spot_img
Monday, November 28, 2022
spot_img

လွိုင်လင်လေးမြို့ အရှေ့ခြမ်းရှိ ဒေသခံပြည်သူ ၈ ထောင်ခန့် စစ်ဘေးရှောင်နေရပြီး ဆေးဝါးနဲ့ မိုးကာအထူးလိုအပ်နေ

spot_imgspot_imgspot_imgspot_img

ကန္တာရဝတီတိုင်း(မ်)

ကရင်နီပြည်နယ် လွိုင်လင်လေးမြို့ အရှေ့ဖက်ရှိ တီးလုံအုပ်စု၊ ထီးစဲခါးအုပ်စုအတွင်း ကျေးရွာပေါင်း ၂၀မှ ဒေသခံပြည်သူ ၈ ထောင်ခန့်ဟာ ပြီးခဲ့တဲ့ ဇူလှိုင်လ ၁၂ ရက်နေ့မှာ ဖြစ်ပွားတဲ့ တိုက်ပွဲကြောင့် စစ်ဘေးရှောင်နေရပြီး ဆေးဝါးနဲ့ တဲထိုးပြီး နေထိုင်နိုင်ရန်အတွက် မိုးကာ အဓိက လိုအပ်နေတယ်လို့ စစ်ဘေးရှောင်အရေး လိုက်ပါကူညီဆောင်ရွက်နေသူတစ်ဦးက ပြောပါတယ်။

“လောလောဆယ်တော့ တိုက်ပွဲအခြေနေက ငြိမ်နေသေးတယ် သို့သော် စစ်ကောင်စီတွေက နေရာအနှံ့အပြားလှည့်လည်နေတုန်းမို့ အိမ်မပြန်ရဲကြဘူး။ ပစ္စည်းတွေလည်း ပါမလာဘူး ပြန်လည်းမယူရဲကြဘူး အဲလိုတွေရှိတယ်ပေါ့နော။ သူတို့ဖက်က အခက်အခဲကတော့ တိုက်ပွဲဖြစ်တာနဲ့ ထွက်ပြေးရတဲ့အတွက် ပစ္စည်းတွေ ပါမလာဘူး။ အထူးသဖြင့် မိုးကာတွေ စောင်တွေ အဝတ်တွေ ပါမလာကြဘူးပေါ့နော။ ဒါ့အပြင် ဆေးဝါးတွေလည်း စစ်ရှောင်တွေရှိတဲ့ နေရာတိုင်းလ ိုအပ်တယ်။ ကျမတို့ ရောက်သွားတာနဲ့ အရင်ဆုံး ဆေးပဲတောင်းတယ်ပေါ့နော ဖျားနာတာတွေလည်း ဆေးမှူးတွေ အလုံအလောက်မရှိဘူးဖြစ်နေတယ်။” လို့ ကူညီဆောင်ရွက်ပေးသူတစ်ဦးက ပြောပါတယ်။

အလှူရှင်တွေနဲ့ ချိတ်ဆက်ဆောင်ရွက်ပေးနေပြီး လတ်တလောအခြေအနေအရ တိုက်ပွဲနဲ့ ကိုဗစ်ရောဂါအခြေအနေကို အကြောင်းပြပြီး ပစ္စည်းရိက္ခာပေးမသယ်တာကြောင့် စစ်ဘေးရှောင်ပြည်သူတွေဆီ အကူအညီ ရောက်သင့်သလောက် မရောက်ဘူးလို့ သူက ဆက်ပြောပါတယ်။

ပြီးခဲ့တဲ့ ဇူလိုင်လ ၁၂ရက်နေ့မှာ လွိုင်ကော်မြို့နယ် လွိုင်လင်လေးမြို့ အရှေ့ဖက်ခြမ်းမှာ ကရင်နီတပ်မတော် ( KA)ရဲ့ နည်းဗျူဟာ (၁) လက်အောက်ခံ အမှတ် (၃) တပ်ရင်းနဲ့ အကြမ်းဖက်စစ်ကောင်စီတပ်ရဲ့ တပ်မ (၆၆)၊ ၅၃၀ တပ်တို့ တိုက်ပွဲဖြစ်ပွားခဲ့တာကြောင့် ဒေသခံပြည်သူတွေ ဘေးလွတ်ရာကို ထွက်ပြေးတိမ်းရှောင်ခဲ့ရတာပဲ ဖြစ်ပါတယ်။

