spot_img
Wednesday, November 30, 2022
spot_img

လွယ်ထွဲကျေးရွာမှာ ဆော့ကစားနေတဲ့ ကလေးငယ်တွေနား လက်နက်ကြီးကျပြီး (၃)ဦးသေဆုံး

spot_imgspot_imgspot_imgspot_img

ကန္တာရဝတီတိုင်း(မ်)

ဒီကနေ့(မတ်လ ၈ရက်) နေ့လည် ၁၂နာရီခွဲအချိန် စစ်ကောင်စီကနေပြီး လက်နက်ကြီး ရမ်းသမ်းပစ်ခတ်ခဲ့တဲ့အတွက် လွယ်ထွဲကျေးရွာထဲ ဆော့ကစားနေတဲ့ ကလေးငယ်တွေနား ကျရောက်ပြီး ၃ ဦးသေဆုံးသွားပါတယ်။

လက်နက်ကြီးကျရောက်တဲ့နေရာမှာ ကလေး ၄ယောက်နဲ့ အဖေဖြစ်သူ ဦးလှထွန်း တို့ ရှိနေခဲ့ပြီး မိသားစုတစ်စု လုံးကို လက်နက်ကြီး ထိမှန်ခဲ့တာဖြစ်ပါတယ်။

လက်နက်ကြီးကြောင့် ၇နှစ်၊ ၁၀နှစ်၊၁၂နှစ် ဝန်းကျင်အရွယ် ကလေးငယ်(၃)ဦး ပွဲချင်းပြီး သေဆုံးခဲ့ရပါတယ်။ သေဆုံးခဲ့ရတဲ့ ကလေးတွေကတော့ ယောင်္ကျားလေး ၂ယောက်နဲ့ မိန်းကလေးတစ်ယောက်တို့ဖြစ်ပြီး ၁၅နှစ်အရွယ် သမီးဖြစ်သူနဲ့ အဖေဖြစ်သူ နှစ်ဦးကတော့ ထိခိုက်ဒဏ်ရာရခဲ့တယ်လို့ သိရပါတယ်။

ထိခိုက်ဒဏ်ရာရတဲ့သူ နှစ်ဦးကို လွိုင်ကော်ပြည်သူ့ဆေးရုံကြီးမှာ ပို့ဆောင်ပေးခဲ့ပြီး ဘယ်လိုမျိုး ထိခိုက်ဒဏ်ရာရခဲ့လဲဆိုတာတော့ အသေးစိတ်မသိရသေးဘူးလို့ ဆေးရုံကိုကူညီပို့ဆောင်ပေးသူတစ်ဦးကပြောပါတယ်။

“ အဲ့တာတော့ အသေးစိတ်မသိရသေးဘူးဗျ။ အခု ထိခိုက်မိတာတော့ ပြင်းထန်တယ်လို့ ပြောပေမယ့် အသက်အန္တာရယ်မစိုးရိမ်ရဘူးလို့ သိရတယ်။ ကောင်မလေးက ၁၅နှစ်အရွယ်ပေါ့နော။ အကြီးဆုံးထင်တယ်။ အဲ့ကောင်မလေး ထိခိုက်တယ်။ ဒါပေမယ့် အသက်အန္တာရယ်တော့ အခု ဆေးရုံသွားပို့ ပြန်လာတဲ့ တစ်ယောက်မေးတော့ အသက်အန္တာရယ်မစိုးရိမ်ရဘူးပေါ့နော။ “ လို့ ကူညီပို့ဆောင်ပေးသူက ပြောပါတယ်။

ဒီကနေ့မှာ တိုက်ပွဲမဖြစ်ပွားဘဲ စစ်ကောင်စီကနေပြီး တစ်ဖက်သတ် ပြည်သူတွေဆီ လက်နက်ကြီး ရမ်းသမ်းပစ်ခတ်နေခဲ့တာဖြစ်ပါတယ်။ ဒါ့အပြင် တိုက်ပွဲဖြစ်ပွားမှု မရှိတဲ့ ဒီးမော့ဆိုမြို့နယ် ဆောင်ဒူလာ ကျေးရွာကို လေယာဉ်နဲ့ ဗုံးကြဲတိုက်ခိုက်ခဲ့ပါတယ်။

ပြီးခဲ့တဲ့ ဇူလိုင်၊ ဩဂုတ်၊ စက်တင်ဘာလတွေမှာ လွယ်ထွဲကျေးရွာ၊ သုံးမိုင် ပကြဲကျေးရွာ၊ မော်ချီးစုစည်းကျေးရွာတွေက စစ်ရှောင်ခဲ့ဖူးပါတယ်။ အခြေအနေ တည်ငြိမ်တဲ့အတွက် လက်ရှိမှာတော့ ကျေးရွာထဲ နေထိုင်နေကြတာဖြစ်ပါတယ်။

