လူထုအများစုမှီခိုသုံးစွဲနေသော ဘီလူးချောင်းသန့်ရှင်းရေး တလတကြိမ် အမှိုက်ကောက်

ထျိုးမြာ

ကယား(ကရင်နီ)ပြည်နယ်ရှိ အများပြည်သူများမှ သောက်ရေ/သုံးရေအတွက် အဓိကသုံးစွဲလျှက်ရှိသော ဘီလူးချောင်း၌ လူထုအားလုံးပူးပေါင်းပါဝင်နိုင်သော အမှိုက်ကောက်စနစ်များကို တစ်လလျှင်တစ်ကြိမ်ပြုလုပ်လျှက်ရှိကြောင်း ကယားပြည်နယ်သဘာဝပတ်ဝန်းကျင်ထိန်းသိမ်းရေးကော်မတီအဖွဲ့ဝင် ခွန်းမြင့်နိုင်က ပြောသည်။

ထို့အပြင် သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန ဝန်ကြီးဦးတီရယ်နှင့်အတူ လူထုပူးပေါင်းပါဝင်သော တတိယအကြိမ်မြောက် အမှိုက်ကောက်ခြင်း လူထုလှုပ်ရှားမှုကို ဩဂုတ်လ ၁၂ ရက်နေ့က ဘီလူးချောင်းအတွင်းနှင့် ကမ်းဘေးဝဲယာတို့တွင် ရေမှော်များ၊ ဒိုက်သရိုက်များ၊ အမှိုက်များကို စုပေါင်းသန့်ရှင်းရေး ဆောင်ရွက်ခဲ့ကြကြောင်း သိရသည်။

ဘီလူးချောင်းနှင့်ပတ်သက်၍ လွိုင်ကော်မြို့ပေါ်ရပ်ကွက်အတွင်း ဖြတ်သန်းစီးဆင်းသွားသည့် ဘီလူးချောင်း၏ ဘေးကမ်းပါး ဝဲယာ နှစ်ဖက်တွင် စည်းကမ်းမဲ့ ကျုးလွန်မှုများမရှိစေရေးနှင့် ချောင်း သာယာလှပစေရေးတို့အတွက် ဆည်မြောင်းဥပဒေများအရ မည်ကဲ့သို့ ထိန်းသိမ်းကာကွယ်စီမံဆောင်ရွက်ထားသည်ကို သိရှိလိုကြောင်းကိုလည်း ပြည်နယ်လွှတ်တော်ကိုယ်စားလှယ် မဲဆန္ဒနယ်အမှတ်(၁) (လက်ရှိစည်ပင်သာယာရေးနှင့် လူမှုရေးဝန်ကြီး)ဒေါက်တာအောင်ကျော်ဌေးက ဇူလှိုင်လ (၂၀,၂၁) ရက်နေ့တွင် ဒုတိယအကြိမ်ကယားပြည်နယ်လွှတ်တော် ဆဌမပုံမှန်အစည်းအဝေး၏ ဒုတိယနေ့တွင် မေးမြန်းခဲ့သည်။
အဆိုပါမေးခွန်းကို (ဆည်မြောင်းဝန်ကြီးကိုယ်စား)ကယားပြည်နယ်သယံဇာတနှင့် သဘာဝပတ်ဝန်းကျင်းထိန်းသိန်းရေးဝန်းကြီးဌာန၏ ဝန်ကြီးဦးတီရယ်က မိုးဗြဲရေလှောင်ဆည်မှ ဘီလူးချောင်းအတွင်းသို့ ရေထိန်းသိမ်းရေးလုပ်ငန်းများကို ဆောင်ရွက်လျက်ရှိပြီး ဘီလူးချောင် ရေစီး ရေလာကောင်းမွန်ရေးနှင့် သန့်ရှင်းသာယာလှပရေးအတွက် ၂၀၁၆- ၂၀၁ရ ဘဏ္ဍာရေးနှစ်တွင် ကျောက်ပြားတံတားမှ ဂျပန်တံတား၊ ဘီလူးချောင်း၏ ညာဘက်အခြမ်း ကွန်ကရက် ချောပတ်လမ်း ဖောက်လုပ်ခြင်း လုပ်ငန်းများဆောင်ရွက်ခဲ့ကြောင်း ပြန်လည်ဖြေကြားထားသည်။

ထို့အပြင် ရေစီးရေလာ ကောင်းမွန်ရေးအတွက် ဒေါတချားရေထိန်းတံတား အထက်ရှိ ကျွန်းမွာများ ဖယ်ခြားခြင်း၊ မုံပြာရွာအနီးမှ နန်းကွတ်ရွာအထိ သစ်ပင်ခြုံနွယ်များ ရှင်းလင်းခြင်းနှင့် သဲတောင်များ ဖယ်ရှားခြင်းလုပ်ငန်းများကို ဆောင်ရွက်ခဲ့ကြောင်း သိရသည်။

သို့သော် ဘီလူးချောင်းကမ်းပါး ဝဲ၊ ယာနှစ်ဖက် သာယာလှပရေးအတွက် အထက်ပါ လုပ်ငန်းများ ဆောင်ရွက်ပေးခဲ့သော်လည်း ဘီလူးချောင်းအား ဆည်မြောင်းမှ ထိန်းသိမ်းထားခြင်းမဟုတ်သောကြောင့် ဆည်မြောင်းဦးစီးဌာနအနေဖြင့် ထိန်းသိမ်းထားရန် အခြားဦးတည်သတ်မှတ်ခြင်းမရှိဟု ပြန်လည်ဖြေကြားထားကြောင်း သိရသည်။

Comments

comments

Next Post

ကယားပြည်နယ်လွှတ်တော်နှင့် အစိုးရကို လေ့လာခြင်း (၄)

Tue Aug 29 , 2017
ကျော်ထင်အောင် (ဒုတိယအကြိမ် ကယားပြည်နယ်လွှတ်တော်၏ ကော်မတီများကို လေ့လာခြင်း) —————————— ဒုတိယအကြိမ် ကယားပြည်နယ်လွှတ်တော်မှ ၂၀၁၆ ခုနှစ်အတွင်း ကော်မတီ ( ၆ ) ခု ဖွဲ့စည်းခဲ့သည်ကို လေ့လာတွေ့ရှိရပါသည်။ သို့သော် ကော်မတီများ၏ လုပ်ဆောင်နိုင်မှုစွမ်းရည်မှာ အားရကျေနပ်ဖွယ်ရာ မတွေ့ရပေ။ တိုင်းရင်းသားလူမျိုးများအရေးဆိုင်ရာ ကော်မတီ အနေဖြင့် ကယားပြည်နယ်အတွင်းရှိ ဌာနေ တိုင်းရင်းသားများ၏အရေးအတွက် ကျေနပ်ဖွယ်ရာ စွမ်းဆောင်မှု မတွေ့ရပေ။ ဥပဒေပြုရေးဆိုင်ရာ ကော်မတီ အနေဖြင့် တစ်နှစ်ကျော်ကာလ ( ၂၀၁ရ ခုနှစ်၊ ဇူလိုင်လ ၂၁ ရက် )မှသာ ကယားပြည်နယ်၊ ပြတိုက်နှင့် စာကြည့်တိုက်ဥပဒေ ကို ဒုတိယအကြိမ် ကယားပြည်နယ်လွှတ်တော်၏ ပထမဆုံး ဥပဒေ […]