spot_img
Thursday, February 9, 2023
spot_img

လွိုင်ကော်မြို့တွင်း ညမထွက်ရနဲ့ လူ ၅ဦးထက်ပိုမစုရ အမိန့်ကို စစ်ကောင်စီ လက်အောက်ခံ ထွေအုပ်ရုံးက ထုတ်ပြန်

spot_imgspot_imgspot_imgspot_img

ကန္တာရဝတီတိုင်း(မ်)

ယမန်နေ့ (ဒီဇင်ဘာလ ၂၃ရက်နေ့) ညနေ ၅နာရီ ကျော်လောက်မှာ လွိုင်ကော်မြို့အတွင်း ည ၉နာရီကနေ မနက်၄နာရီအထိ ညမထွက်ရအမိန့်ကို စစ်ကောင်စီလက်အောက်ခံ ထွေအုပ်ရုံးကနေ ကားနဲ့ လိုက်လံကြေညာခဲ့တယ်လို့ လွိုင်ကော်မှာနေထိုင်တဲ့ ဒေသခံတွေဆီကနေ သိရပါတယ်။

လိုက်လံကြေညာတဲ့ အချက်မှာ ညမထွက်ရ အမိန့်တစ်ခု တည်းဖြစ်ပေမယ့် လူမှုကွန်ယက်စာမျက်နှာ ဆိုရှယ်မီဒီယာပေါ်မှာ ပျံ့နှံ့လာတဲ့ စစ်ကောင်စီ ထုတ်ပြန်ချက်စာရွက်အရ လွိုင်ကော်မြို့အတွင်း စုဝေးခြင်း ၊ ဟောပြောခြင်း ၊လှုံ့ဆော် ဆန္ဒပြခြင်း ၊ဖျက်ဆီးခြင်း ၊ ရုန်းရင်းဆန်ခတ်ပြုမူတာတွေကို မပြုလုပ်ဖို့နဲ့ လူ၅ဦးနဲ့အထက် လမ်းမကြီးတွေ ၊ အများပြည်သူ သွားရာ လမ်းကြား ၊လမ်းသွယ် ၊ ဥယျာဉ်၊ အများပြည်သူနဲ့ သက်ဆိုင်တဲ့နေရာတွေမှာ မစုဝေးဖို့ ဖော်ပြပါရှိပါတယ်။

ညမထွက်ရ အမိန့်ဟာ ယခင်ကတည်းက ရှိခဲ့တဲ့အတွက် လွိုင်ကော်မြို့မှာ နေထိုင်သူတွေအနေနဲ့ ညဘက်အပြင်ထွက်လေ့မရှိတော့ပေမယ့် လူ၅ဦးထက်ပိုမစုရအမိန့်အပေါ်မှာတော့ ဒေသခံတွေ စိုးရိမ်မှုရှိနေပါတယ်။

” ညမထွက်ရ အမိန့် ကတော့ မထူးဆန်းဘူး ၊ ဘယ်သူမှလည်း ညဆိုသိပ်မထွက် သလို ထွက်လို့ အပစ်ခံရသူတွေလည်းရှိနေ လို့လေ ၊ ဒါပေမဲ့ ၅ ဦးထက် စုဝေးခြင်း မပြုရန် ဆိုတာကိုတော့ စိုးရိမ်မိတယ် ၊ သူငယ်ချင်းတွေနဲ့ တွေ့နေရင်တောင် မဆီမဆိုင်ဖမ်းတာမျိုးတွေလုပ်တော့မလားလို့ တွေးမိ တယ်။ ” လို့ လွိုင်ကော်မြို့နေ ဒေသခံလူငယ်တစ်ဦးက ပြောပါတယ်။

ညမထွက်ရ အမိန့်ရဲ့သတ်မှတ်ကာလကို အတိအကျမသိရပဲ နောက်ထပ် အမိန့်တစ်စုံတစ်ရာ မထုတ်ပြန်မချင်းလို့ သာဖော်ပြထားပါတယ်။

လွိုင်ကော်မြို့အတွင်း နောင်ယားကန် အနီး စစ်ဆေးမှုတွေကိုယခင်တည်းက မကြာခဏ ပြုလုပ်နေပြီး ဖမ်းဆီးမှုတွေလည်းရှိခဲ့ပါတယ်။ အခုလို ၅ ယောက်ထက် ပိုမစုရဆိုတဲ့ အမိန့်ကြောင့် လွိုင်ကော်မြို့ အထင်ကရနေရာတွေမှာ လည်ပတ်မည့်သူတွေအနေနဲ့ ဖမ်းဆီးအရေးယူခံရနိုင်တယ်လို့ သုံးသပ်သူတွေလည်း ရှိနေပါတယ်။

