spot_img
Friday, March 24, 2023
spot_img

လွိုင်ကော်မြို့မှာ တစ်ပတ်အတွင်း ကိုဗစ်ပိုးတွေ့လူနာ (၁၂)ဦးရှိ

spot_imgspot_imgspot_imgspot_img

ကန္တာရဝတီတိုင်း(မ်)

လွိုင်ကော်မြို့မှာ စစ်ကောင်စီလက်အောက်ခံ ကျန်းမာရေးဝန်ကြီးဌာနရဲ့ စက်တင်ဘာလ ၁၁ရက်နေ့မှ ၁၇ရက်နေ့အထိ ထုတ်ပြန်ချက်အရ ကိုဗစ်ပိုးတွေ့လူနာ တစ်ပတ်အတွင်း (၁၇)ဦးထိရှိတယ်လို့ သိရပါတယ်။ ကိုဗစ် ၁၉ ဓါတ်ခွဲ အတည်ပြုလူနာလို့သာ ထုတ်ပြန်ထားပြီး ကိုဗစ်အမျိုးစားကိုတော့ ထုတ်ပြန်ထားခြင်းမရှိပေ။

“အရင်ကလို ဂိတ်တွေထားပြီးစစ်တာမျိုး မရှိတော့ ကိုဗစ်က ဒီထက်များနေတာမျိုးလည်း ဖြစ်နိုင်တယ် ။ နောက်တစ်ချက်ကတော့ လူတွေက MOH အပေါ် စိတ်ဝင်စားမှု မရှိတော့ သတင်းထုတ်ပြန်ချက်တွေ မကြည့်တော့ သိကိုမသိနေကြတာ။ ခုစစ်ဆေးမှုတွေက ဆေးရုံကနေ စစ်တာတွေ ဖြစ်လိမ့်မယ်” လို့ ပရဟိတလူမှုကူညီရေးအဖွဲ့တစ်ခုမှ အသင်းဝင်တစ်ဦးက ပြောပါတယ်။

လက်ရှိအချိန်ထိ လွိုင်ကော်မြို့အတွင်း ကိုဗစ်ကန့်သတ်မှုများ စည်းကမ်းချက်တွေ ထုတ်ပြန်ထားခြင်းမရှိသေးပေမယ့် လူစည်ကားတဲ့နေရာတွေကို mask ဖြန့်ဝေတာ၊ အသိပညာပေးပြောကြားတာတချို့ရှိတယ်လို့ လွိုင်ကော်မြို့ခံထံကနေ သိရပါတယ်။ သို့သော် မြို့တွင်း mask တပ်မှုနည်းပါးပြီး ကိုဗစ်ဖြစ်ပွားမှုကို သတိမထားကြတဲ့ အနေအထားမှာတွေ့ရှိရတယ်လို့ ဆိုပါတယ်။ စိုးရိမ်စရာမဟုတ်ပေမယ့် သတိထားတပ်ဆင်ကြဖို့ ဒေသခံတစ်ဦးက တိုက်တွန်းပြောဆိုပါတယ်။

လွိုင်ကော်ဒေသခံတစ်ဦးကလည်း “Non-CDM ကနေစတွေ့တာလို့ ကြားတယ်။ ရန်ကုန်မှာ အစည်းဝေးတတ်ပြီး ပြန်လာတာလို့ ပြောနေကြတာပဲ ။ အရင်ကလို ဘယ်ကလဲ ဘယ်သူလဲ သိဖို့ ပိုခက်တာရယ် လူတွေက စိတ်မဝင်စားကြတာရယ်ကြောင့် တိတိကျကျတော့ ဟုတ်ချင်မှဟုတ်မယ်။” လို့ ပြောပါတယ်။

ကိုဗစ်ကာကွယ်ဆေးကို လွိုင်ကော်မြို့နမ်စေတီ ဓမ္မာရုံမှာ တနင်္လာနေ့မှ သောကြာနေ့အတွင်း အခမဲ့ ထိုးနှံပေးလျက်ရှိနေပြီး ပြီးခဲ့တဲ့လတွေက မြို့ပေါ်ကပြည်သူတွေ အများအပြားသွားရောက်ထိုးနှံခဲ့ကြပါတယ်။

ဒါ့အပြင် လွိုင်ကော်မြို့အနီးရှိ ကျေးရွာကပြည်သူတွေလည်း ကားတွေနဲ့ ရွာလုံးကျွတ်နီးပါး လာရောက်ထိုးနှံခဲ့ကြတယ်လို့ သိရပါတယ်။ ခရီးသွားလာတဲ့အခါ၊ စစ်ဆေးရေးဂိတ်တွေစစ်ဆေးခံရတဲ့အခါ ကိုဗစ်ကာကွယ်ဆေးလက်မှတ်မပါရင် ဒဏ်ကြေးဆောင်ရတာတွေရှိခဲ့သလို တစ်နယ်တစ်ကျေးစစ်ရှောင်ရတဲ့အခါမှာလည်း ကိုဗစ်ကာကွယ်ဆေးလက်မှတ်မပါရင် အခက်အခဲရှိတယ်လို့ ဒေသခံတွေက ပြောပါတယ်။

