spot_img
Monday, May 16, 2022
spot_img

လွိုင်ကော်မှာ အခုရက်ပိုင်းအတွင်း စစ်ဆေးမှု ပိုမို တင်းကြပ်လာ

ကန္တာရဝတီတိုင်း(မ်)

လွိုင်ကော်မြို့ပေါ်မှာဆိုရင် နေ့ရက်တိုင်း မတူတဲ့ နေရာတွေမှာ စစ်တပ်နဲ့ ရဲတွေက စစ်ဆေးမှုတွေ ပြုလုပ်နေပြီး စစ်ဆေးမှု ပိုမို တင်းကြပ်လာနေတယ်လို့ ဒေသခံတွေရဲ့ ပြောပြချက်အရ သိရပါတယ်။

“ တချို့ရပ်ကွက်တွေကျတော့ အိမ်တွေထဲထိ ဝင်စစ်တယ်လို့ ကြားတယ်ပေါ့နော။ သူတို့ အဓိကကတော့ ရပ်ကွက်နားကိုသွားတယ်။ ဖြတ်သွားဖြတ်လာတဲ့ လူတွေရဲ့ ဖုန်းတွေ စစ်တယ် အဲ့လိုမျိုးပေါ့။ သူတို့က လမ်းသွားတဲ့ သူတွေကို အဓိကတော့ ဖုန်းစစ်တယ်။ ဖုန်းထဲမှာ ဘာတွေရှိလဲ Messengerတို့ News feed တို့ အဲ့တာတွေ အဓိက ဖွင့်တယ်။ “ လို့ ဒေသခံ တစ်ဦးက ပြောပြပါတယ်။

လွိုင်ကော်မြို့ နာနတ်တော၊ ကြည်သာယာ၊ နမ့်ဘော်ဝမ်၊ ရွှေတောင် ရပ်ကွက် တွေမှာ တချို့ နေအိမ်ထိ စစ်တာရှိသလို ရပ်ကွက်နားတွေအထိ စစ်ဆေးနေတာတွေရှိတယ်လို့ သိရပါတယ်။

စစ်ဆေးတဲ့ နေရာမှာ ပြည်သူတချို့ကို ဖမ်းဆီးခေါ်ဆောင်တာတွေ ရှိပေမယ့် ဘယ်နှစ်ဦး ဖမ်းဆီးခေါ်ဆောင်သွားလဲဆိုတာနဲ့ ပတ်သက်ပြီး အတိအကျ မသိရှိရဘူးလို့ ဒေသခံတွေက ဆိုကြပါတယ်။ တချို့ ပြန်လွှတ်လာတဲ့ သူတွေ ရှိပေမယ့် တချို့ ပြန်မလွှတ်လာတဲ့ သူတွေလည်း ရှိနိုင်တယ်လို့ သိရပါတယ်။

ပြီးခဲ့တဲ့ ဧပြီ (၂၀)နဲ့ (၂၁)ရက်မှာလည်း လွိုင်ကော်မြို့တွင်းမှာ စစ်ဆေးမှုပြုလုပ်ရင်း ပြည်သူ ၅ဦး ကို ဖမ်းဆီးသွားတာရှိပါတယ်။ ပြန်လွှတ်၊ မလွှတ်ကိုတော့ မသိရှိရသေးပါဘူး။

spot_imgspot_imgspot_imgspot_img

More from the blog

စစ်ကောင်စီတပ်မှ ပြည်သူများကိုအသုံးချပြီး ပစ္စည်းသယ်ယူနေတာကြောင့် ရှားတော-လွိုင်ကော်လမ်းကို ယာယီပိတ်ထား

