spot_imgspot_imgspot_imgspot_img
Friday, May 24, 2024
spot_imgspot_imgspot_imgspot_img

ရှားတောမြို့မှာ မူယစ်ဆေးဝါး ရောင်းဝယ်ဖောက်ကားနေသူတစ်ဦးကို ဖမ်းဆီးရမိ

ဓါတ်ပုံ – KNDF B-17

ကန္တာရဝတီတိုင်း(မ်)

ကရင်နီပြည် ရှားတောမြို့၊ တင်လွယ်ကျေးရွာမှာ မူးယစ်ဆေးဝါး ရောင်းဝယ်ဖောက်ကားနေတဲ့ ဦးအိုက်မောင်ကို WY အမျိုးအစား မူးယစ်ဆေးဝါးနဲ့အတူ ဖမ်းဆီးရမိခဲ့တယ်လို့ ကရင်နီအမျိုးသားများ ကာကွယ်ရေးတပ် ( KNDF ) တပ်ရင်း ၁၇ က ဒီကနေ့ ထုတ်ပြန်ထားပါတယ်။

ပြီးခဲ့တဲ့ ဖေဖော်ဝါရီလ ၂၂ ရက်နေ့ ညနေ ၃ နာရီ ၁၅ မိနစ်မှာ WY အမျိုးအစား မူးယစ်ဆေးဝါး ( ၄၈ ) ပြားနဲ့အတူ သွားရောက်ဖမ်းဆီးမိခဲ့တယ်လို့ ဆိုပါတယ်။ ဖမ်းဆီးရမိထားတဲ့ ဦးအိုက်မောင်ကို ဒီကနေ့ ဖေဖော်ဝါရီလ ၂၄ ရက်နေ့မှာ ကရင်နီပြည်ရဲဌာန ( KSP ) အမှတ် (၅) ရဲစခန်းတာဝန်မှူးထံ သို့ လွှဲပြောင်းခဲ့ကြောင်း ထုတ်ပြန်ချက်မှာ ဖော်ပြထားပါတယ်။

KNDF တပ်ရင်း ၁၇ လှုပ်ရှားနယ်မြေဖြစ်တဲ့ ရှားတော မြို့နယ်မှာ မူးယစ်ဆေးဝါး ရောင်းဝယ်ဖောက်ကားခြင်း၊ လက်ဝယ်ထားရှိခြင်း၊ သုံးစွဲခြင်းတွေကို လုံးဝ(လုံးဝ) ခွင့်ပြုမှာ မဟုတ်ကြောင်းနဲ့ သတင်းရရှိပါက ဖမ်းဆီးထိန်းသိမ်းပြီး ထိရောက်စွာ အရေးယူသွားမယ်လို့ ထုတ်ပြန်ထားပါတယ်။

ပြီးခဲ့တဲ့ ဖေဖော်ဝါရီလ ဒုတိယပတ်အတွင်း မိုးဗြဲမြို့မှာ WY အမျိုးအစား မူးယစ်ဆေးဝါးရောင်းဝယ်ဖောက်ကားနေတဲ့သူတွေကို သက်ဆိုင်ရာ ကာကွယ်ရေးတပ်ဖွဲ့တွေက ဖမ်းဆီးမိခဲ့ပြီး ဒဏ်ငွေပေးဆောင်စေတာ၊ အုပ်ချုပ်ရေးအဖွဲ့ထံ လွှဲပြောင်းတာတွေ ဆောင်ရွက်ခဲ့တယ်လို့ သိရပါတယ်။

ဓါတ်ပုံ – KNDF B-17
spot_img
spot_img