ကရင်နီပြည်နယ်မှာဆိုရင် အာဏာသိမ်းကာလအတွင်း အရပ်သားပြည်သူ သေဆုံးသူ (၂၂၁)ဦးရှိတယ်လို့ တိုးတက်သောကရင်နီပြည်သူ့အင်အားစု က မတ်လ ၂ရက်နေ့မှာ ဖော်ပြထားပါတယ်။

spot_imgspot_imgspot_imgspot_img

More from the blog

ဖရူဆိုမြို့နယ်တွင်းက စစ်ကောင်စီတပ်စခန်းနဲ့ ခြေကုပ်စခန်းတို့ကို KA၊ KNDF တို့သွားရောက်တိုက်ခိုက်

ကန္တာရဝတီတိုင်း( မ် ) ကရင်နီပြည် ဖရူဆိုမြို့တွင်းမှာရှိတဲ့ စစ်ကောင်စီတပ်စခန်းနဲ့ ခြေကုပ်စခန်းတို့ကို သွားရောက်တိုက်ခိုက်ခဲ့ပြီး စစ်ကောင်စီဘက်က ၄ဦးသေဆုံးခဲ့တယ်လို့ KNDF B-15 က ဒီကနေ့ နိုဝင်ဘာလ ၂၉ ရက်နေ့မှာ ထုတ်ပြန်ထားပါတယ်။ ပြီးခဲ့တဲ့ နိုဝင်ဘာလ ၂၅ ရက်နေ့မှာ ဖရူဆိုမြို့နယ်တွင်းမှာရှိတဲ့ စစ်ကောင်စီရဲ့ အမှတ် (၁၄)...

ဖရူဆိုဒေသရဲ့ ရွှေ့ပြောင်းတောင်ယာ စပါးစိုက်ပျိုးမှု ယခုနှစ် အထွက်နှုန်းတစ်ဝက်လျော့ကျ

ကန္တာရဝတီတိုင်း(မ်) ကရင်နီပြည် ဖရူဆိုမြို့မှာ နေထိုင်ကြတဲ့ လူထုတွေဟာ ရွေ့ပြောင်းတောင်ယာ စပါးစိုက်ပျိုးတာကို အဓိကထားလုပ်ကိုင်ကြပြီး ယခုနှစ်မှာဆိုရင် စိုက်ပျိုးချိန် မိုးမရွာတာ၊ အပင်မပေါက်တာ ၊ အပင်သေတာတွေ ကြောင့် စပါးအထွက်နှုန်း တစ်ဝက်လောက် လျော့ကျနေတယ်လို့ တောင်သူတွေက ဆိုကြပါတယ်။ ရွှေ့ပြောင်းတောင်ယာ ပြန်လည်လုပ်ကိုင်တာ ၂နှစ်ရှိပြီဖြစ်တဲ့ ဦးရီဖဲ ကလည်း ယခုနှစ်...

ဖရူဆိုမြို့ အဝင်အထွက် ကရင်နီပြည်အစိုးရ ယာယီပိတ်မည်

ကန္တာရဝတီတိုင်း( မ် ) ကရင်နီပြည် ဖရူဆိုမြို့တွင်း ဝင်ထွက်သွားလာတာတွေကို လုံးဝခွင့်မပြုဘဲ ယမန်နေ့ နိုဝင်ဘာလ ၂၈ ရက်နေ့ကစပြီး လုံခြုံရေးအရ ယာယီပိတ်လိုက်တယ်လို့ ကရင်နီပြည်အစိုးရ ပြည်ထဲရေးဝန်ကြီးဌာနလက်အောက်ရှိ ကေးလျားမြို့နယ်အုပ်ချုပ်ရေးက ယမန်နေ့(နိုဝင်ဘာလ ၂၈ ရက်)မှာ ထုတ်ပြန်ထားပါတယ်။ “အခြေအနေကြည့်မယ်။ အကယ်၍ အခြေအနေကောင်းတယ်။ ကျနော်တို့ လူထုတွေ အိမ်ပြန်ကြည့်ဖို့အတွက်...

ဒီးမော့ဆိုအရှေ့ဖက်ခြမ်းမှာ နိုဝင်ဘာလနောက်ဆုံးပတ်အတွင်း စစ်ကောင်စီက လက်နက်ကြီးနဲ့ ပစ်ခတ်မှု ဆက်တိုက်လုပ်ဆောင်နေ

ကန္တာရဝတီတိုင်း (မ်) ကရင်နီပြည် ဒီးမော့ဆို အရှေ့ဘက်ခြမ်းရှိ ကျေးရွာတွေကို စစ်ကောင်စီရဲ့ အခြေစိုက်တပ်တွေက နိုဝင်ဘာလ ၂၃ ရက်နေ့က စတင်ပြီး လက်နက်ကြီးတွေနဲ့ နေ့ရောညပါ ဆက်တိုက် ပစ်ခတ်မှု လုပ်ဆေင် နေတယ်လို့ ဒေသခံတွေက ပြောပါတယ်။ တိုက်ပွဲဖြစ်ပွားမှုမရှိပဲ စစ်ကောင်စီက လက်နက်ကြီးတွေနဲ့ ဆက်တိုက်ပစ်ခတ်လာတဲ့အတွက် ကျေးရွာတွေထဲကျပြီး အရပ်သားထိခိုက်တာတွေ၊...