spot_img
Thursday, December 1, 2022
spot_img

လက်နက်ကြီးကျည်စထိမှန်မှုကြောင့် ၁၂နှစ်ရွယ်ကလေးတစ်ဦးထိခိုက်

spot_imgspot_imgspot_imgspot_img

ဘလက်ဇင်း (ကန္တာရဝတီတိုင်း(မ်))

ယမန်နေ့ညပိုင်းနဲ့ ဒီနေ့ မနက်ပိုင်းမှာ ကရင်နီပြည် ဒီးမော့ဆိုမြို့အရှေ့ဖက်ခြမ်း KNPP အမှတ်(၁)ခရိုင်အတွင်းကို စစ်ကောင်စီရဲ့ အမြောက်တပ်ကနေ လက်နက်ကြီး ၁၀လုံးကျော် ပစ်ခတ်ခဲ့ပါတယ်။ ပစ်ခတ်မှုကြောင့် ဒေါတမြေးရွာက ၁၂နှစ်အရွယ် ကလေးတစ်ဦး ထိခိုက်ဒဏ်ရာရရှိခဲ့တယ်လို့ ဒေသခံတစ်ဦးက ဒီကနေ့ ဧပြီလ ၁၃ရက်နေ့မှာ ကန္တာရတီတိုင်း(မ်)ကို ပြောပါတယ်။

“ဒီမနက် လက်နက်ကြီးကျတာက ကိုးနာရီထိုးခါနီး ကိုးနာရီ တိတိပေါ့။ ကလေးက သူ နွားကျောင်းပြီး ပြန်လာတော့ သူ့ကို စင်ထိသွားတာပေါ့။ လူတွေ ထိခိုက်ဒဏ်ရာရတာတော့ ကြီးကြီးမားမားမရှိပါဘူး။ ကလေးငယ် တစ်ယောက်ပဲ ထိတာပေါ့။”လို့ ဒေသခံ ရပ်မိရပ်ဖတစ်ဦးက ပြောပါတယ်။

စစ်ကောင်စီလက်အောက်ခံ ၃၆၀ အမြာက်တပ်ရင်းက ပစ်ခတ်လိုက်တဲ့ လက်နက်ကြီး ၁၀လုံးကျော်က ကျေးရွာအနီးတစ်ဝိုက်နဲ့ ကျေးရွာအတွင်း ကျရောက်ခဲ့ပေမယ့် အခြားကြီးကြီးမားမားထိခိုက်မိတာ မရှိဘူးလို့ သိရပါတယ်။

ဒေသခံအများစုမှာ တိမ်းရှောင်နေပေမယ့် ကျေးရွာထဲ အနည်းစု ကျန်ရှိနေသေးတာ ဖြစ်ပါတယ်။ ဒါ့အပြင် ဒီမော့ဆိုအရှေ့ဖက်ခြမ်းမှာလည်း ဒီမနက်ပိုင်း တိုက်ပွဲဖြစ်ပွားနေတာဖြစ်ပါတယ်။

ဒီးမော့ဆိုမြို့အရှေ့ဖက်ခြမ်းကို အမြောက်တပ်မှ မကြာခဏ လက်နက်ကြီးတွေပစ်ခတ်နေတာဖြစ်ပြီး လူနေအိမ်အများအပြားလည်း ပျက်စီးခဲ့ရပါတယ်။

ဒီးမော့ဆိုမြို့နယ်အတွင်း ကရင်နီဒေသခံကာကွယ်ရေးပူးပေါင်းတပ်ဖွဲ့ နဲ့ စစ်ကောင်စီတပ်တို့ တိုက်ပွဲဖြစ်ပွားနေပြီး တိုက်လေယာဉ်တွေ၊ လက်နက်ကြီးတွေနဲ့ စစ်ကောင်စီက ပစ်ခတ်တိုက်ခိုက်နေတယ်လို့ သိရပါတယ်။

spot_imgspot_imgspot_imgspot_img

More from the blog

သေးဆူလဲ – နန်းမယ်ခုံ ကျေးရွာ တစ်ကြောမှာ စစ်ကောင်စီတပ်ပြန်ဆုတ်ခွာ၊ စစ်ရေးတင်းမာနေသေး

