spot_imgspot_imgspot_imgspot_img
Sunday, May 19, 2024
spot_imgspot_imgspot_imgspot_img

သံလွင်အရှေ့ခြမ်းရှိ စစ်ကောင်စီ ရှေ့တန်းတပ်စခန်းကို ကရင်နီကွန်မန်ဒိုတပ်ဖွဲ့ ဝင်ရောက်သိမ်းပိုက်၊ လက်နက်ခဲယမ်းရရှိ

Author

Date

Category

ကန္တာရဝတီတိုင်း( မ် )

သံလွင်အရှေ့ဘက်ခြမ်းက စစ်ကောင်စီ ရှေ့တန်းတပ်စခန်းတစ်ခုကို ကရင်နီကွန်မန်ဒိုတပ်ဖွဲ့ကနေ ဝင်ရောက်သိမ်းပိုက်ခဲ့ပြီး စစ်ကောင်စီရဲ့ လက်နက်ခဲယမ်းတချို့ကို ရရှိခဲ့တယ်လို့ ကရင်နီစစ်ဖက်ဆိုင်ရာ ဗဟိုသတင်းထုတ်ပြန်ရေးအဖွဲ့ (KnMIC) က ဒီကနေ့ မတ်လ ၁၇ ရက်နေ့မှာ ထုတ်ပြန်ထားပါတယ်။

ခလရ ၁၃၅ ရှေ့တန်းတပ်စခန်းကို ဝင်ရောက်တိုက်ခိုက်ခဲ့တာဖြစ်ပြီး ယမန်နေ့ မတ်လ ၁၆ ရက်နေ့ ည ၅နာရီကနေ ၆နာရီအချိန် ဝင်ရောက်သိမ်းပိုက်ခဲ့တယ်လို့ ဖော်ပြထားပါတယ်။

အဲဒီ စခန်းအတွင်းမှာ စစ်ကောင်စီရဲ့ ရုပ်အလောင်း ၃ လောင်းနဲ့ လက်နက်မျိုးစုံ ( ၆ ) လက်၊ ခဲယမ်း၊ ဆက်သွယ်ရေးစက်ကြီးတစ်လုံး ကို သိမ်းဆည်းရမိခဲ့လို့ ထုတ်ပြန်ချက်မှာ ဖော်ပြထားပါတယ်။

ပြီးခဲ့တဲ့ ဇန်နဝါရီလ ၂၇ ရက်နေ့မှာလည်း ထိုင်း-ကရင်နီနယ်စပ်က Bp-12 ကောက်ကောက်စခန်း အနီးမှာရှိတဲ့ စစ်ကောင်စီရဲ့ ခလရ ( ၁၃၅ ) ၊ ခလရ ( ၅၄ )၊ အမြောက်တပ် အမှတ် ( ၃၆၀ ) တို့ အခြေပြုရာ တောင်ကုန်းပွိုင့်အမှတ် ( ၁၄၄၁ ) စခန်းကို ကရင်နီတပ်မတော် ( KA ) က စခန်းသိမ်းတိုက်ပွဲအဖြစ် သွားရောက်တိုက်ခိုက်ခဲ့ပါတယ်။

ထိုင်း- ကရင်နီနယ်စပ်၊ ကရင်နီပြည်တွင်းနေရာအနှံ့အပြားနဲ့ ရှမ်းပြည်တောင်ပိုင်းဒေသတွေမှာ ကရင်နီတပ်မတော်(KA)၊ KNDF ၊ PDF ပူးပေါင်းတပ်ဖွဲ့နဲ့ စစ်ကောင်စီတပ်တို့ နေ့စဉ်ရက်ဆက် တိုက်ပွဲဖြစ်ပွားနေတာဖြစ်ပါတယ်။

spot_img
spot_img

Recent posts