spot_img
Monday, February 6, 2023
spot_img

လူမှုကွန်ယက်တွင် ဓာတ်ပုံပျံ့နှံ့နေတဲ့ လူငယ်နှစ်ဦးမှာ စံပြ ၆ မိုင် ဒေသခံဖြစ်နေ

spot_imgspot_imgspot_imgspot_img

ကန္တာရဝတီတိုင်း(မ်)

လူမှုကွန်ယက်စာမျက်နာမှာ ပျံ့နှံ့နေတဲ့ လက်ကြိုးတုတ်ထားပြီး ဒူးထောက်လျက်အနေအထားမှာ လက်၃ချောင်း ထောင်နေတဲ့ လူငယ်နှစ်ယောက်ရဲ့ ဓာတ်ပုံဟာ ကရင်နီပြည်နယ် စံပြ ၆ မိုင်က ဒေသခံလူငယ်တွေဖြစ်ကြောင်း ဒေသခံတွေဆီက သိရပါတယ်။

အဆိုပါ လူငယ်နှစ်ဦးမှာ အသက် ၁၄ နှစ်နဲ့ အသက်၁၅နှစ် အရွယ်တွေဖြစ်ပြီး ပါစကွားလယ်နဲ့ ဖီဒေးလယ်  ဖြစ်တယ်လို့ သိရပါတယ်။ စစ်ရှောင်စခန်းကနေ ရွာကိုကြည့်ဖို့ ပြန်လာရင်း ဖမ်းခံခဲ့ရတာဖြစ်တယ်လို့  စံပြ ၆ မိုင် ဒေသခံတစ်ဦးဆီကနေ သိရပါတယ်။

” အဖမ်းခံရတဲ့နေ့ ကျနောတို့ ဒီ ဒီးမော့ဆိုမြို့နယ်မှာပေါ့နော။ စံပြ၆မိုင်အုပ်စုထဲက ဒေါပိုးစီကျေးရွာမှာ စပစ်တဲ့ရက်မှာပေါ့နော။ စစ်ဖြစ်ပြီး နောက်တစ်ရက်မှာပဲ ရွာထဲပြန်ဝင်လာရင်းနဲ့ စစ်တပ်က ဖမ်းခေါ်သွားတာပေါ့နော။ “လို့ အဆိုပါ ဒေသခံက ပြောပါတယ်။

စံပြ၆မိုင်မှာ တိုက်ပွဲတစ်ကျော့ပြန်အတွင်း ဒေသခံတွေထွက်ပြေးတိမ်းရှောင်နေကြရပြီး စစ်ရှောင်ကနေ ရွာတွေကို ပြန်လာတဲ့သူတွေကို စစ်ကောင်စီက ဖမ်းဆီးတာတွေပြုလုပ်နေတယ်လို့ သိရပါတယ်။

လူမှုကွန်ယက်မှာ ပျံ့နှံ့နေတဲ့ လူငယ်နှစ်ဦးကိုတော့ ခမရ(၄၂၇)တပ်မှာ ထိန်းသိမ်းထားပြီး လက်ရှိအခြေအနေကို အခုချိန်အထိ မသိရသေးဘူးလို့ တာချီလိတ်သတင်းအေဂျင်စီမှာ ဖော်ပြထားပါတယ်။

အဆိုပါလူငယ်နှစ်ဦးကို ကန်ခုနှစ်ဆင့် ကျေးရွာဖက်ကို စစ်ကြောင်းထိုးရင်း အရှေ့ကနေလမ်းပြ ခေါ်သွားပြီး လူသားဒိုင်းကာ အနေနဲ့လည်း အသုံးပြုခဲ့တယ်လို့  မျက်မြင်တွေ့ရှိခဲ့သူ ဒေသခံတစ်ဦးက ပြောပါတယ်။

စံပြ ၆ မိုင်မှာ စက်တင်ဘာလ ၇ရက်နေ့က  ဖြစ်ပွားခဲ့တဲ့တိုက်ပွဲမှာ နေအိမ် ၆လုံး မီးရှို့ခံရပြီး နေအိမ်ထဲမှာ အသက်(၄၀)အရွယ် ဦးလေးတစ်ယောက် အသတ်ခံခဲ့ရပြီး မီးထဲသေဆုံးသွားခဲ့ရတာလည်း ရှိခဲ့ပါတယ်။