spot_imgspot_imgspot_imgspot_img

More from the blog

စစ်ရှောင်တွေ မွေးမြူတဲ့ကြက် အနာကျပြီး သေဆုံးမှုရှိ

ကန္တာရဝတီတိုင်း(မ်) ကရင်နီပြည် ဒီးမော့ဆိုမြို့နယ် အရှေ့ဘက်ခြမ်း စစ်ရှောင်စခန်းတစ်နေရာမှာ ပြီးခဲ့တဲ့ ဇန်နဝါရီလကစပြီး အာဟာရဓါတ်ရဖို့ မွေးမြူတဲ့ကြက်တွေ အနာကျ သေဆုံးတာတွေ ရှိတယ်လို့ စစ်ရှောင်တွေက ပြောပါတယ်။ တောင်ယာလုပ်ငန်းမှာလည်း ရိုးရာအရ ကြက်ရိုးထိုးရတာတွေ ရှိသလို ကျောင်းနေ အရွယ်ကလေး အာဟာရဓါတ် တိုက်ကျွေးမှုမှာလည်း အများအားဖြင့် ကြက်ကို အသုံးပြုကြတာကြောင့် အခုလို...

စစ်ကောင်စီရဲ့ အင်အားအလုံးအရင်း ထိုးစစ်ဆင်မှုကြောင့် မိုးဗြဲ-ပီကင်းလမ်း ယာယီပိတ်ထား

ကန္တာရဝတီတိုင်း(မ်) မိုးဗြဲမြို့မှာ ယမန်နေ့ (ဖေဖော်ဝါရီ ၇ရက်နေ့) က အင်အားအလုံးအရင်း ထိုးစစ်ဆင်လာတဲ့ စစ်ကောင်စီနဲ့ ထိတွေ့တိုက်ပွဲဖြစ်ပွားခဲ့ပြီး လက်ရှိမှာစစ်ကောင်စီဖက် လှုပ်ရှားမှု ရှိနေဆဲဖြစ်တဲ့အတွက် မိုးဗြဲ-ပီကင်းလမ်း ကိုလည်း ရက်အကန့်အသတ်မရှိ ယာယီပိတ်ထားတယ်လို့ မိုးဗြဲPDFတာဝန်ရှိသူတစ်ဦး ကပြောပါတယ်။ “ လောလောဆယ် မိုးဗြဲက မနေ့က စစ်ကောင်စီဖက်က အင်အားအလုံးအရင်းနဲ့ ထိုးတက်လာတော့...

စစ်ရှောင်စခန်းတစ်ခုမှာ ကိုယ်ပိုင်ဝင်ငွေတွေ ရနိုင်ဖို့ တစ်ပိုင်တစ်နိုင် မွေးမြူရေးပြုလုပ်

ကန္တာရဝတီတိုင်း(မ်) ဒီးမော့ဆိုအနောက်ခြမ်းမှာရှိတဲ့ သစ်ယားတောစစ်ရှောင်စခန်းမှ စစ်ရှောင်တွေဟာ တစ်ပိုင်တစ်နိုင် မွေးမြူရေးကို လုပ်ကိုင်ကြပါတယ်။ စစ်ရှောင်အိမ်တိုင်းလိုလို မွေးမြူရေးကို လုပ်ကိုင်ကြပြီး အဓိက ကြက် နဲ့ ဝက်ကို မွေးမြူကြတာဖြစ်ပါတယ်။ အခုလို တစ်ပိုင်တစ်နိုင်မွေးမြူရေး လုပ်ရတာဟာ နောင်တစ်ချိန် ရိက္ခာပစ္စည်းတွေလာရောက်ထောက်ပံ့ခြင်း မရှိတော့ရင် ကိုယ်ပိုင် ဝင်ငွေရစေဖို့ဖြစ်တယ် လို့ စစ်ရှောင်အမျိုးသမီးတစ်ဦးက အခုလိုပြောပါတယ်။ " နောင်တစ်ချိန်မှာ...

ဒိုယှက် စစ်ဘေးဒုက္ခသည်စခန်းမှာ ၅ နှစ်အောက် ကလေးငယ်တွေ ကာကွယ်ဆေး မထိုးနှံရသေး

CJ ကန္တာရဝတီတိုင်း(မ်) ကရင်နီပြည် ဖရူဆိုမြို့နယ် အနောက်ဘက်ခြမ်း ဒိုယှက် စစ်ဘေးဒုက္ခသည်စခန်းမှာ ၅ နှစ်အောက် ကလေးငယ်တွေ ကာကွယ်ဆေး မထိုးနှံရသေးတာကြောင့် ထိုးနှံဖို့ လိုအပ်နေတယ်လို့ ဒိုယှက် စစ်ဘေးဒုက္ခသည် ကော်မတီဝင်တစ်ဦးထံကနေ သိရပါတယ်။ ဒိုယှက် စစ်ဘေးဒုက္ခသည်စခန်း အနေနဲ့ ယခင်နှစ်ကတည်းက ၅ နှစ်အောက် ကလေးငယ်တွေ စာရင်းပြုစုထားတာရှိပေမယ့်...