spot_img
Sunday, January 29, 2023
spot_img

အမေရိကန်ရောက်ကရင်နီလူငယ်များမှ စစ်ရှောင်တွေအတွက် ချစ်ကြည်ရေးဘောလုံးပွဲ ကျင်းပပေးခဲ့

spot_imgspot_imgspot_imgspot_img

ကန္တာရဝတီတိုင်း(မ်)

ကရင်နီအမျိုးသားတိုးတက်ရေးပါတီ (KNPP)ထိန်းချုပ်နယ်မြေထဲက စစ်ရှောင်စခန်းတစ်ခုမှာ အမေရိကန်ရောက်ကရင်နီလူငယ်တွေကနေပြီး စစ်ရှောင်တွေအတွက် ချစ်ကြည်ရေး ဘောလုံးပြိုင်ပွဲ ကျင်းပပြုလုပ်ပေးခဲ့ပါတယ်။

ဘောလုံးပြိုင်ပွဲမှာ အဖွဲ့ပေါင်း ၁၀ ဖွဲ့ဝင်ရောက်ယှဉ်ပြိုင်ခဲ့ကြပြီး ဇူလိုင် ၂၉ရက်နေ့ကနေ ဩဂုတ် ၁ရက်နေ့အထိ လေးရက်တာ ကျင်းပပြုလုပ်ခဲ့ကြပါတယ်။

လူငယ်တွေ၊ ကျောင်းသားတွေ စိတ်ဓါတ်မြှင့်တင်ဖို့အတွက်နဲ့ ချစ်ကြည်မှုရရှိကြဖို့ ရည်ရွယ်ပြီး ကျင်းပပေးခဲ့တာဖြစ်ပါတယ်။

“ဒီတစ်နှစ်တာ ကာလပတ်လုံးအတွင်းမှာ တော်လှန်ရေး ဖြစ်နေတဲ့အချိန်မှာ သူတို့တွေလည်း တချို့ စိတ်တွေ မွန်းကျပ်တာလည်း ရှိနေမှာပေါ့နော။ အားကစားဆိုတဲ့ဟာမျိုးကတော့ ကစားတတ်ရင်တော့ ကျန်းမာရေးအရလည်း အဆင်ပြေသလို စိတ်ဓါတ်ဖက်မှာလည်း မြှင့်တင်ပေးတာပေါ့နော။” စစ်ရှောင်စခန်းမှ ကျေးရွာအုပ်ချုပ်ရေးမှူး ဦးခါးထယ် က ပြောပါတယ်။

ပြိုင်ပွဲကို လာရောက်အားပေးတဲ့ စစ်ရှောင်အမျိုးသမီးက အခုလို အားကစားပြိုင်ပွဲတွေကို ထပ်မံ လာရောက် ကျင်းပပေးစေချင်တယ်လို့ ပြောပါတယ်။

“ ကျမ အခု ဒီပြိုင်ပွဲလာကြည့်တာ အရမ်းပျော်တယ်ပေါ့နော။ ပြီးတော့ ကျမတို့ အခုလို ပျော်ပွဲရွှင်ပွဲ မကြည့်ရတာလည်း ကြာပြီလေ။ စစ်ရှောင်နေရတော့ အခုလို မကြည့်ရတာကြာပြီ။ အခုလို လာရောက်ကျင်းပပေးတဲ့အတွက် ပျော်တယ် နောက်ကျရင် ထပ်လာလုပ်ပေးရင် ပိုပျော်တာပေါ့။ “ လို့ ပြောပါတယ်။

၄ရက်တာ ဘောလုံးပွဲကျင်းပပြီးနောက် ပထမဆု၊ ဒုတိယဆု၊ တတိယဆု အသီးသီးရရှိတဲ့အဖွဲ့ကို ဆုကြေးနဲ့ဖလားချီးမြှင့်ခဲ့ပြီး ကျန်တဲ့အသင်းတစ်ဖွဲ့စီတိုင်းကို နှစ်သိမ့်ဆုချီးမြှင့်ခဲ့တယ်လို့ သိရပါတယ်။

တိုက်ပွဲတွေ နေ့စဉ်ရက်ဆက်ဖြစ်ပွားနေတဲ့ ကရင်နီပြည်နယ်မှာ စစ်ရှောင်ဒေသခံပြည်သူတွေဟာ မိမိမြို့၊ နေရပ်ပြန်နိုင်ခြင်းမရှိသေးပါဘူး။

spot_imgspot_imgspot_imgspot_img

More from the blog

တိုက်ပွဲကြောင့် ထပ်ဆင့်ပြောင်းရွှေ့ရတဲ့ IDPs များ စားနပ်ရိက္ခာ အခက်အခဲ တွေနဲ့ ကြုံတွေ့နေရ

