အစိုးရလက်လှမ်းမမှီတဲ့ဒေသဘက်မှာ လူထုနဲ့တိုင်းရင်းသားလက်နက်ကိုင်အဖွဲ့ ပူးပေါင်းပြီး ကိုရိုနာဗိုင်းရပ်(စ်)ကာကွယ်

ကန္တာရဝတီတိုင်း(မ်)

နေရပ်ပြန်သူတွေ ကိုရိုနာဗိုင်းရပ်(စ်)ရောဂါကူးစက်ခံရမှုရှိမရှိ စောင့်ကြည့်ရေးလုပ်ငန်းတွေကို အစိုးရလက်လှမ်းမမှီတဲ့ ဒေသတွေဘက်မှာ သက်ဆိုင်ရာတိုင်းရင်းသားလက်နက်ကိုအဖွဲ့တွေနဲ့ ပြည်သူလူထုတွေက ပူးပေါင်းဆောင်ရွက်နေကြတယ်လို့ ကယန်းပြည်သစ်ပါတီ စစ်ရေးချုပ် ဦးအောင်မင်းက ပြောပါတယ်။

အစိုးရအဖွဲ့အစည်းတွေအနေနဲ့လက်လှမ်းမမှီနိုင်တဲ့ ရှမ်းပြည်နယ်၊ ကယားပြည်နယ်၊ ကရင်ပြည်နယ်နယ်စပ်ရှိ ကယန်းဒေသဖြစ်တဲ့ ပီကင်း၊ ဆီးပူး၊ လိပ်သိုဒေသတွေမှာ တိုင်းရင်းသားလက်နက်ကိုင်အဖွဲ့အစည်းတခုဖြစ်တဲ့ ကယန်းပြည်သစ်ပါတီနဲ့ လူထုတွေကနေ ပူးပေါင်းဆာင်ရွက်နေတာတွေရှိတယ်လို ဆိုပါတယ်။

ကယန်းအမျိုးသမီးအစည်းအရုံး(KyWO) နှင့် ကယန်းအမျိုးသားညီညွတ်ရေး ဦးဆောင်ကော်မတီ (HCKNU)မှ လတ်တလောတွင် ဖြစ်ပွားနေသော အသက်ရှူလမ်းကြောင်း ဆိုင်ရာ COVID – 19 ရောဂါကြိုတင် ကာကွယ်နိုင်ရန်အတွက် ကယန်းဒေသဘက်သို့ အသိပညာပေးလုပ်ငန်းများ ဆောင်ရွက်ရွက်နေကြစဉ်။ ဓါတ်ပုံ – Kayan Women’s Organization Facebook

“ ဒီအစိုးရအဖွဲ့ကတော့ သူတို့လုပ်နိုင်တဲ့အပိုင်း လုပ်တယ်ဆိုတာက ကျတော်တို့ဖယ်ခုံမြို့နယ်က ကျတော်တို့အစိုးရတွေလက်လှမ်း နည်းနည်းဝေးတယ်ဗျ ကျတော်တို့ဒီ ပီကင်းဒေသတွေ၊ ဆီးပူး ဒေသ၊ ကယောဒေသမှာ သူတို့လက်လှမ်းနည်းနည်းဝေးတဲ့အချိန်ကျ သူတို့ရဲ့ညွှန်ကြားမှုစီမံခံခွဲမှုက နည်းနည်းနှောက်နှေးတယ် ဝေးလဲဝေးတဲ့ အတွက်ကြောင့်ကျတော်တို့ကိုယ်ပိုင်အသိနဲ့ ကျတော်တို့အဓိက ကယန်းပြည်သစ်ပါတီအနေနဲ့ပြည်သူလူထုနဲ့ လက်တွဲပြီးအဓိက ကျတော်တို့လုပ်တာများတယ်။” လို့ ဦးအောင်မင်းက ကန္တာရဝတီတိုင်း(မ်)ကို ပြောပါတယ်။

