spot_img
Monday, March 27, 2023
spot_img

အချိန်ခါမဟုတ် မိုးရွာသွန်းမှုကြောင့် နွားများ သေဆုံး

spot_imgspot_imgspot_imgspot_img

CJ ( ကန္တာရဝတီတိုင်း(မ်) )

ပြီးခဲ့တဲ့ ဖေဖော်ဝါရီလ ၁၆ ရက်နေ့နဲ့ ဖေဖော်ဝါရီလ ၁၇ ရက်နေ့အထိ အချိန်ခါမဟုတ်ပဲ မိုးနှစ်ရက်ဆက်ရွာသွန်းခဲ့တာကြောင့် ဖရူဆိုမြို့နယ်အတွင်းရှိ ဒေသအတွင်း လွှတ်ကျောင်းထားတဲ့ နွားတွေ သေဆုံးမှု ဖြစ်ပွားနေတယ်လို့ ဒေသခံတွေဆီကနေ သိရပါတယ်။

“နွားတွေ အများကြီး သေသွားတယ်၊ လွတ်ကျောင်းထားတဲ့နွားတွေ၊ သေသွားတဲ့နွားတွေ ဒီရက် တစ်ကောင် နှစ်ကောင်လောက်တွေ့နေတယ်၊ ရွာနားမှာပဲ သေကုန်တာ၊ နှစ်ကောင်တွေ့နေတာ ဒါပေမယ့် စားလို့မရတော့ဘူး၊ ပုတ်လို့ အနံထွက်လို့ တွေ့ရတာ၊ ပြီးခဲ့တဲ့ မိုးရွာတုန်းက သေသွားတာ၊ ဒီဘက်တကျော့မှာတော့ ဒီနွေမှာ နွားကလေးတွေ အများကြီးသေတယ်၊ နွားတွေ ရေသောက်ရလား မသောက်ရလား မသိဘူး၊ မိုးကြီးရွာလို့ အက်ညမှာပဲ နွားတွေ အအေးဒဏ်မခံနိုင်လို့ သေတာ”ဟု ဒေသခံတစ်ဦးက ပြောပါတယ်။

ဖရူဆိုမြို့နယ်အတွင်း ရေရှားတဲ့ ပြသနာဟာ နှစ်စဥ်ကြုံတွေ့နေရပြီး သောက်သုံးရေအတွက် အခက်အခဲရှိသလို တိရစ္တာန်အတွက်ပါ အခက်ခဲရှိနေပြီး ယခုလို ရုတ်တရက် မိုးရွာသွန်းမှုကြောင့် သေဆုံးရခြင်းဖြစ်တယ်လို့ ဆိုကြပါတယ်။

တိုက်ပွဲကြောင့် တစ်နှစ်ကျော်နေရပ်မပြန်နိုင်တဲ့ ဖရူဆိုမြိုနယ်အတွင်းရှိ ကျေးရွာအချို့ဟာ နွားတွေကိုလွတ်ကျောင်းထားတာ ၂ နှစ်နီးပါးရှိနေပြီ ဖြစ်ပါတယ်။

ဒေသခံတချို့က နွားတွေကို အမှတ်အသား ပြုလုပ်ထားကြပေမယ့် နွားတွေဟာ အသက်ကြီးလာတာနဲ့အမျှ အရောင်ပြောင်းတာတွေ ဖြစ်တဲ့အတွက်ပိုင်ရှင်တွေက မမှတ်မိတော့တာမျိုးတွေ ဖြစ်လို့ အခက်အခဲတွေ ရှိတယ်လို့ ဒေသခံတွေက ဆိုကြပါတယ်။

“စစ်မရှောင်ခင်ကတော့ ကျနော့် နွားက ၁၄ ကောင်ရှိတယ်၊ အခုဆိုရင် တိုးလာလား၊ လျော့လာလား မသိဘူး၊ တစ်ခါမှလည်း မတွေ့ရတော့ဘူး”ဟု စစ်ဘေးရှောင် တစ်ဦးက ဆိုပါတယ်။

ယခုလဖေဖော်ဝါရီ နောက်ဆုံးအပတ်မှာလည်း နွေအပူရှိန်မြင့်လာလို့ နွားကြီးအချို့သေဆုံးမှုရှိသလို ရေမသောက်ရတဲ့ မွေးကင်းစတွေဟာလည်း သေဆုံးမှုများတယ်လို့ ဒေသခံတွေက ပြောဆိုကြပါတယ်။ ဒေသခံတွေဟာ စစ်ဘေးရှောင်နေရတာကြောင့် လက်လှမ်းမမှီနိုင်တဲ့ နေရာတွေမှာ ဒီထက်မက နွားသေဆုံးမှုတွေ ရှိနေနိုင်တယ်လို့ ဆိုပါတယ်။

