လွိုင်ကော်မြို့ နယ်၊ ပွန်ချောင်းဘေးတွင် တရားမဝင်သစ်များ ပိုင်ရှင်မဲ့ ဖမ်းဆီးရမိ

ကန္တာရဝတီတိုင်း(မ်)

ကယားပြည်နယ်၊ လွိုင်ကော်မြို့ နယ်၊ ပွန်ချောင်းဘေးတွင် ပြီးခဲ့တဲ့ နိုင်ဝင်ဘာလ ၂၇ ရက်နေ့မှာ တရားမဝင်သစ်များ ပိုင်ရှင်မဲ့ ဖမ်းဆီးရမိခဲ့တယ်လို့ လွိုင်ကော်မြို့ နယ် သစ်တောဦးစီးဌာနမှ ဦးစီးမှုး ဦးသောင်းတင်ဌေးက ကန္တာရဝတီတိုင်း(မ်) ကို ပြောပါတယ်။

“ ကျတော်တို့ ပိုင်ရှင်တော့ မမိဘူး။ တပ်မတော်စစ်ကြောင်းက အရင်စတွေ့ တယ်ဆိုတော့လေ။ ကျတော်တို့က နောက်တစ်နေ့မှ လိုက်သွားတာ ” လို့ ဦးသောင်းတင်ဌေးက ပြောပါတယ်။

Photos – Forest Department (Facebook)

ခလရ( ၄၂၉) တပ်ရင်းမှ ဗိုလ်မှုးဇော်ဝင်းအောင် ဦးစီးသော တပ်မတော်သားများ ပါဝင်သော ပူးပေါင်းအဖွဲ့အစည်းက တွေ့ ရှိပြီး သစ်တောဦးစီးဌာနကို အကြောင်းကြားရာမှ ကျွန်း၊ ပိတောက်၊ ပျဉ်းကတိုး၊ သစ်ယာသစ်များဖြစ်ပြီး အားလုံးပေါင်း (၃၁.၇၁၀၀) တန် ဖမ်းဆီးရမိတယ်လို့ သိရပါတယ်။

သွားလာရေး အခက်အခဲရှိတဲ့ နေရာဖြစ်တဲ့အတွက် လုံခြုံစိတ်ချမဲ့ နေရာကို သယ်ယူနိုင်ဖို့ စီစဉ်နေဆဲဖြစ်ကြောင်းနဲ့ သစ်ထုတ်လုပ်သူများအား စုံစမ်းနေဆဲဖြစ်တယ်လို့ ဦးသောင်းတင်ဌေးက ပြောပါတယ်။

“ သယ်ယူနိုင်မဲ့ လမ်းကြောင်းကို အရင်ဆုံး ကျတော်တို့ သွားကြည့်ခိုင်တယ်ပေါ့လေ ပထမ ပဏမ သွားကြည့်ခိုင်းတယ်ပေါ့ ကြည့်ပြီးမှ လုံခြုံစိတ်ချရတဲ့ နေရာကို သယ်ဖို့ပေါ့ လောလောဆယ်တော့ အဲ့ဒီမှာတော့ စစ်ကြောင်း တစ်ကြောင်းက အခြေပြုနေတယ်ဆိုတော့ သူတို့ စစ်ကြောင်း မရှိတော့ရင်တော့ ပျောက်ရှနိုင်တယ်ပေါ့။ အခုတော့ သယ်ဖို့ လုပ်ဆောင်နေတယ်။ ပိုင်ရှင်လည်း မတွေ့တော့ အရေးယူဖို့ကတော့ မရှိနိုင်ပါဘူး။ ” သူက ပြောပါတယ်။

သစ်တောဦးစီးဌာနမှ ဖမ်းဆီးရမိတဲ့ သစ်များကို မြန်မာ့သစ်လုပ်ငန်းကို အပ်နှံပြီး ၎င်းတို့က လေလံပစ်ပြီး နိုင်ငံတော် ဘဏ္ဍငွေ ရရှိအောင် ဆောင်ရွက်နေတယ်လို့ သိရပါတယ်။

၂၀၁၈ခုနှစ် အရှေ့သံလွင်ဘက်တွေမှာ သစ်တန်ချိန်တစ်သောင်းတစ်ထောင်ကျော်အထိ ဖမ်းဆီးရမိတယ်လို့ဆိုပြီး သစ်တွေကို ထုတ်လုပ်ဖို့ အစိုးရကနေ ကုမ္မဏီတွေကို သယ်ယူခွင့်ပြုထားတယ်လို့ သိရပါတယ်။

Comments

comments

Next Post

ပြည်နယ်အစိုးရက ကရင်နီလူငယ်တွေကို ပြင်ဆင်ချက် ထပ်တက်မည့်အပေါ်ပြည်နယ်အတွင်း တက်ကြွလှုပ်ရှားသူတွေရဲ့ ထင်မြင်သုံးသပ်ချက်

Mon Dec 2 , 2019
ပြည်နယ်အစိုးရမှ နိုင်လွတ်လုံ ပုဒ်မ ၁၀ နဲ့ တရားစွဲဆိုထားတဲ့ ကရင်နီလူငယ် ၆ ဦးကို ပြီးခဲ့တဲ့ နိုဝင်ဘာလ ၇ ရက်နေ့မှာ အလုပ်နဲ့ ထောင်ဒဏ် ၆ လ ချမှတ်ခဲ့ပါတယ်။ ဒီကိစ္စနဲ့ ပတ်သက်ပြီး ပြည်နယ်အစိုးရက နိုဝင်ဘာလ ၂၇ ရက်နေ့မှာ ပြင်ဆင်ချက် ထပ်တက်မယ်လို့ ကရင်နီလူငယ်တွေဆီကို စာရောက်ရှိလာခဲ့တယ်လို့ သိရပါတယ်။ ဒီဖြစ်စဉ်နဲ့ ပတ်သက်ပြီး ကယား(ကရင်နီ)ပြည်နယ်အတွင်းက တက်ကြွလှုပ်ရှားသူတွေရဲ့ ထင်မြင်သုံးသပ်ချက်တွေကို ဖော်ပြလိုက်ပါတယ်။ သူတို့က အဲ့လို ပြန်ပြင်ဆင်တယ် ပြန်တက်တယ်ဆိုတော့ လူငယ်တွေကို သက်သက် ဖိနှိပ်တယ်လို့ မြင်တယ်။ ပြီးတော့မှ လူငယ်တွေက သူတို့ကို အဲ့လောက်ထိ ပြောခဲ့တာမျိုးတွေ မရှိခဲ့ဘူးပေါ့။ ဒါပေမဲ့ […]

ဆက်စပ်သတင်းများ