spot_imgspot_imgspot_imgspot_img

More from the blog

စစ်ရှောင်လူထုတွေ ပါဝင်ကျင်းပကြတဲ့ ကေးထျိုးဘိုး (ခေါ်) တံခွန်တိုင်ပွဲတော်

ကန္တာရဝတီတိုင်း(မ်) ကရင်နီလူမျိုးတို့ရဲ့ ရိုးရာဓလေ့ဖြစ်တဲ့ ကေးထျိုးဘိုး (ခေါ်) တံခွန်တိုင်ပွဲတော်ကို မတ်လ ၂၂ရက်နေ့မှာ ဒီးမော့ဆိုမြို့နယ် အနောက်ဘက်ခြမ်းတစ်နေရာမှာ ကျေးရွာဒေသခံတွေနဲ့ စစ်ရှောင်တွေစုပေါင်းပြီး ပြုလုပ်ခဲ့ကြပါတယ်။ ကျေးရွာကော်မတီတစ်ဦးဖြစ်တဲ့ ဒေါ်ပုက ပွဲတော်ပြုလုပ်ရတဲ့ ရည်ရွယ်ချက်ကို အခုလိုပြောပါတယ်။ “ ရည်ရွယ်ချက်က သူ့ရဲ့ရိုးရာဓလေ့က ဟိုးဘိုးဘွားဘီဘေခေတ်ကတည်းက လုပ်လာခဲ့တဲ့ ရိုးရာဓလေ့တစ်ခုပေါ့။ အဲ့ဒါသူက သူ့ရဲ့ရိုးရာက ဘာကြောင့်လုပ်ရလည်းဆိုရင်တော့...

ရေနီပေါက်နဲ့ မိုင်းထမ်းကျေးရွာမှာ လက်နက်ကြီးကျရောက်ပြီး နေအိမ်တွေ ပျက်စီးမှုရှိခဲ့

ကန္တာရဝတီတိုင်း( မ် ) ကရင်နီပြည် ဘောလခဲမြို့ နယ်၊ ရေနီပေါက်ကျေးရွာနဲ့ မိုင်းထမ်းကျေးရွာတွေမှာ လက်နက်ကြီးကျရောက်ပြီး နေအိမ်တစ်ချို့ ပျက်စီးတာတွေရှိခဲ့တယ်လို့ ဘောလခဲဒေသခံတွေက ပြောပါတယ်။ “ကျနော်တို့ ဘောလခဲ အခုလက်ရှိကတော့ ဘောလခဲကျေးရွာအုပ်စု သုံးရွာလုံး တစ်ယောက်မှ အိမ်မှာနေခဲ့လို့ မရတော့ဘူးလေနော။ ရက်တိုင်းရက်တိုင်းပဲ လက်နက်ကြီးတွေနဲ့ သူတို့ပစ်ခတ်တာကြောင့်နေအိမ်လည်းပျက်စီးတယ်။ တချို့က မီးလောင်သွားတဲ့ဟာတွေလည်းရှိတယ်။...

ထိုင်း-ကရင်နီနယ်စပ်ရှိ စစ်ရှောင်စခန်းတစ်ခုမှာ နွေရာသီအတွက် ရေသိုလှောင်ထားပေမယ့် လုံလောက်မှု မရှိ

ကန္တာရဝတီတိုင်း(မ်) ထိုင်း-ကရင်နီနယ်စပ်ရှိ စစ်ရှောင်စခန်းတစ်ခုမှာ စစ်ရှောင်ကာလ ၂နှစ်ဝန်းကျင်ရှိလာပြီ ဖြစ်ပေမယ့် နွေရာသီ ရေရှားပါးမှုပြဿနာကို ပိုမိုခက်ခဲစွာ ရင်ဆိုင်ဖြေရှင်းနေရတယ်လို့ စစ်ရှောင်စခန်းအုပ်ချုပ်ရေး အဖွဲ့နဲ့ စစ်ရှောင်တွေဆီကနေ သိရှိရပါတယ်။ မိုးရာသီမှာ သိုလှောင်ထားတဲ့ ရေတွေ မလုံလောက်တဲ့အတွက် စစ်ရှောင်တွေအနေနဲ့ ဝေးလံတဲ့နေရာတွေအထိ သွားရောက် ခပ်ယူနေရတယ်လို့ စစ်ရှောင်စခန်းအုပ်ချုပ်ရေးအဖွဲ့ဝင်တစ်ဦးဖြစ်တဲ့ စီမံရေးမှူး ခွန်းရောဘတ်က ပြောြပပါတယ်။ “...

ကရင်နီဒေသ စစ်ဘေးရှောင် လူငယ်များအတွက် လူငယ်စွမ်းရည်မြှင့်တင်ရေး သုံးရက် သင်တန်းပို့ချ

CJ (သတင်းပေးပို့ချက်) ကရင်နီပြည်နယ်ရှိ စစ်ဘေးရှောင် စခန်းတခုမှာ မတ်လ ၁၇ ရက်နေ့မှစပြီး ၁၉ ရက်နေ့အထိ နွေရာသီ လူငယ်သင်တန်းကို သုံးရက်တာ ပို့ချခဲ့ပြီး လူငယ် ၁၂၀ ကျော်က သင်တန်းကို တက်ရောက်ခဲ့တယ်လို့ ကရင်နီ​ပြည်စစ်ဘေးရှောင်ကူညီစောင့်ရှောက်ရေးကွန်ရက်မှ တာဝန်ရှိသူက ‌ပြောပါတယ်။ “လူငယ်‌တွေက အသက် ၁၅နှစ်ကနေ ၂၉နှစ်လောက်ထိပါတယ်။...