ကန္တာရဝတီတိုင်း( မ် ) ဒီးမော့ဆိုမြို့ နယ် သေးဆူလဲ - နန်းမယ်ခုံ ကျေးရွာ တစ်ကြောမှာ စစ်ကောင်စီတပ် မနေ့က ( နိုဝင်ဘာလ ၃၀ ရက်နေ့ ) စပြီး ပြန်လည်ဆုတ်ခွာသွားတယ်လို့ ကရင်နီပြည် ကာကွယ်ရေး ဒု-ဝန်ကြီး ခူဒယ်နီယာယ်က ပြောပါတယ်။ “နှစ်ရက်သုံးရက်လောက်ရှိပြီ။ သေးဆူလဲ-...

စစ်ရှောင်နေအိမ်အမိုးပိုကြာရှည်ခံဖို့ မိုးကာအစား သက်ကယ်ကို အစားထိုးအသုံးပြု

ကေးဒူ (ကန္တာရဝတီ တိုင်း(မ်)) ကရင်နီပြည်တွင်းက စစ်ဘေးရှောင်အိမ်တွေမှာ ယခင်က မိုးကာနဲ့ အသုံးပြုပေမယ့် တစ်နှစ်မှာ မိုးကာ နှစ်ခါ သို့မဟုတ် သုံးခါ လဲလှယ်ရတဲ့အတွက် အဲဒီအစား တစ်နှစ်စာပိုခံနိုင်ဖို့ စစ်ရှောင်တွေဟာ သက်ကယ်ကို ရှာပြီးတော့ ရိတ်ယူနေကြပါတယ်။ ဒီးမော့ဆို အရှေ့ဘက်ခြမ်း စစ်ရှောင်စခန်းမှာ နေထိုင်တာ တစ်နှစ်ကျော်ပြီဖြစ်တဲ့ အာဒြေးကိုကတော့...

စစ်ရှောင်စာသင်ကျောင်းတစ်ခုမှာ သင်ပုန်းမလုံလောက်၊ မိုးကာပေါ် စာရေးသင်ကြားနေရ

ကန္တာရဝတီတိုင်း( မ် ) ဒီးမော့ဆိုအနောက်ဖက်ခြမ်း စစ်ရှောင်စာသင်ကျောင်းတစ်ခုမှာ KG တန်းအတွက် စာသင်ပုန်းမလုံလောက်တဲ့အတွက် ကျောင်းက အမိုးအကာ ပေါ်မှာ စာရေးသင်ကြားပေးနေရတယ်လို့ ဆရာမ တစ်ဦးက ပြောပါတယ်။ "ကျမတို့ KG တန်းမှာ White Board မရှိတော့ ဆရာမတစ်ယောက်ကနေပြီးတော့ မိုးကာပေါ်မှာဘဲ စာရေးပေးရတယ် အဲလိုမျိုးပေါ့။" လို့...

ယင်းတလဲစာပေတွေကို စာသင်ကျောင်းတွေမှာ ထည့်သွင်း သင်ကြားပေးနေ

ကန္တာရဝတီတိုင်း( မ် ) ကရင်နီပြည်ထဲမှာရှိတဲ့ ယင်းတလဲ လူမျိုးစု အနေနဲ့ လူမျိုးမပျောက်ကွယ်အောင် စာပေတွေကို ယင်းတလဲလူမျိုးတွေ အများစုနေထိုင်တဲ့ဒေသက စာသင်ကျောင်းတွေမှာ ဘာသာရပ်တစ်ခုအနေနဲ့ စတင်သင်ကြားပေးနေပြီလို့ ယင်းတလဲလူမျိုး တစ်ဦးက ပြောပါတယ်။ “လူမျိုးလည်း နည်းလာပြီပေါ့နော။ လူမျိုးနည်းလာတော့ အခုကလည်း ဘယ်လိုပြောရမလဲ။ ယဉ်ကျေးမှုပဲ လွှမ်းမိုးတာလား။ လူမျိုးအချင်းချင်းကပဲ လွှမ်းမိုးတာပဲဖြစ်ဖြစ်...