spot_img
Wednesday, December 7, 2022
spot_img

လွိုင်ကော်အရှေ့ဖက်ခြမ်းတွင် ပစ်ခတ်သံများကြားရပြီး ဒေသခံများ ရွာလုံးကျွတ် ထွက်ပြေးတိမ်းရှောင်ရ

spot_imgspot_imgspot_imgspot_img

ကန္တာရဝတီတိုင်း(မ်)

ယနေ့ ဇူလှိုင်လ ၂ ရက်နေ့ နံနက်ပိုင်းမှာ ကရင်နီပြည်နယ် လွိုင်ကော်မြို့နယ် အရှေ့ဖက်ခြမ်းရှိ ပါလောင်းကျေးရွာနဲ့ ဒေါတရိုးကျေးရွာအနီးမှာ ပစ်ခတ်သံများ ကြားရတဲ့အတွက် ဒေသခံပြည်သူများ ရွာလုံးကျွတ် ထွက်ပြေးတိမ်းရှောင်ကြရတယ်လို့ သိရပါတယ်။

“ ပါလောင်းရွာအကျော်မှာ ပစ်တယ်။ ၁၅ မိနစ်လောက် ပစ်တယ်။ ပြီးတော့ ပြန်ရပ်လိုက်တယ်။ အပြန်အလှန်ပစ်ကြတာမျိုးတော့ မကြားဘူး။ လက်နက်ကြီး နှစ်လုံးပစ်တာ ကြားတယ်။ အလုံးသေး ဆယ်လုံး ၊ ဆယ့်ငါးလုံး ပစ်ပြီး ပြန်ရပ်တယ်။ ရွာထဲမှာ ဘယ်သူမှ မနေကြတော့ဘူး။ လက်နက်ကြီးတွေ ပစ်မှာကြောက်လို့ ကျနော်တို့ အကုန်လုံး ပြေးကြတယ်။” လို့ ဒေသခံတစ်ဦးက ပြောပါတယ်။

ယမန်နေ့ ညနေပိုင်းမှာ လွိုင်ကော်-ရှားတော လမ်းမကြီးပေါ်ရှိ ပွန်ချောင်းဖက်ကနေ ပြန်လာတဲ့ စစ်ကောင်စီတပ်တွေရှိပြီး ပါးလောင်းကျေးရွာအကျော်ရှိ ဘုန်းကြီးကျောင်းမှာ နေရာယူထားတယ်လို့ ဒေသခံတွေက ပြောပါတယ်။

လက်နက်ကြီးသံ၊ လက်နက်ငယ်သံများ ပစ်ခတ်မှုများကို ယနေ့ ဇူလိုင်လ ၂ ရက်နေ့ နံနက် ၉ နာရီ၄၅ မိန်ခန့်မှာ ၁၅ မိနစ်ခန့် ကြာအောင် ကြားရပြီး မည်သူ၊မည်ဝါက ပစ်ခတ်တာကို မသိကြောင်း ဒေသခံတွေက ပြောပါတယ်။ ပစ်ခတ်သံတွေ ကြားနေရပြီး အနီးအနားကျေးရွာရှိ ပါလောင်း၊ ဒေါတရိုး၊ ဒေါစဲကျေးရွာရှိ ဒေသခံပြည်သူတွေက ရွာလုံးကျွတ် ရုတ်တရက် ထွက်ပြေးကြရတာကြောင့် ပစ္စည်း၊ စားနပ်ရိက္ခာ၊ မိုးကာ စတဲ့ လိုအပ်တဲ့အရာတွေ မသယ်မီနိုင်ခဲ့ဘူးလို့ ဒေသခံတွေက ပြောပါတယ်။

“ ကျနော်တို့က ရုတ်တရက်ထပြေးကြတော့ ဘာမှ မပါလာဘူး။ မိုးကာတောင် မပါဘူး။ ကလေးတွေ၊ ကိုယ်ဝန်သည်တွေ၊ သက်ကြီးရွယ်အိုတွေလည်း အကုန်လုံး ဒီအတိုင်းပဲ ခေါ်ပြီးထပြေးကြတာ။ ကျနော်တို့က ဘာမှမသိတော့ အရမ်းကြောက်ကြတယ်။ ကျနော်တို့လည်း အဝေးကြီးပြေးမှ ရတယ်။ တခြားနေရာလည်း မရှိတော့ဘူး။ မိုးလည်းရွာတော့ ဘယ်လိုလုပ်ရမလဲ မသိဘူး။ “ လို့ ဒေသခံတစ်ဦးက ပြောပါတယ်။

ယခင် မိုးဗြဲ၊ ဒီးမော့ဆိုမြို့နယ်တွေမှာ ပစ်ခတ်မှုတွေ ဖြစ်ပွားတဲ့အချိန်မှာ လွိုကော် – ရှားတော လမ်းမကြီးပေါ်ရှိ ဒေသခံတချို့က ထွက်ပြေးတိမ်းရှောင်ခဲ့ကြပြီး ဇွန်လ ၁၅ ရက်နေ့မှာ အပစ်ရပ်ကြောင်း ကြေညာပြီးနောက် ကျေးရွာကို ပြန်လာနေထိုင်ခဲ့ကြတယ်လို့ သိရပါတယ်။