ဖရူဆိုမြို့နယ်အတွင်းရှိ ကျေးရွာ ဆယ်ရွာကျော်သော လူထုတွေဟာ ဒေသအတွင်းတိုက်ပွဲကြောင့် ဘေးလွတ်ရာကို တိမ်းရှောင်နေရတာ ဖြစ်ပါတယ်။

spot_imgspot_imgspot_imgspot_img

More from the blog

ဒီးမော့ဆိုမြို့နယ် အရှေ့ဘက်ခြမ်းကို စစ်ကောင်စီတပ်မှ လက်နက်ကြီးတွေ အမြောက်အများ ပစ်ခတ်နေ

ကန္တာရဝတီ တိုင်း(မ်) ကရင်နီပြည် ဒီးမော့ဆိုမြို့နယ် အရှေ့ဘက်ခြမ်းကို ဒီးမော့ဆို အခြေစိုက် ခလရ ၁၀၂ တပ်မှ (၁)မိနစ် (၁) လုံးနုန်းနဲ့ လက်နက်ကြီးတွေ အမြောက်အများ ပစ်ခတ်နေတယ်လို့ သိရပါတယ်။ ယနေ့ ( မတ်လ ၂၆ ) ရက်နေ့ မနက် ၉ နာရီလောက်ကစပြီး...

စစ်ရှောင်ပြည်သူတွေကို ရိက္ခာဝေမယ်လို့ပြောဆိုပြီး ဓါတ်ပုံရိုက်ပြီးနောက် ဝေထားတဲ့ရိက္ခာတွေကို ပြန်သိမ်းယူသွား

ကန္တာရဝတီတိုင်း(မ်) လွိုင်ကော်မြို့ နမ့်ဘော်ဝမ် ရပ်ကွက်အတွင်းရှိ စစ်ဘေးရှောင်ပြည်သူတွေကို စစ်ကောင်စီ က ရိက္ခာဝေပေးမယ်လို့ပြောဆိုကာ ဒီကနေ့ (မတ်လ ၂၅ ရက်နေ့ ) မှာ စုရုံးခေါ်ဆောင်ပြီး ဓါတ်ပုံမှတ်တမ်းရယူခဲ့ပေမဲ့ ဝေငှထားတဲ့ ရိက္ခာထုပ်တွေကို ပြန်လည်တောင်းယူခဲ့တယ်လို့ စစ်ရှောင်တွေဆီကနေ သိရပါတယ်။ နမ့်ဘော်ဝမ်ရပ်ကွက်အတွင်းမှာ ရှိတဲ့ဘုရားကျောင်းမှာ စစ်ဘေးရှောင်တွေကို ခေါ်ယူစုရုံးပြီး ကုလားပဲထုပ်...

ဒီးမော့ဆိုအနောက်ဘက်ခြမ်းမှာ လက်နက်ကြီးကျပြီး ဒေသခံထိခိုက်မှုရှိခဲ့၊ ဖရဲသီးစိုက်ခင်းလည်းပျက်စီး

ကန္တာရဝတီတိုင်း( မ် ) ယမန်နေ့ မတ်လ ၂၄ရက်နေ့ မနက် ၁၀နာရီကျော်အချိန်မှာ ကရင်နီပြည် ဒီးမော့ဆိုမြို့နယ်အနောက်ဘက်ခြမ်းကို စစ်ကောင်စီက လက်နက်ကြီးတွေနဲ့ ပစ်ခတ်ခဲ့တဲ့အတွက် ဒေသခံတချို့ ထိခိုက်ခဲ့သလို ဖရဲသီးစိုက်ခင်းလည်း ပျက်စီးခဲ့တယ်လို့ ဒီးမော့ဆိုအနောက်ဘက်ခြမ်းမှာ နေထိုင်သူတစ်ဦးက ပြောပါတယ်။ "အိမ်ကတော့ လူနေအိမ်ပဲ မိန်းက‌လေးထိတယ်ပြောတယ်။ မိန်းကလေးနှစ်ယောက်။ ဒီကျတာက ဖရဲသီးခြံစိုက်ခင်းထဲမှာက...

ဒီမော့ဆို အရှေ့ဘက်ခြမ်းမှ ဆွေမျိုးများထံ ယာယီ ပြောင်းရွေ့လာတဲ့ စစ်ရှောင်ကလေးအချို့ ဝမ်းပျက်ဝမ်းလျောဖြစ်နေ

CJ (ကန္တာရဝတီတိုင်း(မ်)) ကရင်နီပြည် ဒီမော့ဆိုမြို့နယ် အရှေ့ဘက်ခြမ်းမှာ မတ်လ ၁၀ ရက်နေ့ ကတည်းက ဖြစ်ပွားတဲ့ တိုက်ပွဲတွေကြောင့် အနောက်ဘက်ခြမ်းက ဆွေမျိုးတွေဆီကို ယာယီ ပြောင်းရွေ့လာတဲ့ စစ်ရှောင်တွေအထဲက ကလေးတွေဟာ ဝမ်းပျက်ဝမ်းလျောဖြစ်နေတယ်လို့ စစ်ရှောင်အမျိုးသမီးတစ်ဦးက ပြောပါတယ်။ "အကြောင်းရင်းက ဘာလဲ မသိဘူး၊ ရေရှားတဲ့ နေရာလဲ မဟုတ်ဘူး၊...