spot_imgspot_imgspot_imgspot_img
Tuesday, April 23, 2024
spot_imgspot_imgspot_imgspot_img

လွိုင်ကော်မြို့ ပွန်ချောင်းက စစ်ကောင်စီတပ်စခန်းကို KA ၊ KNDF တို့က ဒရုန်းဖြင့် သွားရောက်ပစ်ခတ်

Author

Date

Category

ကန္တာရဝတီတိုင်း( မ် )

လွိုင်ကော်မြို့ ပွန်ချောင်းက စစ်ကောင်စီတပ်စခန်းကို ကရင်နီတပ်မတော် ( KA )၊ ကရင်နီအမျိုးသားများကာကွယ်ရေးတပ် ( KNDF ) တို့က ယမန်နေ့ ဩဂုတ်လ ၇ရက်နေ့မှာ ဒရုန်းနဲ့ သွားရောက်ပစ်ခတ်ခဲ့တယ်လို့ ကရင်နီပြည်အစိုးရ ကာကွယ်ရေး ဒု-ဝန်ကြီး ခူဒယ်နီယာယ်က ပြောပါတယ်။

“နှစ်နေရာတော့ ဖြစ်တယ်။ ခဏကပွန်ချောင်းစခန်းမှာတော့ ပြောက်ကျားသွားပစ်တာနဲ့ ဒရုန်းနဲ့ သွားချတာရယ်။ ဗုံးတွေသွားချတာရယ်။ အဲ့ဒါကတော့ တစ်နာရီ၊ နှစ်နာရီလောက်ကြာတယ်။ ဒါက သူတို့ ပစ်ခတ်မှုအပေါ်မှာပဲ မူတည်တယ်ပေါ့နော။ နောက်တစ်ခုက ရှားတောကနေ ပွန်ချောင်းကိုလာတဲ့အဖွဲ့ထဲမှာက တိုက်ပွဲခဏတော့ဖြစ်တယ်။ နှစ်ခါလောက်တော့ဖြစ်တယ်။ ၅မိနစ် ၁၀မိနစ်လောက်တော့ဖြစ်တယ်။ တိုက်ပွဲအကြီးမျိုးတော့ မဟုတ်ဘူးပေါ့နော။ ပြောက်ကျားတိုက်ပွဲတွေပါပဲ။” လို့ ခူဒယ်နီယာယ်က ပြောပါတယ်။

တိုက်ပွဲအတွင်း စစ်ကောင်စီဘက်က အကျအဆုံးကိုတော့ မသိရပေမယ့် KA၊ KNDF ဘက်က အထိအခိုက်မရှိဘူးလို့ ဆိုပါတယ်။

လွိုင်ကော်၊ ရှားတောအကြားမှာ စစ်ကောင်စီတပ်လှုပ်ရှားမှုတွေရှိနေတဲ့အတွက် အခုလို တိုက်ပွဲဖြစ်ပွားတာဖြစ်ပြီး စစ်ကောင်စီတပ်အပြင်ထွက်တာနဲ့ တိုက်ပွဲဖြစ်ပွားနိုင်တယ်လို့ ခူဒယ်နီယာယ်က ပြောပါတယ်။

ယမန်နေ့ ဩဂုတ်လ ၇ရက်နေ့မှာလည်း ဒီးမော့ဆိုမြို့နယ် ဘက်သလိန်ကျေးရွာမှာ တပ်စွဲထားတဲ့ စစ်ကောင်စီနဲ့ ကရင်နီဒေသခံကာကွယ်ရေးပူးပေါင်းတပ်ဖွဲ့တို့ ၁နာရီခွဲကြာ တိုက်ပွဲဖြစ်ပွားခဲ့ပါတယ်။

spot_img
spot_img

Recent posts