“အခုက ခြံထဲမှာ ခနရှောင်နေကြတယ်။ အမျိုးတွေစုပြီး နေကြတယ်။ နေရာ ခုမှ လိုက်ရှာ ယူနေတုန်းပါပဲ ရေတော့ရှားတယ် ဟင်းကလည်း ရှာရခက်တယ်။ ဆေးဝါး ကြိုမဝယ်ထားတဲ့ မိသားစု ရှိတယ်။ ဝယ်ထားတဲ့လူတွေဆီ တောင်းကြတာ နောက်လည်း ဝယ်မရမှာ စိတ်ပူကြလို့ မပေးချင်တာလည်း ရှိတာပေါ့။ သူတို့က ဝေးဝေးသွားနိုင်တဲ့ မိသားစုဆို ဝေးဝေးသွားကြတယ်။ ပစ္စည်း မသယ်နိုင် ကလေးသူငယ် ကိုယ်ဝန်ဆောင်တွေက ကိုယ်ရဲ့ခြံ တွေ မရှိဘူးဆို သူများခြံထဲက တဲထဲမှာ နေနေ ကြတာ။ တကယ် အခြေအနေဆိုးပီး မပြေးမနေရဆို ထပ်သွားကြမှာပေါ့။” လို့ ကွန်နားကျေးရွာမှ စစ်ဘေးရှောင် တစ်ဦးက ပြောပါတယ်။

ထီးစဲခါးကျေးရွာအုပ်စုထဲက ကွန်နားကလိုးခူ၊ ဒေါတဟေး၊ ဝမ်ခိုင်း ကျေးရွာတစ်ကြောဖက်မှာ ရွာလုံးကျွတ် စစ်ဘေးရှောင်နေရပြီး ရိက္ခာ ဆယ်ရက် တစ်ပတ်စာနဲ့ စားသောက်ဖို့ အဆင်ပြေနေသေးပေမယ့် ရက်ကြာရင်တော့ ရိက္ခာလိုအပ်မယ်လို့ ဒေါတဟေးကျေးရွာမှ ဒေသခံတစ်ဦးက ပြောပါတယ်။

“ရွာကနေတော့ ကြိုတင်ပြင်ဆင်မှုရှိတယ် အကယ်၍ တိုက်ပွဲဖြစ်ရင် ရိက္ခာလိုအပ်မယ်ဆိုတော့ တစ်ပတ်စာ ဆယ်ရက်စာတော့ သူတို့တောင်ယာထဲမှာတော့ ပို့ထားတယ် လောလောဆယ် အဲ့ဒါစားနေတယ်။
ဒါပေမယ့် စစ်ရှောင်က ရက်ကြာသွားမယ်ဆိုရင်တော့ ရိက္ခာတော့လိုမယ်။” လို့ သူက ပြောပါတယ်။

ကရင်နီပြည်လူထုတွေကို သတိနဲ့နေကြဖို့နဲ့ အခြေအနေစောင့်ကြည့်ပြီး ရှောင်သင့်ပါက ရှောင်ထားကြဖို့ ကရင်နီတပ်မတော် အမှတ် (၃) တပ်ရင်းရဲ့ တာဝန်ရှိသူတစ်ဦးက ပြောဆိုထားသလို ဒေသခံပြည်သူတွေကလည်း စစ်ကောင်စီဖက်မှ ထပ်မံပြန်လာပြီး ပြန်လည်ပစ်ခတ်မှာကို စိုးရိမ်ကြောက်လန့်နေတဲ့အတွက် ကျေးရွာထဲ ပြန်မနေတော့ဘဲ ဘေးကင်းရာကို ထွက်ပြေးတိမ်းရှောင်နေကြရတာပဲ ဖြစ်ပါတယ်။

တိုက်ပွဲဖြစ်ပွားရတဲ့အကြောင်းရင်းက ကရင်နီတပ်မတော် (KA) ရဲ့ အမှတ် ၃ တပ်ရင်း လှုပ်ရှားနယ်မြေထဲကို အကြမ်းဖက်စစ်ကောင်စီတပ်မှ ဝင်ရောက်လှုပ်ရှားလာတဲ့အတွက် ပစ်ခတ်မှု ဖြစ်ပွားရခြင်းဖြစ်ပြီး စစ်ကောင်စီဖက်မှ ၁၀ ဦးထက်မနည်း သေဆုံးခဲ့တယ်လို့ သိရပါတယ်။

spot_imgspot_imgspot_imgspot_img

More from the blog

ဒီးမော့ဆို အနောက်ဘက်ခြမ်းက စစ်ရှောင်စခန်းတစ်ခုမှာ အလှူရှင်မရောက်ရှိတာ ၃လကျော်ရှိနေ

