spot_img
Wednesday, August 10, 2022
spot_img

လက်နက်ကြီးပစ်ခတ်မှုကြောင့် ဘုန်းကြီးကျောင်းမှာ ခိုလုံနေတဲ့ အဘွားတစ်ဦးထိမှန်သေဆုံး

spot_imgspot_imgspot_imgspot_img

ကန္တာရဝတီတိုင်း(မ်)

ဒီကနေ့ (ဇူလိုင်လ ၂၅ရက်) ညနေပိုင်းအချိန် ရှမ်း-ကရင်နီနယ်စပ် မိုးဗြဲမြို့မှာ စစ်ကောင်စီက ပစ်ခတ်လိုက်တဲ့ လက်နက်ကြီးထိမှန်မှုကြောင့် စက်တော်ရာဘုန်းကြီးကျောင်းအတွင်း ခိုလှုံနေတဲ့ အသက် ၇၀ ကျော် အဘွားတစ်ဦး ထိမှန်သေဆုံးသွားတယ်လို့ Mobye Rescue Team က ထုတ်ပြန်ထားပါတယ်။

“လက်နက်ကြီးထိမှန်လို့ဆုံးသွားတယ်ပေါ့။ ကျနော်တို့ရောက်တဲ့အချိန် အသက်မရှိတော့ဘူးဗျ။ ကျနော်တို့အဖွဲ့ကိုဆက်သွယ်လာတော့ သွားရောက်ကယ်ဆယ်ဖို့ကြိုးစားတဲ့အချိန်မှာပဲ အသက်ကမရှိတော့ဘူးပေါ့နော။” လို့ Mobye Rescue Team အဖွဲ့ဝင်တစ်ဦးက ပြောပါတယ်။

မိုးဗြဲမြို့အတွင်း စစ်ကောင်စီတပ်သားတွေ စစ်ကြောင်းထိုးလာတဲ့သတင်းကြောင့် ဒေသခံတွေ စိတ်ချလုံခြုံနိုင်တဲ့နေရာတွေမှာ သွားရောက်ခိုလှုံနေတာဖြစ်ပြီး လက်နက်ကြီးကျရောက်မှုကြောင့် အဘွားတစ်ဦး ထိမှန်သေဆုံးခဲ့တာဖြစ်ပါတယ်။

မိုးဗြဲမြို့အတွင်း စစ်ကောင်စီတပ်ဖွဲ့ဝင်တွေ ဝင်ရောက်သောင်းကျန်းနေတဲ့အတွက် နှစ်ဖက်အပြန်အလှန်ပစ်ခတ်မှုရှိလာနိုင်တာကြောင့် မြို့တွင်းကျန်ရစ်တဲ့ပြည်သူတွေအနေနဲ့ အသွားအလာ လုံးဝမလုပ်ကြဖို့ မိုးဗြဲပြည်သူ့ကာကွယ်ရေးတပ် (MBPDF) က ဒီကနေ့(ဇူလိုင်လ ၂၅ရက်) နေ့ခင်းပိုင်းမှာ အရေးပေါ်သတိပေးချက် ထုတ်ပြန်ထားတာရှိပါတယ်။

ကယ်ဆယ်ရေးဆောင်ရွက်နေတဲ့အဖွဲ့တွေကလည်း မိဘပြည်သူများမလိုအပ်ဘဲ အပြင်မထွက်ကြဖို့၊ လုံခြုံတဲ့နေရာမှာ နေထိုင်ကြဖို့ မေတ္တာရပ်ခံထားပါတယ်။ ပစ်ခတ်မှုအတွင်း လက်နက်ကြီးထိမှန်၊ ဒဏ်ရာရရှိတာ ရှိပါက Mobye Rescue Team ကိုဆက်သွယ်ပေးဖို့ အသိပေးထားပါတယ်။

ပြီးခဲ့တဲ့ ဇူလိုင်လ(၁၈)ရက်နေ့က မိုးဗြဲမြို့ပေါ်ကို စစ်ကြောင်းထိုးလာတဲ့ စစ်ကောင်စီတပ်နဲ့ တော်လှန်ရေးအင်အားစုပူးပေါင်းတပ်ဖွဲ့တို့ ၂ ရက်တာ တိုက်ပွဲဖြစ်ပွားခဲ့ပါသေးတယ်။ အဲ့ဒီတိုက်ပွဲအတွင်း စစ်ကောင်စီကပစ်ခတ်တဲ့လက်နက်ကြီးကြောင့် ဒေသခံအမျိုးသားတစ်ဦး ထိမှန်ဒဏ်ရာရရှိခဲ့သလို နေအိမ်တစ်လုံးလည်း မီးလောင်ပျက်စီးခဲ့ရပါတယ်။

စစ်ကောင်စီတပ်ဆုတ်သွားတဲ့အချိန် နယ်မြေရှင်းလင်ရေးလုပ်ဆောင်တဲ့အခါ တပ်စွဲခဲ့တဲ့ ဘုရားကျောင်းကိုဖျက်ဆီးခဲ့တာ၊ ပြည်သူပိုင်ပစ္စည်းဖျက်ဆီးတာ၊ ခိုးယူတာတွေ ကျူးလွန်ခဲ့တယ်လို့ မိုးဗြဲ PDF ကထုတ်ပြန်ထားပါတယ်။

