spot_img
Thursday, February 9, 2023
spot_img

လက်နက်ကိုင်လူတစ်စုမှ ဖယ်ခုံ ဒေသခံများအား ခြိမ်းခြောက်ငွေတောင်း

spot_imgspot_imgspot_imgspot_img

မော်မီမြာ/ကန္တာရဝတီတိုင်း(မ်)

ပြီးခဲ့တဲ့ မေလ ၂၃ ရက်နေ့မှာ ဖယ်ခုံ ခေါင်းအိကျေးရွာဖက်မှာ တောင်ယာကနေ ထင်းခုတ်ပြန်လာတဲ့ ဖယ်ခုံဒေသခံပြည်သူ လေးဦးကို လက်နက်ကိုင်ထားတဲ့ လူတစ်စုက လက်နက်နဲ့ ခြိမ်းခြောက်ပြီး ငွေတောင်းခံတာတွေ ပြုလုပ်ခဲ့တယ်လို့ သိရှိရပါတယ်။

“သေနတ်နဲ့ ခြိမ်းခြောက်ပြီးတော့ ဒူးထောက်ပြီးတော့မှ ဘာညာ ထင်းခုတ်မရဘူး အဲ့လိုပြောတယ်။ ဦးလေးကတော့ ကောင်းကောင်းရှင်းပြပြီးတော့ ပါးစပ်ပိတ် ပြောတယ်။ တချို့က စကားပြောတာ မကြမ်းပေမယ့် နားထောင်တာ ကြမ်းတာမျိုးလည်းရှိတယ်ပေါ့။ ဒါပေမယ့် ကိုယ်ကတော့ ကြောက်ခါကျတော့ ရပါတယ် ဘားမဖြစ်ပါဘူး။ ကိုယ်ကပဲ ကံမကောင်းတာပဲ ဖြစ်မှာပေါ့။”လို့ ခြိမ်းခြောက်ခံရသူတွေထဲက တစ်ဦးက ကန္တာရ၀တီတိုင်း(မ်)ကိုပြောပါတယ်။

လက်နက်နဲ့ ခြိမ်းခြောက်အပြီး ဒေသခံတွေရဲ့ ထင်းသယ်လာတဲ့ ထော်လာဂျီ ကို သိမ်းယူထားခဲ့တာကြောင့် ငွေနှစ်သိန်းနဲ့ ပြန်လည်ရွေးယူခဲ့ရတယ်လို့ဆိုပါတယ်။

ခြိမ်းခြောက်ငွေတောင်းတဲ့ သူတွေဟာ သေနတ်ကိုယ်စီကိုင်ဆောင်ထားပြီး ပျောက်ကြားအကျီဝတ်ဆင်ထားကာ အကျီပေါ်က တံဆိပ်ကို မတွေ့ရတဲ့အတွက် ဘယ်သူဘယ်ဝါ ဘယ်အဖွဲ့ကဆိုတာ မသိရဘူးလို့ ဒေသခံတွေကပြောပါတယ်။

ခြိမ်းခြောက်ခံရတဲ့ ဒေသခံ လေးဦးထဲမှာ အမျိုးသမီးတစ်ဦး နဲ့ အမျိုးသား ၃ဦး ဖြစ်ပါတယ်။

“ အင်္ကျီတံဆိပ်တော့ မတွေ့ခဲ့ဘူး။ ဝတ်စုံတော့ တွေ့တယ်။ ကိုယ်ကလည်း ကယန်းပဲပြောတယ် သူတို့လည်း ကယန်းပဲပြန်ပြောတယ်။ “ လို့ ခြမ်းခြောက်ခံရသူက ပြောပါတယ်။

အဆိုပါ ကိစ္စနဲ့ပါတ်သက်ပြီး ဖယ်ခုံမြို့နယ်မှာ ရှိနေတဲ့ ဖယ်ခုံ PDF ကို ဆက်သွယ်မေးမြန်းကြည့်ရာ “ အခုမှသိလို့ကျနော်ပြန်မေးကြည့်တာတော့ ဖယ်ခုံ PDFတွေထဲကတော့ မဟုတ်ဘူးဗျ။ “ လို့ ဖယ်ခုံ PDFတာဝန်ရှိသူတစ်ဦးက ပြောပါတယ်။

ဒါ့အပြင် ဖယ်ခုံမြို့နယ်အတွင်းမှာလည်း လှုပ်ရှားမှု ရှိနေတဲ့ ကရင်နီအမျိုးသားများကာကွယ်ရေးတပ် KNDF ကိုဆက်သွယ်မေးမြန်းရာမှာလည်း မိမိတို့ တပ်ဖွဲ့ မဟုတ်ကြောင်းနဲ့ ဒီကိစ္စကို စုံစမ်းနေဆဲဖြစ်ကြောင်း ဖြေကြားထားပါတယ်။

“ လောလောဆယ် အဲ့ဖက်မှာရှိတဲ့ တပ်ရင်းတွေကော ကျနော်တို့မေးထားတယ်။ စုံစမ်းခိုင်းတယ်ပေါ့နော။ ဒါပေမယ့် သေချာတာတစ်ခုကတော့ ကျနော်တို့ KNDFကတော့ မဟုတ်ဘူးပေါ့။ အဲ့ဖက် တပ်ရင်းတွေအကုန်လုံး စုံစမ်းထားတဲ့ အခြေအနေအရပေါ့နော။ ကျနော်တို့ KNDFကတော့ မဟုတ်ဘူးလို့ ကျနော်တို့ သိရတယ်ပေါ့။ “ လို့ KNDF သတင်းနဲ့ ပြန်ကြားရေး တာဝန်ရှိသူတစ်ဦး က ပြောပါတယ်။