ကန္တရ၀တီတိုင်း(မ်) စစ်ကောင်စီတပ်ဟာ ခရီးသွားလာနေတဲ့ပြည်သူတွေကို အသုံးချပြီး ကြားဖြတ်ရိက္ခာတွေ သယ်ယူ ခိုင်းနေတာကြောင့် ရှားတော-လွိုင်ကော်လမ်းကို မေလ ၁၆ ရက်က စပြီး ယာယီပိတ်ထားကြောင်း KNDF B-17က ထုတ်ပြန်ထားပါတယ်။ “သူတို့က ပေါ်တင်မလှုပ်ရှားဘဲနဲ့ ပြည်သူလူထုထဲကနေပြီး ရိက္ခာသယ်ခိုင်းတဲ့ဟာမျိုးတွေ ပြည်သူထဲကနေ လှုပ်ရှားတဲ့ခါကျတော့ ကျမတို့အတွက်အဆင်မပြေလို့ အဲဒါလေးတွေဖျက်ချင်လို့ပဲ ဒီလမ်းကို ကျမတို့ပိတ်ထားရတာဖြစ်တယ်”...

ဖယ်ခုံအင်းအရှေ့ဘက်ခြမ်းကို စစ်ကောင်စီက လေကြောင်းဖြင့် ဗုံးကျဲတိုက်ခိုက်၊ နှစ်ဖက် ကျဆုံးမှုရှိ

ကန္တာရဝတီတိုင်း( မ် ) ရှမ်းပြည်နယ်တောင်ပိုင်း၊ ဖယ်ခုံအင်းရှေ့ဘက်ခြမ်းကျေးရွာတွေမှာ ယမန်နေ့(မေလ ၁၅ ရက်နေ့ ) က တိုက်ပွဲဖြစ်ပွားခဲ့ပြီး စစ်ကောင်စီဘက်က လေကြောင်းသုံးပြုပြီး သုံးကြိမ် ဗုံးကျဲတိုက်ခိုက်ခဲ့တယ်လို့ ဖယ်ခုံ PDF တာဝန်ရှိသူ တစ်ဦးက ပြောပါတယ်။ “ ဂျက်တိုက်လေယာဉ်ကတော့ နှစ်စီးဗျ။ သူတို့ ဗုံးကျဲတာကတော့ သုံးခေါက်ကျဲသွားတယ်။...

မူးယစ်ဆေးသုံးနေတဲ့ ပြည်သူတစ်ဦးကို KNDF B-10 ထိန်းသိမ်းထား

ကန္တာရဝတီတိုင်း(မ်) မေလ ၁၂ ရက်နေ့က ဒီးမော့ဆိုမြို့နယ် ကရင်နီတပ်မတော် KA ၊ အမှတ်(၁)ခရိုင်ထဲက ကျေးရွာတစ်ရွာ မှာ မိသားစုဝင်က လာရောက်တိုင်ကြားတဲ့အတွက် မူးယစ်ဆေး သုံးစွဲနေတဲ့ ပြည်သူတစ်ဦးကို သွားရောက်ခေါ်ဆောင် ပြီး ထိန်းသိမ်းထားနေတယ်လို့ KNDF B-10 တပ်ရင်းမှူးက ပြောပါတယ်။ “ ကျနော်တို့ သူ့ကို...

ဒီမော့ဆိုအရှေ့ဖက်ခြမ်းမှာ မူးယစ်ဆေးဝါးအလုံး (၃၀၀၀) ခန့် ဖမ်းဆီးရမိ

ကန္တာရဝတီတိုင်း(မ်) ကရင်နီပြည် ဒီးမော့ဆိုအရှေ့ဖက်ခြမ်းရှိ အမှတ် (၁) ခရိုင်မှ ကရင်နီတပ်မတော် KA/ ကရင်နီအမျိုးသားကာကွယ်ရေးတပ် KNDF B-09 တို့ ပူးပေါင်းပြီး မေလ ၁၅ ရက်နေ့ ညနေ (၇) နာရီ ဝန်းကျင်မှာ မူးယစ်ဆေးဝါးရောင်းဝယ်ဖောက်ကားသူ သုံးဦးထံကနေ ဆေးပြား အလုံး (၃၀၀၀)...