မိုးဗြဲမြို့ကို အချိန်မရွေး စစ်ကြောင်းထိုးလာနိုင်တဲ့အတွက် လုံခြုံရေးအသိ၊ လုံခြုံရေးသတိကြီးစွာနဲ့ နေထိုင်ကြဖို့ မိုးဗြဲ PDF က အသိပေးထားတာရှိပါတယ်။

ဓါတ်ပုံ – Mobye Rescue Team
spot_imgspot_imgspot_imgspot_img

More from the blog

ကျေးရွာဆေးပေးခန်းတစ်ခုကို စစ်ကောင်စီတပ်က လေကြောင်းတိုက်ခိုက် ဒေသခံတစ်ဦးသေဆုံး ၂ဦးထိခိုက်ဒဏ်ရာရ

ကန္တာရဝတီတိုင်း(မ်) ကရင်နီပြည် လွိုင်ကော်မြို့ အရှေ့ ခြမ်းက ကျေးရွာတစ်ရွာရှိ ဆေးပေးခန်းကို ဒီနေ့ ဩဂုတ်လ ၉ ရက်နေ့ မွန်းလွဲ ၁၀ နာရီကျော်အချိန်မှာ စစ်ကောင်စီတပ်က တိုက်လေယာဉ်တစ်စင်းနဲ့ အကြောင်းမဲ့ လာရောက် ပစ်ခတ်တိုက်ခိုက်ခဲ့ပါတယ်။ လေကြောင်းပစ်ခတ်မှုကြောင့် လူ ၁ ဦးသေဆုံးပြီး ၂ ဦး ထိခိုက်ဒဏ်ရာရရှိခဲ့ပြီး...

လွိုင်ကော်မြို့ ပွန်ချောင်းက စစ်ကောင်စီတပ်စခန်းကို KA ၊ KNDF တို့က ဒရုန်းဖြင့် သွားရောက်ပစ်ခတ်

ကန္တာရဝတီတိုင်း( မ် ) လွိုင်ကော်မြို့ ပွန်ချောင်းက စစ်ကောင်စီတပ်စခန်းကို ကရင်နီတပ်မတော် ( KA )၊ ကရင်နီအမျိုးသားများကာကွယ်ရေးတပ် ( KNDF ) တို့က ယမန်နေ့ ဩဂုတ်လ ၇ရက်နေ့မှာ ဒရုန်းနဲ့ သွားရောက်ပစ်ခတ်ခဲ့တယ်လို့ ကရင်နီပြည်အစိုးရ ကာကွယ်ရေး ဒု-ဝန်ကြီး ခူဒယ်နီယာယ်က ပြောပါတယ်။ “နှစ်နေရာတော့...

ဒေသခံတွေ တစ်နှစ်ကြာသိုလှောင်သိမ်းဆည်းထားတဲ့ စပါးမှိုတက်တာကြောင့် ပျက်စီးမှုတချို့ရှိ

ကန္တာရဝတီတိုင်း( မ် ) ကရင်နီပြည် ဒီးမော့ဆိုအရှေ့ဘက်ခြမ်းမှာ ဒေသခံတွေ ပြီးခဲ့တဲ့နှစ်ကတည်းက တောတောင်ထဲ သိုလှောင်သိမ်းဆည်းထားတဲ့ စပါးတွေကို ကြွက်စားတာ၊ မိုးရေစိုတာ၊ မှိုတက်တာတွေကြောင့် ပျက်စီးဆုံးရှုံးမှုတချို့ရှိခဲ့တယ်လို့ ဒေသခံတောင်သူတွေဆီကနေ သိရပါတယ်။ ပြီးခဲ့တဲ့ ၂၀၂၁ခုနှစ်မှာ စစ်ကောင်စီက အာဏာသိမ်းပြီးနောက် ဒေသတွင်းတိုက်ပွဲဖြစ်ပွားခဲ့ပြီး ကျေးရွာထဲလက်နက်ကြီးကျရောက်မှုတွေ စစ်ကြောင်းထိုးမှုတွေရှိတာကြောင့် ဒေသခံတွေဟာ ၎င်းတို့သိုလှောင်ထားတဲ့ စပါးတွေ...

ဩဂုတ်လပထမပတ်တိုက်ပွဲအတွင်း စစ်ကောင်စီတပ်မှ အနည်းဆုံး ၅ဦးသေဆုံး

ကန္တာရဝတီတိုင်း(မ်) ဩဂုတ်လ ပထမပတ်အတွင်း ကရင်နီဒေသခံကာကွယ်ရေးပူးပေါင်းတပ်ဖွဲ့နဲ့ စစ်ကောင်စီတပ်တို့ ဖြစ်ပွားခဲ့တဲ့တိုက်ပွဲတွေမှာ စစ်ကောင်စီတပ်မှ အနည်းဆုံး ၅ဦးသေဆုံးပြီး ထိခိုက်ဒဏ်ရာရရှိခဲ့တယ်လို့ KNDF သတင်းနှင့်ပြန်ကြားရေးဌာနက ဒီကနေ့ (ဩဂုတ်လ ၈ရက်) မှာ သတင်းထုတ်ပြန်ပါတယ်။ ပထမပတ်အတွင်း ဒီးမော့ဆိုမြို့နယ် သေးဆူလဲကျေးရွာအနီး၊ ဒီးမော့ဆိုမြို့မရဲစခန်း၊ စံပြ ၆ မိုင်၊ ဘက်တလိန်ကျေးရွာ တိုက်ပွဲတွေမှာ...