spot_imgspot_imgspot_imgspot_img

More from the blog

ဇရပ်ဖြူရွာလမ်းမှာ ကားမိုင်းနင်းမိပြီး ၄ဦးသေဆုံး၊ ၂ဦး ဒဏ်ရာပြင်းထန်

ကန္တာရဝတီတိုင်း(မ်) ဒီကနေ့ (ဖေဖော်ဝါရီလ ၆ရက်) နေ့လည် ၂နာရီအချိန်မှာ အမျိုးသား ၆ဦး စီးနှင်လာတဲ့ ကားတစ်စီး ဇရပ်ဖြူရွာလမ်း မှာ မိုင်းနင်းမိပြီး ၄ဦးသေဆုံး ၂ဦး ဒဏ်ရာပြင်းထန်ခဲ့တယ်လို့ သွားရောက်ကယ်ဆယ်မှုမှာ ပါဝင်ခဲ့တဲ့ ရွှေလွိုင်ကော်ပရဟိတအသင်း ထံကနေ သိရပါတယ်။ “ အသက်ရှင်လျှက်ရှိသော လူနာ နှင့် ပြန့်ကျဲနေသော...

ထွက်ပြေးတိမ်းရှောင်နေရတဲ့ စစ်ရှောင်ကျောင်းသား ၁၀၀၀ကျော် ကျောင်းမတက်နိုင်သေး

ကေးဒူ (ကန္တာရဝတီတိုင်း(မ်)) ပြီးခဲ့တဲ့ ဇန်နဝါရီလ ၂၂ ရက်နေ့ကစ ကရင်နီပြည် ဒီးမော့ဆို အရှေ့ဘက်ခြမ်းမှာ စစ်ကြောင်းထိုးလာတဲ့ စစ်ကောင်စီတပ်နဲ့ ကရင်နီဒေသခံပြည်သူ့ကာကွယ်ရေးတပ်ဖွဲ့တို့ တိုက်ပွဲဖြစ်ပွားခဲ့ပြီး စစ်ရှောင်စခန်း ၃ ခု အပါဝင် ဒေသခံ ပြည်သူတွေလည်း အိုးအိမ်စွန့်ခွာပြီး ထွက်ပြေးတိမ်းရှောင်နေရတာကြောင့် စစ်ရှောင် ကျောင်းသားလေးတွေ ကျောင်းပြန်မတက်နိုင်သေးဘူးလို့ စစ်ရှောင်တွေကပြောပါတယ်။ ထွက်ပြေးတိမ်းရှောင်နေရတဲ့...

ရှားတောမြို့နယ်မှာ သွားလာခွင့်လက်မှတ်ရယူပြီးမှသာ သွားလာကြရန် စစ်ကောင်စီစာထုတ်

ကန္တာရဝတီတိုင်း( မ် ) ဇန်နဝါရီလ ၃၁ ရက်နေ့ကစပြီး ကရင်နီပြည် ရှားတောမြို့နယ်မှာ စစ်ကောင်စီထံကနေ သွားလာခွင့်လက်မှတ်တွေရယူပြီးမှ သွားလာကြဖို့ စစ်ကောင်စီက စာထုတ်ထားတယ်လို့ ရှားတောမြို့ ဒေသခံတွေဆီကနေ သိရပါတယ်။ “ဒီရှားတောမြို့ပေါ်မှာ ရှိတဲ့လူတွေခါကျတော့ တောင်ယာသွားတာပဲဖြစ်ဖြစ် ဒါမှမဟုတ် လယ်ထဲသွားတာပဲဖြစ်ဖြစ်ပေါ့နော။ လွိုင်ကော်သွားတာပဲဖြစ်ဖြစ် အဲဒီလိုသွားလို့ရှိရင် စစ်ကောင်စီဘက်မှာ လက်မှတ်တွေယူသွားပြီးတော့ ဒီ...

စစ်ကောင်စီရဲ့ ရွေးကောက်ပွဲကို ကရင်နီက တိုင်းရင်းသား နိုင်ငံရေးပါတီ ၂ခု ပါဝင်မည်မဟုတ်

  ကန္တာရဝတီတိုင်း( မ် ) ၂၀၂၃ခုနှစ်အတွင်း စစ်ကောင်စီပြန်လည်ပြုလုပ်မယ့် ရွေးကောက်ပွဲကို ကရင်နီပြည်အခြေစိုက်ပြီး ၂၀၂၀ ရွေးကောက်ပွဲမှာ ဝင်ရောက်ယှဉ်ပြိုင်ခဲ့တဲ့ ကယားပြည်နယ်ဒီမိုကရက်တစ်ပါတီ ( KySDP ) ၊ ကယန်းအမျိုးသားပါတီ ( KNP ) တို့က ဝင်ရောက်ယှဉ်ပြိုင်မှာမဟုတ်ဘူးလို့ ကန္တာရဝတီတိုင်း( မ် ) ကိုပြောပါတယ်။ စစ်ကောင်စီပြုလုပ်မယ့်...