လိုအပ်တဲ့ဆေးတွေလည်း ပေးထားပါတယ်။” လို့ ဆိုပါတယ်။

ဆေးအညွှန်းအတိုင်းလိုက်မနာဘူးဆိုရင် ပိုမိုဆိုးဝါးလာနိုင်တယ်လို့ သူက ပြောပါတယ်။ အခုလို ပွေးဝဲယားယံမှုတွေဟာ အခုဆိုရင် ကလေးငယ်တွေမှာ အဖြစ်များနေပြီး အနီးအနားကကျေးရွာတွေမှာလည်း ဖြစ်နေတာတွေမှာ ရှိတယ်လို့ ဆိုပါတယ်။

ပွေးဝဲတွေဟာ ကလေးတွေအများအပြားနေထိုင်တဲ့ ဘော်ဒါဆောင်တွေမှာ ကူးစက်မှုများနေပြီး ယခင်နှစ်တွေထက် ကူးစက်မှု ပိုများလာတယ်လို့ သိရပါတယ်။

ရှားတောမြို့နယ်အတွင်းက ကျေးရွာတွေဟာ တခြားမြို့နယ် ကျေးရွာတွေထက် လမ်းပန်းဆက်သွယ်ရေးသော်လည်းကောင်း အဖက်ဖက်က ဖွံ့ဖြိုးတိုးတက်မှုနှောင့်နှေးလျက်ရှိပြီး ကျန်းမာရေးပိုင်းမှာလည်း လိုအပ်ချက်တွေများပြားနေတယ်လို့ ဒေသခံတွေက ပြောပါတယ်။

spot_imgspot_imgspot_imgspot_img

More from the blog

ဒီးမော့ဆိုမြို့နယ် အရှေ့ဘက်ခြမ်းကို စစ်ကောင်စီတပ်မှ လက်နက်ကြီးတွေ အမြောက်အများ ပစ်ခတ်နေ

ကန္တာရဝတီ တိုင်း(မ်) ကရင်နီပြည် ဒီးမော့ဆိုမြို့နယ် အရှေ့ဘက်ခြမ်းကို ဒီးမော့ဆို အခြေစိုက် ခလရ ၁၀၂ တပ်မှ (၁)မိနစ် (၁) လုံးနုန်းနဲ့ လက်နက်ကြီးတွေ အမြောက်အများ ပစ်ခတ်နေတယ်လို့ သိရပါတယ်။ ယနေ့ ( မတ်လ ၂၆ ) ရက်နေ့ မနက် ၉ နာရီလောက်ကစပြီး...

စစ်ရှောင်ပြည်သူတွေကို ရိက္ခာဝေမယ်လို့ပြောဆိုပြီး ဓါတ်ပုံရိုက်ပြီးနောက် ဝေထားတဲ့ရိက္ခာတွေကို ပြန်သိမ်းယူသွား

ကန္တာရဝတီတိုင်း(မ်) လွိုင်ကော်မြို့ နမ့်ဘော်ဝမ် ရပ်ကွက်အတွင်းရှိ စစ်ဘေးရှောင်ပြည်သူတွေကို စစ်ကောင်စီ က ရိက္ခာဝေပေးမယ်လို့ပြောဆိုကာ ဒီကနေ့ (မတ်လ ၂၅ ရက်နေ့ ) မှာ စုရုံးခေါ်ဆောင်ပြီး ဓါတ်ပုံမှတ်တမ်းရယူခဲ့ပေမဲ့ ဝေငှထားတဲ့ ရိက္ခာထုပ်တွေကို ပြန်လည်တောင်းယူခဲ့တယ်လို့ စစ်ရှောင်တွေဆီကနေ သိရပါတယ်။ နမ့်ဘော်ဝမ်ရပ်ကွက်အတွင်းမှာ ရှိတဲ့ဘုရားကျောင်းမှာ စစ်ဘေးရှောင်တွေကို ခေါ်ယူစုရုံးပြီး ကုလားပဲထုပ်...

ဒီးမော့ဆိုအနောက်ဘက်ခြမ်းမှာ လက်နက်ကြီးကျပြီး ဒေသခံထိခိုက်မှုရှိခဲ့၊ ဖရဲသီးစိုက်ခင်းလည်းပျက်စီး

ကန္တာရဝတီတိုင်း( မ် ) ယမန်နေ့ မတ်လ ၂၄ရက်နေ့ မနက် ၁၀နာရီကျော်အချိန်မှာ ကရင်နီပြည် ဒီးမော့ဆိုမြို့နယ်အနောက်ဘက်ခြမ်းကို စစ်ကောင်စီက လက်နက်ကြီးတွေနဲ့ ပစ်ခတ်ခဲ့တဲ့အတွက် ဒေသခံတချို့ ထိခိုက်ခဲ့သလို ဖရဲသီးစိုက်ခင်းလည်း ပျက်စီးခဲ့တယ်လို့ ဒီးမော့ဆိုအနောက်ဘက်ခြမ်းမှာ နေထိုင်သူတစ်ဦးက ပြောပါတယ်။ "အိမ်ကတော့ လူနေအိမ်ပဲ မိန်းက‌လေးထိတယ်ပြောတယ်။ မိန်းကလေးနှစ်ယောက်။ ဒီကျတာက ဖရဲသီးခြံစိုက်ခင်းထဲမှာက...

ဒီမော့ဆို အရှေ့ဘက်ခြမ်းမှ ဆွေမျိုးများထံ ယာယီ ပြောင်းရွေ့လာတဲ့ စစ်ရှောင်ကလေးအချို့ ဝမ်းပျက်ဝမ်းလျောဖြစ်နေ

CJ (ကန္တာရဝတီတိုင်း(မ်)) ကရင်နီပြည် ဒီမော့ဆိုမြို့နယ် အရှေ့ဘက်ခြမ်းမှာ မတ်လ ၁၀ ရက်နေ့ ကတည်းက ဖြစ်ပွားတဲ့ တိုက်ပွဲတွေကြောင့် အနောက်ဘက်ခြမ်းက ဆွေမျိုးတွေဆီကို ယာယီ ပြောင်းရွေ့လာတဲ့ စစ်ရှောင်တွေအထဲက ကလေးတွေဟာ ဝမ်းပျက်ဝမ်းလျောဖြစ်နေတယ်လို့ စစ်ရှောင်အမျိုးသမီးတစ်ဦးက ပြောပါတယ်။ "အကြောင်းရင်းက ဘာလဲ မသိဘူး၊ ရေရှားတဲ့ နေရာလဲ မဟုတ်ဘူး၊...