လက်ရှိမှာဆိုရင်တော့ ဒေသခံ ပြည်သူတွေဟာဆိုရင် မိုးရာသီဖြစ်တဲ့အတွက် တောင်ယာသွားပြီး သီးနှံကို စိုက်ပျိုးနေကြတဲ့ အချိန်ဖြစ်ပါတယ်။ အခုလို ခြိမ်းခြောက်ခံရတာတွေ ကြုံတွေ့နေရတာတွေက ပြည်သူတွေအနေနဲ့ လုံခြုံမှု မရှိဘူးလို့ ဒေသခံပြည်သူတွေက ဆိုပါတယ်။

spot_imgspot_imgspot_imgspot_img

More from the blog

စစ်ရှောင်တွေ မွေးမြူတဲ့ကြက် အနာကျပြီး သေဆုံးမှုရှိ

ကန္တာရဝတီတိုင်း(မ်) ကရင်နီပြည် ဒီးမော့ဆိုမြို့နယ် အရှေ့ဘက်ခြမ်း စစ်ရှောင်စခန်းတစ်နေရာမှာ ပြီးခဲ့တဲ့ ဇန်နဝါရီလကစပြီး အာဟာရဓါတ်ရဖို့ မွေးမြူတဲ့ကြက်တွေ အနာကျ သေဆုံးတာတွေ ရှိတယ်လို့ စစ်ရှောင်တွေက ပြောပါတယ်။ တောင်ယာလုပ်ငန်းမှာလည်း ရိုးရာအရ ကြက်ရိုးထိုးရတာတွေ ရှိသလို ကျောင်းနေ အရွယ်ကလေး အာဟာရဓါတ် တိုက်ကျွေးမှုမှာလည်း အများအားဖြင့် ကြက်ကို အသုံးပြုကြတာကြောင့် အခုလို...

စစ်ကောင်စီရဲ့ အင်အားအလုံးအရင်း ထိုးစစ်ဆင်မှုကြောင့် မိုးဗြဲ-ပီကင်းလမ်း ယာယီပိတ်ထား

ကန္တာရဝတီတိုင်း(မ်) မိုးဗြဲမြို့မှာ ယမန်နေ့ (ဖေဖော်ဝါရီ ၇ရက်နေ့) က အင်အားအလုံးအရင်း ထိုးစစ်ဆင်လာတဲ့ စစ်ကောင်စီနဲ့ ထိတွေ့တိုက်ပွဲဖြစ်ပွားခဲ့ပြီး လက်ရှိမှာစစ်ကောင်စီဖက် လှုပ်ရှားမှု ရှိနေဆဲဖြစ်တဲ့အတွက် မိုးဗြဲ-ပီကင်းလမ်း ကိုလည်း ရက်အကန့်အသတ်မရှိ ယာယီပိတ်ထားတယ်လို့ မိုးဗြဲPDFတာဝန်ရှိသူတစ်ဦး ကပြောပါတယ်။ “ လောလောဆယ် မိုးဗြဲက မနေ့က စစ်ကောင်စီဖက်က အင်အားအလုံးအရင်းနဲ့ ထိုးတက်လာတော့...

စစ်ရှောင်စခန်းတစ်ခုမှာ ကိုယ်ပိုင်ဝင်ငွေတွေ ရနိုင်ဖို့ တစ်ပိုင်တစ်နိုင် မွေးမြူရေးပြုလုပ်

ကန္တာရဝတီတိုင်း(မ်) ဒီးမော့ဆိုအနောက်ခြမ်းမှာရှိတဲ့ သစ်ယားတောစစ်ရှောင်စခန်းမှ စစ်ရှောင်တွေဟာ တစ်ပိုင်တစ်နိုင် မွေးမြူရေးကို လုပ်ကိုင်ကြပါတယ်။ စစ်ရှောင်အိမ်တိုင်းလိုလို မွေးမြူရေးကို လုပ်ကိုင်ကြပြီး အဓိက ကြက် နဲ့ ဝက်ကို မွေးမြူကြတာဖြစ်ပါတယ်။ အခုလို တစ်ပိုင်တစ်နိုင်မွေးမြူရေး လုပ်ရတာဟာ နောင်တစ်ချိန် ရိက္ခာပစ္စည်းတွေလာရောက်ထောက်ပံ့ခြင်း မရှိတော့ရင် ကိုယ်ပိုင် ဝင်ငွေရစေဖို့ဖြစ်တယ် လို့ စစ်ရှောင်အမျိုးသမီးတစ်ဦးက အခုလိုပြောပါတယ်။ " နောင်တစ်ချိန်မှာ...

ဒိုယှက် စစ်ဘေးဒုက္ခသည်စခန်းမှာ ၅ နှစ်အောက် ကလေးငယ်တွေ ကာကွယ်ဆေး မထိုးနှံရသေး

CJ ကန္တာရဝတီတိုင်း(မ်) ကရင်နီပြည် ဖရူဆိုမြို့နယ် အနောက်ဘက်ခြမ်း ဒိုယှက် စစ်ဘေးဒုက္ခသည်စခန်းမှာ ၅ နှစ်အောက် ကလေးငယ်တွေ ကာကွယ်ဆေး မထိုးနှံရသေးတာကြောင့် ထိုးနှံဖို့ လိုအပ်နေတယ်လို့ ဒိုယှက် စစ်ဘေးဒုက္ခသည် ကော်မတီဝင်တစ်ဦးထံကနေ သိရပါတယ်။ ဒိုယှက် စစ်ဘေးဒုက္ခသည်စခန်း အနေနဲ့ ယခင်နှစ်ကတည်းက ၅ နှစ်အောက် ကလေးငယ်တွေ စာရင်းပြုစုထားတာရှိပေမယ့်...