လွှတ်တော်ရဲ့ ပုံရိပ်နဲ့ ဂုဏ်သိက္ခာထိခိုက်စေတဲ့ အရေးအသား ရေးသားသူကို ၆၆ ဃ ဖြင့် အမှုဖွင့်


စိုးထိုက်အောင်

ဖေ့စ်ဘွတ်လူမှုကွက်ယက် စာမျက်နှာ မှာ ကယားပြည်နယ်လွှတ်တော်ရဲ့ ပုံရိပ်နဲ့ ဂုဏ်သိက္ခာ ထိခိုက်စေတဲ့ စာအရေးအသား ရေးသားသူ ကို ကယားပြည်နယ်လွှတ်တော်ကနေ စက်တင်ဘာ ၇ ရက်နေ့ လွိုင်ကော်မြို့မ ရဲစခန်းမှာ ဆက်သွယ်ရေးဥပဒေပုဒ်မ ၆၆ ဃ နဲ့ အမှုဖွင့်ခဲ့ပါတယ်။

အခုက လွှတ်တော်ရဲ့ပုံကြီးနဲ့လွှတ်တော်ကို ကလိမ်ကကျစ်လွှတ်တော်ဆိုလားမသိဘူး သူရေးထည့်ထားတယ်။ အဲ့တာပုံစံကြီးနဲ့တင်ပြီးတော့လုပ်တဲ့ခါကျတော့ ပုဂ္ဂိုလ်ရေးမဟုတ်တော့ဘူး လွှတ်တော်အသင်းအဖွဲ့စည်းကို စော်ကားတာလေး။ အဲဒါဘယ်လိုမှရှောင်လို့မရတော့ဘူး။ လို့ကယားပြည်နယ်လွှတ်တော် ဒုဥက္ကဋ္ဌ ဦးတင်မြင့်က ပြောပါတယ်။

ဓာတ်ပုံ – ကယားပြည်နယ် လွှတ်တော်

Wai Phyo Kozaw(ဝေဖြိုး ကိုဇော်) ဆိုတဲ့ နာမည်နဲ့ သူရဲ့ ဖေ့စ်ဘွတ်စာမျက်နှာမှာ လွှတ်တော် အဆောက်အဦးပုံနဲ့တကွ ကလိမ်ကကျစ်ကျသော လွှတ်တော်ကိုယ်စားလှယ်များဖြစ်ဖွဲ့စည်းထားတဲ့လွှတ်တော် ဆိုတဲ့ စာသားအပြင် လွှတ်တော်အဆောက်အအုံပုံအား မဖွယ်မရာပုံနဲ့ တွဲပြီးပိုစ့်တင်ထားတာ၊ လွှတ်တော်ဥက္ကဌပုံနဲ့လွှတ်တော်အတွင်း မဲခွဲဆုံးဖြတ်နေမှု ပုံတွေကို သူ့ရဲ့ Facebook စာမျက်နှာမှာ ရေးသားဖော်ပြခဲ့တာဖြစ်ပါတယ်။

ဒီလိုရေးသားဖော်ပြမှုဟာ ဒီမိုကရေစီနည်းလမ်းသဘောသဘာဝအရ ပြည်နယ်လွှတ်တော်ကို ဝေဖန်အကြံပြုတာမျိုးမဟုတ်ဘဲ လွှတ်တာ်ရဲ့ ပုံရိပ်နဲ့ ဂုဏ်သိက္ခာ ကို ထိခိုက်စေတဲ့ ရည်ရွယ်ချက်နဲ့ လုပ်ဆောင်နေတဲ့ ပုံစံဖြစ်တဲ့အတွက် တည်ဆဲဥပဒေအရ အမှုဖွင့်ထားတာလို့ စက်တင်ဘာလ ၈ ရက်နေ့ ကယားပြညနယ်လွှတ်တော်ရုံးက ထုတ်ပြန်ကြေညာခဲ့ပါတယ်။
တရားစွဲထားတယ်ဆိုရင် အဲ့မှာလည်းဖွင့်ပြီးပြီဆိုရင် ဆက်လုပ်ရမှာပေါ့။ လို့ ကယားပြည်နယ်လွှတ်တော် ဒုဥက္ကဋ္ဌ ဦးတင်မြင့်က ပြောပါတယ်။

ယနေ့စက်တင်ဘာလ ၈ရက်နေ့မှာ Wai Phyo Oo Kozaw ဖေ့စ်ဘွတ် အကောင့် စာမျက်နှာပေါ်က တင်ထားတဲ့ ပိုစ့်တွေကို ပြန်ဖျက်လိုက်တာ တွေ့ရပါတယ်။

Comments

comments

Next Post

အထင်ကရလည်ပတ်နေရာများယာယီပိတ်သိမ်း၊ စည်ပင်သာယာဈေးများ တစ်ပတ်သုံးရက်သာပြန်လည်ဖွင့်လှစ်

Wed Sep 9 , 2020
ကန္တာရဝတီတိုင်း(မ်) ကိုရိုနာဗိုင်းရပ်(စ်) ထိန်းချုပ်ကာကွယ်ဖို့ ပြည်နယ်အတွင်းရှိ အထင်ကရလည်ပတ်တဲ့နေရာတွေကို ယာယီပိတ်သိမ်းလိုက်ပြီး စည်ပင်သာယာဈေးတွေကိုလည်း တစ်ပတ်သုံးရက်သာ ဖွင့်လှစ်ဖို့ ကယားပြည်နယ် အစိုးရကနေ ထုတ်ပြန်ထားတာဖြစ်ပါတယ်။ ကယားပြည်နယ်အစိုးရအဖွဲ့ရုံးရဲ့ လူမှုကွန်ယက်စာမျက်နှာမှာ စက်တင်ဘာလ ၉ ရက်နေ့ကစပြီး လိုက်နာဆောင်ရွက်သွားဖို့ ညွှန်ကြားချက်ကို ယမန်နေ့ စက်တင်ဘာလ ၈ရက်နေ့က ထုတ်ပြန်ထားပါတယ်။ လူစုလူဝေးမဖြစ်ပွားအောင် လည်ပတ်စရာ အထင်ကရနေရာတွေဖြစ်တဲ့ လွိုင်ကော်ထီးစဲခါးရေတံခွန်၊ ကြတ်ဂူ၊ ဒီမော့ဆို ငွေတောင်ဆည်၊ ထီးပွင့်ကန်၊ ကန်ခုနှစ်ဆင့်၊ ပန်ပက်ကျေးရွာ၊ တနီးလာလဲ၊ ကွိုင်ငံ၊ ရေပြာအိုင်(နန်းမယ်ခုံ)၊ ဖရူဆို ထီးပရူနူဂူ၊ ဆင်ဖြူတောင် စတဲ့နေရာတွေကို စက်တင်ဘာလ ၉ ရက်နေ့စမှစ ၃၀ရက်နေ့အထိ ယာယီပိတ်သိမ်းလိုက်ပြီဖြစ်ပါတယ်။ ဒါ့အပြင် နေ့စဉ် ဖွင့်လှစ်ရောင်းချလျက်ရှိတဲ့ စည်ပင်သာယာဈေးတွေကိုလည်း အပတ်စဉ် […]