ကရင်နီပြည်နယ်မှာ တိုက်ပွဲကြောင့် သေဆုံးသူ ( ၇၆) ဦးရှိလာပြီး ဘေးလွတ်ရာကို ထွက်ပြေးတိမ်းရှောင်ရတဲ့ ဒေသခံပြည်သူ တစ်သိန်းကျော်ရှိလာတယ်လို့ သိရပါတယ်။

spot_imgspot_imgspot_imgspot_img

More from the blog

KNDF တပ်ရင်း ၄က ရဲဘော် ဂျေရုမ်း မိုင်းနင်းမိရင်း ကျဆုံး

ကန္တာရဝတီတိုင်း(မ်) ဖရူဆိုမြို့တွင်းတစ်နေရာမှာ နယ်မြေရှင်းလင်းရေးပြုလုပ်ရင်း စစ်ကောင်စီထောင်ထားတဲ့ မိုင်းနင်းမိတဲ့အတွက် ကရင်နီအမျိုးသားများ ကာကွယ်ရေးတပ် ( KNDF ) တပ်ရင်း ၄မှ ရဲဘော် ဂျေရုမ်းဟာ ဒီဇင်ဘာလ ၄ရက်နေ့က ကျဆုံးသွားခဲ့ရပါတယ်။ ရဲဘော် ဂျေရုမ်းဟာ တပ်ရင်း(၄) တည်ထောင်တဲ့အတောအတွင်း ပထမဆုံး ကျဆုံးသွားတဲ့ ရဲဘော်ဖြစ်တယ်လို့ KNDF တပ်ရင်း...

ဒီးမော့ဆိုအနောက်ခြမ်း စစ်ရှောင်စာသင်ကျောင်းတစ်ခုရဲ့ ကျောင်းဆင်းပွဲ

ကန္တာရဝတီတိုင်း(မ်) ဒီဇင်ဘာလ ၅ရက်နေ့က ဒီးမော့ဆိုအနောက်ဘက်ခြမ်း စစ်ရှောင်ကျောင်းတစ်ကျောင်းမှာ ကျောင်းဆင်းပွဲအခမ်းအနားပြုလုပ်ခဲ့ပါတယ်။ အဲဒီအခမ်းအနားကို ကျောင်းသူ၊ကျောင်းသားတွေ ၊ ကျောင်းသားမိဘတွေနဲ့ ကျောင်သားသမဂ္ဂအဖွဲ့ဝင်တွေ တက်ရောက်ခဲ့ပါတယ်။ အခုလိုကျောင်းဆင်းပွဲ အခမ်းအနားကျင်းပ‌ခွင့်ရတဲ့အတွက် ဝမ်းသာပီတိဖြစ်တဲ့အကြောင်းကို ဆရာမတစ်ဦးက အခုလိုပြောပါတယ်။ "ကျောင်းဆင်းပွဲဆိုကျွန်မ လုံးဝမမျှော်လင့်ဘူး။ အရင်နှစ်ကျမတို့လုပ်တာမိဘ( ၁၀ )ယောက်တောင်မလာဖူးပါဘူး။ ဒီတစ်နှစ်ကျတော့ ကျမဘယ်လိုမှ ပြောမပြနိုင်တဲ့ပီတိကို ကျမခံစားရပါတယ်။ မိဘတွေအများကြီးတက်ရောက်လာတယ်...

လွိုင်ကော် ၅ရက်တာ တိုက်ပွဲအတွင်း စစ်ကောင်စီဘက် တပ်ခွဲမှူးတစ်ဦးအပါအဝင် ၅ဦးသေဆုံး

ကန္တာရဝတီတိုင်း( မ် ) ကရင်နီပြည် လွိုင်ကော်မြို့ နယ်၊ ပါလောင်းကျေးရွာ နဲ့ ကျေးရွာဝန်းကျင်တွေမှာ နိုဝင်ဘာလ ၂၄ရက်နေ့မှ ၂၉ ရက်နေ့အတွင်း ၅ရက် တိုက်ပွဲပြင်းထန်ဖြစ်ပွားခဲ့ပြီး စစ်ကောင်စီဘက်က တပ်မ ၆၆ လက်အောက်ခံ ခမရ ၁၀၈ တပ်ရင်း တပ်ခွဲမှူးတစ်ဦးအပါအဝင် ၅ဦး သေဆုံးခဲ့တယ်လို့...

လက်နက်ကြီးရန်ကြောင့် စာသင်ကျောင်း ရွေ့ပြောင်းဆောက်လုပ်၊ စာရေးကိရိယာများ လိုအပ်နေ

ကေးဒူ (ကန္တာရဝတီ တိုင်း(မ်)) ကျေးရွာအတွင်းကို လက်နက်ကြီး ကျရောက်လာတာကြောင့် ဒီးမော့ဆိုအရှေ့ဖက်ခြမ်း ကျေးရွာတစ်ခုမှာ ဖွင့်လှစ်နေတဲ့ စာသင်ကျောင်းတစ်ခုဟာ လုံခြုံနိုင်မယ့် တောထဲ တစ်နေရာကို ရွေ့ပြောင်းဆောင်လုပ်နေရပြီး အမိုးအကာ လိုအပ်ချက်တွေလည်းရှိနေတယ်လို့ ကျောင်းမှာ စာသင်ပေးနေတဲ့ စေတနာ့ဝန်ထမ်း ကျောင်းဆရာတစ်ဦးက ပြောပါတယ်။ “ လက်နက်ကြီး ရွာထဲ တစ်ခေါက် နှစ်ခေါက်ကျသွားတယ်။...