ကယန်းပြည်သစ်ပါတီ၊ ကယန်းအမျိုးသားကျန်းမာရေးကော်မတီမှ Covid-19 စစ်ဆေး စမ်းသပ်ရေးဂိတ်တွေကတော့ ဗဟိုစစ်ဆေးရေးဂိတ်၊ ကဖုစစ်ဆေးရေးဂိတ်၊ ပျဉ်းမနားမြို့နယ်(နေပြည်တော်ကောင်စီနယ်မြေ) ရေပူလမ်းစုံစစ်ဆေးရေးဂိတ်၊ တောင်စလုံးစစ်ဆေးရေးဂိတ်၊ လေဒူခေါင်ဖုန်းဆိုး စစ်ဆေးရေးဂိတ်၊ မောင်ဘလော့စစ်ဆေးရေးဂိတ် တွေမှာ ထားရှိစစ်ဆေးနေတာဖြစ်ပါတယ်။

၎င်းစစ်ဆေးရေး ဂိတ်တွေမှ သံသယလူနာတွေကို အစိုးရဆေးရုံများသို့လွဲပြောင်းခြင်း လုပ်ငန်းတွေကို လုပ်ဆောင်နေတယ်လို့သိရပါတယ်။

Covid-19 ရောဂါကာကွယ်ဖို့အတွက်လဲ အစိုးရအဖွဲ့အစည်းတွေနဲ့ ပူးပေါင်းလုပ်ဆောင်နေတာတွေ ရှိတယ်လို့ ကယန်းပြည်သစ်ပါတီ စစ်ရေးချုပ် ဦးအောင်မင်းက ဆက်ပြောပါတယ်။

“ကျတော်တို့ဒီအစိုးရ အုပ်ချုပ်ရေးအဖွဲ့နဲ့ကျတော်တို့ဒီအဖွဲ့အစည်းရဲ့ ကျတော်တို့ရဲ့မြို့နယ်ပြည်သူ့အုပ်ချုပ်ရေးအဖွဲ့နဲ့ ပူးပေါင်းပြီးကျေးရွာတိုင်း ကျတော်တို့လက်ကမ်းစာစောင်တွေဝေ နောက်ကျတော်တို့အသိပညာဟောပြောပွဲတွေလဲ ကျတော်တို့အကုန်လုံးလုပ်ထားတယ်။” လို့ဆိုပါတယ်။

ကယန်းအမျိုးသမီးအစည်းအရုံး(KyWO) နှင့် ကယန်းအမျိုးသားညီညွတ်ရေး ဦးဆောင်ကော်မတီ (HCKNU)မှ လတ်တလောတွင် ဖြစ်ပွားနေသော အသက်ရှူလမ်းကြောင်း ဆိုင်ရာ COVID – 19 ရောဂါကြိုတင် ကာကွယ်နိုင်ရန်အတွက် ကယန်းဒေသဘက်သို့ အသိပညာပေးလုပ်ငန်းများ ဆောင်ရွက်ရွက်နေကြစဉ်။ ဓါတ်ပုံ – Kayan Women’s Organization Facebook

ကယန်းဒေသဘက်မှာရှိတဲ့ အရပ်ဖက်အဖွဲ့အစည်းတွေအနေနဲ့လည်း ကိုရိုနာဗိုင်းရပ်(စ်)ကူးစက်မှု ကြိုတင်ကာကွယ်ရေးလုပ်ငန်းတွေကို တစ်ဖက်တစ်လမ်း ဆောင်ရွက်နေတာလည်းရှိတယ်လို့ ကယန်းအမျိုးသမီးအဖွဲ့အထွေထွေ အတွင်းရင်းမှူး မူလားကော်ရင်းတီက ပြောပါတယ်။

