spot_imgspot_imgspot_imgspot_img
Sunday, May 19, 2024
spot_imgspot_imgspot_imgspot_img

ရှမ်းပြည်တောင်ပိုင်းက ဘုန်းကြီးကျောင်းမှာ နေထိုင်တဲ့ ကရင်နီစစ်ရှောင်တွေကို ဆက်လက်လက်ခံထားဖို့ အခက်အခဲဖြစ်လာ

Author

Date

Category

ကန္တာရဝတီတိုင်း (မ်)

ရှမ်းပြည်တောင်ပိုင်းက ဘုန်းကြီးကျောင်းတွေမှာ စစ်ဘေးရှောင်ရင်းနေထိုင်တဲ့ ကရင်နီစစ်ရှောင်တွေကို ဆက်လက် လက်ခံသွားဖို့ အခက်အခဲရှိနေတယ်လို့ စစ်ရှောင်တွေ ခိုလှုံနေထိုင်တဲ့ ဘုန်းကြီးကျောင်းရဲ့ တာဝန်ခံတွေဆီကနေ သိရပါတယ်။

စစ်ရှောင်တွေကို လက်ခံထားတာ ၆ လအထိ ရှိနေပြီး နေထိုင်ရေး၊ စားသောက်စရိတ်တွေ ပိုမိုခက်ခဲလာတဲ့အတွက် စစ်ရှောင်တွေကို ‌ပြောင်းရွေ့ခိုင်းဖို့ ဆုံးဖြတ်ထားတယ်လို့ ညောင်ရွှေမြို့နယ်အတွင်းက ဘုန်းကြီးကျောင်းတစ်ကျောင်းက တာဝန်ရှိသူတစ်ဦးက ပြောပြပါတယ်။

” စစ်ရှောင်တွေကို လက်ခံပေးချင်ပေမဲ့ အချိန်ကြာလာတာနဲ့အမျှ လူမှုရေး ပြဿနာတွေ ရှိလာသလို စားသောက်စရိတ်စက ကြီးမားလွန်းလာတာရယ်ကြောင့် ခုလို ဆုံး ဖြတ်လိုက်ရတာပါ။” လို့ အဆိုပါတာဝန်ရှိသူတစ်ဦးက ပြောပါတယ်။

လွိုင်ကော်မြို့ပေါ်မှာ တိုက်ပွဲဖြစ်ပွားပြီးနောက် ဒေသခံအများစုဟာ ရှမ်းပြည်နယ်တောင်ပိုင်းရှိ ညောင်ရွှေမြို့နယ်အတွင်းက ဘုန်းကြီးကျောင်းတွေမှာ ခိုလှုံခဲ့ကြပြီး တောင်ကြီး ၊ အေးသာယာ ၊ ကလော၊ အောင်ပန်း စတဲ့မြို့နယ် နဲ့ တခြား နီးစပ်ရာဆွေမျိုးတွေအိမ်မှာ ခိုလှုံနေထိုင်ခဲ့ကြပါတယ်။

ဘုန်းကြီးကျောင်းတချို့မှာတော့ စစ်ရှောင်တွေကို ထပ်မံ လက်ခံခြင်းမရှိတော့တာကြောင့် ပြောင်းရွေ့ခိုင်းထားပြီး အချိန်တစ်လ ပေးထားတယ်လို့ သိရပါတယ်။ ရှမ်းပြည်နယ်တောင်ပိုင်းက ဘုန်းကြီးကျောင်းတစ်ကျောင်းမှာ စစ်ရှောင်နေသူတစ်ဦးကတော့ တခြားနေရာကို ပြောင်းရွေ့နေထိုင်ဖို့ ငွေကြေးမတတ်နိုင်တာကြောင့် နေရပ်ကိုပဲ ပြန်ဖို့ ဆုံးဖြတ်ထားတယ်လို့ ဆိုပါတယ်။

“မနေရတော့ရင်တော့လည်း လွိုင်ကော်ပဲ ပြန်ရတော့မှာပဲ။ ဒီမှာက အိမ်ငှားခတွေကလည်း စျေးကြီး ၊ အဲ့ဒါထက်ဆိုးတာက နေရာတွေလည်း ပြည့်နေပြီလေ။ အဲ့ဒီတော့ လွိုင်ကော်ပြန်ဖို့ပဲ ဆုံးဖြတ်ထားပါတယ်ရှင် ” လို့ ညောင်ရွှေမြို့နယ်က လွိုင်ကော် စစ်ဘေးရှောင်တစ်ဦးက ပြောပါတယ်။

ပြီးခဲ့တဲ့ ဧပြီလအတွင်းမှာလည်း စစ်ဘေးရှောင်တွေကို ဌာနဆိုင်ရာဝန်ထမ်းတချို့က ‌နေရပ်ဖြစ်တဲ့ လွိုင်ကော်မြို့မှာပြန်လည်နေထိုင်ကြဖို့ တိုက်တွန်းထားတာ ရှိပါတယ်။

“အိမ်ငှားရှာဖို့ပြောတယ်။ ဘုန်းကြီးကျောင်းမှာ လက်ခံလို့ အဆင်မပြေတော့ဘူးတဲ့။ ဘာပဲပြောပြော ၆ လလောက် တင် ကျွေးပြီး နေစရိတ်၊ စားစရိတ် အခမဲ့ ထားပေးတာကိုပဲ ဘုန်းဘုန်းကို ကျေးဇူးတင်လှပါပြီ။ ခုတော့ အိမ် ရှာကြည့်ဦးမယ် မရတော့ လည်း တစ်မျိုး စီစဥ်ရမှာပေါ့” လို့ တောင်ကြီးမြိုက စစ်ရှောင်တစ်ဦးကဆိုပါတယ် ။

လက်ရှိ လွိုင်ကော်မြို့တွင်းက ‌နေရာတချို့မှာ တိုက်ပွဲဖြစ်ပွားနေဆဲဖြစ်ပြီး တိုက်ပွဲမဖြစ်ပွားတဲ့ မြို့ပေါ်ရပ်ကွက်တချို့မှာတော့ စစ်ကောင်စီဘက်က လျှပ်စစ်မီးရရှိအောင် ဆောင်ရွက်ထားတာရှိသလို ဌာနဆိုင်ရာဝန်ထမ်းတွေကိုလည်း နေရပ်ပြန်လာဖို့ ခေါ်ဆိုထားတယ်လို့ သိရပါတယ်။

spot_img
spot_img

Recent posts