ကန္တာရဝတီတိုင်း( မ် ) ဒီးမော့ဆို အနောက်ဘက်ခြမ်းက စစ်ရှောင်စခန်းတစ်ခုမှာ အလှူရှင်တွေ မရောက်တာ ၃လကျော်ရှိနေပြီး စားဝတ်နေရေးအတွက် အခက်အခဲကြုံတွေ့နေရတယ်လို့ အဲဒီစစ်ရှောင်စခန်းနေ အမျိုးသမီးတစ်ဦးဖြစ်တဲ့ ချယ်ရီမိုးက ပြောပါတယ်။ “အစပိုင်း စစ်စရှောင်တုန်းက အလှူရှင်တွေ တော်တော်လေးကို ဝင်လာကြတယ်ပေါ့နော။ တော်တော်လေးကိုရတယ်။ မိုးကာတို့ ဆန်၊ဆီ၊ဆားတို့ အကုန်ပေးတယ်။ ဒါပေမယ့် အခုနောက်ပိုင်းတော့...

စစ်ကောင်စီရဲ့ လက်နက်ကြီး ပစ်ခတ်မှုကြောင့် လူနေအိမ် တစ်လုံး မီးလောင်ပျက်စီးခဲ့

ကန္တာရဝတီတိုင်း(မ်) ဒီးမော့ဆိုမြို့နယ်အတွင်းရှိ ကျေးရွာတွေကို ယမန်နေ့ (နိုဝင်ဘာလ ၂၅ရက်) ည ၇ နာရီ ခွဲဝန်းကျင်လောက်မှာစစ်ကောင်စီတပ်က လက်နက်ကြီး ၁၀ လုံး ထက်မနည်း ပစ်ခတ်ခဲ့ပြီး လူနေအိမ် တစ်လုံး ထိမှန် မီးလောင်ပျက်စီးသွားခဲ့ပါတယ်။ ဒီးမော့ဆို အခြေစိုက် ၁၀၂ တပ်က ပစ်ခတ်တာ ဖြစ်နိုင်ပြီး လူအထိအခိုက်တော့...

ကရင်နီပြည်သူ့ရင်ခွင်မှာ အဓိကအသုံးပြုမယ့် သေနတ် ၃လက် ကမ်ပိန်းပြည့်ဖို့ ၇၉ရာခိုင်နှုန်းလိုအပ်နေသေး

ကန္တာရဝတီတိုင်း(မ်) ကရင်နီပြည်သူ့ရင်ခွင်ကနေ “ ပြည်သူ ဘက်သို့ရပ်တည်ပေးသော CDMစစ်သားများအား ကူညီပေး” ဆိုတဲ့ M4 သေနတ် ၃လက်ရရှိဖို့အတွက် ပထမဆုံးကမ်ပိန်းတစ်ခုကို ပြုလုပ်ခဲ့ပြီး ကမ်ပိန်း ၂၆ရက်အထိ ၇၉ရာခိုင်နှုန်းလိုအပ်သေးတယ်လို့ ကရင်နီပြည်သူ့ရင်ခွင်တာဝန်ခံ ကိုယုန်လေးက နိုဝင်ဘာလ ၂၅ရက်နေ့မှာ ကန္တာရဝတီတိုင်း(မ်)ကို ဖြေကြားပါတယ်။ “ ကျနော်တို့ အမှန်ဆို တစ်လပဲ...

တော်လှန်ရေးအကြောင်းပြပြီး ခြိမ်းခြောက်ငွေတောင်းခံမှုတွေ ခပ်စိပ်စိပ်ရှိလာတယ်လို့ KNDF ဆို

ကန္တာရဝတီတိုင်း( မ် ) ကရင်နီပြည် မှာ နွေဦးတော်လှန်ရေးကာလအတွင်း တော်လှန်ရေးကို အကြောင်းပြပြီး လူထုတွေဆီ ခြိမ်းခြောက်ငွေတောင်းခံမှုတွေ ခပ်စိပ်စိပ်ရှိလာနေတယ်လို့ ကရင်နီအမျိုးသားများ ကာကွယ်ရေးတပ် ဗဟိုစုံစမ်းစစ်ဆေးရေး လုပ်ငန်းအဖွဲ့ ( ITF ) မှ တာဝန်ရှိသူ တစ်ဦးက ပြောပါတယ်။ “ လူတွေအများစု ကြုံရတာကတော့ အဖွဲ့စည်းတစ်ခုခုပေါ့လေ။...