၎င်းက “ အဓိက ခါကျတော့ ဒီဂိတ်တွေမှာလေ စစ်ဆေးတဲ့ဟာမျိုးတွေဆို လိုက်ကူညီဖြစ်တယ် လက်ရှိမှာတော့ ပြီးတော့ အခုနက ပြောသလိုဘဲ အဓိက ကယန်းဒေသတွေမှာပေါ့လေနော် ဘယ်အဖွဲ့အစည်းမှ မဝင်သေးတဲ့ ကယန်းဒေသတွေမှာ ကျမတို့ ဒီကိုရိုနာဗိုင်းရပ်စ်နဲ့ပတ်သတ်ပြီးတော့ အသံဖိုင်လေးတွေ၊ ဗီနိုင်းလေးတွေ၊ ဘန်းဖလက်လေးတွေလိုက်ဝေတယ်၊ ပြီးတော့ ဆပ်ပြာခဲလေးတွေလိုက်ဝေဖြစ်တယ်။” လို့ ပြောပါတယ်။

ကယားပြည်နယ်အတွင်းမှာ လွိုင်ကော်ဆေးရုံ၊ ဒီးမော့ဆိုဆေးရုံ၊ ရှမ်းပြည်နယ်တောင်ပိုင်း ဖယ်ခုံဆေးရုံ၊ ဖယ်ခုံမြို့နယ် ဆီးပူးဆေးရုံနဲ့ ကရင်ပြည်နယ် သံတောင်မြို့နယ် လိပ်သိုလ်ဆေးရုံတွေမှာလဲ Covid-19 ကာကွယ်တိုက်ဖျက်ရေးအတွက် ကျပ်၂၂၅သိန်းဖိုး ဆေးပစ္စည်းတွေကို ကယန်းပြည်သစ်ပါတီမှ သွားရောက် ထောက်ပံ့ပေးခဲ့တယ်လို့ သိရပါတယ်။

Comments

comments

Next Post

CHDN ဒါရိုက်တာ တစ်ဦးဖြစ်တဲ့ ခွန်းဖိလစ်နှင့် တွေ့ဆုံမေးမြန်းခြင်း

Tue Apr 7 , 2020
ကန္တာရဝတီတိုင်း(မ်) ကယား(ကရင်နီ)ပြည်နယ်အတွင်း အစိုးရလက်လမ်းမမှီတဲ့ ကျေးလက်ဒေသတွေဘက်မှာ လူထုတွေကျန်းမာရေး စောင့်ရှောက်မှုတွေကို လူထုကျန်းမာရေး နှင့်ဖွံ့ဖြိုးရေးကွန်ယက် ( Civil Health and Development Network – CHDN) အဖွဲ့ကနေပြီး တစ်ဖက်တစ်လမ်းဆောင်ရွက်ပေးနေပါတယ်။ ကရင်နီ ကျန်းမာရေးကဏ္ဍနှင့်ပတ်သက်လို့ လက်ရှိ အစိုးရဘက်ကဖော်ဆောင်နေတဲ့ မူပေါ်လစီနဲ့ ဖက်ဒရယ်ကျန်းမာရေးစနစ်သုံးသပ်ချက်တွေကို ကန္တာရဝတီတိုင်း(မ်)ကနေ ခွန်းဖိလစ်ကို တွေ့ဆုံမေးမြန်းထားပါတယ်။ ခွန်းဖိလစ်က လူထုကျန်းမာရေး နှင့်ဖွံ့ဖြိုးရေးကွန်ယက် ( Civil Health and Development Network – CHDN) မှ ဒါရိုက်တာ တစ်ဦးဖြစ်ပါတယ်။ CHDN အဖွဲ့ဟာဆိုရင် ကရင်နီပြည်နယ်ဒေသအတွင်းရှိ တိုင်းရင်းသားလက်နက်ကိုအဖွဲ့တွေကနေ စုစည်းထားတဲ့အဖွဲ့ဖြစ်ပြီး အစိုးရလက်လှမ်းမမီတဲ့ ကျေးလက်ဒေသတွေဘက်မှာ အဓိက ကျန်းမာရေးစောင့်ရှောက်မှု […]