ကန္တာရဝတီ တိုင်း(မ်) ကရင်နီပြည် ဒီးမော့ဆို အရှေ့ဘက်ခြမ်းကို စစ်ကြောင်းထိုးလာတဲ့ စစ်ကောင်စီတပ်နဲ့ ဒေသခံ ပြည်သူ့ကာကွယ်ရေး တပ်ဖွဲ့တို့ ဇန်နဝါရီလ ၂၂ ရက်နေ့စ တိုက်ပွဲ ပြင်းထန်နေပြီး စစ်ရှောင်စခန်းအတွင်း လက်နက်ကြီးများ ကျရောက်ပေါက်ကွဲ ထိခိုက်မှုတွေကြောင့် IDPs စစ်ရှောင်စခန်း (၃)ခု ထပ်မံပြောင်းရွေ့ခဲ့ကြရပါတယ်။ ဇန်နဝါရီလ ၂၃ ရက်နေ့လောက်က...

ကရင်နီပြည်မှာ ပြုလုပ်မယ့် စစ်ကောင်စီရွေးကောက်ပွဲကို တော်လှန်ရေးအင်အားစုတွေ ဆန့်ကျင်သွားမည်

ကန္တာရဝတီတိုင်း( မ် ) ကရင်နီပြည်မှာ ၂၀၂၃ခုနှစ်အတွင်း စစ်ကောင်စီကပြုလုပ်မယ့် ရွေးကောက်ပွဲကို ပြုလုပ်ခွင့်ပေးမှာမဟုတ်ပဲ ဆန့်ကျင်သွားမယ်လို့ တော်လှန်ရေးအင်အားစုကနေ ဒီကနေ့ ဇန်နဝါရီလ ၂၈ ရက်နေ့မှာ ပူးတွဲ သဘောထား ထုတ်ပြန်ထားပါတယ်။ တော်လှန်ရေးအင်အားစုတွေဖြစ်ကြတဲ့ ကရင်နီအမျိုးသားများကာကွယ်ရေးတပ် (KNDF)၊ ပြည်သူ့ကာကွယ်ရေးတပ် ဒီးမော့ဆို (DMO-PDF) ကနေ လူထုဆန္ဒမပါဝင်တဲ့ တရားမဝင်အတုအယောင်...

ကတ်သလစ်ခရစ်ယာန်ဘာသာဝင်တို့ရဲ့ “မယ်တော်ပွဲ” ဆုတောင်းခြင်းအစီအစဉ် ပြုလုပ်

ကန္တာရဝတီတိုင်း(မ်) ကရင်နီပြည် ဒီးမော့ဆိုမြို့အနောက်ဖက်ခြမ်း စစ်ရှောင်စခန်းတစ်နေရာမှာ ကတ်သလစ်ခရစ်ယာန်ဘာသာဝင်တို့ရဲ့ "မယ်တော်ပွဲ" ဆုတောင်းခြင်းအစီအစဉ်ကို ဒီကနေ့ ဇန်နဝါရီလ ၂၈ ရက်နေ့မှာ ကျင်းပပြုလုပ်ခဲ့ပါတယ်။ "ရည်ရွယ်ချက်ကတော့ ဒီမြန်မာပြည်ငြိမ်းချမ်းဖို့ရယ် စစ်ရှောင်ပြည်သူတွေ အိမ်မြန်မြန်ပြန်နိုင်ဖို့ရယ် ပြီးတော့ တိုက်ပွဲဝင်နေတဲ့ရဲဘော်တွေ ဘေးကင်းဖို့ရည်ရွယ်ပြီးဆုတောင်းပွဲလုပ်တာပေါ့။ " လို့ ပွဲကျင်းပရေးတာဝန်ရှိသူတစ်ဦးက ဆိုပါတယ်။ ယခင် အာဏာမသိမ်းခင်က တစ်နှစ်တစ်ကြိမ် စည်ကားစွာကျင်းပခဲ့ပေမယ့်...

ဒီးမော့ဆို အရှေ့ဘက်ခြမ်း စစ်ရှောင်စခန်းတစ်နေရာတွင် မွေးခင်းစ ကလေးငယ်တစ်ဦး သေဆုံး

ကေးဒူ ( ကန္တာရဝတီ တိုင်း(မ်)) ကရင်နီပြည် ဒီးမော့ဆို အရှေ့ဘက်ခြမ်း စစ်ရှောင်စခန်းတစ်နေရာတွင် မွေးခင်းစ ကလေးငယ်တစ်ဦး ဆေးခန်းသွားပြရင်း လမ်းမှာ သေဆုံးသွားခဲ့တယ်လို့ သိရပါတယ်။ ဇန်နဝါရီလ ၂၆ ရက်နေ့ မနက် ၂ နာရီ လောက်က မွေးတာဖြစ်ပြီး ကလေးက မိခင်နို့မစို့နိုင်လို့ အနောက်ဘက်ခြမ်းကို ဆေးခန်းသွားပြရင်း...