spot_img
Monday, November 28, 2022
spot_img

ရဲဝန်ထမ်းတွေ CDMမှာ ပိုပြီး ပူးပေါင်းပါဝင်ဖို့ ရဲတပ်ဖွဲ့ရုံးရှေ့ ပြည်သူတွေ တောင်းဆိုခဲ့ကြ

spot_imgspot_imgspot_imgspot_img

ဒီကနေ့ ဖေဖော်ဝါရီ ၂၅ ရက်နေ့ လွိုင်ကော်မှာပြုလုပ်တဲ့ စစ်အာဏာရှင်ဆန့်ကျင် သပိတ်မှာ ရဲဝန်ထမ်းတွေ CDM မှာ ထပ်မံပူးပေါင်းပါဝင်လာကြဖို့ ရဲတပ်ဖွဲ့ရုံးရှေ့ ဆန္ဒထုတ်ဖော်ခဲ့ကြပါတယ်။

ကယားပြည်နယ်မှာဆိုရင် ရဲဝန်ထမ်းတွေ CDMမှာပါဝင်မှု သုံးပုံတစ်ပုံ အထိရှိပြီး ဆက်လက်ပါဝင်ကြဖို့ တောင်းဆိုခဲ့ကြတာဖြစ်ပါတယ်။

ကယားပြည်နယ်သပိတ်ကော်မတီ အဖွဲ့ဝင် ခွန်သောမတ်စ် ကတော့
“ ဒီစစ်အာဏာရှင်စနစ် အမြစ်ပြတ်ချေမှုန်းဖို့အတွက် ဝန်ထမ်းအသီးသီးရဲ့ ပါဝင်မှုက အရေးကြီးတယ်ပေါ့လေ။ နောက်တစ်ချက်ကတော့ ဝန်ထမ်းအသီးသီးလို့ ပြောတဲ့နေရာမှာ ပြည်ထဲရေးဝန်ကြီးမှာ အဓိကရှိတဲ့ ရဲကတော့ အရေးကြီးတဲ့နေရာမှာ ပါဝင်တယ်ပေါ့ သူတို့ ပါဝင် လာခြင်း အားဖြင့် ဒီအမြစ်ပြတ်ချေမှုန်းရေးမှာ ပိုပြီးတော့ အသက်ဝင်မယ် ပိုပြီးတော့ မြန်လိမ့်မယ်လို့ ယူဆတဲ့အတွက် ဒီလိုလုပ်ရခြင်းဖြစ်ပါတယ်ပေါ့။ “

CDMမှာ ပိုပြီးပါဝင်ကြဖို့ အတွက် သက်ဆိုင်ရာရုံးဝန်ထမ်းအသီးသီးတွေ
ရဲ့ရှေ့မှာလည်း လိုက်လံ တောင်းဆို ဆန္ဒထုတ်ဖော် နေတာတွေလည်းရှိပါတယ်။

CDMမှာ ပါဝင်တဲ့ရဲဝန်ထမ်းတွေကို ကယားသပိတ်ကော်မတီကနေပြီး သူတို့အတွက် လုံခြုံရေးတွေ ယူထားပေးတာဖြစ်ပါတယ်။ ကယားပြည်နယ်မှာဆိုရင် ရဲတပ်ဖွဲ့ဝင် ၂၄၀ ဦးရှိပြီး ဖေဖော်ဝါရီ (၁၀)ရက်နေ့ကစပြီး ယနေ့ချိန်ထိ ရဲဝန်ထမ်း ၇၅ဦး ပါဝင်လာတာဖြစ်ပါတယ်။

Related Stories